VR 2.69 Ayodhya Kanda - Sarga 69 - Grantha

Collection of Spiritual and Devotional Literature in Various Indian Languages

View this in:

2.6𑍯 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌏𑌕𑍋𑌨𑌸𑌪𑍍𑌤𑌤𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌏𑌕𑍋𑌨𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ।

𑌯𑌾𑌮𑍇𑌵 𑌰𑌾𑌤𑍍𑌰𑌿𑌂 𑌤𑍇 𑌦𑍂𑌤𑌾𑌃 𑌪𑍍𑌰𑌵𑌿𑌶𑌂𑌤𑌿 𑌸𑍍𑌮 𑌤𑌾𑌂 𑌪𑍁𑌰𑍀𑌮𑍍 ।
𑌭𑌰𑌤𑍇𑌨𑌾𑌪𑌿 𑌤𑌾𑌂 𑌰𑌾𑌤𑍍𑌰𑌿𑌂 𑌸𑍍𑌵𑌪𑍍𑌨𑍋 𑌦𑍃𑌷𑍍𑌟𑍋𑌽𑌯𑌮𑌪𑍍𑌰𑌿𑌯𑌃 ॥ 1 ॥

𑌵𑍍𑌯𑍁𑌷𑍍𑌟𑌾𑌮𑍇𑌵 𑌤𑍁 𑌤𑌾𑌂 𑌰𑌾𑌤𑍍𑌰𑌿𑌂 𑌦𑍃𑌷𑍍𑌟𑍍𑌵𑌾 𑌤𑌂 𑌸𑍍𑌵𑌪𑍍𑌨𑌮𑌪𑍍𑌰𑌿𑌯𑌮𑍍 ।
𑌪𑍁𑌤𑍍𑌰𑍋 𑌰𑌾𑌜𑌾𑌧𑌿𑌰𑌾𑌜𑌸𑍍𑌯 𑌸𑍁𑌭𑍃𑌶𑌂 𑌪𑌰𑍍𑌯𑌤𑌪𑍍𑌯𑌤 ॥ 2 ॥

𑌤𑌪𑍍𑌯𑌮𑌾𑌨𑌂 𑌸𑌮𑌾𑌜𑍍𑌞𑌾𑌯 𑌵𑌯𑌸𑍍𑌯𑌾𑌃 𑌪𑍍𑌰𑌿𑌯𑌵𑌾𑌦𑌿𑌨𑌃 ।
𑌆𑌯𑌾𑌸𑌂 𑌹𑌿 𑌵𑌿𑌨𑍇𑌷𑍍𑌯𑌂𑌤 𑌸𑍍𑌸𑌭𑌾𑌯𑌾𑌂 𑌚𑌕𑍍𑌰𑌿𑌰𑍇 𑌕𑌥𑌾𑌃 ॥ 3 ॥

𑌵𑌾𑌦𑌯𑌂𑌤𑌿 𑌤𑌥𑌾 𑌶𑌾𑌂𑌤𑌿𑌂 𑌲𑌾𑌸 𑌯𑌂𑌤𑍍𑌯𑌪𑌿 𑌚𑌾𑌪𑌰𑍇 ।
𑌨𑌾𑌟𑌕𑌾𑌨𑍍𑌯𑌪𑌰𑍇 𑌪𑍍𑌰𑌾𑌹𑍁𑌰𑍍𑌹𑌾𑌸𑍍𑌯𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ॥ 4 ॥

𑌸 𑌤𑍈𑌰𑍍𑌮𑌹𑌾𑌤𑍍𑌮𑌾 𑌭𑌰𑌤𑌸𑍍𑌸𑌖𑌿𑌭𑌿𑌃 𑌪𑍍𑌰𑌿𑌯𑌵𑌾𑌦𑌿𑌭𑌿𑌃 ।
𑌗𑍋𑌷𑍍𑌠𑍀𑌹𑌾𑌸𑍍𑌯𑌾𑌨𑌿 𑌕𑍁𑌰𑍍𑌵𑌦𑍍𑌭𑌿𑌰𑍍𑌨 𑌪𑍍𑌰𑌾𑌹𑍃𑌷𑍍𑌯𑌤 𑌰𑌾𑌘𑌵𑌃 ॥ 5 ॥

𑌤𑌮𑌬𑍍𑌰𑌵𑍀𑌤𑍍𑌪𑍍𑌰𑌿𑌯𑌸𑌖𑍋 𑌭𑌰𑌤𑌂 𑌸𑌖𑌿𑌭𑌿𑌰𑍍𑌵𑍃𑌤𑌮𑍍 ।
𑌸𑍁𑌹𑍃𑌦𑍍𑌭𑌿𑌃 𑌪𑌰𑍍𑌯𑍁𑌪𑌾𑌸𑍀𑌨𑌃 𑌕𑌿𑌂 𑌸𑌖𑍇 𑌨𑌾𑌨𑍁𑌮𑍋𑌦𑌸𑍇 ॥ 6 ॥

𑌏𑌵𑌂 𑌬𑍍𑌰𑍁𑌵𑌾𑌣𑌂 𑌸𑍁𑌹𑍃𑌦𑌂 𑌭𑌰𑌤𑌃 𑌪𑍍𑌰𑌤𑍍𑌯𑍁𑌵𑌾𑌚 𑌹 ।
𑌶𑍍𑌰𑍁𑌣𑍁 𑌤𑍍𑌵𑌂 𑌯𑌨𑍍𑌨𑌿𑌮𑌿𑌤𑍍𑌤𑌂 𑌮𑍇 𑌦𑍈𑌨𑍍𑌯𑌮𑍇𑌤𑌦𑍁𑌪𑌾𑌗𑌤𑌮𑍍 ॥ 𑍭 ॥

𑌸𑍍𑌵𑌪𑍍𑌨𑍇 𑌪𑌿𑌤𑌰𑌮𑌦𑍍𑌰𑌾𑌕𑍍𑌷𑌂 𑌮𑌲𑌿𑌨𑌂 𑌮𑍁𑌕𑍍𑌤 𑌮𑍂𑌰𑍍𑌧𑌜𑌮𑍍 ।
𑌪𑌤𑌂𑌤𑌮𑌦𑍍𑌰𑌿𑌶𑌿𑌖𑌰𑌾𑌤𑍍𑌕𑌲𑍁𑌷𑍇 𑌗𑍋𑌮𑌯𑌹𑍍𑌰𑌦𑍇 ॥ 𑍮 ॥

𑌪𑍍𑌲𑌵𑌮𑌾𑌨𑌶𑍍𑌚 𑌮𑍇 𑌦𑍃𑌷𑍍𑌟𑌸𑍍𑌸 𑌤𑌸𑍍𑌮𑌿𑌨𑍍𑌗𑍋𑌮𑌯𑌹𑍍𑌰𑌦𑍇 ।
𑌪𑌿𑌬𑌨𑍍𑌨𑌂𑌜𑌲𑌿𑌨𑌾 𑌤𑍈𑌲𑌂 𑌹𑌸𑌨𑍍𑌨𑌪𑌿 𑌮𑍁𑌹𑍁𑌰𑍍𑌮𑍁𑌹𑍁𑌃 ॥ 𑍯 ॥

𑌤𑌤𑌸𑍍𑌤𑌿𑌲𑍌𑌦𑌨𑌂 𑌭𑍁𑌕𑍍𑌤𑍍𑌵𑌾 𑌪𑍁𑌨𑌃 𑌪𑍁𑌨𑌰𑌧𑌶𑍍𑌶𑌿𑌰𑌾𑌃 ।
𑌤𑍈𑌲𑍇𑌨𑌾𑌭𑍍𑌯𑌕𑍍𑌤𑌸𑌰𑍍𑌵𑌾𑌂𑌗𑌃 𑌤𑍈𑌲𑌮𑍇𑌵𑌾𑌨𑍍𑌵𑌗𑌾𑌹𑌤 ॥ 10 ॥

𑌸𑍍𑌵𑌪𑍍𑌨𑍇𑌽𑌪𑌿 𑌸𑌾𑌗𑌰𑌂 𑌶𑍁𑌷𑍍𑌕𑌂 𑌚𑌂𑌦𑍍𑌰𑌂 𑌚 𑌪𑌤𑌿𑌤𑌂 𑌭𑌵𑌿 ।
𑌉𑌪𑌰𑍁𑌦𑍍𑌧𑌾𑌂 𑌚 𑌜𑌗𑌤𑍀𑌂 𑌤𑌮𑌸𑍇𑌵 𑌸𑌮𑌾𑌵𑍃𑌤𑌾𑌮𑍍 ॥ 11 ॥

𑌔𑌪𑌵𑌾𑌹𑍍𑌯𑌸𑍍𑌯 𑌨𑌾𑌗𑌸𑍍𑌯 𑌵𑌿𑌷𑌾𑌣𑌂 𑌶𑌕𑌲𑍀𑌕𑍃𑌤𑌮𑍍 ।
𑌸𑌹𑌸𑌾𑌚𑌾𑌪𑌿 𑌸𑌂𑌶𑌾𑌂𑌤𑌂 𑌜𑍍𑌵𑌲𑌿𑌤𑌂 𑌜𑌾𑌤𑌵𑍇𑌦𑌸𑌮𑍍 ॥ 12 ॥

𑌅𑌵𑌤𑍀𑌰𑍍𑌣𑌾𑌂 𑌚 𑌪𑍃𑌥𑌿𑌵𑍀𑌂 𑌶𑍁𑌷𑍍𑌕𑌾𑌂 𑌶𑍍𑌚 𑌵𑌿𑌵𑌿𑌧𑌾𑌨𑍍 𑌦𑍍𑌰𑍁𑌮𑌾𑌨𑍍 ।
𑌅𑌹𑌂 𑌪𑌶𑍍𑌯𑌾𑌮𑌿 𑌵𑌿𑌧𑍍𑌵𑌸𑍍𑌤𑌾𑌨𑍍 𑌸𑌧𑍂𑌮𑌾𑌂𑌶𑍍𑌚𑌾𑌪𑌿 𑌪𑌰𑍍𑌵𑌤𑌾𑌨𑍍 ॥ 13 ॥

𑌪𑍀𑌠𑍇 𑌕𑌾𑌰𑍍𑌷𑍍𑌣𑌾𑌯𑌸𑍇 𑌚𑍈𑌨𑌂 𑌨𑌿𑌷𑌣𑍍𑌣𑌂 𑌕𑍃𑌷𑍍𑌣𑌵𑌾𑌸𑌸𑌮𑍍 ।
𑌪𑍍𑌰𑌹𑌸𑌂𑌤𑌿 𑌸𑍍𑌮 𑌰𑌾𑌜𑌾𑌨𑌂 𑌪𑍍𑌰𑌮𑌦𑌾𑌃 𑌕𑍃𑌷𑍍𑌣𑌪𑌿𑌂𑌗𑌲𑌾𑌃 ॥ 14 ॥

𑌤𑍍𑌵𑌰𑌮𑌾𑌣𑌶𑍍𑌚 𑌧𑌰𑍍𑌮𑌾𑌤𑍍𑌮𑌾 𑌰𑌕𑍍𑌤𑌮𑌾𑌲𑍍𑌯𑌾𑌨𑍁𑌲𑍇𑌪𑌨𑌃 ।
𑌰𑌥𑍇𑌨 𑌖𑌰𑌯𑍁𑌕𑍍𑌤𑍇𑌨 𑌪𑍍𑌰𑌯𑌾𑌤𑍋 𑌦𑌕𑍍𑌷𑌿𑌣𑌾𑌮𑍁𑌖𑌃 ॥ 15 ॥

𑌪𑍍𑌰𑌹𑌸𑌂𑌤𑍀𑌵 𑌰𑌾𑌜𑌾𑌨𑌂 𑌪𑍍𑌰𑌮𑌦𑌾 𑌰𑌕𑍍𑌤𑌵𑌾𑌸𑌿𑌨𑍀 ।
𑌪𑍍𑌰𑌕𑌰𑍍𑌷𑌂𑌤𑍀 𑌮𑌯𑌾 𑌦𑍃𑌷𑍍𑌟𑌾 𑌰𑌾𑌕𑍍𑌷𑌸𑍀 𑌵𑌿𑌕𑍃𑌤𑌾𑌨𑌨𑌾 ॥ 16 ॥

𑌏𑌵𑌮𑍇𑌤𑌨𑍍𑌮𑌯𑌾 𑌦𑍃𑌷𑍍𑌟𑌮𑌿𑌮𑌾𑌂 𑌰𑌾𑌤𑍍𑌰𑌿𑌂 𑌭𑌯𑌾𑌵𑌹𑌮𑍍 ।
𑌅𑌹𑌂 𑌰𑌾𑌮𑍋𑌽𑌥𑌵𑌾 𑌰𑌾𑌜𑌾 𑌲𑌕𑍍𑌷𑍍𑌮𑌣𑍋 𑌵𑌾 𑌮𑌰𑌿𑌷𑍍𑌯𑌤𑌿 ॥ 1𑍭 ॥

𑌨𑌰𑍋 𑌯𑌾𑌨𑍇𑌨 𑌯 𑌸𑍍𑌸𑍍𑌵𑌪𑍍𑌨𑍇 𑌸𑍍𑌵𑌰𑌯𑍁𑌕𑍍𑌤𑍇𑌨 𑌯𑌾𑌤𑌿 𑌹𑌿 ।
𑌅𑌚𑌿𑌰𑌾𑌤𑍍𑌤𑌸𑍍𑌯 𑌧𑍂𑌮𑌾𑌗𑍍𑌰𑌂 𑌚𑌿𑌤𑌾𑌯𑌾𑌂 𑌸𑌂𑌪𑍍𑌰𑌦𑍃𑌶𑍍𑌯𑌤𑍇 ॥ 1𑍮 ॥

𑌏𑌤𑌨𑍍𑌨𑌿𑌮𑌿𑌤𑍍𑌤𑌂 𑌦𑍀𑌨𑍋𑌽𑌹𑌂 𑌤𑌨𑍍𑌨𑌵𑌃 𑌪𑍍𑌰𑌤𑌿𑌪𑍂𑌜𑌯𑍇 ।
𑌶𑍁𑌷𑍍𑌯𑌤𑍀𑌵 𑌚 𑌮𑍇 𑌕𑌂𑌠𑌃 𑌨 𑌸𑍍𑌵𑌸𑍍𑌥𑌮𑌿𑌵 𑌮𑍇 𑌮𑌨𑌃 ॥ 1𑍯 ॥

𑌨 𑌪𑌶𑍍𑌯𑌾𑌮𑌿 𑌭𑌯𑌸𑍍𑌥𑌾𑌨𑌂 𑌭𑌯𑌂 𑌚𑍈𑌵𑍋𑌪𑌧𑌾𑌰𑌯𑍇 𑌭𑍍𑌰𑌷𑍍𑌟𑌶𑍍𑌚 𑌸𑍍𑌵𑌰𑌯𑍋𑌗𑍋 𑌮𑍇 𑌛𑌾𑌯𑌾 𑌚𑍋𑌪𑌹𑌤𑌾 𑌮𑌮 ।
𑌜𑍁𑌗𑍁𑌪𑍍𑌸𑌨𑍍𑌨𑌿𑌵 𑌚𑌾𑌽𑌤𑍍𑌮𑌾𑌨𑌂 𑌨 𑌪𑌶𑍍𑌯𑌮𑌿 𑌚 𑌕𑌾𑌰𑌣𑌮𑍍 ॥ 20 ॥

𑌇𑌮𑌾𑌂 𑌚 𑌦𑍁𑌸𑍍𑌸𑍍𑌵𑌪𑍍𑌨𑌗𑌤𑌿𑌂 𑌨𑌿𑌶𑌾𑌮𑍍𑌯𑌤𑌾𑌮𑌨𑍇𑌕𑌰𑍂𑌪𑌾𑌮𑌵𑌿𑌤𑌰𑍍𑌕𑌿𑌤𑌾𑌂 𑌪𑍁𑌰𑌾 ।
𑌭𑌯𑌂 𑌮𑌹𑌤𑍍𑌤𑌦𑍍𑌧𑍃𑌦𑌯𑌾𑌨𑍍𑌨𑌯𑌾𑌤𑌿 𑌮𑍇 𑌵𑌿𑌚𑌿𑌂𑌤𑍍𑌯 𑌰𑌾𑌜𑌾𑌨𑌮𑌚𑌿𑌂𑌤𑌦𑌰𑍍𑌶𑌨𑌮𑍍 ॥ 21 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌏𑌕𑍋𑌨𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ॥

Browse Related Categories: