VR 1.23 Bala Kanda - Sarga 23 - Grantha

Collection of Spiritual and Devotional Literature in Various Indian Languages

View this in:

1.23 𑌬𑌾𑌲𑌕𑌾𑌂𑌡 - 𑌤𑍍𑌰𑌯𑍋𑌵𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌤𑍍𑌰𑌯𑍋𑌵𑌿𑌂𑌶𑌸𑍍𑌸𑌰𑍍𑌗𑌃 ।

𑌪𑍍𑌰𑌭𑌾𑌤𑌾𑌯𑌾𑌂 𑌤𑍁 𑌶𑌰𑍍𑌵𑌰𑍍𑌯𑌾𑌂 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌮𑍁𑌨𑌿𑌃 ।
𑌅𑌭𑍍𑌯𑌭𑌾𑌷𑌤 𑌕𑌾𑌕𑍁𑌤𑍍𑌸𑍍𑌥𑍌 𑌶𑌯𑌾𑌨𑍌 𑌪𑌰𑍍𑌣𑌸𑌂𑌸𑍍𑌤𑌰𑍇 ॥ 1 ॥

𑌕𑍌𑌸𑌲𑍍𑌯𑌾 𑌸𑍁𑌪𑍍𑌰𑌜𑌾 𑌰𑌾𑌮 𑌪𑍂𑌰𑍍𑌵𑌾 𑌸𑌂𑌧𑍍𑌯𑌾 𑌪𑍍𑌰𑌵𑌰𑍍𑌤𑌤𑍇 ।
𑌉𑌤𑍍𑌤𑌿𑌷𑍍𑌠 𑌨𑌰𑌶𑌾𑌰𑍍𑌦𑍂𑌲 𑌕𑌰𑍍𑌤𑌵𑍍𑌯𑌂 𑌦𑍈𑌵𑌮𑌾𑌹𑍍𑌨𑌿𑌕𑌮𑍍 ॥ 2 ॥

𑌤𑌸𑍍𑌯𑌰𑍍𑌷𑍇𑌃 𑌪𑌰𑌮𑍋𑌦𑌾𑌰𑌂 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌨𑍃𑌪𑌾𑌤𑍍𑌮𑌜𑍌 ।
𑌸𑍍𑌨𑌾𑌤𑍍𑌵𑌾 𑌕𑍃𑌤𑍋𑌦𑌕𑍌 𑌵𑍀𑌰𑍌 𑌜𑍇𑌪𑌤𑍁𑌃 𑌪𑌰𑌮𑌂 𑌜𑌪𑌮𑍍 ॥ 3 ॥

𑌕𑍃𑌤𑌾𑌹𑍍𑌨𑌿𑌕𑍌 𑌮𑌹𑌾𑌵𑍀𑌰𑍍𑌯𑍌 𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌤𑌪𑍋𑌧𑌨𑌮𑍍 ।
𑌅𑌭𑌿𑌵𑌾𑌦𑍍𑌯𑌾𑌭𑌿𑌸𑌂𑌹𑍃𑌷𑍍𑌟𑍌 𑌗𑌮𑌨𑌾𑌯𑌾𑌭𑌿𑌤𑌸𑍍𑌥𑌤𑍁𑌃 ॥ 4 ॥

𑌤𑍌 𑌪𑍍𑌰𑌯𑌾𑌤𑍌 𑌮𑌹𑌾𑌵𑍀𑌰𑍍𑌯𑍌 𑌦𑌿𑌵𑍍𑌯𑌾𑌂 𑌤𑍍𑌰𑌿𑌪𑌥𑌗𑌾𑌂 𑌨𑌦𑍀𑌮𑍍 ।
𑌦𑌦𑍃𑌶𑌾𑌤𑍇 𑌤𑌤𑌸𑍍𑌤𑌤𑍍𑌰 𑌸𑌰𑌯𑍍𑌵𑌾𑌸𑍍𑌸𑌂𑌗𑌮𑍇 𑌶𑍁𑌭𑍇 ॥ 5 ॥

𑌤𑌤𑍍𑌰𑌾𑌶𑍍𑌰𑌮𑌪𑌦𑌂 𑌪𑍁𑌣𑍍𑌯𑌮𑍃𑌷𑍀𑌣𑌾𑌮𑌗𑍍𑌯𑍍𑌰𑌤𑍇𑌜𑌸𑌾𑌮𑍍 ।
𑌬𑌹𑍁𑌵𑌰𑍍𑌷𑌸𑌹𑌸𑍍𑌰𑌾𑌣𑌿 𑌤𑌪𑍍𑌯𑌤𑌾𑌂 𑌪𑌰𑌮𑌂 𑌤𑌪𑌃 ॥ 6 ॥

𑌤𑌂 𑌦𑍃𑌷𑍍𑌟𑍍𑌵𑌾 𑌪𑌰𑌮𑌪𑍍𑌰𑍀𑌤𑍌 𑌰𑌾𑌘𑌵𑍌 𑌪𑍁𑌣𑍍𑌯𑌮𑌾𑌶𑍍𑌰𑌮𑌮𑍍 ।
𑌊𑌚𑌤𑍁𑌸𑍍𑌤𑌂 𑌮𑌹𑌾𑌤𑍍𑌮𑌾𑌨𑌂 𑌵𑌿𑌶𑍍𑌵𑌾𑌮𑌿𑌤𑍍𑌰𑌮𑌿𑌦𑌂 𑌵𑌚𑌃 ॥ 𑍭 ॥

𑌕𑌸𑍍𑌯𑌾𑌯𑌮𑌾𑌶𑍍𑌰𑌮𑌃 𑌪𑍁𑌣𑍍𑌯𑌃 𑌕𑍋𑌨𑍍𑌵𑌸𑍍𑌮𑌿𑌨𑍍𑌵𑌸𑌤𑍇 𑌪𑍁𑌮𑌾𑌨𑍍 ।
𑌭𑌗𑌵𑌨𑍍 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌵𑌃 𑌪𑌰𑌂 𑌕𑍌𑌤𑍂𑌹𑌲𑌂 𑌹𑌿 𑌨𑍌 ॥ 𑍮 ॥

𑌤𑌯𑍋𑌸𑍍𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌪𑍍𑌰𑌹𑌸𑍍𑌯 𑌮𑍁𑌨𑌿𑌪𑍁𑌂𑌗𑌵𑌃 ।
𑌅𑌬𑍍𑌰𑌵𑍀𑌚𑍍𑌛𑍍𑌰𑍂𑌯𑌤𑌾𑌂 𑌰𑌾𑌮 𑌯𑌸𑍍𑌯𑌾𑌯𑌂 𑌪𑍂𑌰𑍍𑌵 𑌆𑌶𑍍𑌰𑌮𑌃 ॥ 𑍯 ॥

𑌕𑌂𑌦𑌰𑍍𑌪𑍋 𑌮𑍂𑌰𑍍𑌤𑌿𑌮𑌾𑌨𑌾𑌸𑍀𑌤𑍍𑌕𑌾𑌮 𑌇𑌤𑍍𑌯𑍁𑌚𑍍𑌯𑌤𑍇 𑌬𑍁𑌧𑍈𑌃 ।
𑌤𑌪𑌸𑍍𑌯𑌂𑌤𑌮𑌿𑌹 𑌸𑍍𑌥𑌾𑌣𑍁𑌂 𑌨𑌿𑌯𑌮𑍇𑌨 𑌸𑌮𑌾𑌹𑌿𑌤𑌮𑍍 ॥ 10 ॥

𑌕𑍃𑌤𑍋𑌦𑍍𑌵𑌾𑌹𑌂 𑌤𑍁 𑌦𑍇𑌵𑍇𑌶𑌂 𑌗𑌚𑍍𑌛𑌂𑌤𑌂 𑌸𑌮𑌰𑍁𑌦𑍍𑌗𑌗𑌣𑌮𑍍 ।
𑌧𑌰𑍍𑌷𑌯𑌾𑌮𑌾𑌸 𑌦𑍁𑌰𑍍𑌮𑍇𑌧𑌾 𑌹𑍁𑌂𑌕𑍃𑌤𑌶𑍍𑌚 𑌮𑌹𑌾𑌤𑍍𑌮𑌨𑌾 ॥ 11 ॥

𑌅𑌵𑌦𑌗𑍍𑌧𑌸𑍍𑌯 𑌰𑍌𑌦𑍍𑌰𑍇𑌣 𑌚𑌕𑍍𑌷𑍁𑌷𑌾 𑌰𑌘𑍁𑌨𑌂𑌦𑌨 ।
𑌵𑍍𑌯𑌶𑍀𑌰𑍍𑌯𑌂𑌤 𑌶𑌰𑍀𑌰𑌾𑌤𑍍𑌸𑍍𑌵𑌾𑌤𑍍𑌸𑌰𑍍𑌵𑌗𑌾𑌤𑍍𑌰𑌾𑌣𑌿 𑌦𑍁𑌰𑍍𑌮𑌤𑍇𑌃 ॥ 12 ॥

𑌤𑌸𑍍𑌯 𑌗𑌾𑌤𑍍𑌰𑌂 𑌹𑌤𑌂 𑌤𑌤𑍍𑌰 𑌨𑌿𑌰𑍍𑌦𑌗𑍍𑌥𑌸𑍍𑌯 𑌮𑌹𑌾𑌤𑍍𑌮𑌨𑌾 ।
𑌅𑌶𑌰𑍀𑌰𑌃 𑌕𑍃𑌤𑌃 𑌕𑌾𑌮𑌃 𑌕𑍍𑌰𑍋𑌧𑌾𑌦𑍍𑌦𑍇𑌵𑍇𑌶𑍍𑌵𑌰𑍇𑌣 𑌹𑌿 ॥ 13 ॥

𑌅𑌨𑌂𑌗 𑌇𑌤𑌿 𑌵𑌿𑌖𑍍𑌯𑌾𑌤𑌸𑍍𑌤𑌦𑌾𑌪𑍍𑌰𑌭𑍃𑌤𑌿 𑌰𑌾𑌘𑌵 ।
𑌸 𑌚𑌾𑌂𑌗𑌵𑌿𑌷𑌯𑌶𑍍𑌶𑍍𑌰𑍀𑌮𑌾𑌨𑍍𑌯𑌤𑍍𑌰𑌾𑌂𑌗𑌂 𑌪𑍍𑌰𑌮𑍁𑌮𑍋𑌚 𑌹 ॥ 14 ॥

𑌤𑌸𑍍𑌯𑌾𑌯𑌮𑌾𑌶𑍍𑌰𑌮𑌃 𑌪𑍁𑌣𑍍𑌯𑌸𑍍𑌤𑌸𑍍𑌯𑍇𑌮𑍇 𑌮𑍁𑌨𑌯𑌃 𑌪𑍁𑌰𑌾 ।
𑌶𑌿𑌷𑍍𑌯𑌾 𑌧𑌰𑍍𑌮𑌪𑌰𑌾 𑌨𑌿𑌤𑍍𑌯𑌂 𑌤𑍇𑌷𑌾𑌂 𑌪𑌾𑌪𑌂 𑌨 𑌵𑌿𑌦𑍍𑌯𑌤𑍇 ॥ 15 ॥

𑌇𑌹𑌾𑌦𑍍𑌯 𑌰𑌜𑌨𑍀𑌂 𑌰𑌾𑌮 𑌵𑌸𑍇𑌮 𑌶𑍁𑌭𑌦𑌰𑍍𑌶𑌨 ।
𑌪𑍁𑌣𑍍𑌯𑌯𑍋𑌸𑍍𑌸𑌰𑌿𑌤𑍋𑌰𑍍𑌮𑌧𑍍𑌯𑍇 𑌶𑍍𑌵𑌸𑍍𑌤𑌰𑌿𑌷𑍍𑌯𑌾𑌮𑌹𑍇 𑌵𑌯𑌮𑍍 ॥ 16 ॥

𑌅𑌭𑌿𑌗𑌚𑍍𑌛𑌾𑌮𑌹𑍇 𑌸𑌰𑍍𑌵𑍇 𑌶𑍁𑌚𑌯𑌃 𑌪𑍁𑌣𑍍𑌯𑌮𑌾𑌶𑍍𑌰𑌮𑌮𑍍 ।
𑌸𑍍𑌨𑌾𑌤𑌾𑌶𑍍𑌚 𑌕𑍃𑌤𑌜𑌪𑍍𑌯𑌾𑌶𑍍𑌚 𑌹𑍁𑌤𑌹𑌵𑍍𑌯𑌾 𑌨𑌰𑍋𑌤𑍍𑌤𑌮 ॥ 1𑍭 ॥

𑌤𑍇𑌷𑌾𑌂 𑌸𑌂𑌵𑌦𑌤𑌾𑌂 𑌤𑌤𑍍𑌰 𑌤𑌪𑍋𑌦𑍀𑌰𑍍𑌘𑍇𑌣 𑌚𑌕𑍍𑌷𑍁𑌷𑌾 ।
𑌵𑌿𑌜𑍍𑌞𑌾𑌯 𑌪𑌰𑌮𑌪𑍍𑌰𑍀𑌤𑌾 𑌮𑍁𑌨𑌯𑍋 𑌹𑌰𑍍𑌷𑌮𑌾𑌗𑌮𑌨𑍍 ॥ 1𑍮 ॥

𑌅𑌰𑍍𑌘𑍍𑌯𑌂 𑌪𑌾𑌦𑍍𑌯𑌂 𑌤𑌥𑌾𑌽𑌤𑌿𑌥𑍍𑌯𑌂 𑌨𑌿𑌵𑍇𑌦𑍍𑌯 𑌕𑍁𑌶𑌿𑌕𑌾𑌤𑍍𑌮𑌜𑍇 ।
𑌰𑌾𑌮𑌲𑌕𑍍𑌷𑍍𑌮𑌣𑌯𑍋𑌃 𑌪𑌶𑍍𑌚𑌾𑌦𑌕𑍁𑌰𑍍𑌵𑌨𑍍𑌨𑌤𑌿𑌥𑌿𑌕𑍍𑌰𑌿𑌯𑌾𑌮𑍍 ॥ 1𑍯 ॥

𑌸𑌤𑍍𑌕𑌾𑌰𑌂 𑌸𑌮𑌨𑍁𑌪𑍍𑌰𑌾𑌪𑍍𑌯 𑌕𑌥𑌾𑌭𑌿𑌰𑌭𑌿𑌰𑌂𑌜𑌯𑌨𑍍 ।
𑌯𑌥𑌾𑌰𑍍𑌹𑌮𑌜𑌪𑌨𑍍 𑌸𑌂𑌧𑍍𑌯𑌾𑌮𑍃𑌷𑌯𑌸𑍍𑌤𑍇 𑌸𑌮𑌾𑌹𑌿𑌤𑌾𑌃 ॥ 20 ॥

𑌤𑌤𑍍𑌰 𑌵𑌾𑌸𑌿𑌭𑌿𑌰𑌾𑌨𑍀𑌤𑌾 𑌮𑍁𑌨𑌿𑌭𑌿𑌸𑍍𑌸𑍁𑌵𑍍𑌰𑌤𑍈𑌃 𑌸𑌹 ।
𑌨𑍍𑌯𑌵𑌸𑌨𑍍 𑌸𑍁𑌸𑍁𑌖𑌂 𑌤𑌤𑍍𑌰 𑌕𑌾𑌮𑌾𑌶𑍍𑌰𑌮𑌪𑌦𑍇 𑌤𑌦𑌾 ॥ 21 ॥

𑌕𑌥𑌾𑌭𑌿𑌰𑌭𑌿𑌰𑌾𑌮𑌾𑌭𑌿𑌰𑌭𑌿𑌰𑌾𑌮𑍌 𑌨𑍃𑌪𑌾𑌤𑍍𑌮𑌜𑍌 ।
𑌰𑌮𑌯𑌾𑌮𑌾𑌸 𑌧𑌰𑍍𑌮𑌾𑌤𑍍𑌮𑌾 𑌕𑍌𑌶𑌿𑌕𑍋 𑌮𑍁𑌨𑌿𑌪𑍁𑌂𑌗𑌵𑌃 ॥ 22 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌤𑍍𑌰𑌯𑍋𑌵𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: