𑌶𑍍𑌰𑍀𑌮𑌾𑌨𑍍𑌵𑍇𑌂𑌕𑌟𑌨𑌾𑌥𑌾𑌰𑍍𑌯 𑌕𑌵𑌿𑌤𑌾𑌰𑍍𑌕𑌿𑌕 𑌕𑍇𑌸𑌰𑌿 ।
𑌵𑍇𑌦𑌾𑌂𑌤𑌾𑌚𑌾𑌰𑍍𑌯𑌵𑌰𑍍𑌯𑍋𑌮𑍇 𑌸𑌨𑍍𑌨𑌿𑌧𑌤𑍍𑌤𑌾𑌂 𑌸𑌦𑌾𑌹𑍃𑌦𑌿 ॥
𑌜𑌯𑌤𑍍𑌯𑌾𑌶𑍍𑌰𑌿𑌤 𑌸𑌂𑌤𑍍𑌰𑌾𑌸 𑌧𑍍𑌵𑌾𑌂𑌤 𑌵𑌿𑌧𑍍𑌵𑌂𑌸𑌨𑍋𑌦𑌯𑌃 ।
𑌪𑍍𑌰𑌭𑌾𑌵𑌾𑌨𑍍 𑌸𑍀𑌤𑌯𑌾 𑌦𑍇𑌵𑍍𑌯𑌾 𑌪𑌰𑌮𑌵𑍍𑌯𑍋𑌮 𑌭𑌾𑌸𑍍𑌕𑌰𑌃 ॥
𑌜𑌯 𑌜𑌯 𑌮𑌹𑌾𑌵𑍀𑌰 𑌮𑌹𑌾𑌧𑍀𑌰 𑌧𑍌𑌰𑍇𑌯,
𑌦𑍇𑌵𑌾𑌸𑍁𑌰 𑌸𑌮𑌰 𑌸𑌮𑌯 𑌸𑌮𑍁𑌦𑌿𑌤 𑌨𑌿𑌖𑌿𑌲 𑌨𑌿𑌰𑍍𑌜𑌰 𑌨𑌿𑌰𑍍𑌧𑌾𑌰𑌿𑌤 𑌨𑌿𑌰𑌵𑌧𑌿𑌕 𑌮𑌾𑌹𑌾𑌤𑍍𑌮𑍍𑌯,
𑌦𑌶𑌵𑌦𑌨 𑌦𑌮𑌿𑌤 𑌦𑍈𑌵𑌤 𑌪𑌰𑌿𑌷𑌦𑌭𑍍𑌯𑌰𑍍𑌥𑌿𑌤 𑌦𑌾𑌶𑌰𑌥𑌿 𑌭𑌾𑌵,
𑌦𑌿𑌨𑌕𑌰 𑌕𑍁𑌲 𑌕𑌮𑌲 𑌦𑌿𑌵𑌾𑌕𑌰,
𑌦𑌿𑌵𑌿𑌷𑌦𑌧𑌿𑌪𑌤𑌿 𑌰𑌣 𑌸𑌹𑌚𑌰𑌣 𑌚𑌤𑍁𑌰 𑌦𑌶𑌰𑌥 𑌚𑌰𑌮 𑌋𑌣𑌵𑌿𑌮𑍋𑌚𑌨,
𑌕𑍋𑌸𑌲 𑌸𑍁𑌤𑌾 𑌕𑍁𑌮𑌾𑌰 𑌭𑌾𑌵 𑌕𑌂𑌚𑍁𑌕𑌿𑌤 𑌕𑌾𑌰𑌣𑌾𑌕𑌾𑌰,
𑌕𑍌𑌮𑌾𑌰 𑌕𑍇𑌳𑌿 𑌗𑍋𑌪𑌾𑌯𑌿𑌤 𑌕𑍌𑌶𑌿𑌕𑌾𑌧𑍍𑌵𑌰,
𑌰𑌣𑌾𑌧𑍍𑌵𑌰 𑌧𑍁𑌰𑍍𑌯 𑌭𑌵𑍍𑌯 𑌦𑌿𑌵𑍍𑌯𑌾𑌸𑍍𑌤𑍍𑌰 𑌬𑍃𑌂𑌦 𑌵𑌂𑌦𑌿𑌤,
𑌪𑍍𑌰𑌣𑌤 𑌜𑌨 𑌵𑌿𑌮𑌤 𑌵𑌿𑌮𑌥𑌨 𑌦𑍁𑌰𑍍𑌲𑌲𑌿𑌤 𑌦𑍋𑌰𑍍𑌲𑌲𑌿𑌤,
𑌤𑌨𑍁𑌤𑌰 𑌵𑌿𑌶𑌿𑌖 𑌵𑌿𑌤𑌾𑌡𑌨 𑌵𑌿𑌘𑌟𑌿𑌤 𑌵𑌿𑌶𑌰𑌾𑌰𑍁 𑌶𑌰𑌾𑌰𑍁 𑌤𑌾𑌟𑌕𑌾 𑌤𑌾𑌟𑌕𑍇𑌯,
𑌜𑌡𑌕𑌿𑌰𑌣 𑌶𑌕𑌲𑌧𑌰 𑌜𑌟𑌿𑌲 𑌨𑌟𑌪𑌤𑌿 𑌮𑌕𑍁𑌟 𑌤𑌟 𑌨𑌟𑌨𑌪𑌟𑍁 𑌵𑌿𑌬𑍁𑌧𑌸𑌰𑌿𑌦𑌤𑌿𑌬𑌹𑍁𑌳 𑌮𑌧𑍁𑌗𑌳𑌨 𑌲𑌲𑌿𑌤𑌪𑌦
𑌨𑌳𑌿𑌨𑌰𑌜 𑌉𑌪𑌮𑍃𑌦𑌿𑌤 𑌨𑌿𑌜𑌵𑍃𑌜𑌿𑌨 𑌜𑌹𑌦𑍁𑌪𑌲 𑌤𑌨𑍁𑌰𑍁𑌚𑌿𑌰 𑌪𑌰𑌮 𑌮𑍁𑌨𑌿𑌵𑌰 𑌯𑍁𑌵𑌤𑌿 𑌨𑍁𑌤,
𑌕𑍁𑌶𑌿𑌕 𑌸𑍁𑌤 𑌕𑌥𑌿𑌤 𑌵𑌿𑌦𑌿𑌤 𑌨𑌵 𑌵𑌿𑌵𑌿𑌧 𑌕𑌥,
𑌮𑍈𑌥𑌿𑌲 𑌨𑌗𑌰 𑌸𑍁𑌲𑍋𑌚𑌨𑌾 𑌲𑍋𑌚𑌨 𑌚𑌕𑍋𑌰 𑌚𑌂𑌦𑍍𑌰,
𑌖𑌂𑌡𑌪𑌰𑌶𑍁 𑌕𑍋𑌦𑌂𑌡 𑌪𑍍𑌰𑌕𑌾𑌂𑌡 𑌖𑌂𑌡𑌨 𑌶𑍌𑌂𑌡 𑌭𑍁𑌜𑌦𑌂𑌡,
𑌚𑌂𑌡𑌕𑌰 𑌕𑌿𑌰𑌣 𑌮𑌂𑌡𑌲 𑌬𑍋𑌧𑌿𑌤 𑌪𑍁𑌂𑌡𑌰𑍀𑌕 𑌵𑌨 𑌰𑍁𑌚𑌿 𑌲𑍁𑌂𑌟𑌾𑌕 𑌲𑍋𑌚𑌨,
𑌮𑍋𑌚𑌿𑌤 𑌜𑌨𑌕 𑌹𑍃𑌦𑌯 𑌶𑌂𑌕𑌾𑌤𑌂𑌕,
𑌪𑌰𑌿𑌹𑍃𑌤 𑌨𑌿𑌖𑌿𑌲 𑌨𑌰𑌪𑌤𑌿 𑌵𑌰𑌣 𑌜𑌨𑌕 𑌦𑍁𑌹𑌿𑌤𑍃 𑌕𑍁𑌚𑌤𑌟 𑌵𑌿𑌹𑌰𑌣 𑌸𑌮𑍁𑌚𑌿𑌤 𑌕𑌰𑌤𑌲,
𑌶𑌤𑌕𑍋𑌟𑌿 𑌶𑌤𑌗𑍁𑌣 𑌕𑌠𑌿𑌨 𑌪𑌰𑌶𑍁𑌧𑌰 𑌮𑍁𑌨𑌿𑌵𑌰 𑌕𑌰𑌧𑍃𑌤 𑌦𑍁𑌰𑌵𑌨𑌮𑌤𑌮 𑌨𑌿𑌜 𑌧𑌨𑍁𑌰𑌾𑌕𑌰𑍍𑌷𑌣 𑌪𑍍𑌰𑌕𑌾𑌶𑌿𑌤 𑌪𑌾𑌰𑌮𑍇𑌷𑍍𑌠𑍍𑌯,
𑌕𑍍𑌰𑌤𑍁𑌹𑌰 𑌶𑌿𑌖𑌰𑌿 𑌕𑌂𑌤𑍁𑌕 𑌵𑌿𑌹𑍃𑌤𑍍𑌯𑍁𑌨𑍍𑌮𑍁𑌖 𑌜𑌗𑌦𑌰𑍁𑌂𑌤𑍁𑌦 𑌜𑌿𑌤𑌹𑌰𑌿 𑌦𑌂𑌤𑌿 𑌦𑌂𑌤 𑌦𑌂𑌤𑍁𑌰 𑌦𑌶𑌵𑌦𑌨 𑌦𑌮𑌨 𑌕𑍁𑌶𑌲 𑌦𑌶𑌶𑌤𑌭𑍁𑌜 𑌮𑍁𑌖 𑌨𑍃𑌪𑌤𑌿𑌕𑍁𑌲 𑌰𑍁𑌧𑌿𑌰 𑌝𑌰 𑌭𑌰𑌿𑌤 𑌪𑍃𑌥𑍁𑌤𑌰 𑌤𑌟𑌾𑌕 𑌤𑌰𑍍𑌪𑌿𑌤 𑌪𑌿𑌤𑍃𑌕 𑌭𑍃𑌗𑍁𑌪𑌤𑌿 𑌸𑍁𑌗𑌤𑌿 𑌵𑌿𑌹𑌤𑌿𑌕𑌰 𑌨𑌤 𑌪𑌰𑍁𑌡𑌿𑌷𑍁 𑌪𑌰𑌿𑌘,
𑌅𑌨𑍃𑌤 𑌭𑌯 𑌮𑍁𑌷𑌿𑌤 𑌹𑍃𑌦𑌯 𑌪𑌿𑌤𑍃 𑌵𑌚𑌨 𑌪𑌾𑌲𑌨 𑌪𑍍𑌰𑌤𑌿𑌜𑍍𑌞𑌾𑌵𑌜𑍍𑌞𑌾𑌤 𑌯𑍌𑌵𑌰𑌾𑌜𑍍𑌯,
𑌨𑌿𑌷𑌾𑌦 𑌰𑌾𑌜 𑌸𑍌𑌹𑍃𑌦 𑌸𑍂𑌚𑌿𑌤 𑌸𑍌𑌶𑍀𑌲𑍍𑌯 𑌸𑌾𑌗𑌰,
𑌭𑌰𑌦𑍍𑌵𑌾𑌜 𑌶𑌾𑌸𑌨 𑌪𑌰𑌿𑌗𑍃𑌹𑍀𑌤 𑌵𑌿𑌚𑌿𑌤𑍍𑌰 𑌚𑌿𑌤𑍍𑌰𑌕𑍂𑌟 𑌗𑌿𑌰𑌿 𑌕𑌟𑌕 𑌤𑌟 𑌰𑌮𑍍𑌯𑌾𑌵𑌸𑌥,
𑌅𑌨𑌨𑍍𑌯𑌶𑌾𑌸𑌨𑍀𑌯,
𑌪𑍍𑌰𑌣𑌤 𑌭𑌰𑌤 𑌮𑌕𑍁𑌟𑌤𑌟 𑌸𑍁𑌘𑌟𑌿𑌤 𑌪𑌾𑌦𑍁𑌕𑌾𑌗𑍍𑌰𑍍𑌯𑌾𑌭𑌿𑌷𑍇𑌕, 𑌨𑌿𑌰𑍍𑌵𑌰𑍍𑌤𑌿𑌤 𑌸𑌰𑍍𑌵𑌲𑍋𑌕 𑌯𑍋𑌗 𑌕𑍍𑌷𑍇𑌮,
𑌪𑌿𑌶𑌿𑌤 𑌰𑍁𑌚𑌿 𑌵𑌿𑌹𑌿𑌤 𑌦𑍁𑌰𑌿𑌤 𑌵𑌲𑌮𑌥𑌨 𑌤𑌨𑌯 𑌬𑌲𑌿𑌭𑍁𑌗𑌨𑍁𑌗𑌤𑌿 𑌸𑌰𑌭𑌸 𑌶𑌯𑌨 𑌤𑍃𑌣 𑌶𑌕𑌲 𑌪𑌰𑌿𑌪𑌤𑌨 𑌭𑌯 𑌚𑌕𑌿𑌤 𑌸𑌕𑌲 𑌸𑍁𑌰 𑌮𑍁𑌨𑌿𑌵𑌰 𑌬𑌹𑍁𑌮𑌤 𑌮𑌹𑌾𑌸𑍍𑌤𑍍𑌰 𑌸𑌾𑌮𑌰𑍍𑌥𑍍𑌯,
𑌦𑍍𑌰𑍁𑌹𑌿𑌣 𑌹𑌰 𑌵𑌲𑌮𑌥𑌨 𑌦𑍁𑌰𑌾𑌲𑌕𑍍𑌷 𑌶𑌰𑌲𑌕𑍍𑌷,
𑌦𑌂𑌡𑌕𑌾 𑌤𑌪𑍋𑌵𑌨 𑌜𑌂𑌗𑌮 𑌪𑌾𑌰𑌿𑌜𑌾𑌤,
𑌵𑌿𑌰𑌾𑌧 𑌹𑌰𑌿𑌣 𑌶𑌾𑌰𑍍𑌦𑍂𑌲,
𑌵𑌿𑌲𑍁𑌳𑌿𑌤 𑌬𑌹𑍁𑌫𑌲 𑌮𑌖 𑌕𑌲𑌮 𑌰𑌜𑌨𑌿𑌚𑌰 𑌮𑍃𑌗 𑌮𑍃𑌗𑌯𑌾𑌰𑌂𑌭 𑌸𑌂𑌭𑍃𑌤 𑌚𑍀𑌰𑌭𑍃𑌦𑌨𑍁𑌰𑍋𑌧,
𑌤𑍍𑌰𑌿𑌶𑌿𑌰𑌃 𑌶𑌿𑌰𑌸𑍍𑌤𑍍𑌰𑌿𑌤𑌯 𑌤𑌿𑌮𑌿𑌰 𑌨𑌿𑌰𑌾𑌸 𑌵𑌾𑌸𑌰𑌕𑌰,
𑌦𑍂𑌷𑌣 𑌜𑌲𑌨𑌿𑌧𑌿 𑌶𑍋𑌷𑌣 𑌤𑍋𑌷𑌿𑌤 𑌋𑌷𑌿𑌗𑌣 𑌘𑍋𑌷𑌿𑌤 𑌵𑌿𑌜𑌯 𑌘𑍋𑌷𑌣,
𑌖𑌰𑌤𑌰 𑌖𑌰 𑌤𑌰𑍁 𑌖𑌂𑌡𑌨 𑌚𑌂𑌡 𑌪𑌵𑌨,
𑌦𑍍𑌵𑌿𑌸𑌪𑍍𑌤 𑌰𑌕𑍍𑌷𑌃 𑌸𑌹𑌸𑍍𑌰 𑌨𑌳𑌵𑌨 𑌵𑌿𑌲𑍋𑌲𑌨 𑌮𑌹𑌾𑌕𑌲𑌭,
𑌅𑌸𑌹𑌾𑌯 𑌶𑍂𑌰,
𑌅𑌨𑌪𑌾𑌯 𑌸𑌾𑌹𑌸,
𑌮𑌹𑌿𑌤 𑌮𑌹𑌾𑌮𑍃𑌥 𑌦𑌰𑍍𑌶𑌨 𑌮𑍁𑌦𑌿𑌤 𑌮𑍈𑌥𑌿𑌲𑍀 𑌦𑍃𑌢𑌤𑌰 𑌪𑌰𑌿𑌰𑌂𑌭𑌣 𑌵𑌿𑌭𑌵 𑌵𑌿𑌰𑍋𑌪𑌿𑌤 𑌵𑌿𑌕𑌟 𑌵𑍀𑌰𑌵𑍍𑌰𑌣,
𑌮𑌾𑌰𑍀𑌚 𑌮𑌾𑌯𑌾 𑌮𑍃𑌗 𑌚𑌰𑍍𑌮 𑌪𑌰𑌿𑌕𑌰𑍍𑌮𑌿𑌤 𑌨𑌿𑌰𑍍𑌭𑌰 𑌦𑌰𑍍𑌭𑌾𑌸𑍍𑌤𑌰𑌣,
𑌵𑌿𑌕𑍍𑌰𑌮 𑌯𑌶𑍋 𑌲𑌾𑌭 𑌵𑌿𑌕𑍍𑌰𑍀𑌤 𑌜𑍀𑌵𑌿𑌤 𑌗𑍃𑌧𑍍𑌰𑌰𑌾𑌜 𑌦𑍇𑌹 𑌦𑌿𑌧𑌕𑍍𑌷𑌾 𑌲𑌕𑍍𑌷𑌿𑌤 𑌭𑌕𑍍𑌤𑌜𑌨 𑌦𑌾𑌕𑍍𑌷𑌿𑌣𑍍𑌯,
𑌕𑌲𑍍𑌪𑌿𑌤 𑌵𑌿𑌬𑍁𑌧𑌭𑌾𑌵 𑌕𑌬𑌂𑌧𑌾𑌭𑌿𑌨𑌂𑌦𑌿𑌤,
𑌅𑌵𑌂𑌧𑍍𑌯 𑌮𑌹𑌿𑌮 𑌮𑍁𑌨𑌿𑌜𑌨 𑌭𑌜𑌨 𑌮𑍁𑌷𑌿𑌤 𑌹𑍃𑌦𑌯 𑌕𑌲𑍁𑌷 𑌶𑌬𑌰𑍀 𑌮𑍋𑌕𑍍𑌷 𑌸𑌾𑌕𑍍𑌷𑌿𑌭𑍂𑌤,
𑌪𑍍𑌰𑌭𑌂𑌜𑌨𑌤𑌨𑌯 𑌭𑌾𑌵𑍁𑌕 𑌭𑌾𑌷𑌿𑌤 𑌰𑌂𑌜𑌿𑌤 𑌹𑍃𑌦𑌯,
𑌤𑌰𑌣𑌿𑌸𑍁𑌤 𑌶𑌰𑌣𑌾𑌗𑌤𑌿 𑌪𑌰𑌤𑌂𑌤𑍍𑌰𑍀𑌕𑍃𑌤 𑌸𑍍𑌵𑌾𑌤𑌂𑌤𑍍𑌰𑍍𑌯,
𑌦𑍃𑌢𑌘𑌟𑌿𑌤 𑌕𑍈𑌲𑌾𑌸 𑌕𑍋𑌟𑌿 𑌵𑌿𑌕𑌟 𑌦𑍁𑌂𑌦𑍁𑌭𑌿 𑌕𑌂𑌕𑌾𑌳 𑌕𑍂𑌟 𑌦𑍂𑌰 𑌵𑌿𑌕𑍍𑌷𑍇𑌪 𑌦𑌕𑍍𑌷 𑌦𑌕𑍍𑌷𑌿𑌣𑍇𑌤𑌰 𑌪𑌾𑌦𑌾𑌂𑌗𑍁𑌷𑍍𑌠 𑌦𑌰𑌚𑌲𑌨 𑌵𑌿𑌶𑍍𑌵𑌸𑍍𑌤 𑌸𑍁𑌹𑍃𑌦𑌾𑌶𑌯,
𑌅𑌤𑌿𑌪𑍃𑌥𑍁𑌲 𑌬𑌹𑍁 𑌵𑌿𑌟𑌪𑌿 𑌗𑌿𑌰𑌿 𑌧𑌰𑌣𑌿 𑌵𑌿𑌵𑌰 𑌯𑍁𑌗𑌪𑌦𑍁𑌦𑌯 𑌵𑌿𑌵𑍃𑌤 𑌚𑌿𑌤𑍍𑌰𑌪𑍁𑌂𑌖 𑌵𑍈𑌚𑌿𑌤𑍍𑌰𑍍𑌯,
𑌵𑌿𑌪𑍁𑌲 𑌭𑍁𑌜 𑌶𑍈𑌲𑌮𑍂𑌲 𑌨𑌿𑌬𑌿𑌡 𑌨𑌿𑌪𑍀𑌡𑌿𑌤 𑌰𑌾𑌵𑌣 𑌰𑌣𑌰𑌣𑌕 𑌜𑌨𑌕 𑌚𑌤𑍁𑌰𑍁𑌦𑌧𑌿 𑌵𑌿𑌹𑌰𑌣 𑌚𑌤𑍁𑌰 𑌕𑌪𑌿𑌕𑍁𑌲𑌪𑌤𑌿 𑌹𑍃𑌦𑌯 𑌵𑌿𑌶𑌾𑌲 𑌶𑌿𑌲𑌾𑌤𑌲 𑌦𑌾𑌰𑌣 𑌦𑌾𑌰𑍁𑌣 𑌶𑌿𑌲𑍀𑌮𑍁𑌖,
𑌅𑌪𑌾𑌰 𑌪𑌾𑌰𑌾𑌵𑌾𑌰 𑌪𑌰𑌿𑌖𑌾 𑌪𑌰𑌿𑌵𑍃𑌤 𑌪𑌰𑌪𑍁𑌰 𑌪𑌰𑌿𑌸𑍃𑌤 𑌦𑌵 𑌦𑌹𑌨 𑌜𑌵𑌨 𑌪𑌵𑌨𑌭𑌵 𑌕𑌪𑌿𑌵𑌰 𑌪𑌰𑌿𑌷𑍍𑌵𑌂𑌗 𑌭𑌾𑌵𑌿𑌤 𑌸𑌰𑍍𑌵𑌸𑍍𑌵 𑌦𑌾𑌨,
𑌅𑌹𑌿𑌤 𑌸𑌹𑍋𑌦𑌰 𑌰𑌕𑍍𑌷𑌃 𑌪𑌰𑌿𑌗𑍍𑌰𑌹 𑌵𑌿𑌸𑌂𑌵𑌾𑌦𑌿 𑌵𑌿𑌵𑌿𑌧 𑌸𑌚𑌿𑌵 𑌵𑌿𑌪𑍍𑌰𑌲𑌂𑌭 (𑌵𑌿𑌸𑍍𑌰𑌂𑌭𑌣) 𑌸𑌮𑌯 𑌸𑌂𑌰𑌂𑌭 𑌸𑌮𑍁𑌜𑍍𑌜𑍃𑌂𑌭𑌿𑌤 𑌸𑌰𑍍𑌵𑍇𑌶𑍍𑌵𑌰 𑌭𑌾𑌵,
𑌸𑌕𑍃𑌤𑍍𑌪𑍍𑌰𑌪𑌨𑍍𑌨 𑌜𑌨 𑌸𑌂𑌰𑌕𑍍𑌷𑌣 𑌦𑍀𑌕𑍍𑌷𑌿𑌤 𑌵𑍀𑌰, 𑌸𑌤𑍍𑌯𑌵𑍍𑌰𑌤,
𑌪𑍍𑌰𑌤𑌿𑌶𑌯𑌨 𑌭𑍂𑌮𑌿𑌕𑌾 𑌭𑍂𑌷𑌿𑌤 𑌪𑌯𑍋𑌧𑌿 𑌪𑍁𑌳𑌿𑌨,
𑌪𑍍𑌰𑌳𑌯 𑌶𑌿𑌖𑌿 𑌪𑌰𑍁𑌷 𑌵𑌿𑌶𑌿𑌖 𑌶𑌿𑌖𑌾 𑌶𑍋𑌷𑌿𑌤𑌾𑌕𑍂𑌪𑌾𑌰 𑌵𑌾𑌰𑌿𑌪𑍂𑌰,
𑌪𑍍𑌰𑌬𑌲 𑌰𑌿𑌪𑍁 𑌕𑌲𑌹 𑌕𑍁𑌤𑍁𑌕 𑌚𑌟𑍁𑌲 𑌕𑌪𑌿𑌕𑍁𑌲 𑌕𑌰𑌤𑌲 𑌤𑍂𑌲𑌿𑌤 𑌹𑍃𑌤 𑌗𑌿𑌰𑌿 𑌨𑌿𑌕𑌰 𑌸𑌾𑌧𑌿𑌤 𑌸𑍇𑌤𑍁𑌪𑌥 𑌸𑍀𑌮𑌾 𑌸𑍀𑌮𑌂𑌤𑌿𑌤 𑌸𑌮𑍁𑌦𑍍𑌰,
𑌦𑍍𑌰𑍁𑌤𑌗𑌤𑌿 𑌤𑌰𑍁𑌮𑍃𑌗 𑌵𑌰𑍂𑌥𑌿𑌨𑍀 𑌨𑌿𑌰𑍁𑌦𑍍𑌧 𑌲𑌂𑌕𑌾𑌵𑌰𑍋𑌧 𑌵𑍇𑌪𑌥𑍁 𑌲𑌾𑌸𑍍𑌯 𑌲𑍀𑌲𑍋𑌪𑌦𑍇𑌶 𑌦𑍇𑌶𑌿𑌕 𑌧𑌨𑍁𑌰𑍍𑌜𑍍𑌯𑌾𑌘𑍋𑌷,
𑌗𑌗𑌨 𑌚𑌰 𑌕𑌨𑌕 𑌗𑌿𑌰𑌿 𑌗𑌰𑌿𑌮 𑌧𑌰 𑌨𑌿𑌗𑌮𑌮𑌯 𑌨𑌿𑌜 𑌗𑌰𑍁𑌡 𑌗𑌰𑍁𑌦𑌨𑌿𑌲 𑌲𑌵 𑌗𑌳𑌿𑌤 𑌵𑌿𑌷 𑌵𑌦𑌨 𑌶𑌰 𑌕𑌦𑌨,
𑌅𑌕𑍃𑌤𑌚𑌰 𑌵𑌨𑌚𑌰 𑌰𑌣𑌕𑌰𑌣 𑌵𑍈𑌲𑌕𑍍𑌷𑍍𑌯 𑌕𑍂𑌣𑌿𑌤𑌾𑌕𑍍𑌷 𑌬𑌹𑍁𑌵𑌿𑌧 𑌰𑌕𑍍𑌷𑍋 𑌬𑌲𑌾𑌧𑍍𑌯𑌕𑍍𑌷 𑌵𑌕𑍍𑌷𑌃 𑌕𑌵𑌾𑌟 𑌪𑌾𑌟𑌨 𑌪𑌟𑌿𑌮 𑌸𑌾𑌟𑍋𑌪 𑌕𑍋𑌪𑌾𑌵𑌲𑍇𑌪,
𑌕𑌟𑍁𑌰𑌟𑌦𑌟𑌨𑌿 𑌟𑌂𑌕𑍃𑌤𑌿 𑌚𑌟𑍁𑌲 𑌕𑌠𑍋𑌰 𑌕𑌾𑌰𑍍𑌮𑍁𑌖 𑌵𑌿𑌨𑌿𑌰𑍍𑌗𑌤 𑌵𑌿𑌶𑌂𑌕𑌟 𑌵𑌿𑌶𑌿𑌖 𑌵𑌿𑌤𑌾𑌡𑌨 𑌵𑌿𑌘𑌟𑌿𑌤 𑌮𑌕𑍁𑌟 𑌵𑌿𑌹𑍍𑌵𑌲 𑌵𑌿𑌶𑍍𑌰𑌵𑌸𑍍𑌤𑌨𑌯 𑌵𑌿𑌶𑍍𑌰𑌮 𑌸𑌮𑌯 𑌵𑌿𑌶𑍍𑌰𑌾𑌣𑌨 𑌵𑌿𑌖𑍍𑌯𑌾𑌤 𑌵𑌿𑌕𑍍𑌰𑌮,
𑌕𑍁𑌂𑌭𑌕𑌰𑍍𑌣 𑌕𑍁𑌲𑌗𑌿𑌰𑌿 𑌵𑌿𑌦𑌳𑌨 𑌦𑌂𑌭𑍋𑌳𑌿 𑌭𑍂𑌤 𑌨𑌿𑌶𑍍𑌶𑌂𑌕 𑌕𑌂𑌕𑌪𑌤𑍍𑌰,
𑌅𑌭𑌿𑌚𑌰𑌣 𑌹𑍁𑌤𑌵𑌹 𑌪𑌰𑌿𑌚𑌰𑌣 𑌵𑌿𑌘𑌟𑌨 𑌸𑌰𑌭𑌸 𑌪𑌰𑌿𑌪𑌤𑌦𑌪𑌰𑌿𑌮𑌿𑌤 𑌕𑌪𑌿𑌬𑌲 𑌜𑌲𑌧𑌿 𑌲𑌹𑌰𑌿 𑌕𑌲𑌕𑌲𑌰𑌵 𑌕𑍁𑌪𑌿𑌤 𑌮𑌘𑌵𑌜𑌿 𑌦𑌭𑌿𑌹𑌨𑌨𑌕𑍃𑌦𑌨𑍁𑌜 𑌸𑌾𑌕𑍍𑌷𑌿𑌕 𑌰𑌾𑌕𑍍𑌷𑌸 𑌦𑍍𑌵𑌂𑌦𑍍𑌵𑌯𑍁𑌦𑍍𑌧,
𑌅𑌪𑍍𑌰𑌤𑌿𑌦𑍍𑌵𑌂𑌦𑍍𑌵 𑌪𑍌𑌰𑍁𑌷,
𑌤𑍍𑌰𑍍𑌯𑌂𑌬𑌕 𑌸𑌮𑌧𑌿𑌕 𑌘𑍋𑌰𑌾𑌸𑍍𑌤𑍍𑌰𑌾𑌡𑌂𑌬𑌰,
𑌸𑌾𑌰𑌥𑌿 𑌹𑍃𑌤 𑌰𑌥 𑌸𑌤𑍍𑌰𑌪 𑌶𑌾𑌤𑍍𑌰𑌵 𑌸𑌤𑍍𑌯𑌾𑌪𑌿𑌤 𑌪𑍍𑌰𑌤𑌾𑌪,
𑌶𑌿𑌤 𑌶𑌰 𑌕𑍃𑌤 𑌲𑌵𑌣 𑌦𑌶𑌮𑍁𑌖 𑌮𑍁𑌖 𑌦𑌶𑌕 𑌨𑌿𑌪𑌤𑌨 𑌪𑍁𑌨𑌰𑍁𑌦𑌯 𑌦𑌰 𑌗𑌳𑌿𑌤 𑌜𑌨𑌿𑌤 𑌦𑌰 𑌤𑌰𑌳 𑌹𑌰𑌿𑌹𑌯 𑌨𑌯𑌨 𑌨𑌳𑌿𑌨𑌵𑌨 𑌰𑍁𑌚𑌿 𑌖𑌚𑌿𑌤 𑌖𑌤𑌲 𑌨𑌿𑌪𑌤𑌿𑌤 𑌸𑍁𑌰𑌤𑌰𑍁 𑌕𑍁𑌸𑍁𑌮 𑌵𑌿𑌤𑌤𑌿 𑌸𑍁𑌰𑌭𑌿𑌤 𑌰𑌥 𑌪𑌥,
𑌅𑌖𑌿𑌲 𑌜𑌗𑌦𑌧𑌿𑌕 𑌭𑍁𑌜 𑌬𑌲 𑌦𑌶 𑌲𑌪𑌨 𑌦𑌶𑌕 𑌲𑌵𑌨 𑌜𑌨𑌿𑌤 𑌕𑌦𑌨 𑌪𑌰𑌵𑌶 𑌰𑌜𑌨𑌿𑌚𑌰 𑌯𑍁𑌵𑌤𑌿 𑌵𑌿𑌲𑌪𑌨 𑌵𑌚𑌨 𑌸𑌮𑌵𑌿𑌷𑌯 𑌨𑌿𑌗𑌮 𑌶𑌿𑌖𑌰 𑌨𑌿𑌕𑌰 𑌮𑍁𑌖𑌰 𑌮𑍁𑌖 𑌮𑍁𑌨𑌿 𑌵𑌰 𑌪𑌰𑌿𑌪𑌣𑌿𑌤,
𑌅𑌭𑌿𑌗𑌤 𑌶𑌤𑌮𑌖 𑌹𑍁𑌤𑌵𑌹 𑌪𑌿𑌤𑍃𑌪𑌤𑌿 𑌨𑌿𑌰𑍃𑌤𑌿 𑌵𑌰𑍁𑌣 𑌪𑌵𑌨 𑌧𑌨𑌦 𑌗𑌿𑌰𑌿𑌶 𑌮𑍁𑌖 𑌸𑍁𑌰𑌪𑌤𑌿 𑌨𑍁𑌤 𑌮𑍁𑌦𑌿𑌤,
𑌅𑌮𑌿𑌤 𑌮𑌤𑌿 𑌵𑌿𑌧𑌿 𑌵𑌿𑌦𑌿𑌤 𑌕𑌥𑌿𑌤 𑌨𑌿𑌜 𑌵𑌿𑌭𑌵 𑌜𑌲𑌧𑌿 𑌪𑍃𑌷𑌤 𑌲𑌵,
𑌵𑌿𑌗𑌤 𑌭𑌯 𑌵𑌿𑌬𑍁𑌧 𑌪𑌰𑌿𑌬𑍃𑌢 𑌵𑌿𑌬𑍋𑌧𑌿𑌤 𑌵𑍀𑌰𑌶𑌯𑌨 𑌶𑌾𑌯𑌿𑌤 𑌵𑌾𑌨𑌰 𑌪𑍃𑌤𑌨𑍌𑌘,
𑌸𑍍𑌵 𑌸𑌮𑌯 𑌵𑌿𑌘𑌟𑌿𑌤 𑌸𑍁𑌘𑌟𑌿𑌤 𑌸𑌹𑍃𑌦𑌯 𑌸𑌹𑌧𑌰𑍍𑌮𑌚𑌾𑌰𑌿𑌣𑍀𑌕,
𑌵𑌿𑌭𑍀𑌷𑌣 𑌵𑌶𑌂𑌵𑌦𑍀𑌕𑍃𑌤 𑌲𑌂𑌕𑍈𑌶𑍍𑌵𑌰𑍍𑌯,
𑌨𑌿𑌷𑍍𑌪𑌨𑍍𑌨 𑌕𑍃𑌤𑍍𑌯,
𑌖 𑌪𑍁𑌷𑍍𑌪𑌿𑌤 𑌰𑌿𑌪𑍁 𑌪𑌕𑍍𑌷,
𑌪𑍁𑌷𑍍𑌪𑌕 𑌰𑌭𑌸 𑌗𑌤𑌿 𑌗𑍋𑌷𑍍𑌪𑌦𑍀𑌕𑍃𑌤 𑌗𑌗𑌨𑌾𑌰𑍍𑌣𑌵,
𑌪𑍍𑌰𑌤𑌿𑌜𑍍𑌞𑌾𑌰𑍍𑌣𑌵 𑌤𑌰𑌣 𑌕𑍃𑌤 𑌕𑍍𑌷𑌣 𑌭𑌰𑌤 𑌮𑌨𑍋𑌰𑌥 𑌸𑌂𑌹𑌿𑌤 𑌸𑌿𑌂𑌹𑌾𑌸𑌨𑌾𑌧𑌿𑌰𑍂𑌢,
𑌸𑍍𑌵𑌾𑌮𑌿𑌨𑍍, 𑌰𑌾𑌘𑌵 𑌸𑌿𑌂𑌹,
𑌹𑌾𑌟𑌕 𑌗𑌿𑌰𑌿 𑌕𑌟𑌕 𑌸𑌦𑍃𑌶 𑌪𑌾𑌦 𑌪𑍀𑌠 𑌨𑌿𑌕𑌟 𑌤𑌟 𑌪𑌰𑌿𑌲𑍁𑌠𑌿𑌤 𑌨𑌿𑌖𑌿𑌲 𑌨𑍃𑌪𑌤𑌿 𑌕𑌿𑌰𑍀𑌟 𑌕𑍋𑌟𑌿 𑌵𑌿𑌵𑌿𑌧 𑌮𑌣𑌿 𑌗𑌣 𑌕𑌿𑌰𑌣 𑌨𑌿𑌕𑌰 𑌨𑍀𑌰𑌾𑌜𑌿𑌤 𑌚𑌰𑌣 𑌰𑌾𑌜𑍀𑌵,
𑌦𑌿𑌵𑍍𑌯 𑌭𑍌𑌮𑌾𑌯𑍋𑌧𑍍𑌯𑌾𑌧𑌿𑌦𑍈𑌵𑌤,
𑌪𑌿𑌤𑍃 𑌵𑌧 𑌕𑍁𑌪𑌿𑌤 𑌪𑌰𑌶𑍁 𑌧𑌰 𑌮𑍁𑌨𑌿 𑌵𑌿𑌹𑌿𑌤 𑌨𑍃𑌪 𑌹𑌨𑌨 𑌕𑌦𑌨 𑌪𑍂𑌰𑍍𑌵 𑌕𑌾𑌲 𑌪𑍍𑌰𑌭𑌵 𑌶𑌤 𑌗𑍁𑌣 𑌪𑍍𑌰𑌤𑌿𑌷𑍍𑌠𑌾𑌪𑌿𑌤 𑌧𑌾𑌰𑍍𑌮𑌿𑌕 𑌰𑌾𑌜 𑌵𑌂𑌶,
𑌶𑍁𑌭 𑌚𑌰𑌿𑌤 𑌰𑌤 𑌭𑌰𑌤 𑌖𑌰𑍍𑌵𑌿𑌤 𑌗𑌰𑍍𑌵 𑌗𑌂𑌧𑌰𑍍𑌵 𑌯𑍂𑌥 𑌗𑍀𑌤 𑌵𑌿𑌜𑌯 𑌗𑌾𑌥𑌾 𑌶𑌤,
𑌶𑌾𑌸𑌿𑌤 𑌮𑌧𑍁𑌸𑍁𑌤 𑌶𑌤𑍍𑌰𑍁𑌘𑍍𑌨 𑌸𑍇𑌵𑌿𑌤,
𑌕𑍁𑌶 𑌲𑌵 𑌪𑌰𑌿𑌗𑍃𑌹𑍀𑌤 𑌕𑍁𑌲 𑌗𑌾𑌥𑌾 𑌵𑌿𑌶𑍇𑌷,
𑌵𑌿𑌧𑌿𑌵𑌶 𑌪𑌰𑌿𑌣𑌮𑌦𑌮𑌰 𑌭𑌣𑌿𑌤𑌿 𑌕𑌵𑌿𑌵𑌰 𑌰𑌚𑌿𑌤 𑌨𑌿𑌜 𑌚𑌰𑌿𑌤 𑌨𑌿𑌬𑌂𑌧𑌨 𑌨𑌿𑌶𑌮𑌨 𑌨𑌿𑌰𑍍𑌵𑍃𑌤,
𑌸𑌰𑍍𑌵 𑌜𑌨 𑌸𑌮𑍍𑌮𑌾𑌨𑌿𑌤,
𑌪𑍁𑌨𑌰𑍁𑌪𑌸𑍍𑌥𑌾𑌪𑌿𑌤 𑌵𑌿𑌮𑌾𑌨 𑌵𑌰 𑌵𑌿𑌶𑍍𑌰𑌾𑌣𑌨 𑌪𑍍𑌰𑍀𑌣𑌿𑌤 𑌵𑍈𑌶𑍍𑌰𑌵𑌣 𑌵𑌿𑌶𑍍𑌰𑌾𑌵𑌿𑌤 𑌯𑌶𑌃 𑌪𑍍𑌰𑌪𑌂𑌚,
𑌪𑌂𑌚𑌤𑌾𑌪𑌨𑍍𑌨 𑌮𑍁𑌨𑌿𑌕𑍁𑌮𑌾𑌰 𑌸𑌂𑌜𑍀𑌵𑌨𑌾𑌮𑍃𑌤,
𑌤𑍍𑌰𑍇𑌤𑌾𑌯𑍁𑌗 𑌪𑍍𑌰𑌵𑌰𑍍𑌤𑌿𑌤 𑌕𑌾𑌰𑍍𑌤𑌯𑍁𑌗 𑌵𑍃𑌤𑍍𑌤𑌾𑌂𑌤,
𑌅𑌵𑌿𑌕𑌲 𑌬𑌹𑍁𑌸𑍁𑌵𑌰𑍍𑌣 𑌹𑌯𑌮𑌖 𑌸𑌹𑌸𑍍𑌰 𑌨𑌿𑌰𑍍𑌵𑌹𑌣 𑌨𑌿𑌰𑍍𑌵𑌰𑍍𑌤𑌿𑌤 𑌨𑌿𑌜 𑌵𑌰𑍍𑌣𑌾𑌶𑍍𑌰𑌮 𑌧𑌰𑍍𑌮,
𑌸𑌰𑍍𑌵 𑌕𑌰𑍍𑌮 𑌸𑌮𑌾𑌰𑌾𑌧𑍍𑌯,
𑌸𑌨𑌾𑌤𑌨 𑌧𑌰𑍍𑌮,
𑌸𑌾𑌕𑍇𑌤 𑌜𑌨𑌪𑌦 𑌜𑌨𑌿 𑌧𑌨𑌿𑌕 𑌜𑌂𑌗𑌮 𑌤𑌦𑌿𑌤𑌰 𑌜𑌂𑌤𑍁 𑌜𑌾𑌤 𑌦𑌿𑌵𑍍𑌯 𑌗𑌤𑌿 𑌦𑌾𑌨 𑌦𑌰𑍍𑌶𑌿𑌤 𑌨𑌿𑌤𑍍𑌯 𑌨𑌿𑌸𑍍𑌸𑍀𑌮 𑌵𑍈𑌭𑌵,
𑌭𑌵 𑌤𑌪𑌨 𑌤𑌾𑌪𑌿𑌤 𑌭𑌕𑍍𑌤𑌜𑌨 𑌭𑌦𑍍𑌰𑌾𑌰𑌾𑌮,
𑌶𑍍𑌰𑍀 𑌰𑌾𑌮𑌭𑌦𑍍𑌰, 𑌨𑌮𑌸𑍍𑌤𑍇 𑌪𑍁𑌨𑌸𑍍𑌤𑍇 𑌨𑌮𑌃 ॥
𑌚𑌤𑍁𑌰𑍍𑌮𑍁𑌖𑍇𑌶𑍍𑌵𑌰𑌮𑍁𑌖𑍈𑌃 𑌪𑍁𑌤𑍍𑌰𑌪𑍌𑌤𑍍𑌰𑌾𑌦𑌿𑌶𑌾𑌲𑌿𑌨𑍇 ।
𑌨𑌮𑌃 𑌸𑍀𑌤𑌾𑌸𑌮𑍇𑌤𑌾𑌯 𑌰𑌾𑌮𑌾𑌯 𑌗𑍃𑌹𑌮𑍇𑌧𑌿𑌨𑍇 ॥
𑌕𑌵𑌿𑌕𑌥𑌕𑌸𑌿𑌂𑌹𑌕𑌥𑌿𑌤𑌂
𑌕𑌠𑍋𑌰𑌸𑍁𑌕𑍁𑌮𑌾𑌰𑌗𑍁𑌂𑌭𑌗𑌂𑌭𑍀𑌰𑌮𑍍 ।
𑌭𑌵𑌭𑌯𑌭𑍇𑌷𑌜𑌮𑍇𑌤𑌤𑍍
𑌪𑌠𑌤 𑌮𑌹𑌾𑌵𑍀𑌰𑌵𑍈𑌭𑌵𑌂 𑌸𑍁𑌧𑌿𑌯𑌃 ॥
𑌇𑌤𑌿 𑌶𑍍𑌰𑍀𑌮𑌹𑌾𑌵𑍀𑌰𑌵𑍈𑌭𑌵𑌮𑍍 ॥
