𑌆𑌦𑌿𑌲𑌕𑍍𑌷𑍍𑌮𑌿
𑌸𑍁𑌮𑌨𑌸 𑌵𑌂𑌦𑌿𑌤 𑌸𑍁𑌂𑌦𑌰𑌿 𑌮𑌾𑌧𑌵𑌿, 𑌚𑌂𑌦𑍍𑌰 𑌸𑌹𑍋𑌦𑌰𑌿 𑌹𑍇𑌮𑌮𑌯𑍇
𑌮𑍁𑌨𑌿𑌗𑌣 𑌵𑌂𑌦𑌿𑌤 𑌮𑍋𑌕𑍍𑌷𑌪𑍍𑌰𑌦𑌾𑌯𑌨𑌿, 𑌮𑌂𑌜𑍁𑌲 𑌭𑌾𑌷𑌿𑌣𑌿 𑌵𑍇𑌦𑌨𑍁𑌤𑍇 ।
𑌪𑌂𑌕𑌜𑌵𑌾𑌸𑌿𑌨𑌿 𑌦𑍇𑌵 𑌸𑍁𑌪𑍂𑌜𑌿𑌤, 𑌸𑌦𑍍𑌗𑍁𑌣 𑌵𑌰𑍍𑌷𑌿𑌣𑌿 𑌶𑌾𑌂𑌤𑌿𑌯𑍁𑌤𑍇
𑌜𑌯 𑌜𑌯𑌹𑍇 𑌮𑌧𑍁𑌸𑍂𑌦𑌨 𑌕𑌾𑌮𑌿𑌨𑌿, 𑌆𑌦𑌿𑌲𑌕𑍍𑌷𑍍𑌮𑌿 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 1 ॥
𑌧𑌾𑌨𑍍𑌯𑌲𑌕𑍍𑌷𑍍𑌮𑌿
𑌅𑌯𑌿𑌕𑌲𑌿 𑌕𑌲𑍍𑌮𑌷 𑌨𑌾𑌶𑌿𑌨𑌿 𑌕𑌾𑌮𑌿𑌨𑌿, 𑌵𑍈𑌦𑌿𑌕 𑌰𑍂𑌪𑌿𑌣𑌿 𑌵𑍇𑌦𑌮𑌯𑍇
𑌕𑍍𑌷𑍀𑌰 𑌸𑌮𑍁𑌦𑍍𑌭𑌵 𑌮𑌂𑌗𑌳 𑌰𑍂𑌪𑌿𑌣𑌿, 𑌮𑌂𑌤𑍍𑌰𑌨𑌿𑌵𑌾𑌸𑌿𑌨𑌿 𑌮𑌂𑌤𑍍𑌰𑌨𑍁𑌤𑍇 ।
𑌮𑌂𑌗𑌳𑌦𑌾𑌯𑌿𑌨𑌿 𑌅𑌂𑌬𑍁𑌜𑌵𑌾𑌸𑌿𑌨𑌿, 𑌦𑍇𑌵𑌗𑌣𑌾𑌶𑍍𑌰𑌿𑌤 𑌪𑌾𑌦𑌯𑍁𑌤𑍇
𑌜𑌯 𑌜𑌯𑌹𑍇 𑌮𑌧𑍁𑌸𑍂𑌦𑌨 𑌕𑌾𑌮𑌿𑌨𑌿, 𑌧𑌾𑌨𑍍𑌯𑌲𑌕𑍍𑌷𑍍𑌮𑌿 𑌸𑌦𑌾𑌪𑌾𑌲𑌯 𑌮𑌾𑌮𑍍 [𑌪𑌰𑌿𑌪𑌾𑌲𑌯 𑌮𑌾𑌮𑍍] ॥ 2 ॥
𑌧𑍈𑌰𑍍𑌯𑌲𑌕𑍍𑌷𑍍𑌮𑌿
𑌜𑌯𑌵𑌰𑌵𑌰𑍍𑌷𑌿𑌣𑌿 𑌵𑍈𑌷𑍍𑌣𑌵𑌿 𑌭𑌾𑌰𑍍𑌗𑌵𑌿, 𑌮𑌂𑌤𑍍𑌰 𑌸𑍍𑌵𑌰𑍂𑌪𑌿𑌣𑌿 𑌮𑌂𑌤𑍍𑌰𑌮𑌯𑍇 [𑌜𑌯𑌵𑌰𑌵𑌰𑍍𑌣𑌿𑌨𑌿]
𑌸𑍁𑌰𑌗𑌣 𑌪𑍂𑌜𑌿𑌤 𑌶𑍀𑌘𑍍𑌰 𑌫𑌲𑌪𑍍𑌰𑌦, 𑌜𑍍𑌞𑌾𑌨 𑌵𑌿𑌕𑌾𑌸𑌿𑌨𑌿 𑌶𑌾𑌸𑍍𑌤𑍍𑌰𑌨𑍁𑌤𑍇 ।
𑌭𑌵𑌭𑌯𑌹𑌾𑌰𑌿𑌣𑌿 𑌪𑌾𑌪𑌵𑌿𑌮𑍋𑌚𑌨𑌿, 𑌸𑌾𑌧𑍁 𑌜𑌨𑌾𑌶𑍍𑌰𑌿𑌤 𑌪𑌾𑌦𑌯𑍁𑌤𑍇
𑌜𑌯 𑌜𑌯𑌹𑍇 𑌮𑌧𑍁 𑌸𑍂𑌧𑌨 𑌕𑌾𑌮𑌿𑌨𑌿, 𑌧𑍈𑌰𑍍𑌯𑌲𑌕𑍍𑌷𑍍𑌮𑍀 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 3 ॥
𑌗𑌜𑌲𑌕𑍍𑌷𑍍𑌮𑌿
𑌜𑌯 𑌜𑌯 𑌦𑍁𑌰𑍍𑌗𑌤𑌿 𑌨𑌾𑌶𑌿𑌨𑌿 𑌕𑌾𑌮𑌿𑌨𑌿, 𑌸𑌰𑍍𑌵𑌫𑌲𑌪𑍍𑌰𑌦 𑌶𑌾𑌸𑍍𑌤𑍍𑌰𑌮𑌯𑍇
𑌰𑌧𑌗𑌜 𑌤𑍁𑌰𑌗𑌪𑌦𑌾𑌤𑌿 𑌸𑌮𑌾𑌵𑍃𑌤, 𑌪𑌰𑌿𑌜𑌨 𑌮𑌂𑌡𑌿𑌤 𑌲𑍋𑌕𑌨𑍁𑌤𑍇 ।
𑌹𑌰𑌿𑌹𑌰 𑌬𑍍𑌰𑌹𑍍𑌮 𑌸𑍁𑌪𑍂𑌜𑌿𑌤 𑌸𑍇𑌵𑌿𑌤, 𑌤𑌾𑌪 𑌨𑌿𑌵𑌾𑌰𑌿𑌣𑌿 𑌪𑌾𑌦𑌯𑍁𑌤𑍇
𑌜𑌯 𑌜𑌯𑌹𑍇 𑌮𑌧𑍁𑌸𑍂𑌦𑌨 𑌕𑌾𑌮𑌿𑌨𑌿, 𑌗𑌜𑌲𑌕𑍍𑌷𑍍𑌮𑍀 𑌰𑍂𑌪𑍇𑌣 𑌪𑌾𑌲𑌯 𑌮𑌾𑌮𑍍 ॥ 4 ॥
𑌸𑌂𑌤𑌾𑌨𑌲𑌕𑍍𑌷𑍍𑌮𑌿
𑌅𑌯𑌿𑌖𑌗 𑌵𑌾𑌹𑌿𑌨𑌿 𑌮𑍋𑌹𑌿𑌨𑌿 𑌚𑌕𑍍𑌰𑌿𑌣𑌿, 𑌰𑌾𑌗𑌵𑌿𑌵𑌰𑍍𑌧𑌿𑌨𑌿 𑌜𑍍𑌞𑌾𑌨𑌮𑌯𑍇
𑌗𑍁𑌣𑌗𑌣𑌵𑌾𑌰𑌧𑌿 𑌲𑍋𑌕𑌹𑌿𑌤𑍈𑌷𑌿𑌣𑌿, 𑌸𑍍𑌵𑌰𑌸𑌪𑍍𑌤 𑌭𑍂𑌷𑌿𑌤 𑌗𑌾𑌨𑌨𑍁𑌤𑍇 । [𑌸𑌪𑍍𑌤𑌸𑍍𑌵𑌰]
𑌸𑌕𑌲 𑌸𑍁𑌰𑌾𑌸𑍁𑌰 𑌦𑍇𑌵 𑌮𑍁𑌨𑍀𑌶𑍍𑌵𑌰, 𑌮𑌾𑌨𑌵 𑌵𑌂𑌦𑌿𑌤 𑌪𑌾𑌦𑌯𑍁𑌤𑍇
𑌜𑌯 𑌜𑌯𑌹𑍇 𑌮𑌧𑍁𑌸𑍂𑌦𑌨 𑌕𑌾𑌮𑌿𑌨𑌿, 𑌸𑌂𑌤𑌾𑌨𑌲𑌕𑍍𑌷𑍍𑌮𑍀 𑌤𑍍𑌵𑌂 𑌪𑌾𑌲𑌯 𑌮𑌾𑌮𑍍 [𑌪𑌰𑌿𑌪𑌾𑌲𑌯 𑌮𑌾𑌮𑍍] ॥ 5 ॥
𑌵𑌿𑌜𑌯𑌲𑌕𑍍𑌷𑍍𑌮𑌿
𑌜𑌯 𑌕𑌮𑌲𑌾𑌸𑌿𑌨𑌿 𑌸𑌦𑍍𑌗𑌤𑌿 𑌦𑌾𑌯𑌿𑌨𑌿, 𑌜𑍍𑌞𑌾𑌨𑌵𑌿𑌕𑌾𑌸𑌿𑌨𑌿 𑌗𑌾𑌨𑌮𑌯𑍇
𑌅𑌨𑍁𑌦𑌿𑌨 𑌮𑌰𑍍𑌚𑌿𑌤 𑌕𑍁𑌂𑌕𑍁𑌮 𑌧𑍂𑌸𑌰, 𑌭𑍂𑌷𑌿𑌤 𑌵𑌾𑌸𑌿𑌤 𑌵𑌾𑌦𑍍𑌯𑌨𑍁𑌤𑍇 ।
𑌕𑌨𑌕𑌧𑌰𑌾𑌸𑍍𑌤𑍁𑌤𑌿 𑌵𑍈𑌭𑌵 𑌵𑌂𑌦𑌿𑌤, 𑌶𑌂𑌕𑌰𑌦𑍇𑌶𑌿𑌕 𑌮𑌾𑌨𑍍𑌯𑌪𑌦𑍇
𑌜𑌯 𑌜𑌯𑌹𑍇 𑌮𑌧𑍁𑌸𑍂𑌦𑌨 𑌕𑌾𑌮𑌿𑌨𑌿, 𑌵𑌿𑌜𑌯𑌲𑌕𑍍𑌷𑍍𑌮𑍀 𑌸𑌦𑌾 𑌪𑌾𑌲𑌯 𑌮𑌾𑌮𑍍 [𑌪𑌰𑌿𑌪𑌾𑌲𑌯 𑌮𑌾𑌮𑍍] ॥ 6 ॥
𑌵𑌿𑌦𑍍𑌯𑌾𑌲𑌕𑍍𑌷𑍍𑌮𑌿
𑌪𑍍𑌰𑌣𑌤 𑌸𑍁𑌰𑍇𑌶𑍍𑌵𑌰𑌿 𑌭𑌾𑌰𑌤𑌿 𑌭𑌾𑌰𑍍𑌗𑌵𑌿, 𑌶𑍋𑌕𑌵𑌿𑌨𑌾𑌶𑌿𑌨𑌿 𑌰𑌤𑍍𑌨𑌮𑌯𑍇
𑌮𑌣𑌿𑌮𑌯 𑌭𑍂𑌷𑌿𑌤 𑌕𑌰𑍍𑌣𑌵𑌿𑌭𑍂𑌷𑌣, 𑌶𑌾𑌂𑌤𑌿 𑌸𑌮𑌾𑌵𑍃𑌤 𑌹𑌾𑌸𑍍𑌯𑌮𑍁𑌖𑍇 ।
𑌨𑌵𑌨𑌿𑌧𑌿 𑌦𑌾𑌯𑌿𑌨𑌿 𑌕𑌲𑌿𑌮𑌲𑌹𑌾𑌰𑌿𑌣𑌿, 𑌕𑌾𑌮𑌿𑌤 𑌫𑌲𑌪𑍍𑌰𑌦 𑌹𑌸𑍍𑌤𑌯𑍁𑌤𑍇
𑌜𑌯 𑌜𑌯𑌹𑍇 𑌮𑌧𑍁𑌸𑍂𑌦𑌨 𑌕𑌾𑌮𑌿𑌨𑌿, 𑌵𑌿𑌦𑍍𑌯𑌾𑌲𑌕𑍍𑌷𑍍𑌮𑍀 𑌸𑌦𑌾 𑌪𑌾𑌲𑌯 𑌮𑌾𑌮𑍍 ॥ ॥
𑌧𑌨𑌲𑌕𑍍𑌷𑍍𑌮𑌿
𑌧𑌿𑌮𑌿𑌧𑌿𑌮𑌿 𑌧𑌿𑌂𑌧𑌿𑌮𑌿 𑌧𑌿𑌂𑌧𑌿𑌮𑌿-𑌦𑌿𑌂𑌧𑌿𑌮𑌿, 𑌦𑍁𑌂𑌧𑍁𑌭𑌿 𑌨𑌾𑌦 𑌸𑍁𑌪𑍂𑌰𑍍𑌣𑌮𑌯𑍇
𑌘𑍁𑌮𑌘𑍁𑌮 𑌘𑍁𑌂𑌘𑍁𑌮 𑌘𑍁𑌂𑌘𑍁𑌮 𑌘𑍁𑌂𑌘𑍁𑌮, 𑌶𑌂𑌖 𑌨𑌿𑌨𑌾𑌦 𑌸𑍁𑌵𑌾𑌦𑍍𑌯𑌨𑍁𑌤𑍇 ।
𑌵𑍇𑌦 𑌪𑍂𑌰𑌾𑌣𑍇𑌤𑌿𑌹𑌾𑌸 𑌸𑍁𑌪𑍂𑌜𑌿𑌤, 𑌵𑍈𑌦𑌿𑌕 𑌮𑌾𑌰𑍍𑌗 𑌪𑍍𑌰𑌦𑌰𑍍𑌶𑌯𑍁𑌤𑍇
𑌜𑌯 𑌜𑌯𑌹𑍇 𑌮𑌧𑍁𑌸𑍂𑌦𑌨 𑌕𑌾𑌮𑌿𑌨𑌿, 𑌧𑌨𑌲𑌕𑍍𑌷𑍍𑌮𑌿 𑌰𑍂𑌪𑍇𑌣𑌾 𑌪𑌾𑌲𑌯 𑌮𑌾𑌮𑍍 ॥ ॥
𑌫𑌲𑌶𑍃𑌤𑌿
𑌶𑍍𑌲𑍋॥ 𑌅𑌷𑍍𑌟𑌲𑌕𑍍𑌷𑍍𑌮𑍀 𑌨𑌮𑌸𑍍𑌤𑍁𑌭𑍍𑌯𑌂 𑌵𑌰𑌦𑍇 𑌕𑌾𑌮𑌰𑍂𑌪𑌿𑌣𑌿 ।
𑌵𑌿𑌷𑍍𑌣𑍁𑌵𑌕𑍍𑌷𑌃 𑌸𑍍𑌥𑌲𑌾 𑌰𑍂𑌢𑍇 𑌭𑌕𑍍𑌤 𑌮𑍋𑌕𑍍𑌷 𑌪𑍍𑌰𑌦𑌾𑌯𑌿𑌨𑌿 ॥
𑌶𑍍𑌲𑍋॥ 𑌶𑌂𑌖 𑌚𑌕𑍍𑌰𑌗𑌦𑌾𑌹𑌸𑍍𑌤𑍇 𑌵𑌿𑌶𑍍𑌵𑌰𑍂𑌪𑌿𑌣𑌿𑌤𑍇 𑌜𑌯𑌃 ।
𑌜𑌗𑌨𑍍𑌮𑌾𑌤𑍍𑌰𑍇 𑌚 𑌮𑍋𑌹𑌿𑌨𑍍𑌯𑍈 𑌮𑌂𑌗𑌳𑌂 𑌶𑍁𑌭 𑌮𑌂𑌗𑌳𑌮𑍍 ॥
