Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.3𑍯 𑌅𑌰𑌣𑍍𑌯𑌕𑌾𑌂𑌡 - 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌏𑌵𑌮𑌸𑍍𑌮𑌿 𑌤𑌦𑌾 𑌮𑍁𑌕𑍍𑌤𑌃 𑌕𑌥𑌂𑌚𑌿𑌤𑍍𑌤𑍇𑌨 𑌸𑌂𑌯𑍁𑌗𑍇 ।
𑌇𑌦𑌾𑌨𑍀𑌮𑌪𑌿 𑌯𑌦𑍍𑌵𑍃𑌤𑍍𑌤𑌂 𑌤𑌚𑍍𑌛𑍃𑌣𑍁𑌷𑍍𑌵 𑌨𑌿𑌰𑍁𑌤𑍍𑌤𑌰𑌮𑍍 ॥ 1 ॥

𑌰𑌾𑌕𑍍𑌷𑌸𑌾𑌭𑍍𑌯𑌾𑌮𑌹𑌂 𑌦𑍍𑌵𑌾𑌭𑍍𑌯𑌾𑌮𑌨𑌿𑌰𑍍𑌵𑌿𑌣𑍍𑌣𑌸𑍍𑌤𑌥𑌾 𑌕𑍃𑌤𑌃 ।
𑌸𑌹𑌿𑌤𑍋 𑌮𑍃𑌗𑌰𑍂𑌪𑌾𑌭𑍍𑌯𑌾𑌂 𑌪𑍍𑌰𑌵𑌿𑌷𑍍𑌟𑍋 𑌦𑌂𑌡𑌕𑌾𑌵𑌨𑌮𑍍 ॥ 2 ॥

𑌦𑍀𑌪𑍍𑌤𑌜𑌿𑌹𑍍𑌵𑍋 𑌮𑌹𑌾𑌕𑌾𑌯𑌸𑍍𑌤𑍀𑌕𑍍𑌷𑍍𑌣𑌦𑌂𑌷𑍍𑌟𑍍𑌰𑍋 𑌮𑌹𑌾𑌬𑌲𑌃 ।
𑌵𑍍𑌯𑌚𑌰𑌂 𑌦𑌂𑌡𑌕𑌾𑌰𑌣𑍍𑌯𑌂 𑌮𑌾𑌂𑌸𑌭𑌕𑍍𑌷𑍋 𑌮𑌹𑌾𑌮𑍃𑌗𑌃 ॥ 3 ॥

𑌅𑌗𑍍𑌨𑌿𑌹𑍋𑌤𑍍𑌰𑍇𑌷𑍁 𑌤𑍀𑌰𑍍𑌥𑍇𑌷𑍁 𑌚𑍈𑌤𑍍𑌯𑌵𑍃𑌕𑍍𑌷𑍇𑌷𑍁 𑌰𑌾𑌵𑌣 ।
𑌅𑌤𑍍𑌯𑌂𑌤𑌘𑍋𑌰𑍋 𑌵𑍍𑌯𑌚𑌰𑌂 𑌤𑌾𑌪𑌸𑌾𑌨𑍍𑌸𑌂𑌪𑍍𑌰𑌧𑌰𑍍𑌷𑌯𑌨𑍍 ॥ 4 ॥

𑌨𑌿𑌹𑌤𑍍𑌯 𑌦𑌂𑌡𑌕𑌾𑌰𑌣𑍍𑌯𑍇 𑌤𑌾𑌪𑌸𑌾𑌂𑌧𑌰𑍍𑌮𑌚𑌾𑌰𑌿𑌣𑌃 ।
𑌰𑍁𑌧𑌿𑌰𑌾𑌣𑌿 𑌪𑌿𑌬𑌂𑌸𑍍𑌤𑍇𑌷𑌾𑌂 𑌤𑌥𑌾 𑌮𑌾𑌂𑌸𑌾𑌨𑌿 𑌭𑌕𑍍𑌷𑌯𑌨𑍍 ॥ 5 ॥

𑌋𑌷𑌿𑌮𑌾𑌂𑌸𑌾𑌶𑌨𑌃 𑌕𑍍𑌰𑍂𑌰𑌸𑍍𑌤𑍍𑌰𑌾𑌸𑌯𑌨𑍍𑌵𑌨𑌗𑍋𑌚𑌰𑌾𑌨𑍍 ।
𑌤𑌥𑌾 𑌰𑍁𑌧𑌿𑌰𑌮𑌤𑍍𑌤𑍋𑌽𑌹𑌂 𑌵𑌿𑌚𑌰𑌂𑌧𑌰𑍍𑌮𑌦𑍂𑌷𑌕𑌃 ॥ 6 ॥

𑌆𑌸𑌾𑌦𑌯𑌂 𑌤𑌦𑌾 𑌰𑌾𑌮𑌂 𑌤𑌾𑌪𑌸𑌂 𑌧𑌰𑍍𑌮𑌚𑌾𑌰𑌿𑌣𑌮𑍍 ।
𑌵𑍈𑌦𑍇𑌹𑍀𑌂 𑌚 𑌮𑌹𑌾𑌭𑌾𑌗𑌾𑌂 𑌲𑌕𑍍𑌷𑍍𑌮𑌣𑌂 𑌚 𑌮𑌹𑌾𑌰𑌥𑌮𑍍 ॥ 𑍭 ॥

𑌤𑌾𑌪𑌸𑌂 𑌨𑌿𑌯𑌤𑌾𑌹𑌾𑌰𑌂 𑌸𑌰𑍍𑌵𑌭𑍂𑌤𑌹𑌿𑌤𑍇 𑌰𑌤𑌮𑍍 ।
𑌸𑍋𑌽𑌹𑌂 𑌵𑌨𑌗𑌤𑌂 𑌰𑌾𑌮𑌂 𑌪𑌰𑌿𑌭𑍂𑌯 𑌮𑌹𑌾𑌬𑌲𑌮𑍍 ॥ 𑍮 ॥

𑌤𑌾𑌪𑌸𑍋𑌽𑌯𑌮𑌿𑌤𑌿 𑌜𑍍𑌞𑌾𑌤𑍍𑌵𑌾 𑌪𑍂𑌰𑍍𑌵𑌵𑍈𑌰𑌮𑌨𑍁𑌸𑍍𑌮𑌰𑌨𑍍 ।
𑌅𑌭𑍍𑌯𑌧𑌾𑌵𑌂 𑌹𑌿 𑌸𑌂𑌕𑍍𑌰𑍁𑌦𑍍𑌧𑌸𑍍𑌤𑍀𑌕𑍍𑌷𑍍𑌣 𑌶𑍃𑌂𑌗𑍋 𑌮𑍃𑌗𑌾𑌕𑍃𑌤𑌿𑌃 ॥ 𑍯 ॥

𑌜𑌿𑌘𑌾𑌂𑌸𑍁𑌰𑌕𑍃𑌤𑌪𑍍𑌰𑌜𑍍𑌞𑌸𑍍𑌤𑌂 𑌪𑍍𑌰𑌹𑌾𑌰𑌮𑌨𑍁𑌸𑍍𑌮𑌰𑌨𑍍 ।
𑌤𑍇𑌨 𑌮𑍁𑌕𑍍𑌤𑌾𑌸𑍍𑌤𑍍𑌰𑌯𑍋 𑌬𑌾𑌣𑌾𑌶𑍍𑌶𑌿𑌤𑌾𑌶𑍍𑌶𑌤𑍍𑌰𑍁𑌨𑌿𑌬𑌰𑍍𑌹𑌣𑌾𑌃 ॥ 10 ॥

𑌵𑌿𑌕𑍃𑌷𑍍𑌯 𑌬𑌲𑌵𑌚𑍍𑌚𑌾𑌪𑌂 𑌸𑍁𑌪𑌰𑍍𑌣𑌾𑌨𑌿𑌲𑌨𑌿𑌸𑍍𑌸𑍍𑌵𑌨𑌾𑌃 ।
𑌤𑍇 𑌬𑌾𑌣𑌾 𑌵𑌜𑍍𑌰𑌸𑌂𑌕𑌾𑌶𑌾𑌸𑍍𑌸𑍁𑌮𑍁𑌕𑍍𑌤𑌾 𑌰𑌕𑍍𑌤𑌭𑍋𑌜𑌨𑌾𑌃 ।
𑌆𑌜𑌗𑍍𑌮𑍁𑌸𑍍𑌸𑌹𑌿𑌤𑌾𑌸𑍍𑌸𑌰𑍍𑌵𑍇 𑌤𑍍𑌰𑌯𑌸𑍍𑌸𑌨𑍍𑌨𑌤𑌪𑌰𑍍𑌵𑌣𑌃 ॥ 11 ॥

𑌪𑌰𑌾𑌕𑍍𑌰𑌮𑌜𑍍𑌞𑍋 𑌰𑌾𑌮𑌸𑍍𑌯 𑌶𑌠𑍋 𑌦𑍃𑌷𑍍𑌟𑌭𑌯𑌃 𑌪𑍁𑌰𑌾 ।
𑌸𑌮𑍁𑌦𑍍𑌭𑌾𑌂𑌤𑌸𑍍𑌤𑌤𑍋𑌮𑍁𑌕𑍍𑌤𑌸𑍍𑌤𑌾𑌵𑍁𑌭𑍌 𑌰𑌾𑌕𑍍𑌷𑌸𑍌 𑌹𑌤𑍌 ॥ 12 ॥

𑌶𑌰𑍇𑌣 𑌮𑍁𑌕𑍍𑌤𑍋 𑌰𑌾𑌮𑌸𑍍𑌯 𑌕𑌥𑌂𑌚𑌿𑌤𑍍𑌪𑍍𑌰𑌾𑌪𑍍𑌯 𑌜𑍀𑌵𑌿𑌤𑌮𑍍 ।
𑌇𑌹 𑌪𑍍𑌰𑌵𑍍𑌰𑌾𑌜𑌿𑌤𑍋 𑌯𑍁𑌕𑍍𑌤𑌸𑍍𑌤𑌾𑌪𑌸𑍋𑌽𑌹𑌂 𑌸𑌮𑌾𑌹𑌿𑌤𑌃 ॥ 13 ॥

𑌵𑍃𑌕𑍍𑌷𑍇 𑌵𑍃𑌕𑍍𑌷𑍇 𑌚 𑌪𑌶𑍍𑌯𑌾𑌮𑌿 𑌚𑍀𑌰𑌕𑍃𑌷𑍍𑌣𑌾𑌜𑌿𑌨𑌾𑌂𑌬𑌰𑌮𑍍 ।
𑌗𑍃𑌹𑍀𑌤𑌧𑌨𑍁𑌷𑌂 𑌰𑌾𑌮𑌂 𑌪𑌾𑌶𑌹𑌸𑍍𑌤𑌮𑌿𑌵𑌾𑌂𑌤𑌕𑌮𑍍 ॥ 14 ॥

𑌅𑌪𑌿 𑌰𑌾𑌮𑌸𑌹𑌸𑍍𑌰𑌾𑌣𑌿 𑌭𑍀𑌤𑌃 𑌪𑌶𑍍𑌯𑌾𑌮𑌿 𑌰𑌾𑌵𑌣 ।
𑌰𑌾𑌮𑌭𑍂𑌤𑌮𑌿𑌦𑌂 𑌸𑌰𑍍𑌵𑌮𑌰𑌣𑍍𑌯𑌂 𑌪𑍍𑌰𑌤𑌿𑌭𑌾𑌤𑌿 𑌮𑍇 ॥ 15 ॥

𑌰𑌾𑌮𑌮𑍇𑌵 𑌹𑌿 𑌪𑌶𑍍𑌯𑌾𑌮𑌿 𑌰𑌹𑌿𑌤𑍇 𑌰𑌾𑌕𑍍𑌷𑌸𑌾𑌧𑌿𑌪 ।
𑌦𑍃𑌷𑍍𑌟𑍍𑌵𑌾 𑌸𑍍𑌵𑌪𑍍𑌨𑌗𑌤𑌂 𑌰𑌾𑌮𑌮𑍁𑌦𑍍𑌭𑍍𑌰𑌮𑌾𑌮𑌿 𑌵𑌿𑌚𑍇𑌤𑌨𑌃 ॥ 16 ॥

𑌰𑌕𑌾𑌰𑌾𑌦𑍀𑌨𑌿 𑌨𑌾𑌮𑌾𑌨𑌿 𑌰𑌾𑌮𑌤𑍍𑌰𑌸𑍍𑌤𑌸𑍍𑌯 𑌰𑌾𑌵𑌣 ।
𑌰𑌤𑍍𑌨𑌾𑌨𑌿 𑌚 𑌰𑌥𑌾𑌶𑍍𑌚𑍈𑌵 𑌤𑍍𑌰𑌾𑌸𑌂 𑌸𑌂𑌜𑌨𑌯𑌂𑌤𑌿 𑌮𑍇 ॥ 1𑍭 ॥

𑌅𑌹𑌂 𑌤𑌸𑍍𑌯 𑌪𑍍𑌰𑌭𑌾𑌵𑌜𑍍𑌞𑍋 𑌨 𑌯𑍁𑌦𑍍𑌧𑌂 𑌤𑍇𑌨 𑌤𑍇 𑌕𑍍𑌷𑌮𑌮𑍍 ।
𑌬𑌲𑌿𑌂 𑌵𑌾 𑌨𑌮𑍁𑌚𑌿𑌂 𑌵𑌾𑌪𑌿 𑌹𑌨𑍍𑌯𑌾𑌦𑍍𑌧𑌿 𑌰𑌘𑍁𑌨𑌂𑌦𑌨𑌃 ॥ 1𑍮 ॥

𑌰𑌣𑍇 𑌰𑌾𑌮𑍇𑌣 𑌯𑍁𑌦𑍍𑌧𑍍𑌯𑌸𑍍𑌵 𑌕𑍍𑌷𑌮𑌾𑌂 𑌵𑌾 𑌕𑍁𑌰𑍁 𑌰𑌾𑌕𑍍𑌷𑌸 ।
𑌨 𑌤𑍇 𑌰𑌾𑌮𑌕𑌥𑌾 𑌕𑌾𑌰𑍍𑌯𑌾 𑌯𑌦𑌿 𑌮𑌾𑌂 𑌦𑍍𑌰𑌷𑍍𑌟𑍁𑌮𑌿𑌚𑍍𑌛𑌸𑌿 ॥ 1𑍯 ॥

𑌬𑌹𑌵𑌸𑍍𑌸𑌾𑌧𑌵𑍋 𑌲𑍋𑌕𑍇 𑌯𑍁𑌕𑍍𑌤𑌾 𑌧𑌰𑍍𑌮𑌮𑌨𑍁𑌷𑍍𑌠𑌿𑌤𑌾𑌃 ।
𑌪𑌰𑍇𑌷𑌾𑌮𑌪𑌰𑌾𑌧𑍇𑌨 𑌵𑌿𑌨𑌷𑍍𑌠𑌾𑌸𑍍𑌸𑌪𑌰𑌿𑌚𑍍𑌛𑌦𑌾𑌃 ॥ 20 ॥

𑌸𑍋𑌽𑌽𑌹𑌂 𑌤𑌵𑌾𑌪𑌰𑌾𑌧𑍇𑌨 𑌵𑌿𑌨𑌶𑍍𑌯𑍇𑌯𑌂 𑌨𑌿𑌶𑌾𑌚𑌰 ।
𑌕𑍁𑌰𑍁 𑌯𑌤𑍍𑌤𑍇 𑌕𑍍𑌷𑌮𑌂 𑌤𑌤𑍍𑌤𑍍𑌵𑌮𑌹𑌂 𑌤𑍍𑌵𑌾 𑌨𑌾𑌨𑍁𑌯𑌾𑌮𑌿 𑌹 ॥ 21 ॥

𑌰𑌾𑌮𑌶𑍍𑌚 𑌹𑌿 𑌮𑌹𑌾𑌤𑍇𑌜𑌾 𑌮𑌹𑌾𑌸𑌤𑍍𑌤𑍍𑌵𑍋 𑌮𑌹𑌾𑌬𑌲𑌃 ॥ 22 ॥

𑌅𑌪𑌿 𑌰𑌾𑌕𑍍𑌷𑌸𑌲𑍋𑌕𑌸𑍍𑌯 𑌨 𑌭𑌵𑍇𑌦𑌂𑌤𑌕𑍋𑌽𑌪𑌿 𑌸𑌃 ।
𑌯𑌦𑌿 𑌶𑍂𑌰𑍍𑌪𑌣𑌖𑌾𑌹𑍇𑌤𑍋𑌰𑍍𑌜𑌨𑌸𑍍𑌥𑌾𑌨𑌗𑌤𑌃 𑌖𑌰𑌃 ॥ 23 ॥

𑌅𑌤𑌿𑌵𑍃𑌤𑍍𑌤𑍋 𑌹𑌤𑌃 𑌪𑍂𑌰𑍍𑌵𑌂 𑌰𑌾𑌮𑍇𑌣𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌾 ।
𑌅𑌤𑍍𑌰 𑌬𑍍𑌰𑍂𑌹𑌿 𑌯𑌥𑌾𑌤𑌤𑍍𑌤𑍍𑌵𑌂 𑌕𑍋 𑌰𑌾𑌮𑌸𑍍𑌯 𑌵𑍍𑌯𑌤𑌿𑌕𑍍𑌰𑌮𑌃 ॥ 24 ॥

𑌇𑌦𑌂 𑌵𑌚𑍋 𑌬𑌂𑌧𑍁𑌹𑌿𑌤𑌾𑌰𑍍𑌥𑌿𑌨𑌾𑌮𑌯𑌾 𑌯𑌥𑍋𑌚𑍍𑌯𑌮𑌾𑌨𑌂 𑌯𑌦𑌿 𑌨𑌾𑌭𑌿𑌪𑌤𑍍𑌸𑍍𑌯𑌸𑍇 ।
𑌸𑌬𑌾𑌂𑌧𑌵𑌸𑍍𑌤𑍍𑌯𑌕𑍍𑌷𑍍𑌯𑌸𑌿 𑌜𑍀𑌵𑌿𑌤𑌂 𑌰𑌣𑍇 𑌹𑌤𑍋𑌽𑌽𑌦𑍍𑌯 𑌰𑌾𑌮𑍇𑌣 𑌶𑌰𑍈𑌰𑌜𑌿𑌹𑍍𑌮𑌗𑍈𑌃 ॥ 25 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: