Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.63 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌤𑍍𑌰𑌿𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌤𑍍𑌰𑌿𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌪𑍍𑌰𑌤𑌿𑌬𑍁𑌦𑍍𑌧𑍋 𑌮𑍁𑌹𑍂𑌰𑍍𑌤𑍇𑌨 𑌶𑍋𑌕𑍋𑌪𑌹𑌤𑌚𑍇𑌤𑌨𑌃 ।
𑌅𑌥 𑌰𑌾𑌜𑌾 𑌦𑌶𑌰𑌥𑌸𑍍𑌸𑌚𑌿𑌂𑌤𑌾𑌮𑌭𑍍𑌯𑌪𑌦𑍍𑌯𑌤 ॥ 1 ॥

𑌰𑌾𑌮𑌲𑌕𑍍𑌷𑍍𑌮𑌣𑌯𑍋𑌶𑍍𑌚𑍈𑌵 𑌵𑌿𑌵𑌾𑌸𑌾 𑌦𑍍𑌵𑌾𑌸𑌵𑍋𑌪𑌮𑌮𑍍 ।
𑌆𑌵𑌿𑌵𑍇𑌶𑍋𑌪𑌸𑌰𑍍𑌗𑌸𑍍𑌤𑌂 𑌤𑌮 𑌸𑍍𑌸𑍂𑌰𑍍𑌯𑌮𑌿𑌵𑌾𑌸𑍁𑌰𑌮𑍍 ॥ 2 ॥

𑌸𑌭𑌾𑌰𑍍𑌯𑍇 𑌨𑌿𑌰𑍍𑌗𑌤𑍇 𑌰𑌾𑌮𑍇 𑌕𑍌𑌸𑌲𑍍𑌯𑌾𑌂 𑌕𑍋𑌶𑌲𑍇𑌶𑍍𑌵𑌰𑌃 ।
𑌵𑌿𑌵𑌕𑍍𑌷𑍁𑌰𑌸𑌿𑌤𑌾𑌪𑌾𑌂𑌗𑌾𑌂 𑌸𑍍𑌮𑍃𑌤𑍍𑌵𑌾 𑌦𑍁𑌷𑍍𑌕𑍃𑌤𑌮𑌾𑌤𑍍𑌮𑌨𑌃 ॥ 3 ॥

𑌸 𑌰𑌾𑌜𑌾 𑌰𑌜𑌨𑍀𑌂 𑌷𑌷𑍍𑌠𑍀𑌂 𑌰𑌾𑌮𑍇 𑌪𑍍𑌰𑌵𑍍𑌰𑌾𑌜𑌿𑌤𑍇 𑌵𑌨𑌮𑍍 ।
𑌅𑌰𑍍𑌧𑌰𑌾𑌤𑍍𑌰𑍇 𑌦𑌶𑌰𑌥 𑌸𑍍𑌸𑌂𑌸𑍍𑌮𑌰𑌨𑍍 𑌦𑍁𑌷𑍍𑌕𑍃𑌤𑌂 𑌕𑍃𑌤𑌮𑍍 ॥ 4 ॥

𑌸 𑌰𑌾𑌜𑌾 𑌪𑍁𑌤𑍍𑌰𑌶𑍋𑌕𑌾𑌰𑍍𑌤𑌃 𑌸𑍍𑌮𑍃𑌤𑍍𑌵𑌾 𑌦𑍁𑌷𑍍𑌕𑍃𑌤𑌮𑌾𑌤𑍍𑌮𑌨𑌃 ।
𑌕𑍌𑌸𑌲𑍍𑌯𑌾𑌂 𑌪𑍁𑌤𑍍𑌰𑌶𑍋𑌕𑌾𑌰𑍍𑌤𑌾𑌮𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 5 ॥

𑌯𑌦𑌾𑌚𑌰𑌤𑌿 𑌕𑌲𑍍𑌯𑌾𑌣𑌿 𑌶𑍁𑌭𑌂 𑌵𑌾 𑌯𑌦𑌿 𑌵𑌾𑌽𑌶𑍁𑌭𑌮𑍍 ।
𑌤𑌦𑍇𑌵 𑌲𑌭𑌤𑍇 𑌭𑌦𑍍𑌰𑍇 𑌕𑌰𑍍𑌤𑌾 𑌕𑌰𑍍𑌮𑌜𑌮𑌾𑌤𑍍𑌮𑌨𑌃 ॥ 6 ॥

𑌗𑍁𑌰𑍁𑌲𑌾𑌘𑌵𑌮𑌰𑍍𑌥𑌾𑌨𑌾𑌮𑌾𑌰𑌂𑌭𑍇 𑌕𑌰𑍍𑌮𑌣𑌾𑌂 𑌫𑌲𑌮𑍍 ।
𑌦𑍋𑌷𑌂 𑌵𑌾 𑌯𑍋 𑌨 𑌜𑌾𑌨𑌾𑌤𑌿 𑌨 𑌬𑌾𑌲 𑌇𑌤𑌿 𑌹𑍋𑌚𑍍𑌯𑌤𑍇 ॥ 𑍭 ॥

𑌕𑌶𑍍𑌚𑌿𑌦𑌾𑌮𑍍𑌰𑌵𑌣𑌂 𑌛𑌿𑌤𑍍𑌤𑍍𑌵𑌾 𑌪𑌲𑌾𑌶𑌾𑌂 𑌶𑍍𑌚 𑌨𑌿𑌷𑌿𑌂𑌚𑌤𑌿 ।
𑌪𑍁𑌷𑍍𑌪𑌂 𑌦𑍃𑌷𑍍𑌟𑍍𑌵𑌾 𑌫𑌲𑍇 𑌗𑍃𑌧𑍍𑌨𑍁 𑌸𑍍𑌸 𑌶𑍋𑌚𑌤𑌿 𑌫𑌲𑌾𑌗𑌮𑍇 ॥ 𑍮 ॥

𑌅𑌵𑌿𑌜𑍍𑌞𑌾𑌯 𑌫𑌲𑌂 𑌯𑍋 𑌹𑌿 𑌕𑌰𑍍𑌮 𑌤𑍍𑌵𑍇𑌵𑌾𑌨𑍁𑌧𑌾𑌵𑌤𑌿 ।
𑌸 𑌶𑍋𑌚𑍇𑌤𑍍𑌫𑌲𑌵𑍇𑌲𑌾𑌯𑌾𑌂 𑌯𑌥𑌾 𑌕𑌿𑌂𑌶𑍁𑌕𑌸𑍇𑌚𑌕𑌃 ॥ 𑍯 ॥

𑌸𑍋𑌽𑌹𑌮𑌾𑌮𑍍𑌰𑌵𑌣𑌂 𑌛𑌿𑌤𑍍𑌵𑌾 𑌪𑌲𑌾𑌶𑌾𑌂𑌶𑍍𑌚 𑌨𑍍𑌯𑌷𑍇𑌚𑌯𑌮𑍍 ।
𑌰𑌾𑌮𑌂 𑌫𑌲𑌾𑌗𑌮𑍇 𑌤𑍍𑌯𑌕𑍍𑌤𑍍𑌵𑌾 𑌪𑌶𑍍𑌚𑌾𑌚𑍍𑌛𑍋𑌚𑌾𑌮𑌿 𑌦𑍁𑌰𑍍𑌮𑌤𑌿𑌃 ॥ 10 ॥

𑌲𑌬𑍍𑌧𑌶𑌬𑍍𑌦𑍇𑌨 𑌕𑍌𑌸𑌲𑍍𑌯𑍇 𑌕𑍁𑌮𑌾𑌰𑍇𑌣 𑌧𑌨𑍁𑌷𑍍𑌮𑌤𑌾 ।
𑌕𑍁𑌮𑌾𑌰𑌶𑍍𑌶𑌬𑍍𑌦𑌵𑍇𑌧𑍀𑌤𑌿 𑌮𑌯𑌾 𑌪𑌾𑌪𑌮𑌿𑌦𑌂 𑌕𑍃𑌤𑌮𑍍 ॥ 11 ॥

𑌤𑌦𑌿𑌦𑌂 𑌮𑍇𑌽𑌨𑍁𑌸𑌂𑌂𑌪𑍍𑌰𑌾𑌪𑍍𑌤𑌂 𑌦𑍇𑌵𑌿 𑌦𑍁𑌃𑌖𑌂 𑌸𑍍𑌵𑌯𑌂 𑌕𑍃𑌤𑌮𑍍 ।
𑌸𑌮𑍍𑌮𑍋𑌹𑌾𑌦𑌿𑌹 𑌬𑌾𑌲𑍇𑌨 𑌯𑌥𑌾 𑌸𑍍𑌯𑌾𑌦𑍍𑌭𑌕𑍍𑌷𑌿𑌤𑌂 𑌵𑌿𑌷𑌮𑍍 ॥ 12 ॥

𑌯𑌥𑌾𑌨𑍍𑌯𑌃 𑌪𑍁𑌰𑍁𑌷𑌃 𑌕𑌶𑍍𑌚𑌿𑌤𑍍𑌪𑌲𑌾𑌶𑍈𑌰𑍍𑌮𑍋𑌹𑌿𑌤𑍋 𑌭𑌵𑍇𑌤𑍍 ।
𑌏𑌵𑌂 𑌮𑌮𑌾𑌽𑌪𑍍𑌯𑌵𑌿𑌜𑍍𑌞𑌾𑌤𑌂 𑌶𑌬𑍍𑌦𑌵𑍇𑌧𑍍𑌯𑌮𑌯𑌂 𑌫𑌲𑌮𑍍 ॥ 13 ॥

𑌦𑍇𑌵𑍍𑌯𑌨𑍂𑌢𑌾 𑌤𑍍𑌵𑌮𑌭𑌵𑍋 𑌯𑍁𑌵𑌰𑌾𑌜𑍋 𑌭𑌵𑌾𑌮𑍍𑌯𑌹𑌮𑍍 ।
𑌤𑌤𑌃 𑌪𑍍𑌰𑌾𑌵𑍃𑌡𑌨𑍁𑌪𑍍𑌰𑌾𑌪𑍍𑌤𑌾 𑌮𑌦𑌕𑌾𑌮𑌵𑌿𑌵𑌰𑍍𑌧𑌿𑌨𑍀 ॥ 14 ॥

𑌉𑌪𑌾𑌸𑍍𑌯 𑌚 𑌰𑌸𑌾𑌨𑍍𑌭𑍌𑌮𑌾𑌂 𑌸𑍍𑌤𑌪𑍍𑌤𑍍𑌵𑌾 𑌚 𑌜𑌗𑌦𑌂𑌶𑍁𑌭𑌿𑌃 ।
𑌪𑌰𑍇𑌤𑌾𑌚𑌰𑌿𑌤𑌾𑌂 𑌭𑍀𑌮𑌾𑌂 𑌰𑌵𑌿𑌰𑌾𑌵𑌿𑌶𑌤𑍇 𑌦𑌿𑌶𑌮𑍍 ॥ 15 ॥

𑌉𑌷𑍍𑌣𑌮𑌂𑌤𑌰𑍍𑌦𑌧𑍇 𑌸𑌦𑍍𑌯 𑌸𑍍𑌸𑍍𑌨𑌿𑌗𑍍𑌧𑌾 𑌦𑌦𑍃𑌶𑌿𑌰𑍇 𑌘𑌨𑌾𑌃 ।
𑌤𑌤𑍋 𑌜𑌹𑍃𑌷𑌿𑌰𑍇 𑌸𑌰𑍍𑌵𑍇 𑌭𑍇𑌕𑌸𑌾𑌰𑌂𑌗𑌬𑌰𑍍𑌹𑌿𑌣𑌃 ॥ 16 ॥

𑌕𑍍𑌲𑌿𑌨𑍍𑌨 𑌪𑌕𑍍𑌷𑍋𑌤𑍍𑌤𑌰𑌾𑌸𑍍𑌸𑍍𑌨𑌾𑌤𑌾𑌃 𑌕𑍃𑌚𑍍𑌛𑍍𑌰𑌾𑌦𑌿𑌵 𑌪𑌤𑌤𑍍𑌰𑌿𑌣𑌃 ।
𑌵𑍃𑌷𑍍𑌟𑌿𑌵𑌾𑌤𑌾𑌵𑌧𑍂𑌤𑌾𑌗𑍍𑌰𑌾𑌨𑍍𑌪𑌾𑌦𑌪𑌾𑌨𑌭𑌿𑌪𑍇𑌦𑌿𑌰𑍇 ॥ 1𑍭 ॥

𑌪𑌤𑌿𑌤𑍇𑌨𑌾𑌂𑌭𑌸𑌾𑌚𑍍𑌛𑌨𑍍𑌨𑌃 𑌪𑌤𑌮𑌾𑌨𑍇𑌨 𑌚𑌾𑌸𑌕𑍃𑌤𑍍 ।
𑌆𑌬𑌭𑍌 𑌮𑌤𑍍𑌤𑌸𑌾𑌰𑌂𑌗𑌸𑍍𑌤𑍋𑌯𑌰𑌾𑌶𑌿𑌰𑌿𑌵𑌾𑌚𑌲𑌃 ॥ 1𑍮 ॥

𑌪𑌾𑌂𑌡𑍁𑌰𑌾𑌰𑍁𑌣𑌵𑌰𑍍𑌣𑌾𑌨𑌿 𑌸𑍍𑌰𑍋𑌤𑌾𑌂𑌸𑌿 𑌵𑌿𑌮𑌲𑌾𑌨𑍍𑌯𑌪𑌿 ।
𑌸𑍁𑌸𑍍𑌰𑍁𑌵𑍁𑌰𑍍𑌗𑌿𑌰𑌿𑌧𑌾𑌤𑍁𑌭𑍍𑌯𑌸𑍍𑌸𑌭𑌸𑍍𑌮𑌾𑌨𑌿 𑌭𑍁𑌜𑌂𑌗𑌵𑌤𑍍 ॥ 1𑍯 ॥

𑌆𑌕𑍁𑌲𑌾𑌰𑍁𑌣 𑌤𑍋𑌯𑌾𑌨𑌿 𑌸𑍍𑌰𑍋𑌤𑌾𑌂𑌸𑌿 𑌵𑌿𑌮𑌲𑌾𑌨𑍍𑌯𑌪𑌿 ।
𑌉𑌨𑍍𑌮𑌾𑌰𑍍𑌗𑌜𑌲𑌵𑌾𑌹𑌿𑌨𑍀 𑌬𑌭𑍂𑌵𑍁𑌰𑍍𑌜𑌲𑌦𑌾𑌗𑌮𑍇 ॥ 20 ॥

𑌤𑌸𑍍𑌮𑌿𑌨𑍍𑌨𑌤𑌿𑌸𑍁𑌖𑍇 𑌕𑌾𑌲𑍇 𑌧𑌨𑍁𑌷𑍍𑌮𑌾𑌨𑌿𑌷𑍁𑌮𑌾𑌨𑍍𑌰𑌥𑍀 ।
𑌵𑍍𑌯𑌾𑌯𑌾𑌮𑌕𑍃𑌤𑌸𑌂𑌕𑌲𑍍𑌪𑌸𑍍𑌸𑌰𑌯𑍂𑌮𑌨𑍍𑌵𑌗𑌾𑌂 𑌨𑌦𑍀𑌮𑍍 ॥ 21 ॥

𑌨𑌿𑌪𑌾𑌨𑍇 𑌮𑌹𑌿𑌷𑌂 𑌰𑌾𑌤𑍍𑌰𑍌 𑌗𑌜𑌂 𑌵𑌾𑌽𑌭𑍍𑌯𑌾𑌗𑌤𑌂 𑌨𑌦𑍀𑌮𑍍 ।
𑌅𑌨𑍍𑌯𑌂 𑌵𑌾 𑌶𑍍𑌵𑌾𑌪𑌦𑌂 𑌕𑌂𑌚𑌿𑌜𑍍𑌜𑌿𑌘𑌾𑌂𑌸𑍁 𑌰𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌤𑌸𑍍𑌮𑌿𑌂 𑌸𑍍𑌤𑌤𑍍𑌰𑌾𑌹𑌮𑍇𑌕𑌾𑌂𑌤𑍇 𑌰𑌾𑌤𑍍𑌰𑍌 𑌵𑌿𑌵𑍃𑌤𑌕𑌾𑌰𑍍𑌮𑍁𑌕𑌃 ॥ 22 ॥

𑌤𑌤𑍍𑌰𑌾𑌹𑌂 𑌸𑌂𑌵𑍃𑌤𑌂 𑌵𑌨𑍍𑌯𑌂 𑌹𑌤𑌵𑌾𑌂𑌸𑍍𑌤𑍀𑌰𑌮𑌾𑌗𑌤𑌮𑍍 ।
𑌅𑌨𑍍𑌯𑌂 𑌚𑌾𑌪𑌿 𑌮𑍃𑌗𑌂 𑌹𑌿𑌂𑌸𑍍𑌰𑌂 𑌶𑌬𑍍𑌦𑌂 𑌶𑍍𑌰𑍁𑌤𑍍𑌵𑌾𑌽𑌭𑍍𑌯𑍁𑌪𑌾𑌗𑌤𑌮𑍍 ॥ 23 ॥

𑌅𑌥𑌾𑌂𑌧𑌕𑌾𑌰𑍇 𑌤𑍍𑌵𑌶𑍍𑌰𑍌𑌷𑌂 𑌜𑌲𑍇 𑌕𑍁𑌂𑌭𑌸𑍍𑌯 𑌪𑍂𑌰𑍍𑌯𑌤𑌃 ।
𑌅𑌚𑌕𑍍𑌷𑍁𑌰𑍍𑌵𑌿𑌷𑌯𑍇 𑌘𑍋𑌷𑌂 𑌵𑌾𑌰𑌣𑌸𑍍𑌯𑍇𑌵 𑌨𑌰𑍍𑌦𑌤𑌃 ॥ 24 ॥

𑌤𑌤𑍋𑌽𑌹𑌂 𑌶𑌰𑌮𑍁𑌧𑍃𑌤𑍍𑌯 𑌦𑍀𑌪𑍍𑌤𑌮𑌾𑌶𑍀𑌵𑌿𑌷𑍋𑌪𑌮𑌮𑍍 ।
𑌶𑌬𑍍𑌦𑌂 𑌪𑍍𑌰𑌤𑌿 𑌗𑌜𑌪𑍍𑌰𑍇𑌪𑍍𑌸𑍁𑌰𑌭𑌿𑌲𑌕𑍍𑌷𑍍𑌯 𑌤𑍍𑌵𑌪𑌾𑌤𑌯𑌮𑍍 ॥ 25 ॥

𑌅𑌮𑍁𑌂𑌚𑌂 𑌨𑌿𑌶𑌿𑌤𑌂 𑌬𑌾𑌣𑌮𑌹𑌮𑌾𑌶𑍀𑌵𑌿𑌷𑍋𑌪𑌮𑌮𑍍 ।
𑌤𑌤𑍍𑌰 𑌵𑌾𑌗𑍁𑌷𑌸𑌿 𑌵𑍍𑌯𑌕𑍍𑌤𑌾 𑌪𑍍𑌰𑌾𑌦𑍁𑌰𑌾𑌸𑍀𑌦𑍍𑌵𑌨𑍌𑌕𑌸𑌃 ॥ 26 ॥

𑌹𑌾𑌹𑍇𑌤𑌿 𑌪𑌤𑌤𑌸𑍍𑌤𑍋𑌯𑍇 𑌬𑌾𑌣𑌾𑌭𑌿𑌹𑌤𑌮𑌰𑍍𑌮𑌣𑌃 ॥ 2𑍭 ॥

𑌤𑌸𑍍𑌮𑌿𑌨𑍍𑌨𑌿𑌪𑌤𑌿𑌤𑍇 𑌬𑌾𑌣𑍇 𑌵𑌾𑌗𑌭𑍂𑌤𑍍𑌤𑌤𑍍𑌰 𑌮𑌾𑌨𑍁𑌷𑍀 ।
𑌕𑌥𑌮𑌸𑍍𑌮𑌦𑍍𑌵𑌿𑌧𑍇 𑌶𑌸𑍍𑌤𑍍𑌰𑌂 𑌨𑌿𑌪𑌤𑍇𑌤𑍍𑌤𑍁 𑌤𑌪𑌸𑍍𑌵𑌿𑌨𑌿 ॥ 2𑍮 ॥

𑌪𑍍𑌰𑌵𑌿𑌵𑌿𑌕𑍍𑌤𑌾𑌂 𑌨𑌦𑍀𑌂 𑌰𑌾𑌤𑍍𑌰𑌾𑌵𑍁𑌦𑌾𑌹𑌾𑌽𑌰𑍋𑌹𑌮𑌾𑌗𑌤𑌃 ।
𑌇𑌷𑍁𑌣𑌾𑌽𑌭𑌿𑌹𑌤𑌃 𑌕𑍇𑌨 𑌕𑌸𑍍𑌯 𑌵𑌾 𑌕𑌿𑌂 𑌕𑍃𑌤𑌂 𑌮𑌯𑌾 ॥ 2𑍯 ॥

𑌋𑌷𑍇𑌰𑍍𑌹𑌿𑌨𑍍𑌯𑌸𑍍𑌤𑌦𑌂𑌡𑌸𑍍𑌯 𑌵𑌨𑍇 𑌵𑌨𑍍𑌯𑍇𑌨 𑌜𑍀𑌵𑌤𑌃 ।
𑌕𑌥𑌂 𑌨𑍁 𑌶𑌸𑍍𑌰𑍇𑌣 𑌵𑌧𑍋 𑌮𑌦𑍍𑌵𑌿𑌧𑌸𑍍𑌯 𑌵𑌿𑌧𑍀𑌯𑌤𑍇 ॥ 30 ॥

𑌜𑌟𑌾𑌭𑌾𑌰𑌧𑌰𑌸𑍍𑌯𑍈𑌵 𑌵𑌲𑍍𑌕𑌲𑌾𑌜𑌿𑌨𑌵𑌾𑌸𑌸𑌃 ।
𑌕𑍋 𑌵𑌧𑍇𑌨 𑌮𑌮𑌰𑍍𑌥𑍀 𑌸𑍍𑌯𑌾𑌤𑍍𑌕𑌿𑌂𑌵𑌾𑌽𑌸𑍍𑌯𑌾𑌪𑌕𑍃𑌤𑌂 𑌮𑌯𑌾 ॥ 31 ॥

𑌏𑌵𑌂 𑌨𑌿𑌷𑍍𑌫𑌲𑌮𑌾𑌰𑌬𑍍𑌧𑌂 𑌕𑍇𑌵𑌲𑌾𑌨𑌰𑍍𑌥𑌸𑌂𑌹𑌿𑌤𑌮𑍍 ।
𑌨 𑌕𑌶𑍍𑌚𑌿𑌤𑍍𑌸𑌾𑌧𑍁 𑌮𑌨𑍍𑌯𑍇𑌤 𑌯𑌥𑍈𑌵 𑌗𑍁𑌰𑍁𑌤𑌲𑍍𑌪𑌗𑌮𑍍 ॥ 32 ॥

𑌨𑌾𑌹𑌂 𑌤𑌥𑌾𑌽𑌨𑍁 𑌶𑍋𑌚𑌾𑌮𑌿 𑌜𑍀𑌵𑌿𑌤𑌕𑍍𑌷𑌯𑌮𑌾𑌤𑍍𑌮𑌨𑌃 ।
𑌮𑌾𑌤𑌰𑌂 𑌪𑌿𑌤𑌰𑌂 𑌚𑍋𑌭𑌾𑌵𑌨𑍁𑌶𑍋𑌚𑌾𑌮𑌿 𑌮𑌦𑍍𑌵𑌧𑍇 ॥ 33 ॥

𑌤𑌦𑍇𑌤𑌨𑍍𑌮𑌿𑌥𑍁𑌨𑌂 𑌵𑍃𑌦𑍍𑌧𑌂 𑌚𑌿𑌰𑌕𑌾𑌲𑌭𑍃𑌤𑌂 𑌮𑌯𑌾 ।
𑌮𑌯𑌿 𑌪𑌂𑌚𑌤𑍍𑌵𑌮𑌾𑌪𑌨𑍍𑌨𑍇 𑌕𑌾𑌂 𑌵𑍃𑌤𑍍𑌤𑌿𑌂 𑌵𑌰𑍍𑌤𑌯𑌿𑌷𑍍𑌯𑌤𑌿 ॥ 34 ॥

𑌵𑍃𑌦𑍍𑌧𑍈 𑌚 𑌮𑌤𑌾𑌪𑌿𑌤𑌰𑌾𑌵𑌹𑌂 𑌚𑍈𑌕𑍇𑌷𑍁𑌣𑌾 𑌹𑌤𑌾 ।
𑌕𑍇𑌨 𑌸𑍍𑌮𑌨𑌿𑌹𑌤𑌾 𑌸𑍍𑌸𑌰𑍍𑌵𑍇 𑌸𑍁𑌬𑌾𑌲𑍇𑌨𑌾𑌕𑍃𑌤𑌾𑌤𑍍𑌮𑌨𑌾 ॥ 35 ॥

𑌤𑌾𑌂 𑌗𑌿𑌰𑌂 𑌕𑌰𑍁𑌣𑌾𑌂 𑌶𑍍𑌰𑍁𑌤𑍍𑌵𑌾 𑌮𑌮 𑌧𑌰𑍍𑌮𑌾𑌨𑍁𑌕𑌾𑌂𑌕𑍍𑌷𑌿𑌣𑌃 ।
𑌕𑌰𑌾𑌭𑍍𑌯𑌾𑌂 𑌸𑌶𑌰𑌂 𑌚𑌾𑌪𑌂 𑌵𑍍𑌯𑌥𑌿𑌤𑌸𑍍𑌯𑌾𑌪𑌤𑌦𑍍𑌭𑍁𑌵𑌿 ॥ 36 ॥

𑌤𑌸𑍍𑌯𑌾𑌹𑌂 𑌕𑌰𑍁𑌣𑌂 𑌶𑍍𑌰𑍁𑌤𑍍𑌵𑌾 𑌨𑌿𑌶𑌿 𑌲𑌾𑌲𑌵𑌤𑍋 𑌬𑌹𑍁 ।
𑌸𑌂𑌭𑍍𑌰𑌾𑌂𑌤 𑌶𑍍𑌶𑍋𑌕𑌵𑍇𑌗𑍇𑌨 𑌭𑍃𑌶𑌮𑌾𑌸𑌂 𑌵𑌿𑌚𑍇𑌤𑌨𑌃 ॥ 3𑍭 ॥

𑌤𑌂 𑌦𑍇𑌶𑌮𑌹𑌮𑌾𑌗𑌮𑍍𑌯 𑌦𑍀𑌨𑌸𑌤𑍍𑌤𑍍𑌵𑌸𑍍𑌸𑍁𑌦𑍁𑌰𑍍𑌮𑌨𑌾𑌃 ।
𑌅𑌪𑌶𑍍𑌯𑌮𑌿𑌷𑍁𑌣𑌾 𑌤𑍀𑌰𑍇 𑌸𑌰𑌯𑍍𑌵𑌾𑌸𑍍𑌤𑌾𑌪𑌸𑌂 𑌹𑌤𑌮𑍍 ॥ 3𑍮 ॥

𑌅𑌵𑌕𑍀𑌰𑍍𑌣 𑌜𑌟𑌾𑌭𑌾𑌰𑌂 𑌪𑍍𑌰𑌵𑌿𑌦𑍍𑌧𑌕𑌲𑌶𑍋𑌦𑌕𑌮𑍍 ।
𑌪𑌾𑌂𑌸𑍁𑌶𑍋𑌣𑌿𑌤𑌦𑌿𑌗𑍍𑌧𑌾𑌂𑌗𑌂 𑌶𑌯𑌾𑌨𑌂 𑌶𑌲𑍍𑌯𑌪𑍀𑌡𑌿𑌤𑌮𑍍 ॥ 3𑍯 ॥

𑌸 𑌮𑌾𑌮𑍁𑌦𑍍𑌵𑍀𑌕𑍍𑌷𑍍𑌯 𑌨𑍇𑌤𑍍𑌰𑌾𑌭𑍍𑌯𑌾𑌂 𑌤𑍍𑌰𑌸𑍍𑌤𑌮𑌸𑍍𑌵𑌸𑍍𑌥𑌚𑍇𑌤𑌸𑌮𑍍 ।
𑌇𑌤𑍍𑌯𑍁𑌵𑌾𑌚 𑌤𑌤𑌃 𑌕𑍍𑌰𑍂𑌰𑌂 𑌦𑌿𑌧𑌕𑍍𑌷𑌨𑍍𑌨𑌿𑌵 𑌤𑍇𑌜𑌸𑌾 ॥ 40 ॥

𑌕𑌿𑌂 𑌤𑌵𑌾𑌪𑌕𑍃𑌤𑌂 𑌰𑌾𑌜𑌨𑍍𑌵𑌨𑍇 𑌨𑌿𑌵𑌸𑌤𑌾 𑌮𑌯𑌾 ।
𑌜𑌿𑌹𑍀𑌰𑍍𑌷𑍁𑌰𑌂𑌭𑍋 𑌗𑍁𑌰𑍍𑌵𑍁𑌰𑍍𑌥𑌂 𑌯𑌦𑌹𑌂 𑌤𑌾𑌡𑌿𑌤𑌸𑍍𑌤𑍍𑌵𑌯𑌾 ॥ 41 ॥

𑌏𑌕𑍇𑌨 𑌖𑌲𑍁 𑌬𑌾𑌣𑍇𑌨 𑌮𑌰𑍍𑌮𑌣𑍍𑌯𑌭𑌿𑌹𑌤𑍇 𑌮𑌯𑌿 ।
𑌦𑍍𑌵𑌾𑌵𑌂𑌧𑍌 𑌨𑌿𑌹𑌤𑍌 𑌵𑍃𑌦𑍍𑌧𑍌 𑌮𑌾𑌤𑌾 𑌜𑌨𑌯𑌿𑌤𑌾 𑌚 𑌮𑍇 ॥ 42 ॥

𑌤𑍌 𑌕𑌥𑌂 𑌦𑍁𑌰𑍍𑌬𑌲𑌾𑌵𑌂𑌧𑍌 𑌮𑌤𑍍𑌪𑍍𑌰𑌤𑍀𑌕𑍍𑌷𑍌 𑌪𑌿𑌪𑌾𑌸𑌿𑌤𑍌 ।
𑌚𑌿𑌰𑌮𑌾𑌶𑌾𑌕𑍃𑌤𑌾𑌂 𑌤𑍃𑌷𑍍𑌣𑌾𑌂 𑌕𑌷𑍍𑌟𑌾𑌂 𑌸𑌂𑌧𑌾𑌰𑌯𑌿𑌷𑍍𑌯𑌤𑌃 ॥ 43 ॥

𑌨 𑌨𑍂𑌨𑌂 𑌤𑌪𑌸𑍋 𑌵𑌾𑌸𑍍𑌤𑌿 𑌫𑌲𑌯𑍋𑌗𑌶𑍍𑌶𑍍𑌰𑍁𑌤𑌸𑍍𑌯 𑌵𑌾 ।
𑌪𑌿𑌤𑌾 𑌯𑌨𑍍𑌮𑌾𑌂 𑌨 𑌜𑌾𑌨𑌾𑌤𑌿 𑌶𑌯𑌾𑌨𑌂 𑌪𑌤𑌿𑌤𑌂 𑌭𑍁𑌵𑌿 ॥ 44 ॥

𑌜𑌾𑌨𑌨𑍍𑌨𑌪𑌿 𑌚 𑌕𑌿𑌂 𑌕𑍁𑌰𑍍𑌯𑌾𑌦𑌶𑌕𑍍𑌤𑌿𑌰𑌪𑌰𑌿𑌕𑍍𑌰𑌮𑌃 ।
𑌭𑌿𑌦𑍍𑌯𑌮𑌾𑌨𑌮𑌿𑌵𑌾𑌶𑌕𑍍𑌤 𑌸𑍍𑌤𑍍𑌰𑌤𑍁𑌮𑌨𑍍𑌯𑍋 𑌨𑌗𑍋 𑌨𑌗𑌮𑍍 ॥ 45 ॥

𑌪𑌿𑌤𑍁𑌸𑍍𑌤𑍍𑌵𑌮𑍇𑌵 𑌮𑍇 𑌗𑌤𑍍𑌵𑌾 𑌶𑍀𑌘𑍍𑌰𑌮𑌾𑌚𑌕𑍍𑌷𑍍𑌯 𑌰𑌾𑌘𑌵 ।
𑌨 𑌤𑍍𑌵𑌾𑌮𑌨𑍁𑌦𑌹𑍇𑌤𑍍𑌕𑍍𑌰𑍁𑌦𑍍𑌧𑍋 𑌵𑌨𑌂 𑌵𑌹𑍍𑌨𑌿𑌰𑌿𑌵𑍈𑌧𑌿𑌤𑌃 ॥ 46 ॥

𑌇𑌯𑌮𑍇𑌕𑌪𑌦𑍀 𑌰𑌾𑌜𑌨𑍍𑌯𑌤𑍋 𑌮𑍇 𑌪𑌿𑌤𑍁𑌰𑌾𑌶𑍍𑌰𑌮𑌃 ।
𑌤𑌂 𑌪𑍍𑌰𑌸𑌾𑌦𑌯 𑌗𑌤𑍍𑌵𑌾 𑌤𑍍𑌵𑌂 𑌨 𑌤𑍍𑌵𑌾𑌂 𑌸 𑌕𑍁𑌪𑌿𑌤𑌶𑍍𑌶𑌪𑍇𑌤𑍍 ॥ 4𑍭 ॥

𑌵𑌿𑌶𑌲𑍍𑌯𑌂 𑌕𑍁𑌰𑍁 𑌮𑌾𑌂 𑌰𑌾𑌜𑌨𑍍𑌮𑌰𑍍𑌮 𑌮𑍇 𑌨𑌿𑌶𑌿𑌤𑌶𑍍𑌶𑌰𑌃 ।
𑌰𑍁𑌣𑌦𑍍𑌧𑌿 𑌮𑍃𑌦𑍁𑌸𑍋𑌤𑍍𑌸𑍇𑌧𑌂 𑌤𑍀𑌰𑌮𑌂𑌬𑍁𑌰𑌯𑍋 𑌯𑌥𑌾 ॥ 4𑍮 ॥

𑌸𑌶𑌲𑍍𑌯𑌃 𑌕𑍍𑌲𑌿𑌶𑍍𑌯𑌤𑍇 𑌪𑍍𑌰𑌾𑌣𑍈𑌰𑍍𑌵𑌿𑌶𑌲𑍍𑌯𑍋 𑌵𑌿𑌨𑌶𑌿𑌷𑍍𑌯𑌤𑌿 ।
𑌇𑌤𑌿 𑌮𑌾𑌮𑌵𑌿𑌶𑌚𑍍𑌚𑌿𑌂𑌤𑌾 𑌤𑌸𑍍𑌯 𑌶𑌲𑍍𑌯𑌾𑌪𑌕𑌰𑍍𑌷𑌣𑍇 ॥ 4𑍯 ॥

𑌦𑍁𑌃𑌖𑌿𑌤𑌸𑍍𑌯 𑌚 𑌦𑍀𑌨𑌸𑍍𑌯 𑌮𑌮 𑌶𑍋𑌕𑌾𑌤𑍁𑌰𑌸𑍍𑌯 𑌚 ।
𑌲𑌕𑍍𑌷𑌯𑌾𑌮𑌾𑌸 𑌹𑍃𑌦𑌯𑍇 𑌚𑌿𑌂𑌤𑌾𑌂 𑌮𑍁𑌨𑌿𑌸𑍁𑌤𑌸𑍍𑌤𑌦𑌾 ॥ 50 ॥

𑌤𑌾𑌮𑍍𑌯𑌮𑌾𑌨𑌸𑍍𑌸 𑌮𑌾𑌂 𑌕𑍃𑌚𑍍𑌛𑍍𑌰𑌾𑌦𑍁𑌵𑌾𑌚 𑌪𑌰𑌮𑌾𑌰𑍍𑌤𑌵𑌤𑍍 ।
𑌸𑍀𑌦𑌮𑌾𑌨𑍋 𑌵𑌿𑌵𑍃𑌤𑍍𑌤𑌾𑌂𑌗𑍋 𑌵𑍇𑌷𑍍𑌟𑌮𑌾𑌨𑍋 𑌗𑌤𑌃 𑌕𑍍𑌷𑌯𑌮𑍍 ॥ 51 ॥

𑌸𑌂𑌸𑍍𑌤𑌭𑍍𑌯 𑌶𑍋𑌕𑌂 𑌧𑍈𑌰𑍍𑌯𑍇𑌣 𑌸𑍍𑌥𑌿𑌰𑌚𑌿𑌤𑍍𑌤𑍋 𑌭𑌵𑌾𑌮𑍍𑌯𑌹𑌮𑍍 ।
𑌬𑍍𑌰𑌹𑍍𑌮𑌹𑌤𑍍𑌯𑌾𑌕𑍃𑌤𑌂 𑌪𑌾𑌪𑌂 𑌹𑍃𑌦𑌯𑌾𑌦𑌪𑌨𑍀𑌯𑌤𑌾𑌮𑍍 ॥ 52 ॥

𑌨 𑌦𑍍𑌵𑌿𑌜𑌾𑌤𑌿𑌰𑌹𑌂 𑌰𑌾𑌜𑌨𑍍𑌮𑌾 𑌭𑍂𑌤𑍍𑌤𑍇 𑌮𑌨𑌸𑍋 𑌵𑍍𑌯𑌥𑌾 ।
𑌶𑍂𑌦𑍍𑌰𑌾𑌯𑌾𑌮𑌸𑍍𑌮𑌿 𑌵𑍈𑌶𑍍𑌯𑍇𑌨 𑌜𑌾𑌤𑍋 𑌜𑌨𑌪𑌦𑌾𑌧𑌿𑌪 ॥ 53 ॥

𑌇𑌤𑍀𑌵 𑌵𑌦𑌤𑌃 𑌕𑍃𑌚𑍍𑌛𑍍𑌰𑌾𑌦𑍍𑌬𑌾𑌣𑌾𑌭𑌿𑌹𑌤𑌮𑌰𑍍𑌮𑌣𑌃 𑌵𑌿𑌘𑍂𑌰𑍍𑌣𑌤𑍋 𑌵𑌿𑌚𑍇𑌷𑍍𑌟𑌸𑍍𑌯 𑌵𑍇𑌪𑌮𑌾𑌨𑌸𑍍𑌯 𑌭𑍂𑌤𑌲𑍇 ।
𑌤𑌸𑍍𑌯𑌤𑍍𑌵𑌾𑌨𑌮𑍍𑌯𑌮𑌾𑌨𑌸𑍍𑌯 𑌤𑌂 𑌬𑌾𑌣𑌮𑌹𑌮𑍁𑌦𑍍𑌧𑌰𑌂 𑌸 𑌮𑌾𑌮𑍁𑌦𑍍𑌵𑍀𑌕𑍍𑌷𑍍𑌯 𑌸𑌂𑌤𑍍𑌰𑌸𑍍𑌤𑍋 𑌜𑌹𑍌 𑌪𑍍𑌰𑌾𑌣𑌾𑌂𑌸𑍍𑌤𑌪𑍋𑌧𑌨𑌃 ॥ 54 ॥

𑌜𑌲𑌾𑌰𑍍𑌦𑍍𑌰𑌗𑌾𑌤𑍍𑌰𑌂𑌤𑍁 𑌵𑌿𑌲𑌪𑍍𑌯 𑌕𑍃𑌚𑍍𑌛𑍍𑌰𑌾𑌨𑍍𑌮𑌰𑍍𑌮𑌵𑍍𑌰𑌣𑌂 𑌸𑌂𑌤𑌤𑌮𑍁𑌚𑍍𑌛𑌵𑌸𑌂𑌤𑌮𑍍 ।
𑌤𑌤 𑌸𑍍𑌸𑌰𑌯𑍍𑌵𑌾𑌂 𑌤𑌮𑌹𑌂 𑌶𑌯𑌾𑌨𑌂 𑌸𑌮𑍀𑌕𑍍𑌷𑍍𑌯 𑌭𑌦𑍍𑌰𑍇𑌽𑌸𑍍𑌮𑌿 𑌭𑍃𑌶𑌂 𑌵𑌿𑌷𑌣𑍍𑌣𑌃 ॥ 55 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌤𑍍𑌰𑌿𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: