Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.2 𑌅𑌰𑌣𑍍𑌯𑌕𑌾𑌂𑌡 - 𑌦𑍍𑌵𑌿𑌤𑍀𑌯 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌿𑌤𑍀𑌯𑌸𑍍𑌸𑌰𑍍𑌗𑌃 ।

𑌕𑍃𑌤𑌾𑌤𑌿𑌥𑍍𑌯𑍋𑌽𑌥 𑌰𑌾𑌮𑌸𑍍𑌤𑍁 𑌸𑍂𑌰𑍍𑌯𑌸𑍍𑌯𑍋𑌦𑌯𑌨𑌂 𑌪𑍍𑌰𑌤𑌿 ।
𑌆𑌮𑍍𑌨𑌤𑍍𑌱𑍍𑌯 𑌸 𑌮𑍁𑌨𑍀𑌨𑍍𑌸𑌰𑍍𑌵𑌾𑌨𑍍𑌵𑌨𑌮𑍇𑌵𑌾𑌨𑍍𑌵𑌗𑌾𑌹𑌤 ॥ 1 ॥

𑌨𑌾𑌨𑌾𑌮𑍃𑌗𑌗𑌣𑌾𑌕𑍀𑌰𑍍𑌣𑌮𑍃𑌕𑍍𑌷𑌶𑌾𑌰𑍍𑌦𑍂𑌲 𑌸𑍇𑌵𑌿𑌤𑌮𑍍 ।
𑌧𑍍𑌵𑌸𑍍𑌤𑌵𑍃𑌕𑍍𑌷𑌲𑌤𑌾𑌗𑍁𑌲𑍍𑌮𑌂 𑌦𑍁𑌰𑍍𑌦𑌰𑍍𑌶𑌸𑌲𑌿𑌲𑌾𑌶𑌯𑌮𑍍 ॥ 2 ॥

𑌨𑌿𑌷𑍍𑌕𑍂𑌜𑌨𑌾𑌨𑌾𑌶𑌕𑍁𑌨𑌿𑌝𑌿𑌲𑍍𑌲𑌿𑌕𑌾𑌗𑌣𑌨𑌾𑌦𑌿𑌤𑌮𑍍 ।
𑌲𑌕𑍍𑌷𑍍𑌮𑌣𑌾𑌨𑍁𑌗𑌤𑍋 𑌰𑌾𑌮𑍋 𑌵𑌨𑌮𑌧𑍍𑌯𑌂 𑌦𑌦𑌰𑍍𑌶 𑌹 ॥ 3 ॥

𑌸𑍀𑌤𑌯𑌾 𑌸𑌹 𑌕𑌾𑌕𑍁𑌤𑍍𑌸𑍍𑌥𑌸𑍍𑌤𑌸𑍍𑌮𑌿𑌨𑌘𑍋𑌰𑌮𑍃𑌗𑌾𑌯𑍁𑌤𑍇 ।
𑌦𑌦𑌰𑍍𑌶 𑌗𑌿𑌰𑌿𑌶𑍃𑌂𑌗𑌾𑌭𑌂 𑌪𑍁𑌰𑍁𑌷𑌾𑌦𑌂 𑌮𑌹𑌾𑌸𑍍𑌵𑌨𑌮𑍍 ॥ 4 ॥

𑌗𑌂𑌭𑍀𑌰𑌾𑌕𑍍𑌷𑌂 𑌮𑌹𑌾𑌵𑌕𑍍𑌤𑍍𑌰𑌂 𑌵𑌿𑌕𑌟𑌂 𑌵𑌿𑌷𑌮𑍋𑌦𑌰𑌮𑍍 ।
𑌬𑍀𑌭𑌤𑍍𑌸𑌂 𑌵𑌿𑌷𑌮𑌂 𑌦𑍀𑌰𑍍𑌘𑌂 𑌵𑌿𑌕𑍃𑌤𑌂 𑌘𑍋𑌰𑌦𑌰𑍍𑌶𑌨𑌮𑍍 ॥ 5 ॥

𑌵𑌸𑌾𑌨𑌂 𑌚𑌰𑍍𑌮 𑌵𑍈𑌯𑌾𑌘𑍍𑌰𑌂 𑌵𑌸𑌾𑌰𑍍𑌦𑍍𑌰𑌂 𑌰𑍁𑌧𑌿𑌰𑍋𑌕𑍍𑌷𑌿𑌤𑌮𑍍 ।
𑌤𑍍𑌰𑌾𑌸𑌨𑌂 𑌸𑌰𑍍𑌵𑌭𑍂𑌤𑌾𑌨𑌾𑌂 𑌵𑍍𑌯𑌾𑌦𑌿𑌤𑌾𑌸𑍍𑌯𑌮𑌿𑌵𑌾𑌂𑌤𑌕𑌮𑍍 ॥ 6 ॥

𑌤𑍍𑌰𑍀𑌨𑍍𑌸𑌿𑌮𑍍𑌹𑌾𑌨𑍍𑌶𑍍𑌚𑌤𑍁𑌰𑍋 𑌵𑍍𑌯𑌾𑌘𑍍𑌰𑌾𑌂𑌦𑍍𑌵𑍌 𑌵𑍃𑌕𑍌 𑌪𑍃𑌷𑌤𑌾𑌂𑌦𑌶 ।
𑌸𑌵𑌿𑌷𑌾𑌣𑌂 𑌵𑌸𑌾𑌦𑌿𑌗𑍍𑌧𑌂 𑌗𑌜𑌸𑍍𑌯 𑌚 𑌶𑌿𑌰𑍋 𑌮𑌹𑌤𑍍 ।
𑌅𑌵𑌸𑌜𑍍𑌯𑌾𑌯𑌸𑍇 𑌶𑍂𑌲𑍇 𑌵𑌿𑌨𑌦𑌂𑌤𑌂 𑌮𑌹𑌾𑌸𑍍𑌵𑌨𑌮𑍍 ॥ 𑍭 ॥

𑌸 𑌰𑌾𑌮𑌂 𑌲𑌕𑍍𑌷𑍍𑌮𑌣𑌂 𑌚𑍈𑌵 𑌸𑍀𑌤𑌾𑌂 𑌦𑍃𑌷𑍍𑌟𑍍𑌵𑌾 𑌚 𑌮𑍈𑌥𑌿𑌲𑍀𑌮𑍍 ।
𑌅𑌭𑍍𑌯𑌧𑌾𑌵𑌤𑍍𑌸𑍁𑌸𑌂𑌕𑍃𑌦𑍍𑌧𑌃 𑌪𑍍𑌰𑌜𑌾𑌃 𑌕𑌾𑌲 𑌇𑌵𑌾𑌂𑌤𑌕𑌃 ॥ 𑍮 ॥

𑌸 𑌕𑍃𑌤𑍍𑌵𑌾 𑌭𑍈𑌰𑌵𑌂 𑌨𑌾𑌦𑌂 𑌚𑌾𑌲𑌯𑌨𑍍𑌨𑌿𑌵 𑌮𑍇𑌦𑌿𑌨𑍀𑌮𑍍 ।
𑌅𑌂𑌕𑍇𑌨𑌾𑌦𑌾𑌯 𑌵𑍈𑌦𑍇𑌹𑍀𑌮𑌪𑌕𑍍𑌰𑌮𑍍𑌯 𑌤𑌤𑍋𑌽𑌬𑍍𑌰𑌵𑍀𑌤𑍍 ॥ 𑍯 ॥

𑌯𑍁𑌵𑌾𑌂 𑌜𑌟𑌾𑌚𑍀𑌰𑌧𑌰𑍌 𑌸𑌭𑌾𑌰𑍍𑌯𑍌 𑌕𑍍𑌷𑍀𑌣𑌜𑍀𑌵𑌿𑌤𑍌 ।
𑌪𑍍𑌰𑌵𑌿𑌷𑍍𑌟𑍌 𑌦𑌂𑌡𑌕𑌾𑌰𑌣𑍍𑌯𑌂 𑌶𑌰𑌚𑌾𑌪𑌾𑌸𑌿𑌧𑌾𑌰𑌿𑌣𑍌 ॥ 10 ॥

𑌕𑌥𑌂 𑌤𑌾𑌪𑌸𑌯𑍋𑌰𑍍𑌵𑌾𑌂 𑌚 𑌵𑌾𑌸𑌃 𑌪𑍍𑌰𑌮𑌦𑌯𑌾 𑌸𑌹 ।
𑌅𑌧𑌰𑍍𑌮𑌚𑌾𑌰𑌿𑌣𑍌 𑌪𑌾𑌪𑍌 𑌕𑍌 𑌯𑍁𑌵𑌾𑌂 𑌮𑍁𑌨𑌿𑌦𑍂𑌷𑌕𑍌 ॥ 11 ॥

𑌅𑌹𑌂 𑌵𑌨𑌮𑌿𑌦𑌂 𑌦𑍁𑌰𑍍𑌗𑌂 𑌵𑌿𑌰𑌾𑌧𑍋 𑌨𑌾𑌮 𑌰𑌾𑌕𑍍𑌷𑌸𑌃 ।
𑌚𑌰𑌾𑌮𑌿 𑌸𑌾𑌯𑍁𑌧𑍋 𑌨𑌿𑌤𑍍𑌯𑌮𑍃𑌷𑌿𑌮𑌾𑌂𑌸𑌾𑌨𑌿 𑌭𑌕𑍍𑌷𑌯𑌨𑍍 ॥ 12 ॥

𑌇𑌯𑌂 𑌨𑌾𑌰𑍀 𑌵𑌰𑌾𑌰𑍋𑌹𑌾 𑌮𑌮 𑌭𑌾𑌰𑍍𑌯𑌾 𑌭𑌵𑌿𑌷𑍍𑌯𑌤𑌿 ।
𑌯𑍁𑌵𑌯𑍋𑌃 𑌪𑌾𑌪𑌯𑍋𑌶𑍍𑌚𑌾𑌹𑌂 𑌪𑌾𑌸𑍍𑌯𑌾𑌮𑌿 𑌰𑍁𑌧𑌿𑌰𑌂 𑌮𑍃𑌧𑍇 ॥ 13 ॥

𑌤𑌸𑍍𑌯𑍈𑌵𑌂 𑌬𑍍𑌰𑍁𑌵𑌤𑍋 𑌦𑍁𑌷𑍍𑌟𑌂 𑌵𑌿𑌰𑌾𑌧𑌸𑍍𑌯 𑌦𑍁𑌰𑌾𑌤𑍍𑌮𑌨𑌃 ।
𑌶𑍍𑌰𑍁𑌤𑍍𑌵𑌾 𑌸𑌗𑌰𑍍𑌵𑌿𑌤𑌂 𑌵𑌾𑌕𑍍𑌯𑌂 𑌸𑌂𑌭𑍍𑌰𑌾𑌂𑌤𑌾 𑌜𑌨𑌕𑌾𑌤𑍍𑌮𑌜𑌾 ॥ 14 ॥

𑌸𑍀𑌤𑌾 𑌪𑍍𑌰𑌵𑍇𑌪𑌤𑍋𑌦𑍍𑌵𑍇𑌗𑌾𑌤𑍍 𑌪𑍍𑌰𑌾𑌵𑌾𑌤𑍇 𑌕𑌦𑌲𑍀 𑌯𑌥𑌾 ॥ 15 ॥

𑌤𑌾𑌂 𑌦𑍃𑌷𑍍𑌟𑍍𑌵𑌾 𑌰𑌾𑌘𑌵𑌃 𑌸𑍀𑌤𑌾𑌂 𑌵𑌿𑌰𑌾𑌧𑌾𑌂𑌕𑌗𑌤𑌾𑌂 𑌶𑍁𑌭𑌾𑌮𑍍 ।
𑌅𑌬𑍍𑌰𑌵𑍀𑌲𑍍𑌲𑌕𑍍𑌷𑍍𑌮𑌣𑌂 𑌵𑌾𑌕𑍍𑌯𑌂 𑌮𑍁𑌖𑍇𑌨 𑌪𑌰𑌿𑌶𑍁𑌷𑍍𑌯𑌤𑌾 ॥ 16 ॥

𑌪𑌶𑍍𑌯 𑌸𑍌𑌮𑍍𑌯 𑌨𑌰𑍇𑌂𑌦𑍍𑌰𑌸𑍍𑌯 𑌜𑌨𑌕𑌸𑍍𑌯𑌾𑌤𑍍𑌮𑌸𑌂𑌭𑌵𑌾𑌮𑍍 ।
𑌮𑌮 𑌭𑌾𑌰𑍍𑌯𑌾𑌂 𑌶𑍁𑌭𑌾𑌚𑌾𑌰𑌾𑌂 𑌵𑌿𑌰𑌾𑌧𑌾𑌂𑌕𑍇 𑌪𑍍𑌰𑌵𑍇𑌶𑌿𑌤𑌾𑌮𑍍 ॥ 1𑍭 ॥

𑌅𑌤𑍍𑌯𑌂𑌤𑌸𑍁𑌖𑌸𑌂𑌮𑌵𑍃𑌦𑍍𑌧𑌾𑌂 𑌰𑌾𑌜𑌪𑍁𑌤𑍍𑌰𑍀𑌂 𑌯𑌶𑌸𑍍𑌵𑌿𑌨𑍀𑌮𑍍 ।
𑌯𑌦𑌭𑌿𑌪𑍍𑌰𑍇𑌤𑌮𑌸𑍍𑌮𑌾𑌸𑍁 𑌪𑍍𑌰𑌿𑌯𑌂 𑌵𑌰𑌵𑍃𑌤𑌂 𑌚 𑌯𑌤𑍍 ॥ 1𑍮 ॥

𑌕𑍈𑌕𑍇𑌯𑍍𑌯𑌾𑌸𑍍𑌤𑍁 𑌸𑍁𑌸𑌂𑌵𑍃𑌤𑍍𑌤𑌂 𑌕𑍍𑌷𑌿𑌪𑍍𑌰𑌮𑌦𑍍𑌯𑍈𑌵 𑌲𑌕𑍍𑌷𑍍𑌮𑌣 ।
𑌯𑌾 𑌨 𑌤𑍁𑌷𑍍𑌯𑌤𑌿 𑌰𑌾𑌜𑍍𑌯𑍇𑌨 𑌪𑍁𑌤𑍍𑌰𑌾𑌰𑍍𑌥𑍇 𑌦𑍀𑌰𑍍𑌘𑌦𑌰𑍍𑌶𑌿𑌨𑍀 ॥ 1𑍯 ॥

𑌯𑌯𑌾𑌹𑌂 𑌸𑌰𑍍𑌵𑌭𑍂𑌤𑌾𑌨𑌾𑌂 𑌪𑍍𑌰𑌿𑌯𑌃 𑌪𑍍𑌰𑌸𑍍𑌥𑌾𑌪𑌿𑌤𑍋 𑌵𑌨𑌮𑍍 ।
𑌅𑌦𑍍𑌯𑍇𑌦𑌾𑌨𑍀𑌂 𑌸𑌕𑌾𑌮𑌾 𑌸𑌾 𑌯𑌾 𑌮𑌾𑌤𑌾 𑌮𑌧𑍍𑌯𑌮𑌾 𑌮𑌮 ॥ 20 ॥

𑌪𑌰𑌸𑍍𑌪𑌰𑍍𑌶𑌾𑌤𑍍𑌤𑍁 𑌵𑍈𑌦𑍇𑌹𑍍𑌯𑌾𑌃 𑌨 𑌦𑍁𑌃𑌖𑌤𑌰𑌮𑌸𑍍𑌤𑌿𑌮𑍇 ।
𑌪𑌿𑌤𑍁𑌰𑍍𑌵𑌿𑌨𑌾𑌶𑌾𑌤𑍍𑌸𑍌𑌮𑌿𑌤𑍍𑌰𑍇 𑌸𑍍𑌵𑌰𑌾𑌜𑍍𑌯𑌹𑌰𑌣𑌾𑌤𑍍𑌤𑌥𑌾 ॥ 21 ॥

𑌇𑌤𑌿 𑌬𑍍𑌰𑍁𑌵𑌤𑌿 𑌕𑌾𑌕𑍁𑌤𑍍𑌸𑍍𑌥𑍇 𑌬𑌾𑌷𑍍𑌪𑌶𑍋𑌕𑌪𑌰𑌿𑌪𑍍𑌲𑍁𑌤𑍇 ।
𑌅𑌬𑍍𑌰𑌵𑍀𑌲𑍍𑌲𑌕𑍍𑌷𑍍𑌮𑌣𑌃 𑌕𑍍𑌰𑍁𑌦𑍍𑌧𑍋 𑌰𑍁𑌦𑍍𑌧𑍋 𑌨𑌾𑌗 𑌇𑌵 𑌶𑍍𑌵𑌸𑌨𑍍 ॥ 22 ॥

𑌅𑌨𑌾𑌥 𑌇𑌵 𑌭𑍂𑌤𑌾𑌨𑌾𑌂 𑌨𑌾𑌥𑌸𑍍𑌤𑍍𑌵𑌂 𑌵𑌾𑌸𑌵𑍋𑌪𑌮𑌃 ।
𑌮𑌯𑌾 𑌪𑍍𑌰𑍇𑌷𑍍𑌯𑍇𑌣 𑌕𑌾𑌕𑍁𑌤𑍍𑌸𑍍𑌥 𑌕𑌿𑌮𑌰𑍍𑌥𑌂 𑌪𑌰𑌿𑌤𑌪𑍍𑌯𑌸𑍇 ॥ 23 ॥

𑌶𑌰𑍇𑌣 𑌨𑌿𑌹𑌤𑌸𑍍𑌯𑌾𑌦𑍍𑌯 𑌮𑌯𑌾 𑌕𑍍𑌰𑍁𑌦𑍍𑌧𑍇𑌨 𑌰𑌕𑍍𑌷𑌸𑌃 ।
𑌵𑌿𑌰𑌾𑌧𑌸𑍍𑌯 𑌗𑌤𑌾𑌸𑍋𑌰𑍍𑌹𑌿 𑌮𑌹𑍀 𑌪𑌾𑌸𑍍𑌯𑌤𑌿 𑌶𑍋𑌣𑌿𑌤𑌮𑍍 ॥ 24 ॥

𑌰𑌾𑌜𑍍𑌯𑌕𑌾𑌮𑍇 𑌮𑌮 𑌕𑍍𑌰𑍋𑌧𑍋 𑌭𑌰𑌤𑍇 𑌯𑍋 𑌬𑌭𑍂𑌵 𑌹 ।
𑌤𑌂 𑌵𑌿𑌰𑌾𑌧𑍇 𑌪𑍍𑌰𑌮𑍋𑌕𑍍𑌷𑍍𑌯𑌾𑌮𑌿 𑌵𑌜𑍍𑌰𑍀 𑌵𑌜𑍍𑌰𑌮𑌿𑌵𑌾𑌚𑌲𑍇 ॥ 25 ॥

𑌮𑌮 𑌭𑍁𑌜𑌬𑌲𑌵𑍇𑌗𑌵𑍇𑌗𑌿𑌤𑌃 𑌪𑌤𑌤𑍁 𑌶𑌰𑍋𑌽𑌸𑍍𑌯 𑌮𑌹𑌾𑌨𑍍𑌮𑌹𑍋𑌰𑌸𑌿 ।
𑌵𑍍𑌯𑌪𑌨𑌯𑌤𑍁 𑌤𑌨𑍋𑌶𑍍𑌚 𑌜𑍀𑌵𑌿𑌤𑌂 𑌪𑌤𑌤𑍁 𑌤𑌤𑌸𑍍𑌸𑌮𑌹𑍀𑌂 𑌵𑌿𑌘𑍂𑌰𑍍𑌣𑌿𑌤𑌃 ॥ 26 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌦𑍍𑌵𑌿𑌤𑍀𑌯𑌸𑍍𑌸𑌰𑍍𑌗𑌃 ॥


Browse Related Categories: