VR 1.47 Bala Kanda - Sarga 47 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

1.4𑍭 𑌬𑌾𑌲𑌕𑌾𑌂𑌡 - 𑌸𑌪𑍍𑌤𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌸𑌪𑍍𑌤𑌧𑌾𑌤𑍁 𑌕𑍃𑌤𑍇 𑌗𑌰𑍍𑌭𑍇 𑌦𑌿𑌤𑌿𑌃 𑌪𑌰𑌮𑌦𑍁𑌃𑌖𑌿𑌤𑌾 ।
𑌸𑌹𑌸𑍍𑌰𑌾𑌕𑍍𑌷𑌂 𑌦𑍁𑌰𑌾𑌧𑌰𑍍𑌷𑌂 𑌵𑌾𑌕𑍍𑌯𑌂 𑌸𑌾𑌨𑍁𑌨𑌯𑌾𑌽𑌬𑍍𑌰𑌵𑍀𑌤𑍍 ॥ 1 ॥

𑌮𑌮𑌾𑌪𑌰𑌾𑌧𑌾𑌦𑍍𑌗𑌰𑍍𑌭𑍋𑌽𑌯𑌂 𑌸𑌪𑍍𑌤𑌧𑌾 𑌵𑌿𑌫𑌲𑍀𑌕𑍃𑌤𑌃 ।
𑌨𑌾𑌪𑌰𑌾𑌧𑍋𑌽𑌸𑍍𑌤𑌿 𑌦𑍇𑌵𑍇𑌶 𑌤𑌵𑌾𑌤𑍍𑌰 𑌬𑌲𑌸𑍂𑌦𑌨 ॥ 2 ॥

𑌪𑍍𑌰𑌿𑌯𑌂 𑌤𑍁 𑌕𑌰𑍍𑌤𑍁𑌮𑌿𑌚𑍍𑌛𑌾𑌮𑌿 𑌮𑌮 𑌗𑌰𑍍𑌭𑌵𑌿𑌪𑌰𑍍𑌯𑌯𑍇 ।
𑌮𑌰𑍁𑌤𑌾𑌂 𑌸𑌪𑍍𑌤𑌸𑌪𑍍𑌤𑌾𑌨𑌾𑌂 𑌸𑍍𑌥𑌾𑌨𑌪𑌾𑌲𑌾 𑌭𑌵𑌂𑌤𑍍𑌵𑌿𑌮𑍇 ॥ 3 ॥

𑌵𑌾𑌤𑌸𑍍𑌕𑌂𑌧𑌾𑌃 𑌇𑌮𑍇 𑌸𑌪𑍍𑌤 𑌚𑌰𑌂𑌤𑍁 𑌦𑌿𑌵𑌿 𑌪𑍁𑌤𑍍𑌰𑌕 ।
𑌮𑌾𑌰𑍁𑌤𑌾 𑌇𑌤𑌿 𑌵𑌿𑌖𑍍𑌯𑌾𑌤𑌾 𑌦𑌿𑌵𑍍𑌯𑌰𑍂𑌪𑌾 𑌮𑌮𑌾𑌤𑍍𑌮𑌜𑌾𑌃 ॥ 4 ॥

𑌬𑍍𑌰𑌹𑍍𑌮𑌲𑍋𑌕𑌂 𑌚𑌰𑌤𑍍𑌵𑍇𑌕 𑌇𑌂𑌦𑍍𑌰𑌲𑍋𑌕𑌂 𑌤𑌥𑌾¶𑌃 ।
𑌦𑌿𑌵𑌿 𑌵𑌾𑌯𑍁𑌰𑌿𑌤𑌿 𑌖𑍍𑌯𑌾𑌤𑌸𑍍𑌤𑍃𑌤𑍀𑌯𑍋𑌽𑌪𑌿 𑌮𑌹𑌾𑌯𑌶𑌾𑌃 ॥ 5 ॥

𑌚𑌤𑍍𑌵𑌾𑌰𑌸𑍍𑌤𑍁 𑌸𑍁𑌰𑌶𑍍𑌰𑍇𑌷𑍍𑌠 𑌦𑌿𑌶𑍋 𑌵𑍈 𑌤𑌵 𑌶𑌾𑌸𑌨𑌾𑌤𑍍 ।
𑌸𑌂𑌚𑌰𑌿𑌷𑍍𑌯𑌂𑌤𑍁 𑌭𑌦𑍍𑌰𑌂 𑌤𑍇 𑌦𑍇𑌵𑌭𑍂𑌤𑌾 𑌮𑌮𑌾𑌤𑍍𑌮𑌜𑌾𑌃 ॥ 6 ॥

𑌤𑌸𑍍𑌯𑌾𑌸𑍍𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌸𑌹𑌸𑍍𑌰𑌾𑌕𑍍𑌷𑌃 𑌪𑍁𑌰𑌂𑌦𑌰𑌃 ।
𑌉𑌵𑌾𑌚 𑌪𑍍𑌰𑌾𑌂𑌜𑌲𑌿𑌰𑍍𑌵𑌾𑌕𑍍𑌯𑌂 𑌦𑌿𑌤𑌿𑌂 𑌬𑌲𑌨𑌿𑌷𑍂𑌦𑌨𑌃 ॥ 𑍭 ॥

𑌸𑌰𑍍𑌵𑌮𑍇𑌤𑌦𑍍𑌯𑌥𑍋𑌕𑍍𑌤𑌂 𑌤𑍇 𑌭𑌵𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃 ।
𑌵𑌿𑌚𑌰𑌿𑌷𑍍𑌯𑌂𑌤𑌿 𑌭𑌦𑍍𑌰𑌂 𑌤𑍇 𑌦𑍇𑌵𑌭𑍂𑌤𑌾𑌸𑍍𑌤𑌵𑌾𑌤𑍍𑌮𑌜𑌾𑌃 ॥ 𑍮 ॥

𑌏𑌵𑌂 𑌤𑍌 𑌨𑌿𑌶𑍍𑌚𑌯𑌂 𑌕𑍃𑌤𑍍𑌵𑌾 𑌮𑌾𑌤𑌾𑌪𑍁𑌤𑍍𑌰𑍌 𑌤𑌪𑍋𑌵𑌨𑍇 ।
𑌜𑌗𑍍𑌮𑌤𑍁𑌸𑍍𑌤𑍍𑌰𑌿𑌦𑌿𑌵𑌂 𑌰𑌾𑌮 𑌕𑍃𑌤𑌾𑌰𑍍𑌥𑌾𑌵𑌿𑌤𑌿 𑌨𑌶𑍍𑌶𑍍𑌰𑍁𑌤𑌮𑍍 ॥ 𑍯 ॥

𑌏𑌷 𑌦𑍇𑌶𑌸𑍍𑌸 𑌕𑌾𑌕𑍁𑌤𑍍𑌸𑍍𑌥 𑌮𑌹𑍇𑌂𑌦𑍍𑌰𑌾𑌧𑍍𑌯𑍁𑌷𑌿𑌤𑌃 𑌪𑍁𑌰𑌾 ।
𑌦𑌿𑌤𑌿𑌂 𑌯𑌤𑍍𑌰 𑌤𑌪𑌸𑍍𑌸𑌿𑌦𑍍𑌧𑌾𑌮𑍇𑌵𑌂 𑌪𑌰𑌿𑌚𑌚𑌾𑌰 𑌸𑌃 ॥ 10 ॥

𑌇𑌕𑍍𑌷𑍍𑌵𑌾𑌕𑍋𑌽𑌸𑍍𑌤𑍁 𑌨𑌰𑌵𑍍𑌯𑌾𑌘𑍍𑌰 𑌪𑍁𑌤𑍍𑌰𑌃 𑌪𑌰𑌮𑌧𑌾𑌰𑍍𑌮𑌿𑌕𑌃 ॥ 11 ॥

𑌅𑌲𑌂𑌬𑍁𑌷𑌾𑌯𑌾𑌮𑍁𑌤𑍍𑌪𑌨𑍍𑌨𑍋 𑌵𑌿𑌶𑌾𑌲 𑌇𑌤𑌿 𑌵𑌿𑌶𑍍𑌰𑍁𑌤𑌃 ।
𑌤𑍇𑌨 𑌚𑌾𑌸𑍀𑌦𑌿𑌹 𑌸𑍍𑌥𑌾𑌨𑍇 𑌵𑌿𑌶𑌾𑌲𑍇𑌤𑌿 𑌪𑍁𑌰𑍀 𑌕𑍃𑌤𑌾 ॥ 12 ॥

𑌇𑌕𑍍𑌷𑍍𑌵𑌾𑌕𑍋𑌽𑌸𑍍𑌤𑍁 𑌨𑌰𑌵𑍍𑌯𑌾𑌘𑍍𑌰 𑌪𑍁𑌤𑍍𑌰𑌃 𑌪𑌰𑌮𑌧𑌾𑌰𑍍𑌮𑌿𑌕𑌃 ॥ 13 ॥

𑌅𑌲𑌂𑌬𑍁𑌷𑌾𑌯𑌾𑌮𑍁𑌤𑍍𑌪𑌨𑍍𑌨𑍋 𑌵𑌿𑌶𑌾𑌲 𑌇𑌤𑌿 𑌵𑌿𑌶𑍍𑌰𑍁𑌤𑌃 ।
𑌤𑍇𑌨 𑌚𑌾𑌸𑍀𑌦𑌿𑌹 𑌸𑍍𑌥𑌾𑌨𑍇 𑌵𑌿𑌶𑌾𑌲𑍇𑌤𑌿 𑌪𑍁𑌰𑍀 𑌕𑍃𑌤𑌾 ॥ 14 ॥

𑌵𑌿𑌶𑌾𑌲𑌸𑍍𑌯 𑌸𑍁𑌤𑍋 𑌰𑌾𑌮 𑌹𑍇𑌮𑌚𑌂𑌦𑍍𑌰𑍋 𑌮𑌹𑌾𑌬𑌲𑌃 ।
𑌸𑍁𑌚𑌂𑌦𑍍𑌰 𑌇𑌤𑌿 𑌵𑌿𑌖𑍍𑌯𑌾𑌤𑌃 𑌹𑍇𑌮𑌚𑌂𑌦𑍍𑌰𑌾𑌦𑌨𑌂𑌤𑌰𑌃 ॥ 15 ॥

𑌸𑍁𑌚𑌂𑌦𑍍𑌰𑌤𑌨𑌯𑍋 𑌰𑌾𑌮 𑌧𑍂𑌮𑍍𑌰𑌾𑌶𑍍𑌵 𑌇𑌤𑌿 𑌵𑌿𑌶𑍍𑌰𑍁𑌤𑌃 ।
𑌧𑍂𑌮𑍍𑌰𑌾𑌶𑍍𑌵𑌤𑌨𑌯𑌶𑍍𑌚𑌾𑌪𑌿 𑌸𑌂𑌜𑌯𑌸𑍍𑌸𑌮𑌪𑌦𑍍𑌯𑌤 ॥ 16 ॥

𑌸𑌂𑌜𑌯𑌸𑍍𑌯 𑌸𑍁𑌤𑌶𑍍𑌶𑍍𑌰𑍀𑌮𑌾𑌨𑍍 𑌸𑌹𑌦𑍇𑌵𑌃 𑌪𑍍𑌰𑌤𑌾𑌪𑌵𑌾𑌨𑍍 ।
𑌕𑍁𑌶𑌾𑌶𑍍𑌵𑌸𑍍𑌸𑌹𑌦𑍇𑌵𑌸𑍍𑌯 𑌪𑍁𑌤𑍍𑌰𑌃 𑌪𑌰𑌮𑌧𑌾𑌰𑍍𑌮𑌿𑌕𑌃 ॥ 1𑍭 ॥

𑌕𑍁𑌶𑌾𑌶𑍍𑌵𑌸𑍍𑌯 𑌮𑌹𑌾𑌤𑍇𑌜𑌾 𑌸𑍋𑌮𑌦𑌤𑍍𑌤𑌃 𑌪𑍍𑌰𑌤𑌾𑌪𑌵𑌾𑌨𑍍 ।
𑌸𑍋𑌮𑌦𑌤𑍍𑌤𑌸𑍍𑌯 𑌪𑍁𑌤𑍍𑌰𑌸𑍍𑌤𑍁 𑌕𑌾𑌕𑍁𑌤𑍍𑌸𑍍𑌥 𑌇𑌤𑌿 𑌵𑌿𑌶𑍍𑌰𑍁𑌤𑌃 ॥ 1𑍮 ॥

𑌤𑌸𑍍𑌯 𑌪𑍁𑌤𑍍𑌰𑍋 𑌮𑌹𑌾𑌤𑍇𑌜𑌾𑌃 𑌸𑌂𑌪𑍍𑌰𑌤𑍍𑌯𑍇𑌷 𑌪𑍁𑌰𑍀𑌮𑌿𑌮𑌾𑌮𑍍 ।
𑌆𑌵𑌸𑌤𑍍𑌯𑌮𑌰𑌪𑍍𑌰𑌖𑍍𑌯𑌸𑍍𑌸𑍁𑌮𑌤𑌿𑌰𑍍𑌨𑌾𑌮 𑌦𑍁𑌰𑍍𑌜𑌯𑌃 ॥ 1𑍯 ॥

𑌇𑌕𑍍𑌷𑍍𑌵𑌾𑌕𑍋𑌸𑍍𑌤𑍁 𑌪𑍍𑌰𑌸𑌾𑌦𑍇𑌨 𑌸𑌰𑍍𑌵𑍇 𑌵𑍈𑌶𑌾𑌲𑌿𑌕𑌾 𑌨𑍃𑌪𑌾𑌃 ।
𑌦𑍀𑌰𑍍𑌘𑌾𑌯𑍁𑌷𑍋 𑌮𑌹𑌾𑌤𑍍𑌮𑌾𑌨𑍋 𑌵𑍀𑌰𑍍𑌯𑌵𑌂𑌤𑌸𑍍𑌸𑍁𑌧𑌾𑌰𑍍𑌮𑌿𑌕𑌾𑌃 ॥ 20 ॥

𑌇𑌹𑌾𑌦𑍍𑌯 𑌰𑌜𑌨𑍀𑌂 𑌰𑌾𑌮 𑌸𑍁𑌖𑌂 𑌵𑌤𑍍𑌸𑍍𑌯𑌾𑌮𑌹𑍇 𑌵𑌯𑌮𑍍 ।
𑌶𑍍𑌵𑌃 𑌪𑍍𑌰𑌭𑌾𑌤𑍇 𑌨𑌰𑌶𑍍𑌰𑍇𑌷𑍍𑌠 𑌜𑌨𑌕𑌂 𑌦𑍍𑌰𑌷𑍍𑌟𑍁𑌮𑌰𑍍𑌹𑌸𑌿 ॥ 21 ॥

𑌸𑍁𑌮𑌤𑌿𑌸𑍍𑌤𑍁 𑌮𑌹𑌾𑌤𑍇𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑌮𑍁𑌪𑌾𑌗𑌤𑌮𑍍 ।
𑌶𑍍𑌰𑍁𑌤𑍍𑌵𑌾 𑌨𑌰𑌵𑌰𑌶𑍍𑌰𑍇𑌷𑍍𑌠𑌃 𑌪𑍍𑌰𑌤𑍍𑌯𑍁𑌦𑍍𑌗𑌚𑍍𑌛𑌨𑍍𑌮𑌹𑌾𑌯𑌶𑌾𑌃 ॥ 22 ॥

𑌪𑍂𑌜𑌾𑌂 𑌚 𑌪𑌰𑌮𑌾𑌂 𑌕𑍃𑌤𑍍𑌵𑌾 𑌸𑍋𑌪𑌾𑌧𑍍𑌯𑌾𑌯𑌸𑍍𑌸𑌬𑌾𑌂𑌧𑌵𑌃 ।
𑌪𑍍𑌰𑌾𑌂𑌜𑌲𑌿𑌃 𑌕𑍁𑌶𑌲𑌂 𑌪𑍃𑌷𑍍𑌟𑍍𑌵𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑌮𑌥𑌾𑌬𑍍𑌰𑌵𑍀𑌤𑍍 ॥ 23 ॥

𑌧𑌨𑍍𑌯𑍋𑌽𑌸𑍍𑌮𑍍𑌯𑌨𑍁𑌗𑍃𑌹𑍀𑌤𑍋𑌽𑌸𑍍𑌮𑌿 𑌯𑌸𑍍𑌯 𑌮𑍇 𑌵𑌿𑌷𑌯𑌂 𑌮𑍁𑌨𑌿𑌃 ।
𑌸𑌂𑌪𑍍𑌰𑌾𑌪𑍍𑌤𑍋 𑌦𑌰𑍍𑌶𑌨𑌂 𑌚𑍈𑌵 𑌨𑌾𑌸𑍍𑌤𑌿 𑌧𑌨𑍍𑌯𑌤𑌰𑍋 𑌮𑌮 ॥ 24 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌸𑌪𑍍𑌤𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: