VR 2.107 Ayodhya Kanda - Sarga 107 - Grantha

Collection of Spiritual and Devotional Literature in Various Indian Languages

View this in:

2.10𑍭 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌸𑌪𑍍𑌤𑌾𑌧𑌿𑌕𑌶𑌤𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।

𑌪𑍁𑌨𑌰𑍇𑌵𑌂 𑌬𑍍𑌰𑍁𑌵𑌾𑌣𑌂 𑌤𑌂 𑌭𑌰𑌤𑌂 𑌲𑌕𑍍𑌷𑍍𑌮𑌣𑌾𑌗𑍍𑌰𑌜𑌃 ।
𑌪𑍍𑌰𑌤𑍍𑌯𑍁𑌵𑌾𑌚 𑌤𑌤 𑌶𑍍𑌶𑍍𑌰𑍀𑌮𑌾𑌨𑍍 𑌜𑍍𑌞𑌾𑌤𑌿𑌮𑌧𑍍𑌯𑍇𑌽𑌭𑌿𑌸𑌤𑍍𑌕𑍃𑌤𑌃 ॥ 1 ॥

𑌉𑌪𑌪𑌨𑍍𑌨𑌮𑌿𑌦𑌂 𑌵𑌾𑌕𑍍𑌯𑌂 𑌯𑌤𑍍𑌤𑍍𑌵𑌮𑍇𑌵𑌮𑌭𑌾𑌷𑌥𑌾𑌃 ।
𑌜𑌾𑌤𑌃 𑌪𑍁𑌤𑍍𑌰𑍋 𑌦𑌶𑌰𑌥𑌾𑌤𑍍𑌕𑍈𑌕𑍇𑌯𑍍𑌯𑌾𑌂 𑌰𑌾𑌜𑌸𑌤𑍍𑌤𑌮𑌾𑌤𑍍 ॥ 2 ॥

𑌪𑍁𑌰𑌾 𑌭𑍍𑌰𑌾𑌤𑌃 𑌪𑌿𑌤𑌾 𑌨 𑌸𑍍𑌸 𑌮𑌾𑌤𑌰𑌂 𑌤𑍇 𑌸𑌮𑍁𑌦𑍍𑌵𑌹𑌨𑍍 ।
𑌮𑌾𑌤𑌾𑌮𑌹𑍇 𑌸𑌮𑌾𑌶𑍍𑌰𑍌𑌷𑍀𑌦𑍍𑌰𑌾𑌜𑍍𑌯𑌶𑍁𑌲𑍍𑌕𑌮𑌨𑍁𑌤𑍍𑌤𑌮𑌮𑍍 ॥ 3 ॥

𑌦𑍈𑌵𑌾𑌸𑍁𑌰𑍇 𑌚 𑌸𑌂𑌗𑍍𑌰𑌾𑌮𑍇 𑌜𑌨𑌨𑍍𑌯𑍈 𑌤𑌵 𑌪𑌾𑌰𑍍𑌥𑌿𑌵𑌃 ।
𑌸𑌂𑌪𑍍𑌰𑌹𑍃𑌷𑍍𑌟𑍋 𑌦𑌦𑍌 𑌰𑌾𑌜𑌾 𑌵𑌰𑌮𑌾𑌰𑌾𑌧𑌿𑌤𑌃 𑌪𑍍𑌰𑌭𑍁𑌃 ॥ 4 ॥

𑌤𑌤𑌸𑍍𑌸𑌾 𑌸𑌂𑌪𑍍𑌰𑌤𑌿𑌶𑍍𑌰𑌾𑌵𑍍𑌯 𑌤𑌵 𑌮𑌾𑌤𑌾 𑌯𑌶𑌸𑍍𑌵𑌿𑌨𑍀 ।
𑌅𑌯𑌾𑌚𑌤 𑌨𑌰𑌶𑍍𑌰𑍇𑌷𑍍𑌠𑌂 𑌦𑍍𑌵𑍌 𑌵𑌰𑍌 𑌵𑌰𑌵𑌰𑍍𑌣𑌿𑌨𑍀 ॥ 5 ॥

𑌤𑌵 𑌰𑌾𑌜𑍍𑌯𑌂 𑌨𑌰𑌵𑍍𑌯𑌾𑌘𑍍𑌰 𑌮𑌮 𑌪𑍍𑌰𑌵𑍍𑌰𑌾𑌜𑌨𑌂 𑌤𑌥𑌾 ।
𑌤𑍌 𑌚 𑌰𑌾𑌜𑌾 𑌤𑌦𑌾 𑌤𑌸𑍍𑌯𑍈 𑌨𑌿𑌯𑍁𑌕𑍍𑌤𑌃 𑌪𑍍𑌰𑌦𑌦𑍌 𑌵𑌰𑍌 ॥ 6 ॥

𑌤𑌤𑌃 𑌸𑌾 𑌸𑌂𑌪𑍍𑌰𑌤𑌿𑌶𑍍𑌰𑌾𑌵𑍍𑌯 𑌤𑌵 𑌮𑌾𑌤𑌾 𑌯𑌶𑌸𑍍𑌵𑌿𑌨𑍀 ।
𑌅𑌯𑌾𑌚𑌤 𑌨𑌰𑌶𑍍𑌰𑍇𑌷𑍍𑌠𑌂 𑌦𑍍𑌵𑍌 𑌵𑌰𑍌 𑌵𑌰𑌵𑌰𑍍𑌣𑌿𑌨𑍀 ॥ 𑍭 ॥

𑌤𑌵 𑌰𑌾𑌜𑍍𑌯𑌂 𑌨𑌰𑌵𑍍𑌯𑌾𑌘𑍍𑌰 𑌮𑌮 𑌪𑍍𑌰𑌵𑍍𑌰𑌾𑌜𑌨𑌂 𑌤𑌥𑌾 ।
𑌤𑌚𑍍𑌚 𑌰𑌾𑌜𑌾 𑌤𑌦𑌾 𑌤𑌸𑍍𑌯𑍈 𑌨𑌿𑌯𑍁𑌕𑍍𑌤𑌃 𑌪𑍍𑌰𑌦𑌦𑍌 𑌵𑌰𑍌 ॥ 𑍮 ॥

𑌤𑍇𑌨 𑌪𑌿𑌤𑍍𑌰𑌾𑌽𑌹𑌮𑌪𑍍𑌯𑌤𑍍𑌰 𑌨𑌿𑌯𑍁𑌕𑍍𑌤𑌃 𑌪𑍁𑌰𑍁𑌷𑌰𑍍𑌷𑌭 ।
𑌚𑌤𑍁𑌰𑍍𑌦𑌶 𑌵𑌨𑍇 𑌵𑌾𑌸𑌂 𑌵𑌰𑍍𑌷𑌾𑌣𑌿 𑌵𑌰𑌦𑌾𑌨𑌿𑌕𑌮𑍍 ॥ 𑍯 ॥

𑌸𑍋𑌽𑌹𑌂 𑌵𑌨𑌮𑌿𑌦𑌂 𑌪𑍍𑌰𑌾𑌪𑍍𑌤𑍋 𑌨𑌿𑌰𑍍𑌜𑌨𑌂 𑌲𑌕𑍍𑌷𑍍𑌮𑌣𑌾𑌨𑍍𑌵𑌿𑌤𑌃 ।
𑌸𑍀𑌤𑌯𑌾 𑌚𑌾𑌪𑍍𑌰𑌤𑌿𑌦𑍍𑌵𑌂𑌦𑍍𑌵 𑌸𑍍𑌸𑌤𑍍𑌯𑌵𑌾𑌦𑍇 𑌸𑍍𑌥𑌿𑌤𑌃 𑌪𑌿𑌤𑍁𑌃 ॥ 10 ॥

𑌭𑌵𑌾𑌨𑌪𑌿 𑌤𑌥𑍇𑌤𑍍𑌯𑍇𑌵 𑌪𑌿𑌤𑌰𑌂 𑌸𑌤𑍍𑌯𑌵𑌾𑌦𑌿𑌨𑌮𑍍 ।
𑌕𑌰𑍍𑌤𑍁𑌮𑌰𑍍𑌹𑌤𑌿 𑌰𑌾𑌜𑍇𑌂𑌦𑍍𑌰 𑌕𑍍𑌷𑌿𑌪𑍍𑌰𑌮𑍇𑌵𑌾𑌭𑌿𑌷𑍇𑌚𑌨𑌾𑌤𑍍 ॥ 11 ॥

𑌋𑌣𑌾𑌨𑍍𑌮𑍋𑌚𑌯 𑌰𑌾𑌜𑌾𑌨𑌂 𑌮𑌤𑍍𑌕𑍃𑌤𑍇 𑌭𑌰𑌤 𑌪𑍍𑌰𑌭𑍁𑌮𑍍 ।
𑌪𑌿𑌤𑌰𑌂 𑌚𑌾𑌪𑌿 𑌧𑌰𑍍𑌮𑌜𑍍𑌞𑌂 𑌮𑌾𑌤𑌰𑌂 𑌚𑌾𑌭𑌿𑌨𑌂𑌦𑌯 ॥ 12 ॥

𑌶𑍍𑌰𑍂𑌯𑌤𑍇 𑌧𑍀𑌮𑌤𑌾 𑌤𑌾𑌤 𑌶𑍍𑌰𑍁𑌤𑌿𑌰𑍍𑌗𑍀𑌤𑌾 𑌯𑌶𑌸𑍍𑌵𑌿𑌨𑌾 ।
𑌗𑌯𑍇𑌨 𑌯𑌜𑌮𑌾𑌨𑍇𑌨 𑌗𑌯𑍇𑌷𑍍𑌵𑍇𑌵 𑌪𑌿𑌤𑍄𑌨𑍍 𑌪𑍍𑌰𑌤𑌿 ॥ 13 ॥

𑌪𑍁𑌨𑍍𑌨𑌾𑌮𑍍𑌨𑍋 𑌨𑌰𑌕𑌾𑌦𑍍 𑌯𑌸𑍍𑌮𑌾𑌤𑍍 𑌪𑌿𑌤𑌰𑌂 𑌤𑍍𑌰𑌾𑌯𑌤𑍇 𑌸𑍁𑌤𑌃 ।
𑌤𑌸𑍍𑌮𑌾𑌤𑍍 𑌪𑍁𑌤𑍍𑌰 𑌇𑌤𑌿 𑌪𑍍𑌰𑍋𑌕𑍍𑌤𑌃 𑌪𑌿𑌤𑍄𑌨𑍍 𑌯𑌃 𑌪𑌾𑌤𑌿 𑌸𑌰𑍍𑌵𑌤𑌃 ॥ 14 ॥

𑌏𑌷𑍍𑌟𑌵𑍍𑌯𑌾 𑌬𑌹𑌵𑌃 𑌪𑍁𑌤𑍍𑌰𑌾 𑌗𑍁𑌣𑌵𑌂𑌤𑍋 𑌬𑌹𑍁𑌶𑍍𑌰𑍁𑌤𑌾𑌃 ।
𑌤𑍇𑌷𑌾𑌂 𑌵𑍈 𑌸𑌮𑌵𑍇𑌤𑌾𑌨𑌾𑌮𑌪𑌿 𑌕𑌶𑍍𑌚𑌿𑌦𑍍𑌗𑌯𑌾𑌂 𑌵𑍍𑌰𑌜𑍇𑌤𑍍 ॥ 15 ॥

𑌏𑌵𑌂 𑌰𑌾𑌜𑌰𑍍𑌷𑌯 𑌸𑍍𑌸𑌰𑍍𑌵𑍇 𑌪𑍍𑌰𑌤𑍀𑌤𑌾 𑌰𑌾𑌜𑌨𑌂𑌦𑌨 ।
𑌤𑌸𑍍𑌮𑌾𑌤𑍍𑌰𑌾𑌹𑌿 𑌨𑌰𑌶𑍍𑌰𑍇𑌷𑍍𑌠 𑌪𑌿𑌤𑌰𑌂 𑌨𑌰𑌕𑌾𑌤𑍍𑌪𑍍𑌰𑌭𑍋 ॥ 16 ॥

𑌅𑌯𑍋𑌧𑍍𑌯𑌾𑌂 𑌗𑌚𑍍𑌛 𑌭𑌰𑌤 𑌪𑍍𑌰𑌕𑍃𑌤𑍀𑌰𑌨𑍁𑌰𑌂𑌜𑌯 ।
𑌶𑌤𑍍𑌰𑍁𑌘𑍍𑌨𑌸𑌹𑌿𑌤𑍋 𑌵𑍀𑌰 𑌸𑌹 𑌸𑌰𑍍𑌵𑍈𑌰𑍍𑌦𑍍𑌵𑌿𑌜𑌾𑌤𑌿𑌭𑌿𑌃 ॥ 1𑍭 ॥

𑌪𑍍𑌰𑌵𑍇𑌕𑍍𑌷𑍍𑌯𑍇 𑌦𑌂𑌡𑌕𑌾𑌰𑌣𑍍𑌯𑌮𑌹𑌮𑌪𑍍𑌯𑌵𑌿𑌲𑌂𑌬𑌯𑌨𑍍 ।
𑌆𑌭𑍍𑌯𑌾𑌂𑌤𑍁 𑌸𑌹𑌿𑌤𑍋 𑌰𑌾𑌜𑌨𑍍 𑌵𑍈𑌦𑍇𑌹𑍍𑌯𑌾 𑌲𑌕𑍍𑌷𑍍𑌮𑌣𑍇𑌨 𑌚 ॥ 1𑍮 ॥

𑌤𑍍𑌵𑌂 𑌰𑌾𑌜𑌾 𑌭𑌰𑌤 𑌭𑌵 𑌸𑍍𑌵𑌯𑌂 𑌨𑌰𑌾𑌣𑌾𑌂 𑌵𑌨𑍍𑌯𑌾𑌨𑌾𑌮𑌹𑌮𑌪𑌿 𑌰𑌾𑌜𑌰𑌾𑌣𑍍𑌮𑍃𑌗𑌾𑌣𑌾𑌮𑍍 ।
𑌗𑌚𑍍𑌛 𑌤𑍍𑌵𑌂 𑌪𑍁𑌰𑌵𑌰𑌮𑌦𑍍𑌯 𑌸𑌂𑌪𑍍𑌰𑌹𑍃𑌷𑍍𑌟𑌸𑍍𑌸𑌂𑌹𑍃𑌷𑍍𑌟𑌸𑍍𑌤𑍍𑌵𑌹𑌮𑌪𑌿 𑌦𑌂𑌡𑌕𑌾𑌨𑍍𑌪𑍍𑌰𑌵𑍇𑌕𑍍𑌷𑍍𑌯𑍇 ॥ 1𑍯 ॥

𑌛𑌾𑌯𑌾𑌂 𑌤𑍇 𑌦𑌿𑌨𑌕𑌰𑌭𑌾𑌃 𑌪𑍍𑌰𑌬𑌾𑌧𑌮𑌾𑌨𑌾𑌂 𑌵𑌰𑍍𑌷𑌤𑍍𑌰𑌂 𑌭𑌰𑌤 𑌕𑌰𑍋𑌤𑍁 𑌮𑍂𑌰𑍍𑌧𑍍𑌨𑌿 𑌶𑍀𑌤𑌾𑌮𑍍 ।
𑌏𑌤𑍇𑌷𑌾𑌮𑌹𑌮𑌪𑌿 𑌕𑌾𑌨𑌨𑌦𑍍𑌰𑍁𑌮𑌾𑌣𑌾𑌂 𑌛𑌾𑌯𑌾𑌂 𑌤𑌾𑌮𑌤𑌿𑌶𑌯𑌿𑌨𑍀𑌂 𑌸𑍁𑌖𑍀 𑌶𑍍𑌰𑌯𑌿𑌷𑍍𑌯𑍇 ॥ 20 ॥

𑌶𑌤𑍍𑌰𑍁𑌘𑍍𑌨𑌃 𑌕𑍁𑌶𑌲𑌮𑌤𑌿𑌸𑍍𑌤𑍁 𑌤𑍇 𑌸𑌹𑌾𑌯𑌸𑍍𑌸𑍌𑌮𑌿𑌤𑍍𑌰𑌿𑌰𑍍𑌮𑌮 𑌵𑌿𑌦𑌿𑌤𑌃 𑌪𑍍𑌰𑌧𑌾𑌨𑌮𑌿𑌤𑍍𑌰𑌮𑍍 ।
𑌚𑌤𑍍𑌵𑌾𑌰𑌸𑍍𑌤𑌨𑌯𑌵𑌰𑌾 𑌵𑌯𑌂 𑌨𑌰𑍇𑌂𑌦𑍍𑌰𑌂 𑌸𑌤𑍍𑌯𑌸𑍍𑌥𑌂 𑌭𑌰𑌤 𑌚𑌰𑌾𑌮 𑌮𑌾 𑌵𑌿𑌷𑍀𑌦 ॥ 21 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌸𑌪𑍍𑌤𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥

Browse Related Categories: