అస్య శ్రీసర్వసామ్రాజ్య మేధాకాళీస్వరూప కకారాత్మక సహస్రనామస్తోత్ర మన్త్రస్య మహాకాల ఋషిః అనుష్టుప్ ఛన్దః శ్రీదక్షిణ మహాకాళీ దేవతా హ్రీం బీజం హూం శక్తిః క్రీం కీలకం కాళీవరదానాద్యఖిలేష్టార్థే పాఠే వినియోగః ।
ఋష్యాదిన్యాసః –
ఓం మహాకాల ఋషయే నమః శిరసి ।
అనుష్టుప్ ఛన్దసే నమః ముఖే ।
శ్రీ దక్షిణ మహాకాళీ దేవతాయై నమః హృదయే ।
హ్రీం బీజాయ నమః గుహ్యే ।
హూం శక్తయే నమః పాదయోః ।
క్రీం కీలకాయ నమో నాభౌ ।
వినియోగాయ నమః సర్వాఙ్గే ।
కరన్యాసః –
ఓం క్రాం అఙ్గుష్ఠాభ్యాం నమః ।
ఓం క్రీం తర్జనీభ్యాం నమః ।
ఓం క్రూం మధ్యమాభ్యాం నమః ।
ఓం క్రైం అనామికాభ్యాం నమః ।
ఓం క్రౌం కనిష్ఠికాభ్యాం నమః ।
ఓం క్రః కరతలకరపృష్ఠాభ్యాం నమః ।
హృదయాది న్యాసః –
ఓం క్రాం హృదయాయ నమః ।
ఓం క్రీం శిరసే స్వాహా ।
ఓం క్రూం శిఖాయై వషట్ ।
ఓం క్రైం కవచాయ హుమ్ ।
ఓం క్రౌం నేత్రత్రయాయ వౌషట్ ।
ఓం క్రః అస్త్రాయ ఫట్ ।
అథ ధ్యానమ్ ।
కరాళవదనాం ఘోరాం ముక్తకేశీం చతుర్భుజామ్ ।
కాళికాం దక్షిణాం దివ్యాం ముణ్డమాలావిభూషితామ్ ॥ 1 ॥
సద్యశ్ఛిన్నశిరః ఖడ్గవామోర్ధ్వాధః కరామ్బుజామ్ ।
అభయం వరదం చైవ దక్షిణాధోర్ధ్వపాణికామ్ ॥ 2 ॥
మహామేఘప్రభాం శ్యామాం తథా చైవ దిగమ్బరామ్ ।
కణ్ఠావసక్తముణ్డాలీగలద్రుధిరచర్చితామ్ ॥ 3 ॥
కర్ణావతంసతానీత శవయుగ్మభయానకామ్ ।
ఘోరదంష్ట్రాకరాళాస్యాం పీనోన్నతపయోధరామ్ ॥ 4 ॥
శవానాం కరసఙ్ఘాతైః కృతకాఞ్చీం హసన్ముఖీమ్ ।
సృక్కాద్వయగలద్రక్తధారావిస్ఫురితాననామ్ ॥ 5 ॥
ఘోరరూపాం మహారౌద్రీం శ్మశానాలయవాసినీమ్ ।
దన్తురాం దక్షిణవ్యాపిముక్తలమ్బకచోచ్చయామ్ ॥ 6 ॥
శవరూపమహాదేవహృదయోపరి సంస్థితామ్ ।
శివాభిర్ఘోరరూపాభిశ్చతుర్దిక్షు సమన్వితామ్ ॥ 7 ॥
మహాకాలేన సార్ధోర్ధముపవిష్టరతాతురామ్ ।
సుఖప్రసన్నవదనాం స్మేరాననసరోరుహామ్ ।
ఏవం సఞ్చిన్తయేద్దేవీం శ్మశానాలయవాసినీమ్ ॥ 8 ॥
అథ స్తోత్రమ్ ।
ఓం క్రీం కాళీ క్రూం కరాళీ చ కళ్యాణీ కమలా కళా ।
కళావతీ కళాఢ్యా చ కళాపూజ్యా కళాత్మికా ॥ 1 ॥
కళాదృష్టా కళాపుష్టా కళామస్తా కళాకరా ।
కళాకోటిసమాభాసా కళాకోటిప్రపూజితా ॥ 2 ॥
కళాకర్మ కళాధారా కళాపారా కళాగమా ।
కళాధారా కమలినీ కకారా కరుణా కవిః ॥ 3 ॥
కకారవర్ణసర్వాఙ్గీ కళాకోటిప్రభూషితా ।
కకారకోటిగుణితా కకారకోటిభూషణా ॥ 4 ॥
కకారవర్ణహృదయా కకారమనుమణ్డితా ।
కకారవర్ణనిలయా కకశబ్దపరాయణా ॥ 5 ॥
కకారవర్ణముకుటా కకారవర్ణభూషణా ।
కకారవర్ణరూపా చ కాకశబ్దపరాయణా ॥ 6 ॥
కవీరాస్ఫాలనరతా కమలాకరపూజితా ।
కమలాకరనాథా చ కమలాకరరూపధృక్ ॥ 7 ॥
కమలాకరసిద్ధిస్థా కమలాకరపారదా ।
కమలాకరమధ్యస్థా కమలాకరతోషితా ॥ 8 ॥
కథఙ్కారపరాలాపా కథఙ్కారపరాయణా ।
కథఙ్కారపదాన్తస్థా కథఙ్కారపదార్థభూః ॥ 9 ॥
కమలాక్షీ కమలజా కమలాక్షప్రపూజితా ।
కమలాక్షవరోద్యుక్తా కకారా కర్బురాక్షరా ॥ 10 ॥
కరతారా కరచ్ఛిన్నా కరశ్యామా కరార్ణవా ।
కరపూజ్యా కరరతా కరదా కరపూజితా ॥ 11 ॥
కరతోయా కరామర్షా కర్మనాశా కరప్రియా ।
కరప్రాణా కరకజా కరకా కరకాన్తరా ॥ 12 ॥
కరకాచలరూపా చ కరకాచలశోభినీ ।
కరకాచలపుత్రీ చ కరకాచలతోషితా ॥ 13 ॥
కరకాచలగేహస్థా కరకాచలరక్షిణీ ।
కరకాచలసమ్మాన్యా కరకాచలకారిణీ ॥ 14 ॥
కరకాచలవర్షాఢ్యా కరకాచలరఞ్జితా ।
కరకాచలకాన్తారా కరకాచలమాలినీ ॥ 15 ॥
కరకాచలభోజ్యా చ కరకాచలరూపిణీ ।
కరామలకసంస్థా చ కరామలకసిద్ధిదా ॥ 16 ॥
కరామలకసమ్పూజ్యా కరామలకతారిణీ ।
కరామలకకాళీ చ కరామలకరోచినీ ॥ 17 ॥
కరామలకమాతా చ కరామలకసేవినీ ।
కరామలకబద్ధ్యేయా కరామలకదాయినీ ॥ 18 ॥
కఞ్జనేత్రా కఞ్జగతిః కఞ్జస్థా కఞ్జధారిణీ ।
కఞ్జమాలాప్రియకరీ కఞ్జరూపా చ కఞ్జజా ॥ 19 ॥
కఞ్జజాతిః కఞ్జగతిః కఞ్జహోమపరాయణా ।
కఞ్జమణ్డలమధ్యస్థా కఞ్జాభరణభూషితా ॥ 20 ॥
కఞ్జసమ్మాననిరతా కఞ్జోత్పత్తిపరాయణా ।
కఞ్జరాశిసమాకారా కఞ్జారణ్యనివాసినీ ॥ 21 ॥
కరఞ్జవృక్షమధ్యస్థా కరఞ్జవృక్షవాసినీ ।
కరఞ్జఫలభూషాఢ్యా కరఞ్జవనవాసినీ ॥ 22 ॥
కరఞ్జమాలాభరణా కరవాలపరాయణా ।
కరవాలప్రహృష్టాత్మా కరవాలప్రియాగతిః ॥ 23 ॥
కరవాలప్రియాకన్థా కరవాలవిహారిణీ ।
కరవాలమయీ కర్మా కరవాలప్రియఙ్కరీ ॥ 24 ॥
కబన్ధమాలాభరణా కబన్ధరాశిమధ్యగా ।
కబన్ధకూటసంస్థానా కబన్ధానన్తభూషణా ॥ 25 ॥
కబన్ధనాదసన్తుష్టా కబన్ధాసనధారిణీ ।
కబన్ధగృహమధ్యస్థా కబన్ధవనవాసినీ ॥ 26 ॥
కబన్ధకాఞ్చీకరణీ కబన్ధరాశిభూషణా ।
కబన్ధమాలాజయదా కబన్ధదేహవాసినీ ॥ 27 ॥
కబన్ధాసనమాన్యా చ కపాలమాల్యధారిణీ ।
కపాలమాలామధ్యస్థా కపాలవ్రతతోషితా ॥ 28 ॥
కపాలదీపసన్తుష్టా కపాలదీపరూపిణీ ।
కపాలదీపవరదా కపాలకజ్జలస్థితా ॥ 29 ॥
కపాలమాలాజయదా కపాలజపతోషిణీ ।
కపాలసిద్ధిసంహృష్టా కపాలభోజనోద్యతా ॥ 30 ॥
కపాలవ్రతసంస్థానా కపాలకమలాలయా ।
కవిత్వామృతసారా చ కవిత్వామృతసాగరా ॥ 31 ॥
కవిత్వసిద్ధిసంహృష్టా కవిత్వాదానకారిణీ ।
కవిపూజ్యా కవిగతిః కవిరూపా కవిప్రియా ॥ 32 ॥
కవిబ్రహ్మానన్దరూపా కవిత్వవ్రతతోషితా ।
కవిమానససంస్థానా కవివాఞ్ఛాప్రపూరణీ ॥ 33 ॥
కవికణ్ఠస్థితా కం హ్రీం కఙ్కఙ్కం కవిపూర్తిదా ।
కజ్జలా కజ్జలాదానమానసా కజ్జలప్రియా ॥ 34 ॥
కపాలకజ్జలసమా కజ్జలేశప్రపూజితా ।
కజ్జలార్ణవమధ్యస్థా కజ్జలానన్దరూపిణీ ॥ 35 ॥
కజ్జలప్రియసన్తుష్టా కజ్జలప్రియతోషిణీ ।
కపాలమాలాభరణా కపాలకరభూషణా ॥ 36 ॥
కపాలకరభూషాఢ్యా కపాలచక్రమణ్డితా ।
కపాలకోటినిలయా కపాలదుర్గకారిణీ ॥ 37 ॥
కపాలగిరిసంస్థానా కపాలచక్రవాసినీ ।
కపాలపాత్రసన్తుష్టా కపాలార్ఘ్యపరాయణా ॥ 38 ॥
కపాలార్ఘ్యప్రియప్రాణా కపాలార్ఘ్యవరప్రదా ।
కపాలచక్రరూపా చ కపాలరూపమాత్రగా ॥ 39 ॥
కదళీ కదళీరూపా కదళీవనవాసినీ ।
కదళీపుష్పసమ్ప్రీతా కదళీఫలమానసా ॥ 40 ॥
కదళీహోమసన్తుష్టా కదళీదర్శనోద్యతా ।
కదళీగర్భమధ్యస్థా కదళీవనసున్దరీ ॥ 41 ॥
కదమ్బపుష్పనిలయా కదమ్బవనమధ్యగా ।
కదమ్బకుసుమామోదా కదమ్బవనతోషిణీ ॥ 42 ॥
కదమ్బపుష్పసమ్పూజ్యా కదమ్బపుష్పహోమదా ।
కదమ్బపుష్పమధ్యస్థా కదమ్బఫలభోజినీ ॥ 43 ॥
కదమ్బకాననాన్తఃస్థా కదమ్బాచలవాసినీ ।
కక్షపా కక్షపారాధ్యా కక్షపాసనసంస్థితా ॥ 44 ॥
కర్ణపూరా కర్ణనాసా కర్ణాఢ్యా కాలభైరవీ ।
కళప్రీతా కలహదా కలహా కలహాతురా ॥ 45 ॥
కర్ణయక్షీ కర్ణవార్తా కథినీ కర్ణసున్దరీ ।
కర్ణపిశాచినీ కర్ణమఞ్జరీ కవికక్షదా ॥ 46 ॥
కవికక్షవిరూపాఢ్యా కవికక్షస్వరూపిణీ ।
కస్తూరీమృగసంస్థానా కస్తూరీమృగరూపిణీ ॥ 47 ॥
కస్తూరీమృగసన్తోషా కస్తూరీమృగమధ్యగా ।
కస్తూరీరసనీలాఙ్గీ కస్తూరీగన్ధతోషితా ॥ 48 ॥
కస్తూరీపూజకప్రాణా కస్తూరీపూజకప్రియా ।
కస్తూరీప్రేమసన్తుష్టా కస్తూరీప్రాణధారిణీ ॥ 49 ॥
కస్తూరీపూజకానన్దా కస్తూరీగన్ధరూపిణీ ।
కస్తూరీమాలికారూపా కస్తూరీభోజనప్రియా ॥ 50 ॥
కస్తూరీతిలకానన్దా కస్తూరీతిలకప్రియా ।
కస్తూరీహోమసన్తుష్టా కస్తూరీతర్పణోద్యతా ॥ 51 ॥
కస్తూరీమార్జనోద్యుక్తా కస్తూరీచక్రపూజితా ।
కస్తూరీపుష్పసమ్పూజ్యా కస్తూరీచర్వణోద్యతా ॥ 52 ॥
కస్తూరీగర్భమధ్యస్థా కస్తూరీవస్త్రధారిణీ ।
కస్తూరికామోదరతా కస్తూరీవనవాసినీ ॥ 53 ॥
కస్తూరీవనసంరక్షా కస్తూరీప్రేమధారిణీ ।
కస్తూరీశక్తినిలయా కస్తూరీశక్తికుణ్డగా ॥ 54 ॥
కస్తూరీకుణ్డసంస్నాతా కస్తూరీకుణ్డమజ్జనా ।
కస్తూరీజీవసన్తుష్టా కస్తూరీజీవధారిణీ ॥ 55 ॥
కస్తూరీపరమామోదా కస్తూరీజీవనక్షమా ।
కస్తూరీజాతిభావస్థా కస్తూరీగన్ధచుమ్బనా ॥ 56 ॥
కస్తూరీగన్ధసంశోభావిరాజితకపాలభూః ।
కస్తూరీమదనాన్తఃస్థా కస్తూరీమదహర్షదా ॥ 57 ॥
కస్తూరీకవితానాఢ్యా కస్తూరీగృహమధ్యగా ।
కస్తూరీస్పర్శకప్రాణా కస్తూరీనిన్దకాన్తకా ॥ 58 ॥
కస్తూర్యామోదరసికా కస్తూరీక్రీడనోద్యతా ।
కస్తూరీదాననిరతా కస్తూరీవరదాయినీ ॥ 59 ॥
కస్తూరీస్థాపనాసక్తా కస్తూరీస్థానరఞ్జినీ ।
కస్తూరీకుశలప్రాణా కస్తూరీస్తుతివన్దితా ॥ 60 ॥
కస్తూరీవన్దకారాధ్యా కస్తూరీస్థానవాసినీ ।
కహరూపా కహాఢ్యా చ కహానన్దా కహాత్మభూః ॥ 61 ॥
కహపూజ్యా కహాత్యాఖ్యా కహహేయా కహాత్మికా ।
కహమాలాకణ్ఠభూషా కహమన్త్రజపోద్యతా ॥ 62 ॥
కహనామస్మృతిపరా కహనామపరాయణా ।
కహపారాయణరతా కహదేవీ కహేశ్వరీ ॥ 63 ॥
కహహేతు కహానన్దా కహనాదపరాయణా ।
కహమాతా కహాన్తఃస్థా కహమన్త్రా కహేశ్వరీ ॥ 64 ॥
కహగేయా కహారాధ్యా కహధ్యానపరాయణా ।
కహతన్త్రా కహకహా కహచర్యాపరాయణా ॥ 65 ॥
కహాచారా కహగతిః కహతాణ్డవకారిణీ ।
కహారణ్యా కహరతిః కహశక్తిపరాయణా ॥ 66 ॥
కహరాజ్యనతా కర్మసాక్షిణీ కర్మసున్దరీ ।
కర్మవిద్యా కర్మగతిః కర్మతన్త్రపరాయణా ॥ 67 ॥
కర్మమాత్రా కర్మగాత్రా కర్మధర్మపరాయణా ।
కర్మరేఖానాశకర్త్రీ కర్మరేఖావినోదినీ ॥ 68 ॥
కర్మరేఖామోహకరీ కర్మకీర్తిపరాయణా ।
కర్మవిద్యా కర్మసారా కర్మాధారా చ కర్మభూః ॥ 69 ॥
కర్మకారీ కర్మహారీ కర్మకౌతుకసున్దరీ ।
కర్మకాళీ కర్మతారా కర్మచ్ఛిన్నా చ కర్మదా ॥ 70 ॥
కర్మచాణ్డాలినీ కర్మవేదమాతా చ కర్మభూః ।
కర్మకాణ్డరతానన్తా కర్మకాణ్డానుమానితా ॥ 71 ॥
కర్మకాణ్డపరీణాహా కమఠీ కమఠాకృతిః ।
కమఠారాధ్యహృదయా కమఠాకణ్ఠసున్దరీ ॥ 72 ॥
కమఠాసనసంసేవ్యా కమఠీ కర్మతత్పరా ।
కరుణాకరకాన్తా చ కరుణాకరవన్దితా ॥ 73 ॥
కఠోరకరమాలా చ కఠోరకుచధారిణీ ।
కపర్దినీ కపటినీ కఠినా కఙ్కభూషణా ॥ 74 ॥
కరభోరూః కఠినదా కరభా కరభాలయా ।
కలభాషామయీ కల్పా కల్పనా కల్పదాయినీ ॥ 75 ॥
కమలస్థా కళామాలా కమలాస్యా క్వణత్ప్రభా ।
కకుద్మినీ కష్టవతీ కరణీయకథార్చితా ॥ 76 ॥
కచార్చితా కచతనుః కచసున్దరధారిణీ ।
కఠోరకుచసంలగ్నా కటిసూత్రవిరాజితా ॥ 77 ॥
కర్ణభక్షప్రియా కన్దా కథా కన్దగతిః కలిః ।
కలిఘ్నీ కలిదూతీ చ కవినాయకపూజితా ॥ 78 ॥
కణకక్షానియన్త్రీ చ కశ్చిత్కవివరార్చితా ।
కర్త్రీ చ కర్తృకాభూషా కారిణీ కర్ణశత్రుపా ॥ 79 ॥
కరణేశీ కరణపా కలవాచా కళానిధిః ।
కలనా కలనాధారా కారికా కరకా కరా ॥ 80 ॥
కలజ్ఞేయా కర్కరాశిః కర్కరాశిప్రపూజితా ।
కన్యారాశిః కన్యకా చ కన్యకాప్రియభాషిణీ ॥ 81 ॥
కన్యకాదానసన్తుష్టా కన్యకాదానతోషిణీ ।
కన్యాదానకరానన్దా కన్యాదానగ్రహేష్టదా ॥ 82 ॥
కర్షణా కక్షదహనా కామితా కమలాసనా ।
కరమాలానన్దకర్త్రీ కరమాలాప్రతోషితా ॥ 83 ॥
కరమాలాశయానన్దా కరమాలాసమాగమా ।
కరమాలాసిద్ధిదాత్రీ కరమాలాకరప్రియా ॥ 84 ॥
కరప్రియా కరరతా కరదానపరాయణా ।
కళానన్దా కలిగతిః కలిపూజ్యా కలిప్రసూః ॥ 85 ॥
కలనాదనినాదస్థా కలనాదవరప్రదా ।
కలనాదసమాజస్థా కహోలా చ కహోలదా ॥ 86 ॥
కహోలగేహమధ్యస్థా కహోలవరదాయినీ ।
కహోలకవితాధారా కహోలృషిమానితా ॥ 87 ॥
కహోలమానసారాధ్యా కహోలవాక్యకారిణీ ।
కర్తృరూపా కర్తృమయీ కర్తృమాతా చ కర్తరీ ॥ 88 ॥
కనీయా కనకారాధ్యా కనీనకమయీ తథా ।
కనీయానన్దనిలయా కనకానన్దతోషితా ॥ 89 ॥
కనీయకకరా కాష్ఠా కథార్ణవకరీ కరీ ।
కరిగమ్యా కరిగతిః కరిధ్వజపరాయణా ॥ 90 ॥
కరినాథప్రియా కణ్ఠా కథానకప్రతోషితా ।
కమనీయా కమనకా కమనీయవిభూషణా ॥ 91 ॥
కమనీయసమాజస్థా కమనీయవ్రతప్రియా ।
కమనీయగుణారాధ్యా కపిలా కపిలేశ్వరీ ॥ 92 ॥
కపిలారాధ్యహృదయా కపిలాప్రియవాదినీ ।
కహచక్రమన్త్రవర్ణా కహచక్రప్రసూనకా ॥ 93 ॥
కేఈలహ్రీంస్వరూపా చ కేఈలహ్రీంవరప్రదా ।
కేఈలహ్రీంసిద్ధిదాత్రీ కేఈలహ్రీంస్వరూపిణీ ॥ 94 ॥
కేఈలహ్రీమ్మన్త్రవర్ణా కేఈలహ్రీమ్ప్రసూకలా ।
కేవర్గా కపాటస్థా కపాటోద్ఘాటనక్షమా ॥ 95 ॥
కఙ్కాళీ చ కపాలీ చ కఙ్కాళప్రియభాషిణీ ।
కఙ్కాళభైరవారాధ్యా కఙ్కాళమానసంస్థితా ॥ 96 ॥
కఙ్కాళమోహనిరతా కఙ్కాళమోహదాయినీ ।
కలుషఘ్నీ కలుషహా కలుషార్తివినాశినీ ॥ 97 ॥
కలిపుష్పా కలాదానా కశిపుః కశ్యపార్చితా ।
కశ్యపా కశ్యపారాధ్యా కలిపూర్ణకలేవరా ॥ 98 ॥
కలేవరకరీ కాఞ్చీ కవర్గా చ కరాళకా ।
కరాళభైరవారాధ్యా కరాళభైరవేశ్వరీ ॥ 99 ॥
కరాళా కలనాధారా కపర్దీశవరప్రదా ।
కపర్దీశప్రేమలతా కపర్దిమాలికాయుతా ॥ 100 ॥
కపర్దిజపమాలాఢ్యా కరవీరప్రసూనదా ।
కరవీరప్రియప్రాణా కరవీరప్రపూజితా ॥ 101 ॥
కర్ణికారసమాకారా కర్ణికారప్రపూజితా ।
కరీషాగ్నిస్థితా కర్షా కర్షమాత్రసువర్ణదా ॥ 102 ॥
కలశా కలశారాధ్యా కషాయా కరిగానదా ।
కపిలా కలకణ్ఠీ చ కలికల్పలతా మతా ॥ 103 ॥
కల్పమాతా కల్పలతా కల్పకారీ చ కల్పభూః ।
కర్పూరామోదరుచిరా కర్పూరామోదధారిణీ ॥ 104 ॥
కర్పూరమాలాభరణా కర్పూరవాసపూర్తిదా ।
కర్పూరమాలాజయదా కర్పూరార్ణవమధ్యగా ॥ 105 ॥
కర్పూరతర్పణరతా కటకామ్బరధారిణీ ।
కపటేశ్వవరసమ్పూజ్యా కపటేశ్వరరూపిణీ ॥ 106 ॥
కటుః కపిధ్వజారాధ్యా కలాపపుష్పధారిణీ ।
కలాపపుష్పరుచిరా కలాపపుష్పపూజితా ॥ 107 ॥
క్రకచా క్రకచారాధ్యా కథమ్బ్రూమా కరాలతా ।
కథఙ్కారవినిర్ముక్తా కాళీ కాలక్రియా క్రతుః ॥ 108 ॥
కామినీ కామినీపూజ్యా కామినీపుష్పధారిణీ ।
కామినీపుష్పనిలయా కామినీపుష్పపూర్ణిమా ॥ 109 ॥
కామినీపుష్పపూజార్హా కామినీపుష్పభూషణా ।
కామినీపుష్పతిలకా కామినీకుణ్డచుమ్బనా ॥ 110 ॥
కామినీయోగసన్తుష్టా కామినీయోగభోగదా ।
కామినీకుణ్డసమ్మగ్నా కామినీకుణ్డమధ్యగా ॥ 111 ॥
కామినీమానసారాధ్యా కామినీమానతోషితా ।
కామినీమానసఞ్చారా కాళికా కాలకాళికా ॥ 112 ॥
కామా చ కామదేవీ చ కామేశీ కామసమ్భవా ।
కామభావా కామరతా కామార్తా కామమఞ్జరీ ॥ 113 ॥
కామమఞ్జీరరణితా కామదేవప్రియాన్తరా ।
కామకాళీ కామకళా కాళికా కమలార్చితా ॥ 114 ॥
కాదికా కమలా కాళీ కాలానలసమప్రభా ।
కల్పాన్తదహనా కాన్తా కాన్తారప్రియవాసినీ ॥ 115 ॥
కాలపూజ్యా కాలరతా కాలమాతా చ కాళినీ ।
కాలవీరా కాలఘోరా కాలసిద్ధా చ కాలదా ॥ 116 ॥
కాలాఞ్జనసమాకారా కాలఞ్జరనివాసినీ ।
కాలృద్ధిః కాలవృద్ధిః కారాగృహవిమోచినీ ॥ 117 ॥
కాదివిద్యా కాదిమాతా కాదిస్థా కాదిసున్దరీ ।
కాశీ కాఞ్చీ చ కాఞ్చీశా కాశీశవరదాయినీ ॥ 118 ॥
క్రీమ్బీజా చైవ క్రీం బీజహృదయాయ నమః స్మృతా ।
కామ్యా కామ్యగతిః కామ్యసిద్ధిదాత్రీ చ కామభూః ॥ 119 ॥
కామాఖ్యా కామరూపా చ కామచాపవిమోచినీ ।
కామదేవకళారామా కామదేవకళాలయా ॥ 120 ॥
కామరాత్రిః కామదాత్రీ కాన్తారాచలవాసినీ ।
కామరూపా కామగతిః కామయోగపరాయణా ॥ 121 ॥
కామసమ్మర్దనరతా కామగేహవికాశినీ ।
కాలభైరవభార్యా చ కాలభైరవకామినీ ॥ 122 ॥
కాలభైరవయోగస్థా కాలభైరవభోగదా ।
కామధేనుః కామదోగ్ధ్రీ కామమాతా చ కాన్తిదా ॥ 123 ॥
కాముకా కాముకారాధ్యా కాముకానన్దవర్ధినీ ।
కార్తవీర్యా కార్తికేయా కార్తికేయప్రపూజితా ॥ 124 ॥
కార్యా కారణదా కార్యకారిణీ కారణాన్తరా ।
కాన్తిగమ్యా కాన్తిమయీ కాన్త్యా కాత్యాయనీ చ కా ॥ 125 ॥
కామసారా చ కాశ్మీరా కాశ్మీరాచారతత్పరా ।
కామరూపాచారరతా కామరూపప్రియంవదా ॥ 126 ॥
కామరూపాచారసిద్ధిః కామరూపమనోమయీ ।
కార్తికీ కార్తికారాధ్యా కాఞ్చనారప్రసూనభూః ॥ 127 ॥
కాఞ్చనారప్రసూనాభా కాఞ్చనారప్రపూజితా ।
కాఞ్చరూపా కాఞ్చభూమిః కాంస్యపాత్రప్రభోజినీ ॥ 128 ॥
కాంస్యధ్వనిమయీ కామసున్దరీ కామచుమ్బనా ।
కాశపుష్పప్రతీకాశా కామద్రుమసమాగమా ॥ 129 ॥
కామపుష్పా కామభూమిః కామపూజ్యా చ కామదా ।
కామదేహా కామగేహా కామబీజపరాయణా ॥ 130 ॥
కామధ్వజసమారూఢా కామధ్వజసమాస్థితా ।
కాశ్యపీ కాశ్యపారాధ్యా కాశ్యపానన్దదాయినీ ॥ 131 ॥
కాళిన్దీజలసఙ్కాశా కాళిన్దీజలపూజితా ।
కాదేవపూజానిరతా కాదేవపరమార్థదా ॥ 132 ॥
కర్మణా కర్మణాకారా కామకర్మణకారిణీ ।
కార్మణత్రోటనకరీ కాకినీ కారణాహ్వయా ॥ 133 ॥
కావ్యామృతా చ కాళిఙ్గా కాళిఙ్గమర్దనోద్యతా ।
కాలాగురువిభూషాఢ్యా కాలాగురువిభూతిదా ॥ 134 ॥
కాలాగురుసుగన్ధా చ కాలాగురుప్రతర్పణా ।
కావేరీనీరసమ్ప్రీతా కావేరీతీరవాసినీ ॥ 135 ॥
కాలచక్రభ్రమాకారా కాలచక్రనివాసినీ ।
కాననా కాననాధారా కారుః కారుణికామయీ ॥ 136 ॥
కామ్పిల్యవాసినీ కాష్ఠా కామపత్నీ చ కామభూః ।
కాదమ్బరీపానరతా తథా కాదమ్బరీ కళా ॥ 137 ॥
కామవన్ద్యా చ కామేశీ కామరాజప్రపూజితా ।
కామరాజేశ్వరీవిద్యా కామకౌతుకసున్దరీ ॥ 138 ॥
కామ్బోజజా కాఞ్ఛినదా కాంస్యకాఞ్చనకారిణీ ।
కాఞ్చనాద్రిసమాకారా కాఞ్చనాద్రిప్రదానదా ॥ 139 ॥
కామకీర్తిః కామకేశీ కారికా కాన్తరాశ్రయా ।
కామభేదీ చ కామార్తినాశినీ కామభూమికా ॥ 140 ॥
కాలనిర్ణాశినీ కావ్యవనితా కామరూపిణీ ।
కాయస్థాకామసన్దీప్తిః కావ్యదా కాలసున్దరీ ॥ 141 ॥
కామేశీ కారణవరా కామేశీపూజనోద్యతా ।
కాఞ్చీనూపురభూషాఢ్యా కుఙ్కుమాభరణాన్వితా ॥ 142 ॥
కాలచక్రా కాలగతిః కాలచక్రమనోభవా ।
కున్దమధ్యా కున్దపుష్పా కున్దపుష్పప్రియా కుజా ॥ 143 ॥
కుజమాతా కుజారాధ్యా కుఠారవరధారిణీ ।
కుఞ్జరస్థా కుశరతా కుశేశయవిలోచనా ॥ 144 ॥
కునటీ కురరీ కుద్రా కురఙ్గీ కుటజాశ్రయా ।
కుమ్భీనసవిభూషా చ కుమ్భీనసవధోద్యతా ॥ 145 ॥
కుమ్భకర్ణమనోల్లాసా కులచూడామణిః కులా ।
కులాలగృహకన్యా చ కులచూడామణిప్రియా ॥ 146 ॥
కులపూజ్యా కులారాధ్యా కులపూజాపరాయణా ।
కులభూషా తథా కుక్షిః కురరీగణసేవితా ॥ 147 ॥
కులపుష్పా కులరతా కులపుష్పపరాయణా ।
కులవస్త్రా కులారాధ్యా కులకుణ్డసమప్రభా ॥ 148 ॥
కులకుణ్డసమోల్లాసా కుణ్డపుష్పపరాయణా ।
కుణ్డపుష్పప్రసన్నాస్యా కుణ్డగోలోద్భవాత్మికా ॥ 149 ॥
కుణ్డగోలోద్భవాధారా కుణ్డగోలమయీ కుహూః ।
కుణ్డగోలప్రియప్రాణా కుణ్డగోలప్రపూజితా ॥ 150 ॥
కుణ్డగోలమనోల్లాసా కుణ్డగోలబలప్రదా ।
కుణ్డదేవరతా క్రుద్ధా కులసిద్ధికరా పరా ॥ 151 ॥
కులకుణ్డసమాకారా కులకుణ్డసమానభూః ।
కుణ్డసిద్ధిః కుణ్డృద్ధిః కుమారీపూజనోద్యతా ॥ 152 ॥
కుమారీపూజకప్రాణా కుమారీపూజకాలయా ।
కుమారీకామసన్తుష్టా కుమారీపూజనోత్సుకా ॥ 153 ॥
కుమారీవ్రతసన్తుష్టా కుమారీరూపధారిణీ ।
కుమారీభోజనప్రీతా కుమారీ చ కుమారదా ॥ 154 ॥
కుమారమాతా కులదా కులయోనిః కులేశ్వరీ ।
కులలిఙ్గా కులానన్దా కులరమ్యా కుతర్కధృక్ ॥ 155 ॥
కున్తీ చ కులకాన్తా చ కులమార్గపరాయణా ।
కుల్లా చ కురుకుల్లా చ కుల్లుకా కులకామదా ॥ 156 ॥
కులిశాఙ్గీ కుబ్జికా చ కుబ్జికానన్దవర్ధినీ ।
కులీనా కుఞ్జరగతిః కుఞ్జరేశ్వరగామినీ ॥ 157 ॥
కులపాలీ కులవతీ తథైవ కులదీపికా ।
కులయోగేశ్వరీ కుణ్డా కుఙ్కుమారుణవిగ్రహా ॥ 158 ॥
కుఙ్కుమానన్దసన్తోషా కుఙ్కుమార్ణవవాసినీ ।
కుఙ్కుమాకుసుమప్రీతా కులభూః కులసున్దరీ ॥ 159 ॥
కుముద్వతీ కుముదినీ కుశలా కులటాలయా ।
కులటాలయమధ్యస్థా కులటాసఙ్గతోషితా ॥ 160 ॥
కులటాభవనోద్యుక్తా కుశావర్తా కులార్ణవా ।
కులార్ణవాచారరతా కుణ్డలీ కుణ్డలాకృతిః ॥ 161 ॥
కుమతిశ్చ కులశ్రేష్ఠా కులచక్రపరాయణా ।
కూటస్థా కూటదృష్టిశ్చ కున్తలా కున్తలాకృతిః ॥ 162 ॥
కుశలాకృతిరూపా చ కూర్చబీజధరా చ కూః ।
కుం కుం కుం కుం శబ్దరతా క్రుం క్రుం క్రుం క్రుం పరాయణా ॥ 163 ॥
కుం కుం కుం శబ్దనిలయా కుక్కురాలయవాసినీ ।
కుక్కురాసఙ్గసంయుక్తా కుక్కురానన్తవిగ్రహా ॥ 164 ॥
కూర్చారమ్భా కూర్చబీజా కూర్చజాపపరాయణా ।
కులినీ కులసంస్థానా కూర్చకణ్ఠపరాగతిః ॥ 165 ॥
కూర్చవీణాభాలదేశా కూర్చమస్తకభూషితా ।
కులవృక్షగతా కూర్మా కూర్మాచలనివాసినీ ॥ 166 ॥
కులబిన్దుః కులశివా కులశక్తిపరాయణా ।
కులబిన్దుమణిప్రఖ్యా కుఙ్కుమద్రుమవాసినీ ॥ 167 ॥
కుచమర్దనసన్తుష్టా కుచజాపపరాయణా ।
కుచస్పర్శనసన్తుష్టా కుచాలిఙ్గనహర్షదా ॥ 168 ॥
కుమతిఘ్నీ కుబేరార్చ్యా కుచభూః కులనాయికా ।
కుగాయనా కుచధరా కుమాతా కున్దదన్తినీ ॥ 169 ॥
కుగేయా కుహరాభాసా కుగేయాకుఘ్నదారికా ।
కీర్తిః కిరాతినీ క్లిన్నా కిన్నరా కిన్నరీక్రియా ॥ 170 ॥
క్రీఙ్కారా క్రీఞ్జపాసక్తా క్రీం హూం స్త్రీం మన్త్రరూపిణీ ।
కిర్మీరితదృశాపాఙ్గీ కిశోరీ చ కిరీటినీ ॥ 171 ॥
కీటభాషా కీటయోనిః కీటమాతా చ కీటదా ।
కింశుకా కీరభాషా చ క్రియాసారా క్రియావతీ ॥ 172 ॥
కీఙ్కీంశబ్దపరా క్లాం క్లీం క్లూం క్లైం క్లౌం మన్త్రరూపిణీ ।
కాం కీం కూం కైం స్వరూపా చ కః ఫట్ మన్త్రస్వరూపిణీ ॥ 173 ॥
కేతకీభూషణానన్దా కేతకీభరణాన్వితా ।
కైకదా కేశినీ కేశీ కేశిసూదనతత్పరా ॥ 174 ॥
కేశరూపా కేశముక్తా కైకేయీ కౌశికీ తథా ।
కైరవా కైరవాహ్లాదా కేశరా కేతురూపిణీ ॥ 175 ॥
కేశవారాధ్యహృదయా కేశవాసక్తమానసా ।
క్లైబ్యవినాశినీ క్లైం చ క్లైం బీజజపతోషితా ॥ 176 ॥
కౌశల్యా కోశలాక్షీ చ కోశా చ కోమలా తథా ।
కోలాపురనివాసా చ కోలాసురవినాశినీ ॥ 177 ॥
కోటిరూపా కోటిరతా క్రోధినీ క్రోధరూపిణీ ।
కేకా చ కోకిలా కోటిః కోటిమన్త్రపరాయణా ॥ 178 ॥
కోట్యనన్తమన్త్రయుక్తా కైరూపా కేరలాశ్రయా ।
కేరలాచారనిపుణా కేరలేన్ద్రగృహస్థితా ॥ 179 ॥
కేదారాశ్రమసంస్థా చ కేదారేశ్వరపూజితా ।
క్రోధరూపా క్రోధపదా క్రోధమాతా చ కౌశికీ ॥ 180 ॥
కోదణ్డధారిణీ క్రౌఞ్చా కౌశల్యా కౌలమార్గగా ।
కౌలినీ కౌలికారాధ్యా కౌలికాగారవాసినీ ॥ 181 ॥
కౌతుకీ కౌముదీ కౌలా కౌమారీ కౌరవార్చితా ।
కౌణ్డిన్యా కౌశికీ క్రోధజ్వాలాభాసురరూపిణీ ॥ 182 ॥
కోటికాలానలజ్వాలా కోటిమార్తణ్డవిగ్రహా ।
కృత్తికా కృష్ణవర్ణా చ కృష్ణా కృత్యా క్రియాతురా ॥ 183 ॥
కృశాఙ్గీ కృతకృత్యా చ క్రః ఫట్ స్వాహా స్వరూపిణీ ।
క్రౌం క్రౌం హూం ఫట్ మన్త్రవర్ణా క్రీం హ్రీం హూం ఫట్ నమః స్వధా ॥ 184 ॥
క్రీం క్రీం హ్రీం హ్రీం తథా హ్రూం హ్రూం ఫట్ స్వాహా మన్త్రరూపిణీ ।
ఇతి శ్రీసర్వసామ్రాజ్యమేధానామ సహస్రకమ్ ॥ 185 ॥
ఇతి శ్రీరుద్రయామలే కాళీతన్త్రే కకారాది శ్రీ కాళీ సహస్రనామ స్తోత్రమ్ ।
