Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.𑍮6 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌷𑌡𑌶𑍀𑌤𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌷𑌡𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ।

𑌆𑌚𑌚𑌕𑍍𑌷𑍇𑌽𑌥 𑌸𑌦𑍍𑌭𑌾𑌵𑌂 𑌲𑌕𑍍𑌷𑍍𑌮𑌣𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌭𑌰𑌤𑌾𑌯𑌾𑌪𑍍𑌰𑌮𑍇𑌯𑌾𑌯 𑌗𑍁𑌹𑍋 𑌗𑌹𑌨𑌗𑍋𑌚𑌰𑌃 ॥ 1 ॥

𑌤𑌂 𑌜𑌾𑌗𑍍𑌰𑌤𑌂 𑌗𑍁𑌣𑍈𑌰𑍍𑌯𑍁𑌕𑍍𑌤𑌂 𑌶𑌰𑌚𑌾𑌪𑌾𑌸𑌿𑌧𑌾𑌰𑌿𑌣𑌮𑍍 ।
𑌭𑍍𑌰𑌾𑌤𑍃𑌗𑍁𑌪𑍍𑌤𑍍𑌯𑌰𑍍𑌥𑌮𑌤𑍍𑌯𑌂𑌤𑌮𑌹𑌂 𑌲𑌕𑍍𑌷𑍍𑌮𑌣𑌮𑌬𑍃𑌵𑌮𑍍 ॥ 2 ॥

𑌇𑌯𑌂 𑌤𑌾𑌤 𑌸𑍁𑌖𑌾 𑌶𑌯𑍍𑌯𑌾 𑌤𑍍𑌵𑌦𑌰𑍍𑌥𑌮𑍁𑌪𑌕𑌲𑍍𑌪𑌿𑌤𑌾 ।
𑌪𑍍𑌰𑌤𑍍𑌯𑌾𑌶𑍍𑌵𑌸𑌿𑌹𑌿 𑌶𑍇𑌷𑍍𑌵𑌾𑌸𑍍𑌯𑌾𑌂 𑌸𑍁𑌖𑌂 𑌰𑌾𑌘𑌵𑌨𑌂𑌦𑌨 ॥ 3 ॥

𑌉𑌚𑌿𑌤𑍋𑌽𑌯𑌂 𑌜𑌨𑌸𑍍𑌸𑌰𑍍𑌵𑍋 𑌦𑍁𑌃𑌖𑌾𑌨𑌾𑌂 𑌤𑍍𑌵𑌂 𑌸𑍁𑌖𑍋𑌚𑌿𑌤𑌃 ।
𑌧𑌰𑍍𑌮𑌾𑌤𑍍𑌮𑌂𑌸𑍍𑌤𑌸𑍍𑌯 𑌗𑍁𑌪𑍍𑌤𑍍𑌯𑌰𑍍𑌥𑌂 𑌜𑌾𑌗𑌰𑌿𑌷𑍍𑌯𑌾𑌮𑌹𑍇 𑌵𑌯𑌮𑍍 ॥ 4 ॥

𑌨𑌹𑌿 𑌰𑌾𑌮𑌾𑌤𑍍𑌪𑍍𑌰𑌿𑌯𑌤𑌰𑍋 𑌮𑌮𑌾𑌸𑍍𑌤𑌿 𑌭𑍁𑌵𑌿 𑌕𑌶𑍍𑌚𑌨 ।
𑌮𑍋𑌤𑍍𑌸𑍁𑌕𑍋𑌽𑌭𑍂𑌰𑍍𑌬𑍍𑌰𑌵𑍀𑌮𑍍𑌯𑍇𑌤𑌦𑌪𑍍𑌯𑌸𑌤𑍍𑌯𑌂 𑌤𑌵𑌾𑌗𑍍𑌰𑌤𑌃 ॥ 5 ॥

𑌅𑌸𑍍𑌯 𑌪𑍍𑌰𑌸𑌾𑌦𑌾𑌦𑌾𑌶𑌂𑌸𑍇 𑌲𑍋𑌕𑍇𑌽𑌸𑍍𑌮𑌿𑌨𑍍 𑌸𑍁𑌮𑌹𑌦𑍍𑌯𑌶𑌃 ।
𑌧𑌰𑍍𑌮𑌾𑌵𑌾𑌪𑍍𑌤𑌿𑌂 𑌚 𑌵𑌿𑌪𑍁𑌲𑌾𑌮𑌰𑍍𑌥𑌕𑌾𑌮𑍌 𑌚 𑌕𑍇𑌵𑌲𑌮𑍍 ॥ 6 ॥

𑌸𑍋𑌽𑌹𑌂 𑌪𑍍𑌰𑌿𑌯𑌸𑌖𑌂 𑌰𑌾𑌮𑌂 𑌶𑌯𑌾𑌨𑌂 𑌸𑌹 𑌸𑍀𑌤𑌯𑌾 ।
𑌰𑌕𑍍𑌷𑌿𑌷𑍍𑌯𑌾𑌮𑌿 𑌧𑌨𑍁𑌷𑍍𑌪𑌾𑌣𑌿 𑌸𑍍𑌸𑌰𑍍𑌵𑍈 𑌸𑍍𑌸𑍍𑌵𑍈𑌰𑍍𑌜𑍍𑌞𑌾𑌤𑌿𑌭𑌿𑌸𑍍𑌸𑌹 ॥ 𑍭 ॥

𑌨 𑌹𑌿 𑌮𑍇𑌽𑌵𑌿𑌦𑌿𑌤𑌂 𑌕𑌿𑌂𑌚𑌿𑌦𑍍𑌵𑌨𑍇𑌽𑌸𑍍𑌮𑌿𑌂𑌶𑍍𑌚𑌰𑌤 𑌸𑍍𑌸𑌦𑌾 ।
𑌚𑌤𑍁𑌰𑌂𑌗𑌂 𑌹𑍍𑌯𑌪𑌿 𑌬𑌲𑌂 𑌪𑍍𑌰𑌸𑌹𑍇𑌮 𑌵𑌯𑌂 𑌯𑍁𑌧𑌿 ॥ 𑍮 ॥

𑌏𑌵𑌮𑌸𑍍𑌮𑌾𑌭𑌿𑌰𑍁𑌕𑍍𑌤𑍇𑌨 𑌲𑌕𑍍𑌷𑍍𑌮𑌣𑍇𑌨 𑌮𑌹𑌾𑌤𑍍𑌮𑌨𑌾 ।
𑌅𑌨𑍁𑌨𑍀𑌤𑌾 𑌵𑌯𑌂 𑌸𑌰𑍍𑌵𑍇 𑌧𑌰𑍍𑌮𑌮𑍇𑌵𑌾𑌨𑍁𑌪𑌶𑍍𑌯𑌤𑌾 ॥ 𑍯 ॥

𑌕𑌥𑌂 𑌦𑌾𑌶𑌰𑌥𑍌 𑌭𑍂𑌮𑍌 𑌶𑌯𑌾𑌨𑍇 𑌸𑌹 𑌸𑍀𑌤𑌯𑌾 ।
𑌶𑌕𑍍𑌯𑌾 𑌨𑌿𑌦𑍍𑌰𑌾 𑌮𑌯𑌾 𑌲𑌬𑍍𑌧𑍁𑌂 𑌜𑍀𑌵𑌿𑌤𑌂 𑌵𑌾 𑌸𑍁𑌖𑌾𑌨𑌿 𑌵𑌾 ॥ 10 ॥

𑌯𑍋 𑌨 𑌦𑍇𑌵𑌾𑌸𑍁𑌰𑍈𑌸𑍍𑌸𑌰𑍍𑌵𑍈𑌶𑍍𑌶𑌕𑍍𑌯𑌃 𑌪𑍍𑌰𑌸𑌹𑌿𑌤𑍁𑌂 𑌯𑍁𑌧𑌿 ।
𑌤𑌂 𑌪𑌶𑍍𑌯 𑌗𑍁𑌹 𑌸𑌂𑌵𑌿𑌷𑍍𑌟𑌂 𑌤𑍃𑌣𑍇𑌷𑍁 𑌸𑌹 𑌸𑍀𑌤𑌯𑌾 ॥ 11 ॥

𑌮𑌹𑌤𑌾 𑌤𑌪𑌸𑌾 𑌲𑌬𑍍𑌧𑍋 𑌵𑌿𑌵𑌿𑌧𑍈𑌶𑍍𑌚 𑌪𑌰𑌿𑌶𑍍𑌰𑌮𑍈𑌃 ।
𑌏𑌕𑍋 𑌦𑌶𑌰𑌥𑌸𑍍𑌯𑍈𑌷 𑌪𑍁𑌤𑍍𑌰𑌸𑍍𑌸𑌦𑍃𑌶𑌲𑌕𑍍𑌷𑌣𑌃 ॥ 12 ॥

𑌅𑌸𑍍𑌮𑌿𑌨𑍍𑌪𑍍𑌰𑌵𑍍𑌰𑌾𑌜𑌿𑌤𑍇 𑌰𑌾𑌜𑌾 𑌨 𑌚𑌿𑌰𑌂 𑌵𑌰𑍍𑌤𑌯𑌿𑌷𑍍𑌯𑌤𑌿 ।
𑌵𑌿𑌧𑌵𑌾 𑌮𑍇𑌦𑌿𑌨𑍀 𑌨𑍂𑌨𑌂 𑌕𑍍𑌷𑌿𑌪𑍍𑌰𑌮𑍇𑌵 𑌭𑌵𑌿𑌷𑍍𑌯𑌤𑌿 ॥ 13 ॥

𑌵𑌿𑌨𑌦𑍍𑌯 𑌸𑍁𑌮𑌹𑌾𑌨𑌾𑌦𑌂 𑌶𑍍𑌰𑌮𑍇𑌣𑍋𑌪𑌰𑌤𑌾𑌃 𑌸𑍍𑌤𑍍𑌰𑌿𑌯𑌃 ।
𑌨𑌿𑌰𑍍𑌘𑍋𑌷𑍋 𑌵𑌿𑌰𑌤𑍋 𑌨𑍂𑌨𑌮𑌧𑍍𑌯 𑌰𑌾𑌜𑌨𑌿𑌵𑍇𑌶𑌨𑍇 ॥ 14 ॥

𑌕𑍌𑌸𑌲𑍍𑌯𑌾 𑌚𑍈𑌵 𑌰𑌾𑌜𑌾 𑌚 𑌤𑌥𑍈𑌵 𑌜𑌨𑌨𑍀 𑌮𑌮 ।
𑌨𑌾𑌶𑌂𑌸𑍇 𑌯𑌦𑌿 𑌜𑍀𑌵𑍇𑌯𑍁𑌸𑍍𑌸𑌰𑍍𑌵𑍇 𑌤𑍇 𑌶𑌰𑍍𑌵𑌰𑍀𑌮𑌿𑌮𑌾𑌮𑍍 ॥ 15 ॥

𑌜𑍀𑌵𑍇𑌦𑌪𑌿 𑌚 𑌮𑍇 𑌮𑌾𑌤𑌾 𑌶𑌤𑍍𑌰𑍁𑌘𑍍𑌨𑌸𑍍𑌯𑌾𑌨𑍍𑌵𑌵𑍇𑌕𑍍𑌷𑌯𑌾 ।
𑌦𑍁𑌃𑌖𑌿𑌤𑌾 𑌯𑌾 𑌤𑍁 𑌕𑍌𑌸𑌲𑍍𑌯𑌾 𑌵𑍀𑌰𑌸𑍂𑌰𑍍𑌵𑌿𑌨𑌶𑌿𑌷𑍍𑌯𑌤𑌿 ॥ 16 ॥

𑌅𑌤𑌿𑌕𑍍𑌰𑌾𑌂𑌤𑌮𑌤𑌿𑌕𑍍𑌰𑌾𑌂𑌤𑌮𑌨𑌵𑌾𑌪𑍍𑌯 𑌮𑌨𑍋𑌰𑌥𑌮𑍍 ।
𑌰𑌾𑌜𑍍𑌯𑍇 𑌰𑌾𑌮𑌮𑌨𑌿𑌕𑍍𑌷𑌿𑌪𑍍𑌯 𑌪𑌿𑌤𑌾 𑌮𑍇 𑌵𑌿𑌨𑌶𑌿𑌷𑍍𑌯𑌤𑌿 ॥ 1𑍭 ॥

𑌸𑌿𑌦𑍍𑌧𑌾𑌰𑍍𑌥𑌾𑌃 𑌪𑌿𑌤𑌰𑌂 𑌵𑍃𑌤𑍍𑌤𑌂 𑌤𑌸𑍍𑌮𑌿𑌨𑍍𑌕𑌾𑌲𑍇 𑌹𑍍𑌯𑍁𑌪𑌸𑍍𑌥𑌿𑌤𑍇 ।
𑌪𑍍𑌰𑍇𑌤𑌕𑌾𑌰𑍍𑌯𑍇𑌷𑍁 𑌸𑌰𑍍𑌵𑍇𑌷𑍁 𑌸𑌂𑌸𑍍𑌕𑌰𑌿𑌷𑍍𑌯𑌂𑌤𑌿 𑌭𑍂𑌮𑌿𑌪𑌮𑍍 ॥ 1𑍮 ॥

𑌰𑌮𑍍𑌯𑌚𑌤𑍍𑌵𑌰𑌸𑌂𑌸𑍍𑌥𑌾𑌨𑌾𑌂 𑌸𑍁𑌵𑌿𑌭𑌕𑍍𑌤𑌮𑌹𑌾𑌪𑌥𑌾𑌮𑍍 ।
𑌹𑌰𑍍𑌮𑍍𑌯𑌪𑍍𑌰𑌾𑌸𑌾𑌦𑌂𑌪𑌨𑍍𑌨𑌾𑌂 𑌸𑌰𑍍𑌵𑌰𑌤𑍍𑌨𑌵𑌿𑌭𑍂𑌷𑌿𑌤𑌾𑌮𑍍 ॥ 1𑍯 ॥

𑌗𑌜𑌾𑌶𑍍𑌵𑌰𑌥𑌸𑌂𑌬𑌾𑌧𑌾𑌂 𑌤𑍂𑌰𑍍𑌯𑌨𑌾𑌦𑌵𑌿𑌨𑌾𑌦𑌿𑌤𑌾𑌮𑍍 ।
𑌸𑌰𑍍𑌵𑌕𑌲𑍍𑌯𑌾𑌣𑌸𑌂𑌪𑍂𑌰𑍍𑌣𑌾𑌂 𑌹𑍃𑌷𑍍𑌟𑌪𑍁𑌷𑍍𑌟𑌜𑌨𑌾𑌕𑍁𑌲𑌾𑌮𑍍 ॥ 20 ॥

𑌆𑌰𑌾𑌮𑍋𑌦𑍍𑌯𑌾𑌨𑌸𑌂𑌪𑍂𑌰𑍍𑌣𑌾𑌂 𑌸𑌮𑌾𑌜𑍋𑌤𑍍𑌸𑌵𑌶𑌾𑌲𑌿𑌨𑍀𑌮𑍍 ।
𑌸𑍁𑌖𑌿𑌤𑌾 𑌵𑌿𑌚𑌰𑌿𑌷𑍍𑌯𑌂𑌤𑌿 𑌰𑌾𑌜𑌧𑌾𑌨𑍀𑌂 𑌪𑌿𑌤𑍁𑌰𑍍𑌮𑌮 ॥ 21 ॥

𑌅𑌪𑌿𑌸𑌤𑍍𑌯𑌪𑍍𑌰𑌤𑌿𑌜𑍍𑌞𑍇𑌨 𑌸𑌾𑌰𑍍𑌧𑌂 𑌕𑍁𑌶𑌲𑌿𑌨𑌾 𑌵𑌯𑌮𑍍 ।
𑌨𑌿𑌵𑍃𑌤𑍍𑌤𑍇 𑌸𑌮𑌯𑍇 𑌹𑍍𑌯𑌸𑍍𑌮𑌿𑌨𑍍 𑌸𑍁𑌖𑌿𑌤𑌾𑌃 𑌪𑍍𑌰𑌵𑌿𑌶𑍇𑌮𑌹𑌿 ॥ 22 ॥

𑌪𑌰𑌿𑌦𑍇𑌵𑌯𑌮𑌾𑌨𑌸𑍍𑌯 𑌤𑌸𑍍𑌯𑍈𑌵𑌂 𑌸𑍁𑌮𑌹𑌾𑌤𑍍𑌮𑌨𑌃 ।
𑌤𑌿𑌷𑍍𑌠𑌤𑍋 𑌰𑌾𑌜𑌪𑍁𑌤𑍍𑌰𑌸𑍍𑌯 𑌶𑌰𑍍𑌵𑌰𑍀 𑌸𑌾𑌽𑌤𑍍𑌯𑌵𑌰𑍍𑌤𑌤 ॥ 23 ॥

𑌪𑍍𑌰𑌭𑌾𑌤𑍇 𑌵𑌿𑌮𑌲𑍇 𑌸𑍂𑌰𑍍𑌯𑍇 𑌕𑌾𑌰𑌯𑌿𑌤𑍍𑌵𑌾 𑌜𑌟𑌾 𑌉𑌭𑍌 ।
𑌅𑌸𑍍𑌮𑌿𑌨𑍍 𑌭𑌾𑌗𑍀𑌰𑌥𑍀𑌤𑍀𑌰𑍇 𑌸𑍁𑌖𑌂 𑌸𑌂𑌤𑌾𑌰𑌿𑌤𑍌 𑌮𑌯𑌾 ॥ 24 ॥

𑌜𑌟𑌾𑌧𑌰𑍌 𑌤𑍌 𑌦𑍍𑌰𑍁𑌮𑌚𑍀𑌰𑌵𑌾𑌸𑌸𑍌 𑌮𑌹𑌾𑌬𑌲𑍌 𑌕𑍁𑌂𑌜𑌰𑌯𑍂𑌥𑌪𑍋𑌪𑌮𑍌 ।
𑌵𑌰𑍇𑌷𑍁𑌚𑌾𑌪𑌾𑌸𑌿𑌧𑌰𑍌 𑌪𑌰𑌂𑌤𑌪𑍌 𑌵𑍍𑌯𑌪𑍇𑌕𑍍𑌷𑌮𑌾𑌣𑍌 𑌸𑌹 𑌸𑍀𑌤𑌯𑌾 𑌗𑌤𑍌 ॥ 25 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌷𑌡𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: