𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌅𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌅𑌥 𑌭𑍂𑌮𑌿𑌪𑍍𑌰𑌦𑍇𑌶𑌜𑍍𑌞𑌾𑌸𑍍𑌸𑍂𑌤𑍍𑌰𑌕𑌰𑍍𑌮𑌵𑌿𑌶𑌾𑌰𑌦𑌾𑌃 ।
𑌸𑍍𑌵𑌕𑌰𑍍𑌮𑌾𑌭𑌿𑌰𑌤𑌾𑌶𑍍𑌶𑍂𑌰𑌾𑌃 𑌖𑌨𑌕𑌾 𑌯𑌂𑌤𑍍𑌰𑌕𑌾𑌸𑍍𑌤𑌥𑌾 ॥ 1 ॥
𑌕𑌰𑍍𑌮𑌾𑌂𑌤𑌿𑌕𑌾𑌃 𑌸𑍍𑌥𑌪𑌤𑌯𑌃 𑌪𑍁𑌰𑍁𑌷 𑌯𑌂𑌤𑍍𑌰𑌕𑍋𑌵𑌿𑌦𑌾𑌃 ।
𑌤𑌥𑌾 𑌵𑌾𑌰𑍍𑌧𑌕𑌯𑌶𑍍𑌚𑍈𑌵 𑌮𑌾𑌰𑍍𑌗𑌿𑌣𑍋 𑌵𑍃𑌕𑍍𑌷𑌤𑌕𑍍𑌷𑌕𑌾𑌃 ॥ 2 ॥
𑌕𑍂𑌪𑌕𑌾𑌰𑌾𑌸𑍍𑌸𑍁𑌧𑌾𑌕𑌾𑌰𑌾𑌰𑍍𑌵𑌂𑌶𑌕𑌰𑍍𑌮𑌕𑍃𑌤𑌸𑍍𑌤𑌥𑌾 ।
𑌸𑌮𑌰𑍍𑌥𑌾 𑌯𑍇 𑌚 𑌦𑍍𑌰𑌷𑍍𑌟𑌾𑌰𑌃 𑌪𑍁𑌰𑌤𑌸𑍍𑌤𑍇 𑌪𑍍𑌰𑌤𑌸𑍍𑌥𑌿𑌰𑍇 ॥ 3 ॥
𑌅𑌥 𑌭𑍂𑌮𑌿𑌪𑍍𑌰𑌦𑍇𑌶𑌜𑍍𑌞𑌾𑌸𑍍𑌸𑍂𑌤𑍍𑌰𑌕𑌰𑍍𑌮𑌵𑌿𑌶𑌾𑌰𑌦𑌾𑌃 ।
𑌸𑍍𑌵𑌕𑌰𑍍𑌮𑌾𑌭𑌿𑌰𑌤𑌾𑌶𑍍𑌶𑍂𑌰𑌾𑌃 𑌖𑌨𑌕𑌾 𑌯𑌂𑌤𑍍𑌰𑌕𑌾𑌸𑍍𑌤𑌥𑌾 ॥ 4 ॥
𑌕𑌰𑍍𑌮𑌾𑌂𑌤𑌿𑌕𑌾𑌃 𑌸𑍍𑌥𑌪𑌤𑌯𑌃 𑌪𑍁𑌰𑍁𑌷 𑌯𑌂𑌤𑍍𑌰𑌕𑍋𑌵𑌿𑌦𑌾𑌃 ।
𑌤𑌥𑌾 𑌵𑌾𑌰𑍍𑌧𑌕𑌯𑌶𑍍𑌚𑍈𑌵 𑌮𑌾𑌰𑍍𑌗𑌿𑌣𑍋 𑌵𑍃𑌕𑍍𑌷𑌤𑌕𑍍𑌷𑌕𑌾𑌃 ॥ 5 ॥
𑌕𑍂𑌪𑌕𑌾𑌰𑌾𑌸𑍍𑌸𑍁𑌧𑌾𑌕𑌾𑌰𑌾𑌰𑍍𑌵𑌂𑌶𑌕𑌰𑍍𑌮𑌕𑍃𑌤𑌸𑍍𑌤𑌥𑌾 ।
𑌸𑌮𑌰𑍍𑌥𑌾 𑌯𑍇 𑌚 𑌦𑍍𑌰𑌷𑍍𑌟𑌾𑌰𑌃 𑌪𑍁𑌰𑌤𑌸𑍍𑌤𑍇 𑌪𑍍𑌰𑌤𑌸𑍍𑌥𑌿𑌰𑍇 ॥ 6 ॥
𑌸 𑌤𑍁 𑌹𑌰𑍍𑌷𑌾𑌤𑍍𑌤𑌮𑍁𑌦𑍍𑌦𑍇𑌶𑌂 𑌜𑌨𑍌𑌘𑍋 𑌵𑌿𑌪𑍁𑌲𑌃 𑌪𑍍𑌰𑌯𑌾𑌨𑍍 ।
𑌅𑌶𑍋𑌭𑌤 𑌮𑌹𑌾𑌵𑍇𑌗𑌸𑍍𑌸𑌮𑍁𑌦𑍍𑌰 𑌇𑌵 𑌪𑌰𑍍𑌵𑌣𑌿 ॥ ॥
𑌤𑍇 𑌸𑍍𑌵𑌵𑌾𑌰𑌂 𑌸𑌮𑌾𑌸𑍍𑌥𑌾𑌯 𑌵𑌰𑍍𑌤𑍍𑌮𑌕𑌰𑍍𑌮𑌣𑌿 𑌕𑍋𑌵𑌿𑌦𑌾𑌃 ।
𑌕𑌰𑌣𑍈𑌰𑍍𑌵𑌿𑌵𑌿𑌧𑍋𑌪𑍇𑌤𑍈𑌃 𑌪𑍁𑌰𑌸𑍍𑌤𑌾𑌤𑍍𑌸𑌂𑌪𑍍𑌰𑌤𑌸𑍍𑌥𑌿𑌰𑍇 ॥ ॥
𑌲𑌤𑌾𑌵𑌲𑍍𑌲𑍀 𑌶𑍍𑌚 𑌗𑍁𑌲𑍍𑌮𑌾𑌂𑌶𑍍𑌚 𑌸𑍍𑌥𑌾𑌣𑍂𑌨𑌶𑍍𑌮𑌨 𑌏𑌵 𑌚 ।
𑌜𑌨𑌾𑌯𑌾𑌂𑌚𑌕𑍍𑌰𑌿𑌰𑍇 𑌮𑌾𑌰𑍍𑌗𑌂 𑌛𑌿𑌂𑌦𑌂𑌤𑍋 𑌵𑌿𑌵𑌿𑌧𑌾𑌂𑌦𑍍𑌰𑍁𑌮𑌾𑌨𑍍 ॥ ॥
𑌅𑌵𑍃𑌕𑍍𑌷𑍇𑌷𑍁 𑌚 𑌦𑍇𑌶𑍇𑌷𑍁 𑌕𑍇𑌚𑌿𑌦𑍍𑌵𑍃𑌕𑍍𑌷𑌾𑌨𑌰𑍋𑌪𑌯𑌨𑍍 ।
𑌕𑍇𑌚𑌿𑌤𑍍𑌕𑍁𑌠𑌾𑌰𑍈𑌷𑍍𑌟𑌂𑌕𑍈𑌶𑍍𑌚 𑌦𑌾𑌤𑍍𑌰𑍈𑌶𑍍𑌚𑌿𑌂𑌦𑌨𑍍𑌕𑍍𑌵𑌚𑌿𑌤𑍍𑌕𑍍𑌵𑌚𑌿𑌤𑍍 ॥ 10 ॥
𑌅𑌪𑌰𑍇 𑌵𑍀𑌰𑌣𑌸𑍍𑌤𑌂𑌭𑌾𑌨𑍍𑌬𑌲𑌿𑌨𑍋 𑌬𑌲𑌵𑌤𑍍𑌤𑌰𑌾𑌃 ।
𑌵𑌿𑌧𑌮𑌂𑌤𑌿 𑌸𑍍𑌮 𑌦𑍁𑌰𑍍𑌗𑌾𑌣𑌿 𑌸𑍍𑌥𑌲𑌾𑌨𑌿 𑌚 𑌤𑌤𑌸𑍍𑌤𑌤𑌃 ॥ 11 ॥
𑌅𑌪𑌰𑍇𑌽𑌪𑍂𑌰𑌯𑌨𑍍𑌕𑍂𑌪𑌾𑌨𑍍𑌪𑌾𑌂𑌸𑍁𑌭𑌿 𑌶𑍍𑌶𑍍𑌵𑌭𑍍𑌰𑌮𑌾𑌯𑌤𑌮𑍍 ।
𑌨𑌿𑌮𑍍𑌨𑌭𑌾𑌗𑌾𑌨𑍍𑌸𑍍𑌤𑌤𑌃 𑌕𑍇𑌚𑌿𑌤𑍍𑌸𑌮𑌾𑌨𑍍𑌶𑍍𑌚𑌕𑍍𑌰𑍁 𑌸𑍍𑌸𑌮𑌂𑌤𑌤𑌃 ॥ 12 ॥
𑌬𑌬𑌂𑌧𑍁𑌰𑍍𑌬𑌂𑌧𑌨𑍀𑌯𑌾𑌂𑌶𑍍𑌚 𑌕𑍍𑌷𑍋𑌦𑍍𑌯𑌾𑌨𑍍𑌸𑌂𑌚𑍁𑌕𑍍𑌷𑍁𑌦𑍁𑌸𑍍𑌤𑌦𑌾 ।
𑌬𑌿𑌭𑌿𑌦𑍁𑌰𑍍𑌭𑍇𑌦𑌨𑍀𑌯𑌾𑌂𑌶𑍍𑌚 𑌤𑌾𑌂𑌸𑍍𑌤𑌾𑌂𑌦𑍇𑌶𑌾𑌨𑍍𑌨𑌰𑌾 𑌸𑍍𑌤𑌦𑌾 ॥ 13 ॥
𑌅𑌚𑌿𑌰𑍇𑌣𑍈𑌵 𑌕𑌾𑌲𑍇𑌨 𑌪𑌰𑌿𑌵𑌾𑌹𑌾𑌨𑍍𑌬𑌹𑍂𑌦𑌕𑌾𑌨𑍍 ।
𑌚𑌕𑍍𑌰𑍁𑌰𑍍𑌬𑌹𑍁𑌵𑌿𑌧𑌾𑌕𑌾𑌰𑌾𑌨𑍍 𑌸𑌾𑌗𑌰𑌪𑍍𑌰𑌤𑌿𑌮𑌾𑌨𑍍𑌬𑌹𑍂𑌨𑍍 ॥ 14 ॥
𑌨𑌿𑌰𑍍𑌜𑌲𑍇𑌷𑍁 𑌚 𑌦𑍇𑌶𑍇𑌷𑍁 𑌖𑌾𑌨𑌯𑌾𑌮𑌾𑌸𑍁𑌰𑍁𑌤𑍍𑌤𑌮𑌾𑌨𑍍 ।
𑌉𑌦𑌪𑌾𑌨𑌾𑌨𑍍𑌬𑌹𑍁𑌵𑌿𑌧𑌾𑌨𑍍𑌵𑍇𑌦𑌿𑌕𑌾𑌪𑌰𑌿𑌮𑌂𑌡𑌿𑌤𑌾𑌨𑍍 ॥ 15 ॥
𑌸𑌸𑍁𑌧𑌾𑌕𑍁𑌟𑍍𑌟𑌿𑌮𑌤𑌲𑌃 𑌪𑍍𑌰𑌪𑍁𑌷𑍍𑌪𑌿𑌤𑌮𑌹𑍀𑌰𑍁𑌹𑌃 ।
𑌮𑌤𑍍𑌤𑍋𑌦𑍍𑌘𑍁𑌷𑍍𑌟 𑌦𑍍𑌵𑌿𑌜𑌗𑌣𑌃 𑌪𑌤𑌾𑌕𑌾𑌭𑌿𑌰𑌲𑌂𑌕𑍃𑌤𑌃 ॥ 16 ॥
𑌚𑌂𑌦𑌨𑍋𑌦𑌕𑌸𑌂𑌸𑌿𑌕𑍍𑌤𑍋 𑌨𑌾𑌨𑌾𑌕𑍁𑌸𑍁𑌮𑌭𑍂𑌷𑌿𑌤𑌃 ।
𑌬𑌹𑍍𑌵𑌶𑍋𑌭𑌤 𑌸𑍇𑌨𑌾𑌯𑌾𑌃 𑌪𑌂𑌥𑌾 𑌸𑍍𑌸𑍁𑌰𑌪𑌥𑍋𑌪𑌮𑌃 ॥ 1 ॥
𑌆𑌜𑍍𑌞𑌾𑌪𑍍𑌯𑌾𑌥 𑌯𑌥𑌾𑌽𑌜𑍍𑌞𑌪𑍍𑌤𑌿 𑌯𑍁𑌕𑍍𑌤𑌾𑌸𑍍𑌤𑍇𑌽𑌧𑌿𑌕𑍃𑌤𑌾 𑌨𑌰𑌾𑌃 ।
𑌰𑌮𑌣𑍀𑌯𑍇𑌷𑍁 𑌦𑍇𑌶𑍇𑌷𑍁 𑌬𑌹𑍁𑌸𑍍𑌵𑌾𑌦𑍁𑌫𑌲𑍇𑌷𑍁 𑌚 ॥ 1 ॥
𑌯𑍋 𑌨𑌿𑌵𑍇𑌶𑌸𑍍𑌤𑍍𑌵𑌭𑌿𑌪𑍍𑌰𑍇𑌤𑍋 𑌭𑌰𑌤𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌭𑍂𑌯𑌸𑍍𑌤𑌂 𑌶𑍋𑌭𑌯𑌾𑌮𑌾𑌸𑍁𑌰𑍍𑌭𑍂𑌷𑌾𑌭𑌿𑌰𑍍𑌭𑍂𑌷𑌣𑍋𑌪𑌮𑌮𑍍 ॥ 1 ॥
𑌨𑌕𑍍𑌷𑌤𑍍𑌰𑍇𑌷𑍁 𑌪𑍍𑌰𑌶𑌸𑍍𑌤𑍇𑌷𑍁 𑌮𑍁𑌹𑍂𑌰𑍍𑌤𑍇𑌷𑍁 𑌚 𑌤𑌦𑍍𑌵𑌿𑌦𑌃 ।
𑌨𑌿𑌵𑍇𑌶𑌾𑌨𑍍 𑌸𑍍𑌥𑌾𑌪𑌯𑌾𑌮𑌾𑌸𑍁𑌰𑍍𑌭𑌰𑌤𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 20 ॥
𑌬𑌹𑍁𑌪𑌾𑌂𑌸𑍁𑌚𑌯𑌾𑌶𑍍𑌚𑌾𑌪𑌿 𑌪𑌰𑌿𑌖𑌾𑌪𑌰𑌿𑌵𑌾𑌰𑌿𑌤𑌾𑌃 ।
𑌤𑌤𑍍𑌰𑍇𑌂𑌦𑍍𑌰𑌕𑍀𑌲𑌪𑍍𑌰𑌤𑌿𑌮𑌾𑌃 𑌪𑍍𑌰𑌤𑍋𑌲𑍀𑌵𑌰𑌶𑍋𑌭𑌿𑌤𑌾𑌃 ॥ 21 ॥
𑌪𑍍𑌰𑌾𑌸𑌾𑌦𑌮𑌾𑌲𑌾𑌵𑌿𑌤𑌤𑌾 𑌸𑍍𑌸𑍌𑌧𑌪𑍍𑌰𑌾𑌕𑌾𑌰𑌸𑌂𑌵𑍃𑌤𑌾𑌃 ।
𑌪𑌤𑌾𑌕𑌾𑌶𑍋𑌭𑌿𑌤𑌾 𑌸𑍍𑌸𑌰𑍍𑌵𑍇 𑌸𑍁𑌨𑌿𑌰𑍍𑌮𑌿𑌤𑌮𑌹𑌾𑌪𑌥𑌾𑌃 ॥ 22 ॥
𑌵𑌿𑌸𑌰𑍍𑌪𑌦𑍍𑌭𑌿𑌰𑌿𑌵𑌾𑌽𑌕𑌾𑌶𑍇 𑌵𑌿𑌟𑌂𑌕𑌾𑌗𑍍𑌰𑌵𑌿𑌮𑌾𑌨𑌕𑍈𑌃 ।
𑌸𑌮𑍁𑌚𑍍𑌛𑍍𑌰𑌿𑌤𑍈𑌰𑍍𑌨𑌿𑌵𑍇𑌶𑌾𑌸𑍍𑌤𑍇 𑌬𑌭𑍁𑌶𑍍𑌶𑌕𑍍𑌰𑌪𑍁𑌰𑍋𑌪𑌮𑌾𑌃 ॥ 23 ॥
𑌜𑌾𑌹𑍍𑌨𑌵𑍀𑌂 𑌤𑍁 𑌸𑌮𑌾𑌸𑌾𑌦𑍍𑌯 𑌵𑌿𑌵𑌿𑌧𑌦𑍍𑌰𑍁𑌮𑌕𑌾𑌨𑌨𑌾𑌮𑍍 ।
𑌶𑍀𑌤𑌲𑌾𑌮𑌲𑌪𑌾𑌨𑍀𑌯𑌾𑌂 𑌮𑌹𑌾𑌮𑍀𑌨𑌸𑌮𑌾𑌕𑍁𑌲𑌾𑌮𑍍 ॥ 24 ॥
𑌸𑌚𑌂𑌦𑍍𑌰𑌤𑌾𑌰𑌾𑌗𑌣𑌮𑌂𑌡𑌿𑌤𑌂 𑌯𑌥𑌾 𑌨𑌭𑌃 𑌕𑍍𑌷𑌪𑌾𑌯𑌾𑌮𑌮𑌲𑌂 𑌵𑌿𑌰𑌾𑌜𑌤𑍇 ।
𑌨𑌰𑍇𑌂𑌦𑍍𑌰𑌮𑌾𑌰𑍍𑌗𑌸𑍍𑌸 𑌤𑌥𑌾 𑌵𑍍𑌯𑌰𑌾𑌜𑌤 𑌕𑍍𑌰𑌮𑍇𑌣 𑌰𑌮𑍍𑌯𑌃 𑌶𑍁𑌭𑌶𑌿𑌲𑍍𑌪𑌿𑌨𑌿𑌰𑍍𑌮𑌿𑌤𑌃 ॥ 25 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌅𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ॥
