రవిసుధాకర వహ్నిలోచన రత్నకుణ్డల భూషిణీ
ప్రవిమలమ్బుగ మమ్మునేలిన భక్తజన చిన్తామణీ ।
అవని జనులకు కొఙ్గుబఙ్గారైన దైవశిఖామణీ
శివుని పట్టపురాణి గుణమణి శ్రీగిరి భ్రమరామ్బికా ॥ 1 ॥
కలియుగమ్బున మానవులకును కల్పతరువై యుణ్డవా
వెలయగును శ్రీ శిఖరమన్దున విభవమై విలసిల్లవా ।
ఆలసిమ్పక భక్తవరులకు అష్టసమ్పద లీయవా
జిలుగు కుఙ్కుమ కాన్తిరేఖల శ్రీగిరి భ్రమరామ్బికా ॥ 2 ॥
అఙ్గ వఙ్గ కలిఙ్గ కాశ్మీరాన్ధ్ర దేశములన్దునన్
పొఙ్గుచును వరహాల కొఙ్కణ పుణ్యభూముల యన్దునన్ ।
రఙ్గుగా కర్ణాట రాట మరాట దేశములన్దునన్
శృఙ్గినీ దేశముల వెలసిన శ్రీగిరి భ్రమరామ్బికా ॥ 3 ॥
అక్షయమ్బుగ కాశిలోపల అన్నపూర్ణ భవానివై
సాక్షిగణపతి కన్న తల్లివి సద్గుణావతి శామ్భవీ ।
మోక్షమోసగెడు కనకదుర్గవు మూలకారణ శక్తివి
శిక్షజేతువు ఘోరభవముల శ్రీగిరి భ్రమరామ్బికా ॥ 4 ॥
ఉగ్రలోచన వరవధూమణి కొప్పుగల్గిన భామినీ
విగ్రహమ్బుల కెల్ల ఘనమై వెలయు శోభనకారిణీ ।
అగ్రపీఠమునన్దు వెలసిన ఆగమార్థ విచారిణీ
శీఘ్రమేకని వరములిత్తువు శ్రీగిరి భ్రమరామ్బికా ॥ 5 ॥
నిగమగోచర నీలకుణ్డలి నిర్మలాఙ్గి నిరఞ్జనీ
మిగుల చక్కని పుష్పకోమలి మీననేత్ర దయానిధీ ।
జగతిలోన ప్రసిద్ధికెక్కిన చన్ద్రముఖి సీమన్తినీ
చిగురుటాకులవణ్టి పెదవుల శ్రీగిరి భ్రమరామ్బికా ॥ 6 ॥
సోమశేఖర పల్లవాధరి సున్దరీమణీ ధీమణీ
కోమలాఙ్గి కృపాపయోనిధి కుటిలకున్తల యోగినీ ।
నా మనమ్బున పాయకుణ్డమ నగకులేశుని నన్దినీ
సీమలోన ప్రసిద్ధికెక్కిన శ్రీగిరి భ్రమరామ్బికా ॥ 7 ॥
భూతనాథుని వామభాగము పొన్దుగా చేకొన్దువా
ఖ్యాతిగను శ్రీశైలమున విఖ్యాతిగా నెలకొణ్టివా ।
పాతకమ్బుల పారద్రోలుచు భక్తులను చేకొణ్టివా
శ్వేతగిరిపై నుణ్డి వెలసిన శ్రీగిరి భ్రమరామ్బికా ॥ 8 ॥
ఎల్లవెలసిన నీదు భావము విష్ణులోకము నన్దున
పల్లవిఞ్చును నీ ప్రభావము బ్రహ్మలోకము నన్దున ।
తెల్లముగ కైలాసమన్దున మూడులోకము లన్దున
చెల్లునమ్మ త్రిలోకవాసిని శ్రీగిరి భ్రమరామ్బికా ॥ 9 ॥
తరుణి శ్రీగిరి మల్లికార్జున దైవరాయల భామినీ
కరుణతో మమ్మేలు యెప్పుడు కల్పవృక్షము భఙ్గినీ ।
వరుసతో నీ యష్టకమ్బును వ్రాసి చదివిన వారికి
సిరులనిచ్చెద వెల్ల కాలము శ్రీగిరి భ్రమరామ్బికా ॥ 10 ॥
