VR 2.100 Ayodhya Kanda - Sarga 100 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

2.100 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌶𑌤𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌶𑌤𑌤𑌮𑌸𑍍𑌸𑌰𑍍𑌗𑌃 ।

𑌜𑌟𑌿𑌲𑌂 𑌚𑍀𑌰𑌵𑌸𑌨𑌂 𑌪𑍍𑌰𑌾𑌂𑌜𑌲𑌿𑌂 𑌪𑌤𑌿𑌤𑌂 𑌭𑍁𑌵𑌿 ।
𑌦𑌦𑌰𑍍𑌶 𑌰𑌾𑌮𑍋 𑌦𑍁𑌰𑍍𑌦𑌰𑍍𑌶𑌂 𑌯𑍁𑌗𑌾𑌂𑌤𑍇 𑌭𑌾𑌸𑍍𑌕𑌰𑌂𑌯𑌥𑌾 ॥ 1 ॥

𑌕𑌥𑌂𑌚𑌿𑌦𑌭𑌿𑌵𑌿𑌜𑍍𑌞𑌾𑌯 𑌵𑌿𑌵𑌰𑍍𑌣𑌵𑌦𑌨𑌂 𑌕𑍃𑌶𑌮𑍍 ।
𑌭𑍍𑌰𑌾𑌤𑌰𑌂 𑌭𑌰𑌤𑌂 𑌰𑌾𑌮𑌃 𑌪𑌰𑌿𑌜𑌗𑍍𑌰𑌾𑌹 𑌬𑌾𑌹𑍁𑌨𑌾 ॥ 2 ॥

𑌆𑌘𑍍𑌰𑌾𑌯 𑌰𑌾𑌮𑌸𑍍𑌤𑌂 𑌮𑍂𑌰𑍍𑌧𑍍𑌨𑌿 𑌪𑌰𑌿𑌷𑍍𑌵𑌜𑍍𑌯 𑌚 𑌰𑌾𑌘𑌵𑌃 ।
𑌅𑌂𑌕𑍇 𑌭𑌰𑌤𑌮𑌾𑌰𑍋𑌪𑍍𑌯 𑌪𑌰𑍍𑌯𑌪𑍃𑌚𑍍𑌛𑌤𑍍𑌸𑌮𑌾𑌹𑌿𑌤𑌃 ॥ 3 ॥

𑌕𑍍𑌵 𑌨𑍁 𑌤𑍇𑌽𑌭𑍂𑌤𑍍𑌪𑌿𑌤𑌾 𑌤𑌾𑌤 𑌯𑌦𑌰𑌣𑍍𑌯𑌂 𑌤𑍍𑌵𑌮𑌾𑌗𑌤𑌃 ।
𑌨 𑌹𑌿 𑌤𑍍𑌵𑌂 𑌜𑍀𑌵𑌤𑌸𑍍𑌤𑌸𑍍𑌯 𑌵𑌨𑌮𑌾𑌗𑌂𑌤𑍁𑌮𑌰𑍍𑌹𑌸𑌿 ॥ 4 ॥

𑌚𑌿𑌰𑌸𑍍𑌯 𑌬𑌤 𑌪𑌶𑍍𑌯𑌾𑌮𑌿 𑌦𑍂𑌰𑌾𑌦𑍍𑌭𑌰𑌤𑌮𑌾𑌗𑌤𑌮𑍍 ।
𑌦𑍁𑌷𑍍𑌪𑍍𑌰𑌤𑍀𑌕𑌮𑌰𑌣𑍍𑌯𑍇𑌽𑌸𑍍𑌮𑌿𑌨𑍍 𑌕𑌿𑌂 𑌤𑌾𑌤 𑌵𑌨𑌮𑌾𑌗𑌤𑌃 ॥ 5 ॥

𑌕𑌚𑍍𑌚𑌿𑌦𑍍𑌧𑌾𑌰𑌯𑌤𑍇 𑌤𑌾𑌤 𑌰𑌾𑌜𑌾 𑌯𑌤𑍍𑌤𑍍𑌵𑌮𑌿𑌹𑌾𑌽𑌗𑌤𑌃 ।
𑌕𑌚𑍍𑌚𑌿𑌨𑍍𑌨 𑌦𑍀𑌨 𑌸𑍍𑌸𑌹𑌸𑌾 𑌰𑌾𑌜𑌾 𑌲𑍋𑌕𑌾𑌂𑌤𑌰𑌂 𑌗𑌤𑌃 ॥ 6 ॥

𑌕𑌚𑍍𑌚𑌿𑌤𑍍𑌸𑍌𑌮𑍍𑌯 𑌨 𑌤𑍇 𑌰𑌾𑌜𑍍𑌯𑌂 𑌭𑍍𑌰𑌷𑍍𑌟𑌂 𑌬𑌾𑌲𑌸𑍍𑌯 𑌶𑌾𑌶𑍍𑌵𑌤𑌮𑍍 ।
𑌕𑌚𑍍𑌚𑌿𑌚𑍍𑌛𑍁𑌶𑍍𑌰𑍂𑌷𑌸𑍇 𑌤𑌾𑌤 𑌪𑌿𑌤𑌰𑌂 𑌸𑌤𑍍𑌯𑌵𑌿𑌕𑍍𑌰𑌮𑌮𑍍 ॥ 𑍭 ॥

𑌕𑌚𑍍𑌚𑌿𑌦𑍍𑌧𑌶𑌰𑌥𑍋 𑌰𑌾𑌜𑌾 𑌕𑍁𑌶𑌲𑍀 𑌸𑌤𑍍𑌯𑌸𑌂𑌂𑌗𑌰𑌃 ।
𑌰𑌾𑌜𑌸𑍂𑌯𑌾𑌶𑍍𑌵𑌮𑍇𑌧𑌾𑌨𑌾𑌮𑌾𑌹𑌰𑍍𑌤𑌾 𑌧𑌰𑍍𑌮𑌨𑌿𑌶𑍍𑌚𑌯𑌃 ॥ 𑍮 ॥

𑌸 𑌕𑌚𑍍𑌚𑌿𑌦𑍍𑌬𑍍𑌰𑌾𑌹𑍍𑌮𑌣𑍋 𑌵𑌿𑌦𑍍𑌵𑌾𑌨𑍍 𑌧𑌰𑍍𑌮𑌨𑌿𑌤𑍍𑌯𑍋 𑌮𑌹𑌾𑌦𑍍𑌯𑍁𑌤𑌿𑌃 ।
𑌇𑌕𑍍𑌷𑍍𑌵𑌾𑌕𑍂𑌣𑌾𑌮𑍁𑌪𑌾𑌧𑍍𑌯𑌾𑌯𑍋 𑌯𑌥𑌾𑌵𑌤𑍍𑌤𑌾𑌤 𑌪𑍂𑌜𑍍𑌯𑌤𑍇 ॥ 𑍯 ॥

𑌸𑌾 𑌤𑌾𑌤 𑌕𑌚𑍍𑌚𑌿𑌤𑍍𑌕𑍌𑌸𑌲𑍍𑌯𑌾 𑌸𑍁𑌮𑌿𑌤𑍍𑌰𑌾 𑌚 𑌪𑍍𑌰𑌜𑌾𑌵𑌤𑍀 ।
𑌸𑍁𑌖𑌿𑌨𑍀 𑌕𑌚𑍍𑌚𑌿𑌦𑌾𑌰𑍍𑌯𑌾 𑌚 𑌦𑍇𑌵𑍀 𑌨𑌂𑌦𑌤𑌿 𑌕𑍈𑌕𑌯𑍀 ॥ 10 ॥

𑌕𑌚𑍍𑌚𑌿𑌦𑍍𑌵𑌿𑌨𑌯𑌸𑌂𑌪𑌨𑍍𑌨𑌃 𑌕𑍁𑌲𑌪𑍁𑌤𑍍𑌰𑍋 𑌬𑌹𑍁𑌶𑍍𑌰𑍁𑌤𑌃 ।
𑌅𑌨𑌸𑍂𑌯𑍁𑌰𑌨𑍁𑌦𑍍𑌰𑌷𑍍𑌟𑌾 𑌸𑌤𑍍𑌕𑍃𑌤𑌸𑍍𑌤𑍇 𑌪𑍁𑌰𑍋𑌹𑌿𑌤𑌃 ॥ 11 ॥

𑌕𑌚𑍍𑌚𑌿𑌦𑌗𑍍𑌨𑌿𑌷𑍁 𑌤𑍇 𑌯𑍁𑌕𑍍𑌤𑍋 𑌵𑌿𑌧𑌿𑌜𑍍𑌞𑍋 𑌮𑌤𑌿𑌮𑌾𑌨𑍃𑌜𑍁𑌃 ।
𑌹𑍁𑌤𑌂 𑌚 𑌹𑍋𑌷𑍍𑌯𑌮𑌾𑌣𑌂 𑌚 𑌕𑌾𑌲𑍇 𑌵𑍇𑌦𑌯𑌤𑍇 𑌸𑌦𑌾 ॥ 12 ॥

𑌕𑌚𑍍𑌚𑌿𑌦𑍍𑌦𑍇𑌵𑌾𑌨𑍍𑌪𑌿𑌤𑍍𑌰𑍂𑌨𑍍 𑌮𑌾𑌤𑍃𑌰𑍍𑌗𑍁𑌰𑍂𑌨𑍍𑌪𑌿𑌤𑍃𑌸𑌮𑌾𑌨𑌪𑌿 ।
𑌵𑍃𑌦𑍍𑌧𑌾𑌂𑌶𑍍𑌚 𑌤𑌾𑌤 𑌵𑍈𑌦𑍍𑌯𑌾𑌂𑌶𑍍𑌚 𑌬𑍍𑌰𑌾𑌹𑍍𑌮𑌣𑌾𑌂𑌶𑍍𑌚𑌾𑌭𑌿𑌮𑌨𑍍𑌯𑌸𑍇 ॥ 13 ॥

𑌇𑌷𑍍𑌵𑌸𑍍𑌤𑍍𑌰𑌵𑌰𑌸𑌂𑌪𑌨𑍍𑌨𑌮𑌰𑍍𑌥𑌶𑌾𑌸𑍍𑌤𑍍𑌰 𑌵𑌿𑌶𑌾𑌰𑌦𑌮𑍍 ।
𑌸𑍁𑌧𑌨𑍍𑌵𑌾𑌨𑌮𑍁𑌪𑌾𑌧𑍍𑌯𑌾𑌯𑌂 𑌕𑌚𑍍𑌚𑌿𑌤𑍍𑌤𑍍𑌵𑌂 𑌤𑌾𑌤 𑌮𑌨𑍍𑌯𑌸𑍇 ॥ 14 ॥

𑌕𑌚𑍍𑌚𑌿𑌦𑌾𑌤𑍍𑌮𑌸𑌮𑌾 𑌶𑍍𑌶𑍂𑌰𑌾 𑌶𑍍𑌶𑍍𑌰𑍁𑌤𑌵𑌂𑌤𑍋 𑌜𑌿𑌤𑍇𑌂𑌦𑍍𑌰𑌿𑌯𑌾𑌃 ।
𑌕𑍁𑌲𑍀𑌨𑌾𑌶𑍍𑌚𑍇𑌂𑌗𑌿𑌤𑌜𑍍𑌞𑌾𑌶𑍍𑌚 𑌕𑍃𑌤𑌾𑌸𑍍𑌤𑍇 𑌤𑌾𑌤 𑌮𑌂𑌤𑍍𑌰𑌿𑌣𑌃 ॥ 15 ॥

𑌮𑌂𑌤𑍍𑌰𑍋 𑌵𑌿𑌜𑌯𑌮𑍂𑌲𑌂 𑌹𑌿 𑌰𑌾𑌜𑍍𑌞𑌾𑌂 𑌭𑌵𑌤𑌿 𑌰𑌾𑌘𑌵 ।
𑌸𑍁𑌸𑌂𑌵𑍃𑌤𑍋 𑌮𑌂𑌤𑍍𑌰𑌧𑌰𑍈𑌰𑌮𑌾𑌤𑍍𑌯𑍈 𑌶𑍍𑌶𑌾𑌸𑍍𑌤𑍍𑌰𑌕𑍋𑌵𑌿𑌦𑍈𑌃 ॥ 16 ॥

𑌕𑌚𑍍𑌚𑌿𑌨𑍍𑌨𑌿𑌦𑍍𑌰𑌾𑌵𑌶𑌂 𑌨𑍈𑌷𑍀𑌃 𑌕𑌚𑍍𑌚𑌿𑌤𑍍 𑌕𑌾𑌲𑍇𑌽𑌵𑌬𑍁𑌧𑍍𑌯𑌸𑍇 ।
𑌕𑌚𑍍𑌚𑌿𑌚𑍍𑌚𑌾𑌪𑌰𑌰𑌾𑌤𑍍𑌰𑍇𑌷𑍁 𑌚𑌿𑌂𑌤𑌿𑌯𑌸𑍍𑌯𑌰𑍍𑌥𑌨𑍈𑌪𑍁𑌣𑌮𑍍 ॥ 1𑍭 ॥

𑌕𑌚𑍍𑌚𑌿𑌨𑍍𑌮𑌂𑌤𑍍𑌰𑌯𑌸𑍇 𑌨𑍈𑌕𑌃 𑌕𑌚𑍍𑌚𑌿𑌨𑍍𑌨 𑌬𑌹𑍁𑌭𑌿𑌸𑍍𑌸𑌹 ।
𑌕𑌚𑍍𑌚𑌿𑌤𑍍𑌤𑍇 𑌮𑌂𑌤𑍍𑌰𑌿𑌤𑍋 𑌮𑌂𑌤𑍍𑌰𑍋 𑌰𑌾𑌷𑍍𑌟𑍍𑌰𑌂 𑌨 𑌪𑌰𑌿𑌧𑌾𑌵𑌤𑌿 ॥ 1𑍮 ॥

𑌕𑌚𑍍𑌚𑌿𑌦𑌰𑍍𑌥𑌂 𑌵𑌿𑌨𑌿𑌶𑍍𑌚𑌿𑌤𑍍𑌯 𑌲𑌘𑍁𑌮𑍂𑌲𑌂 𑌮𑌹𑍋𑌦𑌯𑌮𑍍 ।
𑌕𑍍𑌷𑌿𑌪𑍍𑌰𑌮𑌾𑌰𑌭𑌸𑍇 𑌕𑌰𑍍𑌤𑍁𑌂 𑌨 𑌦𑍀𑌰𑍍𑌘𑌯𑌸𑌿 𑌰𑌾𑌘𑌵 ॥ 1𑍯 ॥

𑌕𑌚𑍍𑌚𑌿𑌤𑍍𑌤𑍁 𑌸𑍁𑌕𑍃𑌤𑌾𑌨𑍍𑌯𑍇𑌵 𑌕𑍃𑌤𑌰𑍂𑌪𑌾𑌣𑌿 𑌵𑌾 𑌪𑍁𑌨𑌃 ।
𑌵𑌿𑌦𑍁𑌸𑍍𑌤𑍇 𑌸𑌰𑍍𑌵𑌕𑌾𑌰𑍍𑌯𑌾𑌣𑌿 𑌨 𑌕𑌰𑍍𑌤𑌵𑍍𑌯𑌾𑌨𑌿 𑌪𑌾𑌰𑍍𑌥𑌿𑌵𑌾𑌃 ॥ 20 ॥

𑌕𑌚𑍍𑌚𑌿𑌨𑍍𑌨𑌤𑌰𑍍𑌕𑍈𑌰𑍍𑌯𑍁𑌕𑍍𑌤𑍍𑌯𑌾 𑌵𑌾 𑌯𑍇 𑌚𑌾𑌪𑍍𑌯𑌪𑌰𑌿𑌕𑍀𑌰𑍍𑌤𑌿𑌤𑌾𑌃 ।
𑌤𑍍𑌵𑌯𑌾 𑌵𑌾 𑌤𑌵𑌾𑌮𑌾𑌤𑍍𑌯𑍈𑌰𑍍𑌬𑍁𑌧𑍍𑌯𑌤𑍇 𑌤𑌾𑌤 𑌮𑌂𑌤𑍍𑌰𑌿𑌤𑌮𑍍 ॥ 21 ॥

𑌕𑌚𑍍𑌚𑌿𑌤𑍍𑌸𑌹𑌸𑍍𑌰𑌾𑌨𑍍𑌮𑍂𑌰𑍍𑌖𑌾𑌣𑌾𑌮𑍇𑌕𑌮𑌿𑌚𑍍𑌛𑌸𑌿 𑌪𑌂𑌡𑌿𑌤𑌮𑍍 ।
𑌪𑌂𑌡𑌿𑌤𑍋 𑌹𑍍𑌯𑌰𑍍𑌥𑌕𑍃𑌚𑍍𑌛𑍍𑌰𑍇𑌷𑍁 𑌕𑍁𑌰𑍍𑌯𑌾𑌨𑍍𑌨𑌿𑌶𑍍𑌰𑍇𑌯𑌸𑌂 𑌮𑌹𑌤𑍍 ॥ 22 ॥

𑌸𑌹𑌸𑍍𑌰𑌾𑌣𑍍𑌯𑌪𑌿 𑌮𑍂𑌰𑍍𑌖𑌾𑌣𑌾𑌂 𑌯𑍁𑌦𑍍𑌯𑍁𑌪𑌾𑌸𑍍𑌤𑍇 𑌮𑌹𑍀𑌪𑌤𑌿𑌃 ।
𑌅𑌥𑌵𑌾𑌪𑍍𑌯𑌯𑍁𑌤𑌾𑌨𑍍𑌯𑍇𑌵 𑌨𑌾𑌸𑍍𑌤𑌿 𑌤𑍇𑌷𑍁 𑌸𑌹𑌾𑌯𑌤𑌾 ॥ 23 ॥

𑌏𑌕𑍋𑌽𑌪𑍍𑌯𑌮𑌾𑌤𑍍𑌯𑍋 𑌮𑍇𑌧𑌾𑌵𑍀 𑌶𑍂𑌰𑍋 𑌦𑌕𑍍𑌷𑍋 𑌵𑌿𑌚𑌕𑍍𑌷𑌣𑌃 ।
𑌰𑌾𑌜𑌾𑌨𑌂 𑌰𑌾𑌜𑌪𑍁𑌤𑍍𑌰𑌂 𑌵𑌾 𑌪𑍍𑌰𑌾𑌪𑌯𑍇𑌨𑍍𑌮𑌹𑌤𑍀𑌂 𑌶𑍍𑌰𑌿𑌯𑌮𑍍 ॥ 24 ॥

𑌕𑌚𑍍𑌚𑌿𑌨𑍍𑌮𑍁𑌖𑍍𑌯𑌾 𑌮𑌹𑌾𑌤𑍍𑌸𑍍𑌵𑍇𑌵 𑌮𑌧𑍍𑌯𑌮𑍇𑌷𑍁 𑌚 𑌮𑌧𑍍𑌯𑌮𑌾𑌃 ।
𑌜𑌘𑌨𑍍𑌯𑌾𑌶𑍍𑌚 𑌜𑌘𑌨𑍍𑌯𑍇𑌷𑍁 𑌭𑍃𑌤𑍍𑌯𑌾𑌃 𑌕𑌰𑍍𑌮𑌸𑍁 𑌯𑍋𑌜𑌿𑌤𑌾𑌃 ॥ 25 ॥

𑌅𑌮𑌾𑌤𑍍𑌯𑌾𑌨𑍁𑌪𑌧𑌾𑌤𑍀𑌤𑌾𑌨𑍍𑌪𑌿𑌤𑍃𑌪𑍈𑌤𑌾𑌮𑌹𑌾𑌂𑌛𑍁𑌚𑍀𑌨𑍍 ।
𑌶𑍍𑌰𑍇𑌷𑍍𑌠𑌾𑌂𑌛𑍍𑌰𑍇𑌷𑍍𑌠𑍇𑌷𑍁𑌕𑌚𑍍𑌚𑌿𑌤𑍍𑌵𑌂 𑌨𑌿𑌯𑍋𑌜𑌯𑌸𑌿 𑌕𑌰𑍍𑌮𑌸𑍁 ॥ 26 ॥

𑌕𑌚𑍍𑌚𑌿𑌨𑍍𑌨𑍋𑌗𑍍𑌰𑍇𑌣 𑌦𑌂𑌡𑍇𑌨 𑌭𑍃𑌶𑌮𑍁𑌦𑍍𑌵𑍇𑌜𑌿𑌤𑌪𑍍𑌰𑌜𑌮𑍍 ।
𑌰𑌾𑌷𑍍𑌟𑍍𑌰𑌂 𑌤𑌵𑌾𑌨𑍁𑌜𑌾𑌨𑌂𑌤𑌿 𑌮𑌂𑌤𑍍𑌰𑌿𑌣𑌃 𑌕𑍈𑌕𑌯𑍀𑌸𑍁𑌤 ॥ 2𑍭 ॥

𑌕𑌚𑍍𑌚𑌿𑌤𑍍𑌤𑍍𑌵𑌾𑌂 𑌨𑌾𑌵𑌜𑌾𑌨𑌂𑌤𑌿 𑌯𑌾𑌜𑌕𑌾𑌃 𑌪𑌤𑌿𑌤𑌂 𑌯𑌥𑌾 ।
𑌉𑌗𑍍𑌰𑌪𑍍𑌰𑌤𑌿𑌗𑍍𑌰𑌹𑍀𑌤𑌾𑌰𑌂 𑌕𑌾𑌮𑌯𑌾𑌨𑌮𑌿𑌵 𑌸𑍍𑌤𑍍𑌰𑌿𑌯𑌃 ॥ 2𑍮 ॥

𑌉𑌪𑌾𑌯𑌕𑍁𑌶𑌲𑌂 𑌵𑍈𑌦𑍍𑌯𑌂 𑌭𑍃𑌤𑍍𑌯𑌸𑌂𑌦𑍂𑌷𑌣𑍇 𑌰𑌤𑌮𑍍 ।
𑌶𑍂𑌰𑌮𑍈𑌶𑍍𑌵𑌰𑍍𑌯𑌕𑌾𑌮𑌂 𑌚 𑌯𑍋 𑌨 𑌹𑌂𑌤𑌿 𑌸 𑌹𑌨𑍍𑌯𑌤𑍇 ॥ 2𑍯 ॥

𑌕𑌚𑍍𑌚𑌿𑌦𑍍𑌧𑍃𑌷𑍍𑌟𑌶𑍍𑌚 𑌶𑍂𑌰𑌶𑍍𑌚 𑌮𑌤𑌿𑌮𑌾𑌨𑍍 𑌧𑍃𑌤𑌿𑌮𑌾𑌨𑍍 𑌶𑍁𑌚𑌿𑌃 ।
𑌕𑍁𑌲𑍀𑌨𑌶𑍍𑌚𑌾𑌨𑍁𑌰𑌕𑍍𑌤𑌶𑍍𑌚 𑌦𑌕𑍍𑌷𑌸𑍍𑌸𑍇𑌨𑌾𑌪𑌤𑌿𑌃 𑌕𑍃𑌤𑌃 ॥ 30 ॥

𑌬𑌲𑌵𑌂𑌤𑌶𑍍𑌚 𑌕𑌚𑍍𑌚𑌿𑌤𑍍𑌤𑍇 𑌮𑍁𑌖𑍍𑌯𑌾 𑌯𑍁𑌧𑍍𑌦𑌵𑌿𑌶𑌾𑌰𑌦𑌾𑌃 ।
𑌦𑍃𑌷𑍍𑌟𑌾𑌪𑌦𑌾𑌨𑌾 𑌵𑌿𑌕𑍍𑌰𑌾𑌂𑌤𑌾𑌸𑍍𑌤𑍍𑌵𑌯𑌾 𑌸𑌤𑍍𑌕𑍃𑌤𑍍𑌯𑌮𑌾𑌨𑌿𑌤𑌾𑌃 ॥ 31 ॥

𑌕𑌚𑍍𑌚𑌿𑌦𑍍𑌬𑌲𑌸𑍍𑌯 𑌭𑌕𑍍𑌤𑌂 𑌚 𑌵𑍇𑌤𑌨𑌂 𑌚 𑌯𑌥𑍋𑌚𑌿𑌤𑌮𑍍 ।
𑌸𑌂𑌪𑍍𑌰𑌾𑌪𑍍𑌤𑌕𑌾𑌲𑌂 𑌦𑌾𑌤𑌵𑍍𑌯𑌂 𑌦𑌦𑌾𑌸𑌿 𑌨 𑌵𑌿𑌲𑌂𑌬𑌸𑍇 ॥ 32 ॥

𑌕𑌾𑌲𑌾𑌤𑌿𑌕𑍍𑌰𑌮𑌣𑌾𑌚𑍍𑌚𑍈𑌵 𑌭𑌕𑍍𑌤𑌵𑍇𑌤𑌨𑌯𑍋𑌰𑍍𑌭𑍃𑌤𑌾𑌃 ।
𑌭𑌰𑍍𑌤𑍁𑌃 𑌕𑍁𑌪𑍍𑌯𑌂𑌤𑌿 𑌦𑍁𑌷𑍍𑌯𑌂𑌤𑌿 𑌸𑍋𑌽𑌨𑌰𑍍𑌥 𑌸𑍍𑌸𑍁𑌮𑌹𑌾𑌨𑍍 𑌸𑍍𑌮𑍃𑌤𑌃 ॥ 33 ॥

𑌕𑌚𑍍𑌚𑌿𑌤𑍍𑌸𑌰𑍍𑌵𑍇𑌽𑌨𑍁𑌰𑌕𑍍𑌤𑌾𑌸𑍍𑌤𑍍𑌵𑌾𑌂 𑌕𑍁𑌲𑌪𑍁𑌤𑍍𑌰𑌾𑌃 𑌪𑍍𑌰𑌧𑌾𑌨𑌤𑌃 ।
𑌕𑌚𑍍𑌚𑌿𑌤𑍍𑌪𑍍𑌰𑌾𑌣𑌾𑌂 𑌸𑍍𑌤𑌵𑌾𑌰𑍍𑌥𑍇𑌷𑍁 𑌸𑌂𑌤𑍍𑌯𑌜𑌂𑌤𑌿 𑌸𑌮𑌾𑌹𑌿𑌤𑌾𑌃 ॥ 34 ॥

𑌕𑌚𑍍𑌚𑌿𑌜𑍍𑌜𑌾𑌨𑌪𑌦𑍋 𑌵𑌿𑌦𑍍𑌵𑌾𑌂𑌦𑌕𑍍𑌷𑌿𑌣𑌃 𑌪𑍍𑌰𑌤𑌿𑌭𑌾𑌨𑌵𑌾𑌨𑍍 ।
𑌯𑌥𑍋𑌕𑍍𑌤𑌵𑌾𑌦𑍀 𑌦𑍂𑌤𑌸𑍍𑌤𑍇 𑌕𑍃𑌤𑍋 𑌭𑌰𑌤 𑌪𑌂𑌡𑌿𑌤𑌃 ॥ 35 ॥

𑌕𑌚𑍍𑌚𑌿𑌦𑌷𑍍𑌟𑌾𑌦𑌶𑌾𑌨𑍍𑌯𑍇𑌷𑍁 𑌸𑍍𑌵𑌪𑌕𑍍𑌷𑍇 𑌦𑌶 𑌪𑌂𑌚 𑌚 ।
𑌤𑍍𑌰𑌿𑌭𑌿𑌸𑍍𑌤𑍍𑌰𑌿𑌭𑌿𑌰𑌵𑌿𑌜𑍍𑌞𑌾𑌤𑍈𑌰𑍍𑌵𑍇𑌤𑍍𑌸𑌿 𑌤𑍀𑌰𑍍𑌥𑌾𑌨𑌿 𑌚𑌾𑌰𑌕𑍈𑌃 ॥ 36 ॥

𑌕𑌚𑍍𑌚𑌿𑌦𑍍𑌵𑍍𑌯𑌪𑌾𑌸𑍍𑌤𑌾𑌨𑌹𑌿𑌤𑌾𑌨𑍍𑌪𑍍𑌰𑌤𑌿𑌯𑌾𑌤𑌾𑌂𑌶𑍍𑌚 𑌸𑌰𑍍𑌵𑌦𑌾 ।
𑌦𑍁𑌰𑍍𑌬𑌲𑌾𑌨𑌨𑌵𑌜𑍍𑌞𑌾𑌯 𑌵𑌰𑍍𑌤𑌸𑍇 𑌰𑌿𑌪𑍁𑌸𑍂𑌦𑌨 ॥ 3𑍭 ॥

𑌕𑌚𑍍𑌚𑌿𑌨𑍍𑌨 𑌲𑍌𑌕𑌾𑌯𑌤𑌿𑌕𑌾𑌨𑍍𑌬𑍍𑌰𑌾𑌹𑍍𑌮𑌣𑌾𑌂𑌸𑍍𑌤𑌾𑌤 𑌸𑍇𑌵𑌸𑍇 ।
𑌅𑌨𑌰𑍍𑌥𑌕𑍁𑌶𑌲𑌾 𑌹𑍍𑌯𑍇𑌤𑍇 𑌬𑌾𑌲𑌾𑌃 𑌪𑌂𑌡𑌿𑌤𑌮𑌾𑌨𑌿𑌨𑌃 ॥ 3𑍮 ॥

𑌧𑌰𑍍𑌮𑌶𑌾𑌸𑍍𑌤𑍍𑌰𑍇𑌷𑍁 𑌮𑍁𑌖𑍍𑌯𑍇𑌷𑍁 𑌵𑌿𑌦𑍍𑌯𑌮𑌾𑌨𑍇𑌷𑍁 𑌦𑍁𑌰𑍍𑌬𑍁𑌧𑌾𑌃 ।
𑌬𑍁𑌦𑍍𑌧𑌿𑌮𑌾𑌨𑍍𑌵𑍀𑌕𑍍𑌷𑌿𑌕𑍀𑌂 𑌪𑍍𑌰𑌾𑌪𑍍𑌯 𑌨𑌿𑌰𑌰𑍍𑌥𑌂 𑌪𑍍𑌰𑌵𑌦𑌂𑌤𑌿 𑌤𑍇 ॥ 3𑍯 ॥

𑌵𑍀𑌰𑍈𑌰𑌧𑍍𑌯𑍁𑌷𑌿𑌤𑌾𑌂 𑌪𑍂𑌰𑍍𑌵𑌮𑌸𑍍𑌮𑌾𑌕𑌂 𑌤𑌾𑌤 𑌪𑍂𑌰𑍍𑌵𑌕𑍈𑌃 ।
𑌸𑌤𑍍𑌯𑌨𑌾𑌮𑌾𑌂 𑌦𑍃𑌢 𑌦𑍍𑌵𑌾𑌰𑌾𑌂 𑌹𑌸𑍍𑌤𑍍𑌯𑌶𑍍𑌵𑌰𑌥𑌸𑌂𑌕𑍁𑌲𑌾𑌮𑍍 ॥ 40 ॥

𑌬𑍍𑌰𑌾𑌹𑍍𑌮𑌣𑍈𑌃 𑌕𑍍𑌷𑌤𑍍𑌰𑌿𑌯𑍈𑌰𑍍𑌵𑍈𑌶𑍍𑌯𑍈 𑌸𑍍𑌸𑍍𑌵𑌕𑌰𑍍𑌮𑌨𑌿𑌰𑌤𑍈𑌸𑍍𑌸𑌦𑌾 ।
𑌜𑌿𑌤𑍇𑌂𑌦𑍍𑌰𑌿𑌯𑍈𑌰𑍍𑌮𑌹𑍋𑌤𑍍𑌸𑌾𑌹𑍈𑌰𑍍𑌵𑍃𑌤𑌾𑌮𑌾𑌰𑍍𑌯𑍈 𑌸𑍍𑌸𑌹𑌸𑍍𑌰𑌶𑌃 ॥ 41 ॥

𑌪𑍍𑌰𑌾𑌸𑌾𑌦𑍈𑌰𑍍𑌵𑌿𑌵𑌿𑌧𑌾𑌕𑌾𑌰𑍈𑌰𑍍𑌵𑍃𑌤𑌾𑌂 𑌵𑍈𑌦𑍍𑌯𑌜𑌨𑌾𑌕𑍁𑌲𑌾𑌮𑍍 ।
𑌕𑌚𑍍𑌚𑌿𑌤𑍍𑌸𑍁𑌮𑍁𑌦𑌿𑌤𑌾𑌂 𑌸𑍍𑌫𑍀𑌤𑌾𑌮𑌯𑍋𑌧𑍍𑌯𑌾𑌂 𑌪𑌰𑌿𑌰𑌕𑍍𑌷𑌸𑌿 ॥ 42 ॥

𑌕𑌚𑍍𑌚𑌿𑌚𑍍𑌚𑍈𑌤𑍍𑌯𑌶𑌤𑍈𑌰𑍍𑌜𑍁𑌷𑍍𑌟 𑌸𑍍𑌸𑍁𑌨𑌿𑌵𑌿𑌷𑍍𑌟𑌜𑌨𑌾𑌕𑍁𑌲𑌃 ।
𑌦𑍇𑌵𑌸𑍍𑌥𑌾𑌨𑍈𑌃 𑌪𑍍𑌰𑌪𑌾𑌭𑌿𑌶𑍍𑌚 𑌤𑌟𑌾𑌕𑍈𑌶𑍍𑌚𑍋𑌪𑌶𑍋𑌭𑌿𑌤𑌃 ॥ 43 ॥

𑌪𑍍𑌰𑌹𑍃𑌷𑍍𑌟𑌨𑌰𑌨𑌾𑌰𑍀𑌕𑌸𑍍𑌸𑌮𑌾𑌜𑍋𑌤𑍍𑌸𑌵𑌶𑍋𑌭𑌿𑌤𑌃 ।
𑌸𑍁𑌕𑍃𑌷𑍍𑌟𑌸𑍀𑌮𑌾 𑌪𑌶𑍁𑌮𑌾𑌨𑍍𑌹𑌿𑌂𑌸𑌾𑌭𑌿𑌃 𑌪𑌰𑌿𑌵𑌰𑍍𑌜𑌿𑌤𑌃 ॥ 44 ॥

𑌅𑌦𑍇𑌵𑌮𑌾𑌤𑍃𑌕𑍋 𑌰𑌮𑍍𑌯 𑌶𑍍𑌶𑍍𑌵𑌾𑌪𑌦𑍈𑌃 𑌪𑌰𑌿𑌵𑌰𑍍𑌜𑌿𑌤𑌃 ।
𑌪𑌰𑌿𑌤𑍍𑌯𑌕𑍍𑌤𑍋 𑌭𑌯𑍈𑌸𑍍𑌸𑌰𑍍𑌵𑍈𑌃 𑌖𑌨𑌿𑌭𑌿𑌶𑍍𑌚𑍋𑌪𑌶𑍋𑌭𑌿𑌤𑌃 ॥ 45 ॥

𑌵𑌿𑌵𑌰𑍍𑌜𑌿𑌤𑍋 𑌨𑌰𑍈𑌃 𑌪𑌾𑌪𑍈𑌰𑍍𑌮𑌮 𑌪𑍂𑌰𑍍𑌵𑍈 𑌸𑍍𑌸𑍁𑌰𑌕𑍍𑌷𑌿𑌤𑌃 ।
𑌕𑌚𑍍𑌚𑌿𑌜𑍍𑌜𑌨𑌪𑌦𑌸𑍍𑌸𑍍𑌫𑍀𑌤𑌃 𑌸𑍁𑌖𑌂 𑌵𑌸𑌤𑌿 𑌰𑌾𑌘𑌵 ॥ 46 ॥

𑌕𑌚𑍍𑌚𑌿𑌤𑍍𑌤𑍇 𑌦𑌯𑌿𑌤𑌾𑌸𑍍𑌸𑌰𑍍𑌵𑍇 𑌕𑍃𑌷𑌿𑌗𑍋𑌰𑌕𑍍𑌷𑌜𑍀𑌵𑌿𑌨𑌃 ।
𑌵𑌾𑌰𑍍𑌤𑌾𑌯𑌾𑌂 𑌸𑌂𑌶𑍍𑌰𑌿𑌤𑌸𑍍𑌤𑌾𑌤 𑌲𑍋𑌕𑍋 𑌹𑌿 𑌸𑍁𑌖𑌮𑍇𑌧𑌤𑍇 ॥ 4𑍭 ॥

𑌤𑍇𑌷𑌾𑌂 𑌗𑍁𑌪𑍍𑌤𑌿𑌪𑌰𑍀𑌹𑌾𑌰𑍈𑌃 𑌕𑌚𑍍𑌚𑌿𑌤𑍍𑌤𑍇 𑌭𑌰𑌣𑌂 𑌕𑍃𑌤𑌮𑍍 ।
𑌰𑌕𑍍𑌷𑍍𑌯𑌾 𑌹𑌿 𑌰𑌾𑌜𑍍𑌞𑌾 𑌧𑌰𑍍𑌮𑍇𑌣 𑌸𑌰𑍍𑌵𑍇 𑌵𑌿𑌷𑌯𑌵𑌾𑌸𑌿𑌨𑌃 ॥ 4𑍮 ॥

𑌕𑌚𑍍𑌚𑌿𑌸𑍍𑌤𑍍𑌰𑌿𑌯 𑌸𑍍𑌸𑌾𑌂𑌤𑍍𑌵𑌯𑌸𑌿 𑌕𑌚𑍍𑌚𑌿𑌤𑍍𑌤𑌾𑌶𑍍𑌚 𑌸𑍁𑌰𑌕𑍍𑌷𑌿𑌤𑌾𑌃 ।
𑌕𑌚𑍍𑌚𑌿𑌨𑍍𑌨 𑌶𑍍𑌰𑌦𑍍𑌧𑌾𑌸𑍍𑌯𑌾𑌸𑌾𑌂 𑌕𑌚𑍍𑌚𑌿𑌦𑍍𑌗𑍁𑌹𑍍𑌯𑌂 𑌨 𑌭𑌾𑌷𑌸𑍇 ॥ 4𑍯 ॥

𑌕𑌚𑍍𑌚𑌿𑌨𑍍𑌨𑌾𑌗𑌵𑌨𑌂 𑌗𑍁𑌪𑍍𑌤𑌂 𑌕𑌚𑍍𑌚𑌿𑌤𑍍𑌤𑍇 𑌸𑌂𑌤𑌿 𑌧𑍇𑌨𑍁𑌕𑌾𑌃 ।
𑌕𑌚𑍍𑌚𑌿𑌨𑍍𑌨 𑌗𑌣𑌿𑌕𑌾𑌶𑍍𑌵𑌾𑌨𑌾𑌂 𑌕𑍁𑌂𑌜𑌰𑌾𑌣𑌾𑌂 𑌚 𑌤𑍃𑌪𑍍𑌯𑌸𑌿 ॥ 50 ॥

𑌕𑌚𑍍𑌚𑌿𑌦𑍍𑌦𑌰𑍍𑌶𑌯𑌸𑍇 𑌨𑌿𑌤𑍍𑌯𑌂 𑌮𑌨𑍁𑌷𑍍𑌯𑌾𑌣𑌾𑌂 𑌵𑌿𑌭𑍂𑌷𑌿𑌤𑌮𑍍 ।
𑌉𑌤𑍍𑌥𑌾𑌯𑍋𑌤𑍍𑌥𑌾𑌯 𑌪𑍂𑌰𑍍𑌵𑌾𑌹𑍍𑌣𑍇 𑌰𑌾𑌜𑌪𑍁𑌤𑍍𑌰 𑌮𑌹𑌾𑌪𑌥𑍇 ॥ 51 ॥

𑌕𑌚𑍍𑌚𑌿𑌨𑍍𑌨 𑌸𑌰𑍍𑌵𑍇 𑌕𑌰𑍍𑌮𑌾𑌂𑌤𑌾𑌃 𑌪𑍍𑌰𑌤𑍍𑌯𑌕𑍍𑌷𑌾𑌸𑍍𑌤𑍇𑌽𑌵𑌿𑌶𑌂𑌕𑌯𑌾 ।
𑌸𑌰𑍍𑌵𑍇 𑌵𑌾 𑌪𑍁𑌨𑌰𑍁𑌤𑍍𑌸𑍃𑌷𑍍𑌟𑌾 𑌮𑌧𑍍𑌯𑌮𑍇𑌵𑌾𑌤𑍍𑌰 𑌕𑌾𑌰𑌣𑌮𑍍 ॥ 52 ॥

𑌕𑌚𑍍𑌚𑌿𑌤𑍍𑌸𑌰𑍍𑌵𑌾𑌣𑌿 𑌦𑍁𑌰𑍍𑌗𑌾𑌣𑌿 𑌧𑌨𑌧𑌾𑌨𑍍𑌯𑌾𑌯𑍁𑌧𑍋𑌦𑌕𑍈𑌃 ।
𑌯𑌂𑌤𑍍𑌰𑍈𑌶𑍍𑌚 𑌪𑌰𑌿𑌪𑍂𑌰𑍍𑌣𑌾𑌨𑌿 𑌤𑌥𑌾 𑌶𑌿𑌲𑍍𑌪𑌿𑌧𑌨𑍁𑌰𑍍𑌧𑌰𑍈𑌃 ॥ 53 ॥

𑌆𑌯𑌸𑍍𑌤𑍇 𑌵𑌿𑌪𑍁𑌲𑌃 𑌕𑌚𑍍𑌚𑌿𑌤𑍍𑌕𑌚𑍍𑌚𑌿𑌦𑌲𑍍𑌪𑌤𑌰𑍋 𑌵𑍍𑌯𑌯𑌃 ।
𑌅𑌪𑌾𑌤𑍍𑌰𑍇𑌷𑍁 𑌨 𑌤𑍇 𑌕𑌚𑍍𑌚𑌿𑌤𑍍𑌕𑍋𑌶𑍋 𑌗𑌚𑍍𑌛𑌤𑌿 𑌰𑌾𑌘𑌵 ॥ 54 ॥

𑌦𑍇𑌵𑌤𑌾𑌰𑍍𑌥𑍇 𑌚 𑌪𑌿𑌤𑍍𑌰𑌰𑍍𑌥𑍇𑌬𑍍𑌰𑌾𑌹𑍍𑌮𑌣𑌾𑌭𑍍𑌯𑌾𑌗𑌤𑍇𑌷𑍁 𑌚 ।
𑌯𑍋𑌧𑍇𑌷𑍁 𑌮𑌿𑌤𑍍𑌰𑌵𑌰𑍍𑌗𑍇𑌷𑍁 𑌕𑌚𑍍𑌚𑌿𑌦𑍍𑌗𑌚𑍍𑌛𑌤𑌿 𑌤𑍇 𑌵𑍍𑌯𑌯𑌃 ॥ 55 ॥

𑌕𑌚𑍍𑌚𑌿𑌦𑌾𑌰𑍍𑌯𑍋 𑌵𑌿𑌶𑍁𑌦𑍍𑌧𑌾𑌤𑍍𑌮𑌾 𑌕𑍍𑌷𑌾𑌰𑌿𑌤 𑌶𑍍𑌚𑌾𑌪𑌰𑌕𑌰𑍍𑌮𑌣𑌾 ।
𑌅𑌪𑍃𑌷𑍍𑌟 𑌶𑍍𑌶𑌾𑌸𑍍𑌤𑍍𑌰𑌕𑍁𑌶𑌲𑍈𑌰𑍍𑌨 𑌲𑍋𑌭𑌾𑌦𑍍𑌵𑌧𑍍𑌯𑌤𑍇 𑌶𑍁𑌚𑌿𑌃 ॥ 56 ॥

𑌗𑍃𑌹𑍀𑌤𑌶𑍍𑌚𑍈𑌵 𑌪𑍃𑌷𑍍𑌟𑌶𑍍𑌚 𑌕𑌾𑌲𑍇 𑌦𑍃𑌷𑍍𑌟𑌸𑍍𑌸𑌕𑌾𑌰𑌣𑌃 ।
𑌕𑌚𑍍𑌚𑌿𑌨𑍍𑌨 𑌮𑍁𑌚𑍍𑌯𑌤𑍇 𑌚𑍋𑌰𑍋 𑌧𑌨𑌲𑍋𑌭𑌾𑌨𑍍𑌨𑌰𑌰𑍍𑌷𑌭 ॥ 5𑍭 ॥

𑌵𑍍𑌯𑌸𑌨𑍇 𑌕𑌚𑍍𑌚𑌿𑌦𑌾𑌢𑍍𑌯𑌸𑍍𑌯 𑌦𑍁𑌰𑍍𑌗𑌤𑌸𑍍𑌯 𑌚 𑌰𑌾𑌘𑌵 ।
𑌅𑌰𑍍𑌥𑌂 𑌵𑌿𑌰𑌾𑌗𑌾𑌃 𑌪𑌶𑍍𑌯𑌂𑌤𑌿 𑌤𑌵𑌾𑌮𑌾𑌤𑍍𑌯𑌾 𑌬𑌹𑍁𑌶𑍍𑌰𑍁𑌤𑌾𑌃 ॥ 5𑍮 ॥

𑌯𑌾𑌨𑌿 𑌮𑌿𑌥𑍍𑌯𑌾𑌭𑌿𑌶𑌸𑍍𑌤𑌾𑌨𑌾𑌂 𑌪𑌤𑌂𑌤𑍍𑌯𑌶𑍍𑌰𑍂𑌣𑌿 𑌰𑌾𑌘𑌵 ।
𑌤𑌾𑌨𑌿 𑌪𑍁𑌤𑍍𑌰𑌾𑌨𑍍𑌪𑌶𑍂𑌨𑍍𑌘𑍍𑌨𑌂𑌤𑌿 𑌪𑍍𑌰𑍀𑌤𑍍𑌯𑌰𑍍𑌥𑌮𑌨𑍁𑌶𑌾𑌸𑌤𑌃 ॥ 5𑍯 ॥

𑌕𑌚𑍍𑌚𑌿𑌦𑍍𑌵𑍃𑌦𑍍𑌧𑌾𑌂𑌶𑍍𑌚 𑌬𑌾𑌲𑌾𑌂𑌶𑍍𑌚 𑌵𑍈𑌦𑍍𑌯𑌾𑌮𑍁𑌖𑍍𑌯𑌾𑌂𑌶𑍍𑌚 𑌰𑌾𑌘𑌵 ।
𑌦𑌾𑌨𑍇𑌨 𑌮𑌨𑌸𑌾 𑌵𑌾𑌚𑌾 𑌤𑍍𑌰𑌿𑌭𑌿𑌰𑍇𑌤𑍈𑌰𑍍𑌬𑍁𑌭𑍂𑌷𑌸𑍇 ॥ 60 ॥

𑌕𑌚𑍍𑌚𑌿𑌦𑍍𑌗𑍁𑌰𑍂𑌂𑌶𑍍𑌚 𑌵𑍃𑌦𑍍𑌧𑌾𑌂𑌶𑍍𑌚 𑌤𑌾𑌪𑌸𑌾𑌨𑍍 𑌦𑍇𑌵𑌤𑌾𑌤𑌿𑌥𑍀𑌨𑍍 ।
𑌚𑍈𑌤𑍍𑌯𑌾𑌂𑌶𑍍𑌚 𑌸𑌰𑍍𑌵𑌾𑌨𑍍𑌸𑌿𑌧𑍍𑌦𑌾𑌰𑍍𑌥𑌾𑌨𑍍𑌬𑍍𑌰𑌾𑌹𑍍𑌮𑌣𑌾𑌂𑌶𑍍𑌚 𑌨𑌮𑌸𑍍𑌯𑌸𑌿 ॥ 61 ॥

𑌕𑌚𑍍𑌚𑌿𑌦𑌰𑍍𑌥𑍇𑌨 𑌵𑌾 𑌧𑌰𑍍𑌮𑌮𑌰𑍍𑌥𑌂 𑌧𑌰𑍍𑌮𑍇𑌣 𑌵𑌾 𑌪𑍁𑌨𑌃 ।
𑌉𑌭𑍌 𑌵𑌾 𑌪𑍍𑌰𑍀𑌤𑌿𑌲𑍋𑌭𑍇𑌨 𑌕𑌾𑌮𑍇𑌨 𑌚 𑌨 𑌬𑌾𑌧𑌸𑍇 ॥ 62 ॥

𑌕𑌚𑍍𑌚𑌿𑌦𑌰𑍍𑌥𑌂 𑌚 𑌧𑌰𑍍𑌮𑌂 𑌚 𑌕𑌾𑌮𑌂 𑌚 𑌜𑌯𑌤𑌾𑌂 𑌵𑌰 ।
𑌵𑌿𑌭𑌜𑍍𑌯 𑌕𑌾𑌲𑍇 𑌕𑌾𑌲𑌜𑍍𑌞 𑌸𑌰𑍍𑌵𑌾𑌨𑍍𑌵𑌰𑌦 𑌸𑍇𑌵𑌸𑍇 ॥ 63 ॥

𑌕𑌚𑍍𑌚𑌿𑌤𑍍𑌤𑍇 𑌬𑍍𑌰𑌾𑌹𑍍𑌮𑌣𑌾 𑌶𑍍𑌶𑌰𑍍𑌮 𑌸𑌰𑍍𑌵𑌶𑌾𑌸𑍍𑌤𑍍𑌰𑌾𑌰𑍍𑌥𑌕𑍋𑌵𑌿𑌦𑌾𑌃 ।
𑌆𑌶𑌂𑌸𑌂𑌤𑍇 𑌮𑌹𑌾𑌪𑍍𑌰𑌾𑌜𑍍𑌞 𑌪𑍌𑌰𑌜𑌾𑌨𑌪𑌦𑍈𑌸𑍍𑌸𑌹 ॥ 64 ॥

𑌨𑌾𑌸𑍍𑌤𑌿𑌕𑍍𑌯𑌮𑌨𑍃𑌤𑌂 𑌕𑍍𑌰𑍋𑌧𑌂 𑌪𑍍𑌰𑌮𑌾𑌦𑌂 𑌦𑍀𑌰𑍍𑌘𑌸𑍂𑌤𑍍𑌰𑌤𑌾𑌮𑍍 ।
𑌅𑌦𑌰𑍍𑌶𑌨𑌂 𑌜𑍍𑌞𑌾𑌨𑌵𑌤𑌾𑌮𑌾𑌲𑌸𑍍𑌯𑌂 𑌪𑌂𑌚𑌵𑍃𑌤𑍍𑌤𑌿𑌤𑌾𑌮𑍍 ॥ 65 ॥

𑌏𑌕𑌚𑌿𑌂𑌤𑌨𑌮𑌰𑍍𑌥𑌾𑌨𑌾𑌮𑌨𑌰𑍍𑌥𑌜𑍍𑌞𑍈𑌶𑍍𑌚 𑌮𑌂𑌤𑍍𑌰𑌣𑌮𑍍 ।
𑌨𑌿𑌶𑍍𑌚𑌿𑌤𑌾𑌨𑌾𑌮𑌨𑌾𑌰𑌂𑌭𑌂 𑌮𑌂𑌤𑍍𑌰𑌸𑍍𑌯𑌾𑌪𑌰𑌿𑌰𑌕𑍍𑌷𑌣𑌮𑍍 ॥ 66 ॥

𑌮𑌂𑌗𑌲𑌾𑌦𑍍𑌯𑌪𑍍𑌰𑌯𑍋𑌗𑌂 𑌚 𑌪𑍍𑌰𑌤𑍍𑌯𑍁𑌤𑍍𑌥𑌾𑌨𑌂 𑌚 𑌸𑌰𑍍𑌵𑌤𑌃 ।
𑌕𑌚𑍍𑌚𑌿𑌤𑍍𑌵𑌂 𑌵𑌰𑍍𑌜𑌯𑌸𑍍𑌯𑍇𑌤𑌾𑌨𑍍𑌰𑌾𑌜𑌦𑍋𑌷𑌾𑌂𑌶𑍍𑌚𑌤𑍁𑌰𑍍𑌦𑌶 ॥ 6𑍭 ॥

𑌦𑌶𑌪𑌂𑌚𑌚𑌤𑍁𑌰𑍍𑌵𑌰𑍍𑌗𑌾𑌨𑍍𑌸𑌪𑍍𑌤𑌵𑌰𑍍𑌗𑌂 𑌚 𑌤𑌤𑍍𑌤𑍍𑌵𑌤𑌃 ।
𑌅𑌷𑍍𑌟𑌵𑌰𑍍𑌗𑌂 𑌤𑍍𑌰𑌿𑌵𑌰𑍍𑌗𑌂 𑌚 𑌵𑌿𑌦𑍍𑌯𑌾𑌸𑍍𑌤𑌿𑌸𑍍𑌰𑌶𑍍𑌚 𑌰𑌾𑌘𑌵 ॥ 6𑍮 ॥

𑌇𑌂𑌦𑍍𑌰𑌿𑌯𑌾𑌣𑌾𑌂 𑌜𑌯𑌂 𑌬𑍁𑌦𑍍𑌧𑍍𑌯𑌾 𑌷𑌾𑌡𑍍𑌗𑍁𑌣𑍍𑌯𑌂 𑌦𑍈𑌵𑌮𑌾𑌨𑍁𑌷𑌮𑍍 ।
𑌕𑍃𑌤𑍍𑌯𑌂 𑌵𑌿𑌂𑌶𑌤𑌿𑌵𑌰𑍍𑌗𑌂 𑌚 𑌤𑌥𑌾 𑌪𑍍𑌰𑌕𑍃𑌤𑌿𑌮𑌂𑌡𑌲𑌮𑍍 ॥ 6𑍯 ॥

𑌯𑌾𑌤𑍍𑌰𑌾𑌦𑌂𑌡𑌵𑌿𑌧𑌾𑌨𑌂 𑌚 𑌦𑍍𑌵𑌿𑌯𑍋𑌨𑍀 𑌸𑌂𑌧𑌿𑌵𑌿𑌗𑍍𑌰𑌹𑍌 ।
𑌕𑌚𑍍𑌚𑌿𑌦𑍇𑌤𑌾𑌨𑍍𑌮𑌹𑌾𑌪𑍍𑌰𑌾𑌜𑍍𑌞 𑌯𑌥𑌾𑌵𑌦𑌨𑍁𑌮𑌨𑍍𑌯𑌸𑍇 ॥ 𑍭0 ॥

𑌮𑌂𑌤𑍍𑌰𑌿𑌭𑌿𑌸𑍍𑌤𑍍𑌵𑌂 𑌯𑌥𑍋𑌦𑍍𑌦𑌿𑌷𑍍𑌟𑍈𑌶𑍍𑌚𑌤𑍁𑌰𑍍𑌭𑌿𑌸𑍍𑌤𑍍𑌰𑌿𑌭𑌿𑌰𑍇𑌵 𑌵𑌾 ।
𑌕𑌚𑍍𑌚𑌿𑌤𑍍𑌸𑌮𑌸𑍍𑌤𑍈𑌰𑍍𑌵𑍍𑌯𑌸𑍍𑌤𑍈𑌶𑍍𑌚 𑌮𑌂𑌤𑍍𑌰𑌂 𑌮𑌂𑌤𑍍𑌰𑌯𑌸𑍇 𑌮𑌿𑌥𑌃 ॥ 𑍭1 ॥

𑌕𑌚𑍍𑌚𑌿𑌤𑍍𑌤𑍇 𑌸𑌫𑌲𑌾 𑌵𑍇𑌦𑌾𑌃 𑌕𑌚𑍍𑌚𑌿𑌤𑍍𑌤𑍇 𑌸𑌫𑌲𑌾𑌃 𑌕𑍍𑌰𑌿𑌯𑌾𑌃 ।
𑌕𑌚𑍍𑌚𑌿𑌤𑍍𑌤𑍇 𑌸𑌫𑌲𑌾 𑌦𑌾𑌰𑌾𑌃 𑌕𑌚𑍍𑌚𑌿𑌤𑍍𑌤𑍇 𑌸𑌫𑌲𑌂 𑌶𑍍𑌰𑍁𑌤𑌮𑍍 ॥ 𑍭2 ॥

𑌕𑌚𑍍𑌚𑌿𑌦𑍇𑌷𑍈𑌵 𑌤𑍇 𑌬𑍁𑌦𑍍𑌧𑌿𑌰𑍍𑌯𑌥𑍋𑌕𑍍𑌤𑌾 𑌮𑌮 𑌰𑌾𑌘𑌵 ।
𑌆𑌯𑍁𑌷𑍍𑌯𑌾 𑌚 𑌯𑌶𑌸𑍍𑌯𑌾 𑌚 𑌧𑌰𑍍𑌮𑌕𑌾𑌮𑌾𑌰𑍍𑌥 𑌸𑌂𑌹𑌿𑌤𑌾 ॥ 𑍭3 ॥

𑌯𑌾𑌂 𑌵𑍃𑌤𑍍𑌤𑌿𑌂 𑌵𑌰𑍍𑌤𑌤𑍇 𑌤𑌾𑌤𑍋 𑌯𑌾𑌂 𑌚 𑌨𑌃 𑌪𑍍𑌰𑌪𑌿𑌤𑌾𑌮𑌹𑌾𑌃 ।
𑌤𑌾𑌂 𑌵𑍃𑌤𑍍𑌤𑌿𑌂 𑌵𑌰𑍍𑌤𑌸𑍇 𑌕𑌚𑍍𑌚𑌿𑌦𑍍𑌯𑌾𑌚 𑌸𑌤𑍍𑌪𑌥𑌗𑌾 𑌶𑍁𑌭𑌾 ॥ 𑍭4 ॥

𑌕𑌚𑍍𑌚𑌿𑌤𑍍𑌸𑍍𑌵𑌾𑌦𑍁 𑌕𑍃𑌤𑌂 𑌭𑍋𑌜𑍍𑌯𑌮𑍇𑌕𑍋 𑌨𑌾𑌶𑍍𑌨𑌾𑌸𑌿 𑌰𑌾𑌘𑌵 ।
𑌕𑌚𑍍𑌚𑌿𑌦𑌾𑌶𑌂𑌸𑌮𑌾𑌨𑍇𑌭𑍍𑌯𑍋 𑌮𑌿𑌤𑍍𑌰𑍇𑌭𑍍𑌯 𑌸𑍍𑌸𑌂𑌪𑍍𑌰𑌯𑌚𑍍𑌛𑌸𑌿 ॥ 𑍭5 ॥

𑌰𑌾𑌜𑌾 𑌤𑍁 𑌧𑌰𑍍𑌮𑍇𑌣 𑌹𑌿 𑌪𑌾𑌲𑌯𑌿𑌤𑍍𑌵𑌾 𑌮𑌹𑌾𑌮𑌤𑌿𑌰𑍍𑌦𑌂𑌡𑌧𑌰𑌃 𑌪𑍍𑌰𑌜𑌾𑌨𑌾𑌮𑍍 ।
𑌅𑌵𑌾𑌪𑍍𑌯 𑌕𑍃𑌤𑍍𑌸𑍍𑌨𑌾𑌂 𑌵𑌸𑍁𑌧𑌾𑌂 𑌯𑌥𑌾𑌵𑌦𑌿𑌤𑌶𑍍𑌚𑍍𑌯𑍁𑌤 𑌸𑍍𑌸𑍍𑌵𑌰𑍍𑌗𑌮𑍁𑌪𑍈𑌤𑌿 𑌵𑌿𑌦𑍍𑌵𑌾𑌨𑍍 ॥ 𑍭6 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌶𑌤𑌤𑌮𑌸𑍍𑌸𑌰𑍍𑌗𑌃 ॥

Browse Related Categories: