𑌅𑌖𑌂𑌡𑌮𑌂𑌡𑌲𑌾𑌕𑌾𑌰𑌂 𑌵𑍍𑌯𑌾𑌪𑍍𑌤𑌂 𑌯𑍇𑌨 𑌚𑌰𑌾𑌚𑌰𑌮𑍍 ।
𑌤𑌤𑍍𑌪𑌦𑌂 𑌦𑌰𑍍𑌶𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 1 ॥

𑌅𑌜𑍍𑌞𑌾𑌨𑌤𑌿𑌮𑌿𑌰𑌾𑌂𑌧𑌸𑍍𑌯 𑌜𑍍𑌞𑌾𑌨𑌾𑌂𑌜𑌨𑌶𑌲𑌾𑌕𑌯𑌾 ।
𑌚𑌕𑍍𑌷𑍁𑌰𑍁𑌨𑍍𑌮𑍀𑌲𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 2 ॥

𑌗𑍁𑌰𑍁𑌰𑍍𑌬𑍍𑌰𑌹𑍍𑌮𑌾 𑌗𑍁𑌰𑍁𑌰𑍍𑌵𑌿𑌷𑍍𑌣𑍁𑌃 𑌗𑍁𑌰𑍁𑌰𑍍𑌦𑍇𑌵𑍋 𑌮𑌹𑍇𑌶𑍍𑌵𑌰𑌃 ।
𑌗𑍁𑌰𑍁𑌰𑍇𑌵 𑌪𑌰𑌂𑌬𑍍𑌰𑌹𑍍𑌮 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 3 ॥

𑌸𑍍𑌥𑌾𑌵𑌰𑌂 𑌜𑌂𑌗𑌮𑌂 𑌵𑍍𑌯𑌾𑌪𑍍𑌤𑌂 𑌯𑌤𑍍𑌕𑌿𑌂𑌚𑌿𑌤𑍍𑌸𑌚𑌰𑌾𑌚𑌰𑌮𑍍 ।
𑌤𑌤𑍍𑌪𑌦𑌂 𑌦𑌰𑍍𑌶𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 4 ॥

𑌚𑌿𑌨𑍍𑌮𑌯𑌂 𑌵𑍍𑌯𑌾𑌪𑌿𑌯𑌤𑍍𑌸𑌰𑍍𑌵𑌂 𑌤𑍍𑌰𑍈𑌲𑍋𑌕𑍍𑌯𑌂 𑌸𑌚𑌰𑌾𑌚𑌰𑌮𑍍 ।
𑌤𑌤𑍍𑌪𑌦𑌂 𑌦𑌰𑍍𑌶𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 5 ॥

𑌤𑍍𑌸𑌰𑍍𑌵𑌶𑍍𑌰𑍁𑌤𑌿𑌶𑌿𑌰𑍋𑌰𑌤𑍍𑌨𑌵𑌿𑌰𑌾𑌜𑌿𑌤 𑌪𑌦𑌾𑌂𑌬𑍁𑌜𑌃 ।
𑌵𑍇𑌦𑌾𑌂𑌤𑌾𑌂𑌬𑍁𑌜𑌸𑍂𑌰𑍍𑌯𑍋𑌯𑌃 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 6 ॥

𑌚𑍈𑌤𑌨𑍍𑌯𑌃 𑌶𑌾𑌶𑍍𑌵𑌤𑌃𑌶𑌾𑌂𑌤𑍋 𑌵𑍍𑌯𑍋𑌮𑌾𑌤𑍀𑌤𑍋 𑌨𑌿𑌰𑌂𑌜𑌨𑌃 ।
𑌬𑌿𑌂𑌦𑍁𑌨𑌾𑌦 𑌕𑌲𑌾𑌤𑍀𑌤𑌃 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭 ॥

𑌜𑍍𑌞𑌾𑌨𑌶𑌕𑍍𑌤𑌿𑌸𑌮𑌾𑌰𑍂𑌢𑌃 𑌤𑌤𑍍𑌤𑍍𑌵𑌮𑌾𑌲𑌾𑌵𑌿𑌭𑍂𑌷𑌿𑌤𑌃 ।
𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌾𑌤𑌾 𑌚 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍮 ॥

𑌅𑌨𑍇𑌕𑌜𑌨𑍍𑌮𑌸𑌂𑌪𑍍𑌰𑌾𑌪𑍍𑌤 𑌕𑌰𑍍𑌮𑌬𑌂𑌧𑌵𑌿𑌦𑌾𑌹𑌿𑌨𑍇 ।
𑌆𑌤𑍍𑌮𑌜𑍍𑌞𑌾𑌨𑌪𑍍𑌰𑌦𑌾𑌨𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍯 ॥

𑌶𑍋𑌷𑌣𑌂 𑌭𑌵𑌸𑌿𑌂𑌧𑍋𑌶𑍍𑌚 𑌜𑍍𑌞𑌾𑌪𑌣𑌂 𑌸𑌾𑌰𑌸𑌂𑌪𑌦𑌃 ।
𑌗𑍁𑌰𑍋𑌃 𑌪𑌾𑌦𑍋𑌦𑌕𑌂 𑌸𑌮𑍍𑌯𑌕𑍍 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 10 ॥

𑌨 𑌗𑍁𑌰𑍋𑌰𑌧𑌿𑌕𑌂 𑌤𑌤𑍍𑌤𑍍𑌵𑌂 𑌨 𑌗𑍁𑌰𑍋𑌰𑌧𑌿𑌕𑌂 𑌤𑌪𑌃 ।
𑌤𑌤𑍍𑌤𑍍𑌵𑌜𑍍𑌞𑌾𑌨𑌾𑌤𑍍𑌪𑌰𑌂 𑌨𑌾𑌸𑍍𑌤𑌿 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 11 ॥

𑌮𑌨𑍍𑌨𑌾𑌥𑌃 𑌶𑍍𑌰𑍀𑌜𑌗𑌨𑍍𑌨𑌾𑌥𑌃 𑌮𑌦𑍍𑌗𑍁𑌰𑍁𑌃 𑌶𑍍𑌰𑍀𑌜𑌗𑌦𑍍𑌗𑍁𑌰𑍁𑌃 ।
𑌮𑌦𑌾𑌤𑍍𑌮𑌾 𑌸𑌰𑍍𑌵𑌭𑍂𑌤𑌾𑌤𑍍𑌮𑌾 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 12 ॥

𑌗𑍁𑌰𑍁𑌰𑌾𑌦𑌿𑌰𑌨𑌾𑌦𑌿𑌶𑍍𑌚 𑌗𑍁𑌰𑍁𑌃 𑌪𑌰𑌮𑌦𑍈𑌵𑌤𑌮𑍍 ।
𑌗𑍁𑌰𑍋𑌃 𑌪𑌰𑌤𑌰𑌂 𑌨𑌾𑌸𑍍𑌤𑌿 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 13 ॥

𑌤𑍍𑌵𑌮𑍇𑌵 𑌮𑌾𑌤𑌾 𑌚 𑌪𑌿𑌤𑌾 𑌤𑍍𑌵𑌮𑍇𑌵
𑌤𑍍𑌵𑌮𑍇𑌵 𑌬𑌂𑌧𑍁𑌶𑍍𑌚 𑌸𑌖𑌾 𑌤𑍍𑌵𑌮𑍇𑌵 ।
𑌤𑍍𑌵𑌮𑍇𑌵 𑌵𑌿𑌦𑍍𑌯𑌾 𑌦𑍍𑌰𑌵𑌿𑌣𑌂 𑌤𑍍𑌵𑌮𑍇𑌵
𑌤𑍍𑌵𑌮𑍇𑌵 𑌸𑌰𑍍𑌵𑌂 𑌮𑌮 𑌦𑍇𑌵 𑌦𑍇𑌵 ॥ 14 ॥