Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.65 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌪𑌂𑌚𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌅𑌥 𑌰𑌾𑌤𑍍𑌰𑍍𑌯𑌾𑌂 𑌵𑍍𑌯𑌤𑍀𑌤𑌾𑌯𑌾𑌂 𑌪𑍍𑌰𑌾𑌤𑌰𑍇𑌵𑌾𑌪𑌰𑍇𑌽𑌹𑌨𑌿 ।
𑌵𑌂𑌦𑌿𑌨𑌃 𑌪𑌰𑍍𑌯𑍁𑌪𑌾𑌤𑌿𑌷𑍍𑌠𑌂𑌸𑍍𑌤𑌤𑍍𑌪𑌾𑌰𑍍𑌥𑌿𑌵 𑌨𑌿𑌵𑍇𑌶𑌨𑌮𑍍 ॥ 1 ॥

𑌸𑍂𑌤𑌾𑌃 𑌪𑌰𑌮𑌸𑌂𑌸𑍍𑌕𑌾𑌰𑌾 𑌮𑌂𑌗𑌲𑌾𑌶𑍍𑌚𑍋𑌤𑍍𑌤𑌮𑌶𑍍𑌰𑍁𑌤𑌾𑌃 ।
𑌗𑌾𑌯𑌕𑌾𑌃 𑌸𑍍𑌤𑍁𑌤𑌿𑌶𑍀𑌲𑌾𑌶𑍍𑌚 𑌨𑌿𑌗𑌦𑌂𑌤𑌃 𑌪𑍃𑌥𑌕𑍍 𑌪𑍃𑌥𑌕𑍍 ॥ 2 ॥

𑌅𑌥 𑌰𑌾𑌤𑍍𑌰𑍍𑌯𑌾𑌂 𑌵𑍍𑌯𑌤𑍀𑌤𑌾𑌯𑌾𑌂 𑌪𑍍𑌰𑌾𑌤𑌰𑍇𑌵𑌾𑌪𑌰𑍇𑌽𑌹𑌨𑌿 ।
𑌵𑌂𑌦𑌿𑌨𑌃 𑌪𑌰𑍍𑌯𑍁𑌪𑌾𑌤𑌿𑌷𑍍𑌠𑌂𑌸𑍍𑌤𑌤𑍍𑌪𑌾𑌰𑍍𑌥𑌿𑌵 𑌨𑌿𑌵𑍇𑌶𑌨𑌮𑍍 ॥ 3 ॥

𑌸𑍂𑌤𑌾𑌃 𑌪𑌰𑌮𑌸𑌂𑌸𑍍𑌕𑌾𑌰𑌾 𑌮𑌂𑌗𑌲𑌾𑌶𑍍𑌚𑍋𑌤𑍍𑌤𑌮𑌶𑍍𑌰𑍁𑌤𑌾𑌃 ।
𑌗𑌾𑌯𑌕𑌾𑌃 𑌸𑍍𑌤𑍁𑌤𑌿𑌶𑍀𑌲𑌾𑌶𑍍𑌚 𑌨𑌿𑌗𑌦𑌂𑌤𑌃 𑌪𑍃𑌥𑌕𑍍 𑌪𑍃𑌥𑌕𑍍 ॥ 4 ॥

𑌰𑌾𑌜𑌾𑌨𑌂 𑌸𑍍𑌤𑍁𑌵𑌤𑌾𑌂 𑌤𑍇𑌷𑌾𑌮𑍁𑌦𑌾𑌤𑍍𑌤𑌾𑌭𑌿𑌹𑌿𑌤𑌾𑌶𑌿𑌷𑌾𑌮𑍍 ।
𑌪𑍍𑌰𑌾𑌸𑌾𑌦𑌾𑌽𑌭𑍋𑌗𑌵𑌿𑌸𑍍𑌤𑍀𑌰𑍍𑌣𑌃 𑌸𑍍𑌤𑍁𑌤𑌿𑌶𑌬𑍍𑌦𑍋𑌹𑍍𑌯𑌵𑌰𑍍𑌤𑌤 ॥ 5 ॥

𑌤𑌤𑌸𑍍𑌤𑍁 𑌸𑍍𑌤𑍁𑌵𑌤𑌾𑌂 𑌤𑍇𑌷𑌾𑌂 𑌸𑍂𑌤𑌾𑌨𑌾𑌂 𑌪𑌾𑌣𑌿𑌵𑌾𑌦𑌕𑌾𑌃 ।
𑌅𑌪𑌦𑌾𑌨𑌾𑌨𑍍𑌯𑍁𑌦𑌾𑌹𑍃𑌤𑍍𑌯 𑌪𑌾𑌣𑌿𑌵𑌾𑌦𑌾 𑌨𑌵𑌾𑌦𑌯𑌨𑍍 ॥ 6 ॥

𑌤𑍇𑌨 𑌶𑌬𑍍𑌦𑍇𑌨 𑌵𑌿𑌹𑌗𑌾𑌃 𑌪𑍍𑌰𑌤𑌿𑌬𑍁𑌦𑍍𑌧𑌾 𑌵𑌿𑌸𑌸𑍍𑌵𑌨𑍁𑌃 ।
𑌶𑌾𑌖𑌾𑌸𑍍𑌥𑌾𑌃 𑌪𑌂𑌜𑌰𑌸𑍍𑌥𑌾𑌶𑍍𑌚 𑌯𑍇 𑌰𑌾𑌜𑌕𑍁𑌲𑌗𑍋𑌚𑌰𑌾𑌃 ॥ 𑍭 ॥

𑌵𑍍𑌯𑌾𑌹𑍃𑌤𑌾𑌃 𑌪𑍁𑌣𑍍𑌯𑌶𑌬𑍍𑌦𑌾𑌶𑍍𑌚 𑌵𑍀𑌣𑌾𑌨𑌾𑌂 𑌚𑌾𑌪𑌿 𑌨𑌿𑌸𑍍𑌸𑍍𑌵𑌨𑌾𑌃 ।
𑌆𑌶𑍀𑌰𑍍𑌗𑍇𑌯𑌂 𑌚 𑌗𑌾𑌥𑌾𑌨𑌾𑌂 𑌪𑍂𑌰𑌯𑌾𑌮𑌾𑌸 𑌵𑍇𑌶𑍍𑌮 𑌤𑌤𑍍 ॥ 𑍮 ॥

𑌤𑌤 𑌶𑍍𑌶𑍁𑌚𑌿𑌸𑌮𑌾𑌚𑌾𑌰𑌾𑌃 𑌪𑌰𑍍𑌯𑍁𑌪𑌸𑍍𑌥𑌾𑌨𑌕𑍋𑌵𑌿𑌦𑌾𑌃 ।
𑌸𑍍𑌤𑍍𑌰𑍀𑌵𑌰𑍍𑌷 𑌧𑌰𑌭𑍂𑌯𑌿𑌷𑍍𑌠𑌾 𑌉𑌪𑌤𑌸𑍍𑌥𑍁𑌰𑍍𑌯𑌥𑌾𑌪𑍁𑌰𑌮𑍍 ॥ 𑍯 ॥

𑌹𑌰𑌿𑌚𑌂𑌦𑌨𑌸𑌂𑌪𑍃𑌕𑍍𑌤𑌮𑍁𑌦𑌕𑌂 𑌕𑌾𑌂𑌚𑌨𑍈𑌰𑍍𑌘𑌟𑍈𑌃 ।
𑌆𑌨𑌿𑌨𑍍𑌯𑍁𑌸𑍍𑌸𑍍𑌨𑌾𑌨𑌶𑌿𑌕𑍍𑌷𑌾𑌜𑍍𑌞𑌾 𑌯𑌥𑌾𑌕𑌾𑌲𑌂 𑌯𑌥𑌾𑌵𑌿𑌧𑌿 ॥ 10 ॥

𑌮𑌂𑌗𑌲𑌾𑌲𑌂𑌭𑌨𑍀𑌯𑌾𑌨𑌿 𑌪𑍍𑌰𑌾𑌶𑌨𑍀𑌯𑌾𑌨𑍍𑌯𑍁𑌪𑌸𑍍𑌕𑌰𑌾𑌨𑍍 ।
𑌉𑌪𑌨𑌿𑌨𑍍𑌯𑍁𑌸𑍍𑌤𑌥𑌾𑌪𑍍𑌯𑌨𑍍𑌯𑌾𑌃 𑌕𑍁𑌮𑌾𑌰𑍀𑌬𑌹𑍁𑌲𑌾𑌃 𑌸𑍍𑌤𑍍𑌰𑌿𑌯𑌃 ॥ 11 ॥

𑌸𑌰𑍍𑌵𑌲𑌕𑍍𑌷𑌣𑌸𑌂𑌪𑌨𑍍𑌨𑌂 𑌸𑌰𑍍𑌵𑌂 𑌵𑌿𑌧𑌿𑌵𑌦𑌰𑍍𑌚𑌿𑌤𑌮𑍍 ।
𑌸𑌰𑍍𑌵𑌂 𑌸𑍁𑌗𑍁𑌣𑌲𑌕𑍍𑌷𑍍𑌮𑍀𑌵𑌤𑍍𑌤𑌦𑍍𑌬𑌭𑍂𑌵𑌾𑌭𑌿𑌹𑌾𑌰𑌿𑌕𑌮𑍍 ॥ 12 ॥

𑌤𑌤 𑌸𑍍𑌸𑍂𑌰𑍍𑌯𑍋𑌦𑌯𑌂 𑌯𑌾𑌵𑌤𑍍𑌸𑌰𑍍𑌵𑌂 𑌪𑌰𑌿𑌸𑌮𑍁𑌤𑍍𑌸𑍁𑌕𑌮𑍍 ।
𑌤𑌸𑍍𑌥𑌾𑌵𑌨𑍁𑌪𑌸𑌂𑌪𑍍𑌰𑌾𑌪𑍍𑌤𑌂 𑌕𑌿𑌂𑌸𑍍𑌵𑌿𑌦𑌿𑌤𑍍𑌯𑍁𑌪𑌶𑌂𑌕𑌿𑌤𑌮𑍍 ॥ 13 ॥

𑌅𑌥 𑌯𑌾𑌃 𑌕𑍋𑌸𑌲𑍇𑌂𑌦𑍍𑌰𑌸𑍍𑌯 𑌶𑌯𑌨𑌂 𑌪𑍍𑌰𑌤𑍍𑌯𑌨𑌂𑌤𑌰𑌾𑌃 ।
𑌤𑌾𑌃 𑌸𑍍𑌤𑍍𑌰𑌿𑌯𑌸𑍍𑌤𑍁 𑌸𑌮𑌾𑌗𑌮𑍍𑌯 𑌭𑌰𑍍𑌤𑌾𑌰𑌂 𑌪𑍍𑌰𑌤𑍍𑌯𑌬𑍋𑌧𑌯𑌨𑍍 ॥ 14 ॥

𑌤𑌥𑌾𑌪𑍍𑌯𑍁𑌚𑌿𑌤𑌵𑍃𑌤𑍍𑌤𑌾 𑌸𑍍𑌤𑌾 𑌵𑌿𑌨𑌯𑍇𑌨 𑌨𑌯𑍇𑌨 𑌚 ।
𑌨𑌹𑍍𑌯𑌸𑍍𑌯 𑌶𑌯𑌨𑌂 𑌸𑍍𑌪𑍃𑌷𑍍𑌟𑍍𑌵𑌾 𑌕𑌿𑌂𑌚𑌿𑌦𑌪𑍍𑌯𑍁𑌪𑌲𑍇𑌭𑌿𑌰𑍇 ॥ 15 ॥

𑌤𑌾𑌃 𑌸𑍍𑌤𑍍𑌰𑌿𑌯𑌸𑍍𑌸𑍍𑌵𑌪𑍍𑌨𑌶𑍀𑌲𑌜𑍍𑌞𑌾𑌶𑍍𑌚𑍇𑌷𑍍𑌟𑌾𑌸𑌂𑌚𑌲𑌨𑌾𑌦𑌿𑌷𑍁 𑌤𑌾 𑌵𑍇𑌪𑌥𑍁𑌪𑌰𑍀𑌤𑌾𑌶𑍍𑌚 𑌰𑌾𑌜𑍍𑌞𑌃 𑌪𑍍𑌰𑌾𑌣𑍇𑌷𑍁 𑌶𑌂𑌕𑌿𑌤𑌾𑌃 ।
𑌪𑍍𑌰𑌤𑌿𑌸𑍍𑌰𑍋𑌤𑌸𑍍𑌤𑍃𑌣𑌾𑌗𑍍𑌰𑌾𑌣𑌾𑌂 𑌸𑌦𑍃𑌶𑌂 𑌸𑌂𑌚𑌕𑌾𑌶𑌿𑌰𑍇 ॥ 16 ॥

𑌅𑌥 𑌸𑌂𑌦𑍇𑌹𑌮𑌾𑌨𑌾𑌨𑌾𑌂 𑌸𑍍𑌤𑍍𑌰𑍀𑌣𑌾𑌂 𑌦𑍃𑌷𑍍𑌟𑍍𑌵𑌾 𑌚 𑌪𑌾𑌰𑍍𑌥𑌿𑌵𑌮𑍍 ।
𑌯𑌤𑍍𑌤𑌦𑌾𑌶𑌂𑌕𑌿𑌤𑌂 𑌪𑌾𑌪𑌂 𑌤𑌸𑍍𑌯 𑌜𑌜𑍍𑌞𑍇 𑌵𑌿𑌨𑌿𑌶𑍍𑌚𑌯𑌃 ॥ 1𑍭 ॥

𑌕𑍌𑌸𑌲𑍍𑌯𑌾 𑌚 𑌸𑍁𑌮𑌤𑍍𑌰𑌚 𑌪𑍁𑌤𑍍𑌰𑌶𑍋𑌕𑌪𑌰𑌾𑌜𑌿𑌤𑍇 ।
𑌪𑍍𑌰𑌸𑍁𑌪𑍍𑌤𑍇 𑌨 𑌪𑍍𑌰𑌬𑍁𑌧𑍍𑌯𑍇𑌤𑍇 𑌯𑌥𑌾 𑌕𑌾𑌲𑌸𑌮𑌨𑍍𑌵𑌿𑌤𑍇 ॥ 1𑍮 ॥

𑌨𑌿𑌷𑍍𑌪𑍍𑌰𑌭𑌾 𑌚 𑌵𑌿𑌵𑌰𑍍𑌣𑌾 𑌚 𑌸𑌨𑍍𑌨𑌾 𑌶𑍋𑌕𑍇𑌨 𑌸𑌨𑍍𑌨𑌤𑌾 ।
𑌨 𑌵𑍍𑌯𑌰𑌾𑌜𑌤 𑌕𑍌𑌸𑌲𑍍𑌯𑌾 𑌤𑌾𑌰𑍇𑌵 𑌤𑌿𑌮𑌿𑌰𑌾𑌵𑍃𑌤𑌾 ॥ 1𑍯 ॥

𑌕𑍌𑌸𑌲𑍍𑌯𑌾𑌽𑌨𑌂𑌤𑌰𑌂 𑌰𑌾𑌜𑍍𑌞𑌸𑍍𑌸𑍁𑌮𑌿𑌤𑍍𑌰𑌾 𑌤𑌦𑌂𑌤𑌨𑌰𑌮𑍍 ।
𑌨 𑌸𑍍𑌮 𑌵𑌿𑌭𑍍𑌰𑌾𑌜𑌤𑍇 𑌦𑍇𑌵𑍀 𑌶𑍋𑌕𑌾𑌶𑍍𑌰𑍁𑌲𑍁𑌲𑌿𑌤𑌾𑌨𑌨𑌾 ॥ 20 ॥

𑌤𑍇 𑌚 𑌦𑍃𑌷𑍍𑌟𑍍𑌵𑌾 𑌤𑌥𑌾 𑌸𑍁𑌪𑍍𑌤𑍇 𑌶𑍁𑌭𑍇 𑌦𑍇𑌵𑍍𑌯𑍌 𑌚 𑌤𑌂 𑌨𑍃𑌪𑌮𑍍 ।
𑌸𑍁𑌪𑍍𑌤𑌮𑍇𑌵𑍋𑌦𑍍𑌗𑌤𑌪𑍍𑌰𑌾𑌣𑌮𑌂𑌤𑌃𑌪𑍁𑌰𑌮𑌦𑍃𑌶𑍍𑌯𑌤 ॥ 21 ॥

𑌤𑌤𑌃 𑌪𑍍𑌰𑌚𑍁𑌕𑍍𑌰𑍁𑌶𑍁𑌰𑍍𑌦𑍀𑌨𑌾 𑌸𑍍𑌸𑌸𑍍𑌵𑌰𑌂 𑌤𑌾 𑌵𑌰𑌾𑌂𑌗𑌨𑌾𑌃 ।
𑌕𑌰𑍇𑌣𑌵 𑌇𑌵𑌾𑌰𑌣𑍍𑌯𑍇 𑌸𑍍𑌥𑌾𑌨𑌪𑍍𑌰𑌚𑍍𑌯𑍁𑌤𑌯𑍂𑌥𑌪𑌾𑌃 ॥ 22 ॥

𑌤𑌾𑌸𑌾𑌮𑌾𑌕𑍍𑌰𑌂𑌦𑌶𑌬𑍍𑌦𑍇𑌨 𑌸𑌹𑌸𑍋𑌦𑍍𑌧𑌤𑌚𑍇𑌤𑌨𑍇 ।
𑌕𑍌𑌸𑌲𑍍𑌯𑌾 𑌚 𑌸𑍁𑌮𑌿𑌤𑍍𑌰𑌾 𑌚 𑌤𑍍𑌯𑌕𑍍𑌤 𑌨𑌿𑌦𑍍𑌰𑍇 𑌬𑌭𑍂𑌵𑌤𑍁𑌃 ॥ 23 ॥

𑌕𑍌𑌸𑌲𑍍𑌯𑌾 𑌚 𑌸𑍁𑌮𑌿𑌤𑍍𑌰𑌾 𑌚 𑌦𑍃𑌷𑍍𑌟𑍍𑌵𑌾 𑌸𑍍𑌪𑍃𑌷𑍍𑌟𑍍𑌵𑌾 𑌚 𑌪𑌾𑌰𑍍𑌥𑌿𑌵𑌮𑍍 ।
𑌹𑌾 𑌨𑌾𑌥𑍇𑌤𑌿 𑌪𑌰𑌿𑌕𑍍𑌰𑍁𑌶𑍍𑌯 𑌪𑍇𑌤𑌤𑍁𑌰𑍍𑌧𑌰𑌣𑍀𑌤𑌲𑍇 ॥ 24 ॥

𑌸𑌾 𑌕𑍋𑌸𑌲𑍇𑌂𑌦𑍍𑌰𑌦𑍁𑌹𑌿𑌤𑌾 𑌵𑍇𑌷𑍍𑌟𑌮𑌾𑌨𑌾 𑌮𑌹𑍀𑌤𑌲𑍇 ।
𑌨 𑌬𑌭𑍍𑌰𑌾𑌜 𑌰𑌜𑍋𑌧𑍍𑌵𑌸𑍍𑌤𑌾 𑌤𑌾𑌰𑍇𑌵 𑌗𑌗𑌨𑌾𑌚𑍍𑌚𑍍𑌯𑍁𑌤𑌾 ॥ 25 ॥

𑌨𑍃𑌪𑍇 𑌶𑌾𑌂𑌤𑌗𑍁𑌣𑍇 𑌜𑌾𑌤𑍇 𑌕𑍌𑌸𑌲𑍍𑌯𑌾𑌂 𑌪𑌤𑌿𑌤𑌾𑌂 𑌭𑍁𑌵𑌿 ।
𑌅𑌪𑌶𑍍𑌯𑌂𑌸𑍍𑌤𑌾𑌃 𑌸𑍍𑌤𑍍𑌰𑌿𑌯𑌃 𑌸𑌰𑍍𑌵𑌾 𑌹𑌤𑌾𑌂 𑌨𑌾𑌗𑌵𑌧𑍂𑌮𑌿𑌵 ॥ 26 ॥

𑌤𑌤𑌸𑍍𑌸𑌰𑍍𑌵𑌾 𑌨𑌰𑍇𑌂𑌦𑍍𑌰𑌸𑍍𑌯 𑌕𑍈𑌕𑍇𑌯𑍀𑌪𑍍𑌰𑌮𑍁𑌖𑌾𑌃 𑌸𑍍𑌤𑍍𑌰𑌿𑌯𑌃 ।
𑌰𑍁𑌦𑌂𑌤𑍍𑌯 𑌶𑍍𑌶𑍋𑌕𑌸𑌂𑌤𑌪𑍍𑌤𑌾 𑌨𑌿𑌪𑍇𑌤𑍁𑌰𑍍𑌗𑌤𑌚𑍇𑌤𑌨𑌾𑌃 ॥ 2𑍭 ॥

𑌤𑌾𑌭𑌿𑌸𑍍𑌸 𑌬𑌲𑌵𑌾𑌨𑍍𑌨𑌾𑌦𑌃 𑌕𑍍𑌰𑍋𑌶𑌂𑌤𑍀𑌭𑌿𑌰𑌨𑍁𑌦𑍍𑌰𑍁𑌤𑌃 ।
𑌯𑍇𑌨 𑌸𑍍𑌫𑍀𑌤𑍀𑌕𑍃𑌤𑌂 𑌭𑍂𑌯𑌸𑍍𑌤𑌦𑍍𑌗𑍃𑌹𑌂 𑌸𑌮𑌨𑌾𑌦𑌯𑌤𑍍 ॥ 2𑍮 ॥

𑌤𑌤𑍍 𑌪𑌰𑌿𑌤𑍍𑌰𑌸𑍍𑌤𑌂𑌤𑍍𑌰𑌸𑌂𑌭𑍍𑌰𑌾𑌂𑌤 𑌪𑌰𑍍𑌯𑍁𑌤𑍍𑌸𑍁𑌕𑌜𑌨𑌾𑌕𑍁𑌲𑌮𑍍 ।
𑌸𑌰𑍍𑌵𑌤𑌸𑍍𑌤𑍁𑌮𑍁𑌲𑌾𑌕𑍍𑌰𑌂𑌦𑌂 𑌪𑌰𑌿𑌤𑌾𑌪𑌾𑌰𑍍𑌤𑌬𑌾𑌂𑌧𑌵𑌮𑍍 ॥ 2𑍯 ॥

𑌸𑌦𑍍𑌯𑍋 𑌨𑌿𑌪𑌤𑌿𑌤𑌾𑌨𑌂𑌦𑌂 𑌦𑍀𑌨𑌵𑌿𑌕𑍍𑌲𑌬𑌦𑌰𑍍𑌶𑌨𑌮𑍍 ।
𑌬𑌭𑍂𑌵 𑌨𑌰𑌦𑍇𑌵𑌸𑍍𑌯 𑌸𑌦𑍍𑌮 𑌦𑌿𑌷𑍍𑌟𑌾𑌂𑌤𑌮𑍀𑌯𑍁𑌷𑌃 ॥ 30 ॥

𑌅𑌤𑍀𑌤𑌮𑌾𑌜𑍍𑌞𑌾𑌯 𑌤𑍁 𑌪𑌾𑌰𑍍𑌥𑌿𑌵𑌰𑍍𑌷𑌭𑌂 𑌯𑌶𑌸𑍍𑌵𑌿𑌨𑌂 𑌸𑌂𑌪𑌰𑌿𑌵𑌾𑌰𑍍𑌯 𑌪𑌤𑍍𑌨𑌯𑌃 ।
𑌭𑍃𑌶𑌂 𑌰𑍁𑌦𑌂𑌤𑍍𑌯𑌃 𑌕𑌰𑍁𑌣𑌂 𑌸𑍁𑌦𑍁𑌃𑌖𑌿𑌤𑌾𑌃 𑌪𑍍𑌰𑌗𑍃𑌹𑍍𑌯 𑌬𑌾𑌹𑍂 𑌵𑍍𑌯𑌲𑌪𑌨𑍍𑌨𑌨𑌾𑌥𑌵𑌤𑍍 ॥ 31 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌪𑌂𑌚𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: