ఓం అ॒హం రు॒ద్రేభి॒ర్వసు॑భిశ్చరామ్య॒హమా᳚ది॒త్యైరు॒త వి॒శ్వదే᳚వైః ।
అ॒హ-మ్మి॒త్రావరు॑ణో॒భా బి॑భర్మ్య॒హమి᳚న్ద్రా॒గ్నీ అ॒హమ॒శ్వినో॒భా ॥1॥
అ॒హం సోమ॑మాహ॒నస᳚-మ్బిభర్మ్య॒హ-న్త్వష్టా᳚రము॒త పూ॒షణ॒-మ్భగమ్᳚ ।
అ॒హ-న్ద॑ధామి॒ ద్రవి॑ణం హ॒విష్మ॑తే సుప్రా॒వ్యే॒ యే॑ 3 యజ॑మానాయ సున్వ॒తే ॥2॥
అ॒హం రాష్ట్రీ᳚ స॒ఙ్గమ॑నీ॒ వసూ᳚నా-ఞ్చికి॒తుషీ᳚ ప్రథ॒మా య॒జ్ఞియా᳚నామ్ ।
తా-మ్మా᳚ దే॒వా వ్య॑దధుః పురు॒త్రా భూరి॑స్థాత్రా॒-మ్భూ~ర్యా᳚వే॒శయన్తీ᳚మ్ ॥3॥
మయా॒ సో అన్న॑మత్తి యో వి॒పశ్య॑తి॒ యః ప్రాణి॑తి॒ య ఈం᳚ శృ॒ణోత్యు॒క్తమ్ ।
అ॒మ॒న్త॒వో॒మాన్త ఉప॑ఖ్షియన్తి॒ శ్రు॒ధి శ్రు॑తం శ్రద్ధి॒వ-న్తే᳚ వదామి ॥4॥
అ॒హమే॒వ స్వ॒యమి॒దం-వఀదా॑మి॒ జుష్ట᳚-న్దే॒వేభి॑రు॒త మాను॑షేభిః ।
య-ఙ్కా॒మయే॒ త-న్త॑ము॒గ్ర-ఙ్కృ॑ణోమి॒ త-మ్బ్ర॒హ్మాణ॒-న్తమృషి॒-న్తం సు॑మే॒ధామ్ ॥5॥
అ॒హం రు॒ద్రాయ॒ ధను॒రాత॑నోమి బ్రహ్మ॒ద్విషే॒ శర॑వే హన్త॒ వా ఉ॑ ।
అ॒హ-ఞ్జనా᳚య స॒మద᳚-ఙ్కృణోమ్య॒హ-న్ద్యావా᳚పృథి॒వీ ఆవి॑వేశ ॥6॥
అ॒హం సు॑వే పి॒తర॑మస్య మూ॒ర్ధ-న్మమ॒ యోని॑ర॒ప్స్వ॒న్త-స్స॑ము॒ద్రే ।
తతో॒ వితి॑ష్ఠే॒ భువ॒నాను॒ విశ్వో॒తామూ-న్ద్యాం-వఀ॒ర్ష్మణోప॑ స్పృశామి ॥7॥
అ॒హమే॒వ వాత॑ ఇవ॒ ప్రవా᳚మ్యా॒-రభ॑మాణా॒ భువ॑నాని॒ విశ్వా᳚ ।
ప॒రో ది॒వాపర॒ ఏ॒నా పృ॑థి॒వ్యై-తావ॑తీ మహి॒నా సమ్బ॑భూవ ॥8॥
ఓం శాన్తి॒-శ్శాన్తి॒-శ్శాన్తిః॑ ॥
॥ ఇతి ఋగ్వేదోక్త-న్దేవీసూక్తం సమాప్తమ్ ॥
॥త-థ్సత్ ॥
