𑌶𑌰𑍀𑌰𑌂 𑌸𑍁𑌰𑍂𑌪𑌂 𑌤𑌥𑌾 𑌵𑌾 𑌕𑌲𑌤𑍍𑌰𑌂
𑌯𑌶𑌶𑍍𑌚𑌾𑌰𑍁 𑌚𑌿𑌤𑍍𑌰𑌂 𑌧𑌨𑌂 𑌮𑍇𑌰𑍁 𑌤𑍁𑌲𑍍𑌯𑌮𑍍 ।
𑌮𑌨𑌶𑍍𑌚𑍇𑌨 𑌲𑌗𑍍𑌨𑌂 𑌗𑍁𑌰𑍋𑌰𑌘𑍍𑌰𑌿𑌪𑌦𑍍𑌮𑍇
𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌮𑍍 ॥ 1 ॥
𑌕𑌲𑌤𑍍𑌰𑌂 𑌧𑌨𑌂 𑌪𑍁𑌤𑍍𑌰 𑌪𑍌𑌤𑍍𑌰𑌾𑌦𑌿𑌸𑌰𑍍𑌵𑌂
𑌗𑍃𑌹𑍋 𑌬𑌾𑌂𑌧𑌵𑌾𑌃 𑌸𑌰𑍍𑌵𑌮𑍇𑌤𑌦𑍍𑌧𑌿 𑌜𑌾𑌤𑌮𑍍 ।
𑌮𑌨𑌶𑍍𑌚𑍇𑌨 𑌲𑌗𑍍𑌨𑌂 𑌗𑍁𑌰𑍋𑌰𑌘𑍍𑌰𑌿𑌪𑌦𑍍𑌮𑍇
𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌮𑍍 ॥ 2 ॥
𑌷𑌡𑍍𑌕𑍍𑌷𑌂𑌗𑌾𑌦𑌿𑌵𑍇𑌦𑍋 𑌮𑍁𑌖𑍇 𑌶𑌾𑌸𑍍𑌤𑍍𑌰𑌵𑌿𑌦𑍍𑌯𑌾
𑌕𑌵𑌿𑌤𑍍𑌵𑌾𑌦𑌿 𑌗𑌦𑍍𑌯𑌂 𑌸𑍁𑌪𑌦𑍍𑌯𑌂 𑌕𑌰𑍋𑌤𑌿 ।
𑌮𑌨𑌶𑍍𑌚𑍇𑌨 𑌲𑌗𑍍𑌨𑌂 𑌗𑍁𑌰𑍋𑌰𑌘𑍍𑌰𑌿𑌪𑌦𑍍𑌮𑍇
𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌮𑍍 ॥ 3 ॥
𑌵𑌿𑌦𑍇𑌶𑍇𑌷𑍁 𑌮𑌾𑌨𑍍𑌯𑌃 𑌸𑍍𑌵𑌦𑍇𑌶𑍇𑌷𑍁 𑌧𑌨𑍍𑌯𑌃
𑌸𑌦𑌾𑌚𑌾𑌰𑌵𑍃𑌤𑍍𑌤𑍇𑌷𑍁 𑌮𑌤𑍍𑌤𑍋 𑌨 𑌚𑌾𑌨𑍍𑌯𑌃 ।
𑌮𑌨𑌶𑍍𑌚𑍇𑌨 𑌲𑌗𑍍𑌨𑌂 𑌗𑍁𑌰𑍋𑌰𑌘𑍍𑌰𑌿𑌪𑌦𑍍𑌮𑍇
𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌮𑍍 ॥ 4 ॥
𑌕𑍍𑌷𑌮𑌾𑌮𑌂𑌡𑌲𑍇 𑌭𑍂𑌪𑌭𑍂𑌪𑌲𑌬𑍃𑌬𑍍𑌦𑍈𑌃
𑌸𑌦𑌾 𑌸𑍇𑌵𑌿𑌤𑌂 𑌯𑌸𑍍𑌯 𑌪𑌾𑌦𑌾𑌰𑌵𑌿𑌂𑌦𑌮𑍍 ।
𑌮𑌨𑌶𑍍𑌚𑍇𑌨 𑌲𑌗𑍍𑌨𑌂 𑌗𑍁𑌰𑍋𑌰𑌘𑍍𑌰𑌿𑌪𑌦𑍍𑌮𑍇
𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌮𑍍 ॥ 5 ॥
𑌯𑌶𑍋 𑌮𑍇 𑌗𑌤𑌂 𑌦𑌿𑌕𑍍𑌷𑍁 𑌦𑌾𑌨𑌪𑍍𑌰𑌤𑌾𑌪𑌾𑌤𑍍
𑌜𑌗𑌦𑍍𑌵𑌸𑍍𑌤𑍁 𑌸𑌰𑍍𑌵𑌂 𑌕𑌰𑍇 𑌯𑌤𑍍𑌪𑍍𑌰𑌸𑌾𑌦𑌾𑌤𑍍 ।
𑌮𑌨𑌶𑍍𑌚𑍇𑌨 𑌲𑌗𑍍𑌨𑌂 𑌗𑍁𑌰𑍋𑌰𑌘𑍍𑌰𑌿𑌪𑌦𑍍𑌮𑍇
𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌮𑍍 ॥ 6 ॥
𑌨 𑌭𑍋𑌗𑍇 𑌨 𑌯𑍋𑌗𑍇 𑌨 𑌵𑌾 𑌵𑌾𑌜𑌿𑌰𑌾𑌜𑍌
𑌨 𑌕𑌂𑌤𑌾𑌮𑍁𑌖𑍇 𑌨𑍈𑌵 𑌵𑌿𑌤𑍍𑌤𑍇𑌷𑍁 𑌚𑌿𑌤𑍍𑌤𑌮𑍍 ।
𑌮𑌨𑌶𑍍𑌚𑍇𑌨 𑌲𑌗𑍍𑌨𑌂 𑌗𑍁𑌰𑍋𑌰𑌘𑍍𑌰𑌿𑌪𑌦𑍍𑌮𑍇
𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌮𑍍 ॥ ॥
𑌅𑌰𑌣𑍍𑌯𑍇 𑌨 𑌵𑌾 𑌸𑍍𑌵𑌸𑍍𑌯 𑌗𑍇𑌹𑍇 𑌨 𑌕𑌾𑌰𑍍𑌯𑍇
𑌨 𑌦𑍇𑌹𑍇 𑌮𑌨𑍋 𑌵𑌰𑍍𑌤𑌤𑍇 𑌮𑍇 𑌤𑍍𑌵𑌨𑌰𑍍𑌧𑍍𑌯𑍇 ।
𑌮𑌨𑌶𑍍𑌚𑍇𑌨 𑌲𑌗𑍍𑌨𑌂 𑌗𑍁𑌰𑍋𑌰𑌘𑍍𑌰𑌿𑌪𑌦𑍍𑌮𑍇
𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌂 𑌤𑌤𑌃 𑌕𑌿𑌮𑍍 ॥ ॥
𑌗𑍁𑌰𑍋𑌰𑌷𑍍𑌟𑌕𑌂 𑌯𑌃 𑌪𑌠𑍇𑌤𑍍𑌪𑍁𑌰𑌾𑌯𑌦𑍇𑌹𑍀
𑌯𑌤𑌿𑌰𑍍𑌭𑍂𑌪𑌤𑌿𑌰𑍍𑌬𑍍𑌰𑌹𑍍𑌮𑌚𑌾𑌰𑍀 𑌚 𑌗𑍇𑌹𑍀 ।
𑌲𑌮𑍇𑌦𑍍𑌵𑌾𑌚𑍍𑌛𑌿𑌤𑌾𑌥𑌂 𑌪𑌦𑌂 𑌬𑍍𑌰𑌹𑍍𑌮𑌸𑌂𑌜𑍍𑌞𑌂
𑌗𑍁𑌰𑍋𑌰𑍁𑌕𑍍𑌤𑌵𑌾𑌕𑍍𑌯𑍇 𑌮𑌨𑍋 𑌯𑌸𑍍𑌯 𑌲𑌗𑍍𑌨𑌮𑍍 ॥ ॥
