Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.𑍯0 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌨𑌵𑌤𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌨𑌵𑌤𑌿𑌤𑌮𑌸𑍍𑌸𑌰𑍍𑌗𑌃 ।

𑌭𑌰𑌦𑍍𑌵𑌾𑌜𑌾𑌶𑍍𑌰𑌮𑌂 𑌦𑍃𑌷𑍍𑌟𑍍𑌵𑌾 𑌕𑍍𑌰𑍋𑌶𑌾𑌦𑍇𑌵 𑌨𑌰𑌰𑍍𑌷𑌭𑌃 ।
𑌬𑌲𑌂 𑌸𑌰𑍍𑌵𑌮𑌵𑌸𑍍𑌥𑌾𑌪𑍍𑌯 𑌜𑌗𑌾𑌮 𑌸𑌹 𑌮𑌂𑌤𑍍𑌰𑌿𑌭𑌿𑌃 ॥ 1 ॥

𑌪𑌦𑍍𑌭𑍍𑌯𑌾𑌮𑍇𑌵 𑌹𑌿 𑌧𑌰𑍍𑌮𑌜𑍍𑌞𑍋 𑌨𑍍𑌯𑌸𑍍𑌤𑌶𑌸𑍍𑌤𑍍𑌰𑌪𑌰𑌿𑌚𑍍𑌛𑌦𑌃 ।
𑌵𑌸𑌾𑌨𑍋 𑌵𑌾𑌸𑌸𑍀 𑌕𑍍𑌷𑍌𑌮𑍇 𑌪𑍁𑌰𑍋𑌧𑌾𑌯 𑌪𑍁𑌰𑍋𑌧𑌸𑌮𑍍 ॥ 2 ॥

𑌭𑌰𑌦𑍍𑌵𑌾𑌜𑌾𑌶𑍍𑌰𑌮𑌂 𑌦𑍃𑌷𑍍𑌟𑍍𑌵𑌾 𑌕𑍍𑌰𑍋𑌶𑌾𑌦𑍇𑌵 𑌨𑌰𑌰𑍍𑌷𑌭𑌃 ।
𑌬𑌲𑌂 𑌸𑌰𑍍𑌵𑌮𑌵𑌸𑍍𑌥𑌾𑌪𑍍𑌯 𑌜𑌗𑌾𑌮 𑌸𑌹 𑌮𑌂𑌤𑍍𑌰𑌿𑌭𑌿𑌃 ॥ 3 ॥

𑌪𑌦𑍍𑌭𑍍𑌯𑌾𑌮𑍇𑌵 𑌹𑌿 𑌧𑌰𑍍𑌮𑌜𑍍𑌞𑍋 𑌨𑍍𑌯𑌸𑍍𑌤𑌶𑌸𑍍𑌤𑍍𑌰𑌪𑌰𑌿𑌚𑍍𑌛𑌦𑌃 ।
𑌵𑌸𑌾𑌨𑍋 𑌵𑌾𑌸𑌸𑍀 𑌕𑍍𑌷𑍌𑌮𑍇 𑌪𑍁𑌰𑍋𑌧𑌾𑌯 𑌪𑍁𑌰𑍋𑌧𑌸𑌮𑍍 ॥ 4 ॥

𑌤𑌤 𑌸𑍍𑌸𑌂𑌦𑌰𑍍𑌶𑌨𑍇 𑌤𑌸𑍍𑌯 𑌭𑌰𑌦𑍍𑌵𑌾𑌜𑌸𑍍𑌯 𑌰𑌾𑌘𑌵𑌃 ।
𑌮𑌂𑌤𑍍𑌰𑌿𑌣𑌸𑍍𑌤𑌾𑌨𑌵𑌸𑍍𑌥𑌾𑌪𑍍𑌯 𑌜𑌗𑌾𑌮𑌾𑌨𑍁𑌪𑍁𑌰𑍋𑌹𑌿𑌤𑌮𑍍 ॥ 5 ॥

𑌵𑌸𑌿𑌷𑍍𑌠𑌮𑌥 𑌦𑍃𑌷𑍍𑌟𑍍𑌵𑍈𑌵 𑌭𑌰𑌦𑍍𑌵𑌾𑌜𑍋 𑌮𑌹𑌾𑌤𑌪𑌾𑌃 ।
𑌸𑌂𑌚𑌚𑌾𑌽𑌲𑌾𑌸𑌨𑌾𑌤𑍍𑌤𑍂𑌰𑍍𑌣𑌂 𑌶𑌿𑌷𑍍𑌯𑌾𑌨𑌰𑍍𑌘𑍍𑌯𑌮𑌿𑌤𑌿 𑌬𑍍𑌰𑍁𑌵𑌨𑍍 ॥ 6 ॥

𑌸𑌮𑌾𑌗𑌮𑍍𑌯 𑌵𑌸𑌿𑌷𑍍𑌠𑍇𑌨 𑌭𑌰𑌤𑍇𑌨𑌾𑌭𑌿𑌵𑌾𑌦𑌿𑌤𑌃 ।
𑌅𑌬𑍁𑌦𑍍𑌧𑍍𑌯𑌤 𑌮𑌹𑌾𑌤𑍇𑌜𑌾𑌸𑍍𑌸𑍁𑌤𑌂 𑌦𑌶𑌰𑌥𑌸𑍍𑌯 𑌤𑌮𑍍 ॥ 𑍭 ॥

𑌤𑌾𑌭𑍍𑌯𑌾𑌮𑌰𑍍𑌘𑍍𑌯𑌂 𑌚 𑌪𑌾𑌦𑍍𑌯𑌂 𑌚 𑌦𑌤𑍍𑌵𑌾 𑌪𑌶𑍍𑌚𑌾𑌤𑍍𑌫𑌲𑌾𑌨𑌿 𑌚 ।
𑌆𑌨𑍁𑌪𑍂𑌰𑍍𑌵𑍍𑌯𑌾𑌚𑍍𑌛 𑌧𑌰𑍍𑌮𑌜𑍍𑌞𑌃 𑌪𑌪𑍍𑌰𑌚𑍍𑌛 𑌕𑍁𑌶𑌲𑌂 𑌕𑍁𑌲𑍇 ॥ 𑍮 ॥

𑌅𑌯𑍋𑌧𑍍𑌯𑌾𑌯𑌾𑌂 𑌬𑌲𑍇 𑌕𑍋𑌶𑍇 𑌮𑌿𑌤𑍍𑌰𑍇𑌷𑍍𑌵𑌪𑌿 𑌚 𑌮𑌂𑌤𑍍𑌰𑌿𑌷𑍁 ।
𑌜𑌾𑌨𑌨𑍍 𑌦𑌶𑌰𑌥𑌂 𑌵𑍃𑌤𑍍𑌤𑌂 𑌨 𑌰𑌾𑌜𑌾𑌨𑌮𑍁𑌦𑌾𑌹𑌰𑌤𑍍 ॥ 𑍯 ॥

𑌵𑌸𑌿𑌷𑍍𑌠𑍋 𑌭𑌰𑌤𑌶𑍍𑌚𑍈𑌨𑌂 𑌪𑌪𑍍𑌰𑌚𑍍𑌛𑌤𑍁𑌰𑌨𑌾𑌮𑌯𑌮𑍍 ।
𑌶𑌰𑍀𑌰𑍇𑌽𑌗𑍍𑌨𑌿𑌷𑍁 𑌵𑍃𑌕𑍍𑌷𑍇𑌷𑍁 𑌶𑌿𑌷𑍍𑌯𑍇𑌷𑍁 𑌮𑍃𑌗𑌪𑌕𑍍𑌷𑌿𑌷𑍁 ॥ 10 ॥

𑌤𑌥𑍇𑌤𑌿 𑌤𑌤𑍍𑌪𑍍𑌰𑌤𑌿𑌜𑍍𑌞𑌾𑌯 𑌭𑌰𑌦𑍍𑌵𑌾𑌜𑍋 𑌮𑌹𑌾𑌤𑌪𑌾𑌃 ।
𑌭𑌰𑌤𑌂 𑌪𑍍𑌰𑌤𑍍𑌯𑍁𑌵𑌾𑌚𑍇𑌦𑌂 𑌰𑌾𑌘𑌵𑌸𑍍𑌨𑍇𑌹𑌬𑌂𑌧𑌨𑌾𑌤𑍍 ॥ 11 ॥

𑌕𑌿𑌮𑌿𑌹𑌾𑌽𑌗𑌮𑌨𑍇 𑌕𑌾𑌰𑍍𑌯𑌂 𑌤𑌵 𑌰𑌾𑌜𑍍𑌯𑌂 𑌪𑍍𑌰𑌶𑌾𑌸𑌤𑌃 ।
𑌏𑌤𑌦𑌾𑌚𑌕𑍍𑌷𑍍𑌵 𑌮𑍇 𑌸𑌰𑍍𑌵𑌂 𑌨 𑌹𑌿 𑌮𑍇 𑌶𑍁𑌦𑍍𑌧𑍍𑌯𑌤𑍇 𑌮𑌨𑌃 ॥ 12 ॥

𑌸𑍁𑌷𑍁𑌵𑍇 𑌯𑌮𑌮𑌿𑌤𑍍𑌰𑌘𑍍𑌨𑌂 𑌕𑍌𑌸𑌲𑍍𑌯𑌾𑌨𑌽𑌂𑌦𑌵𑌰𑍍𑌧𑌨𑌮𑍍 ।
𑌭𑍍𑌰𑌾𑌤𑍍𑌰𑌾 𑌸𑌹 𑌸𑌭𑌾𑌰𑍍𑌯𑍋 𑌯𑌶𑍍𑌚𑌿𑌰𑌂 𑌪𑍍𑌰𑌵𑍍𑌰𑌾𑌜𑌿𑌤𑍋 𑌵𑌨𑌮𑍍 ॥ 13 ॥

𑌨𑌿𑌯𑍁𑌕𑍍𑌤𑌃 𑌸𑍍𑌤𑍍𑌰𑍀𑌨𑌿𑌯𑍁𑌕𑍍𑌤𑍇𑌨 𑌪𑌿𑌤𑍍𑌰𑌾 𑌯𑍋𑌽𑌸𑍌 𑌮𑌹𑌾𑌯𑌶𑌾𑌃 ।
𑌵𑌨𑌵𑌾𑌸𑍀 𑌭𑌵𑍇𑌤𑍀𑌹 𑌸𑌮𑌾𑌃 𑌕𑌿𑌲 𑌚𑌤𑍁𑌰𑍍𑌦𑌶 ॥ 14 ॥

𑌕𑌚𑍍𑌛𑌿𑌨𑍍𑌨 𑌤𑌸𑍍𑌯𑌾𑌪𑌾𑌪𑌸𑍍𑌯 𑌪𑌾𑌪𑌂 𑌕𑌰𑍍𑌤𑍁𑌮𑌿𑌹𑍇𑌚𑍍𑌛𑌸𑌿 ।
𑌅𑌕𑌂𑌟𑌕𑌂 𑌭𑍋𑌕𑍍𑌤𑍁𑌮𑌨𑌾 𑌰𑌾𑌜𑍍𑌯𑌂 𑌤𑌸𑍍𑌯𑌾𑌨𑍁𑌜𑌸𑍍𑌯 𑌚 ॥ 15 ॥

𑌏𑌵𑌮𑍁𑌕𑍍𑌤𑍋 𑌭𑌰𑌦𑍍𑌵𑌾𑌜𑌂 𑌭𑌰𑌤𑌃 𑌪𑍍𑌰𑌤𑍍𑌯𑍁𑌵𑌾𑌚 𑌹 ।
𑌪𑌰𑍍𑌯𑌶𑍍𑌰𑍁𑌨𑌯𑌨𑍋 𑌦𑍁𑌃𑌖𑌾𑌦𑍍𑌵𑌾𑌚𑌾 𑌸𑌂𑌸𑌜𑍍𑌜𑌮𑌾𑌨𑌯𑌾 ॥ 16 ॥

𑌹𑌤𑍋𑌽𑌸𑍍𑌮𑌿 𑌯𑌦𑌿 𑌮𑌾𑌮𑍇𑌵𑌂 𑌭𑌗𑌵𑌾𑌨𑌪𑌿 𑌮𑌨𑍍𑌯𑌤𑍇 ।
𑌮𑌤𑍍𑌤𑍋 𑌨 𑌦𑍋𑌷𑌮𑌾𑌶𑌂𑌕𑍇 𑌨𑍈𑌵𑌂 𑌮𑌾𑌮𑌨𑍁𑌶𑌾𑌸𑍍𑌤𑍁 𑌹𑌿 ॥ 1𑍭 ॥

𑌨 𑌚𑍈𑌤𑌦𑌿𑌷𑍍𑌟𑌂 𑌮𑌾𑌤𑌾 𑌮𑍇 𑌯𑌦𑌵𑍋𑌚𑌨𑍍𑌮𑌦𑌂𑌤𑌰𑍇 ।
𑌨𑌾𑌹𑌮𑍇𑌤𑍇𑌨 𑌤𑍁𑌷𑍍𑌟𑌶𑍍𑌚 𑌨 𑌤𑌦𑍍𑌵𑌚𑌨𑌮𑌾𑌦𑌦𑍇 ॥ 1𑍮 ॥

𑌅𑌹𑌂 𑌤𑍁 𑌤𑌂 𑌨𑌰𑌵𑍍𑌯𑌾𑌘𑍍𑌰𑌮𑍁𑌪𑌯𑌾𑌤𑌃 𑌪𑍍𑌰𑌸𑌾𑌦𑌕𑌃 ।
𑌪𑍍𑌰𑌤𑌿𑌨𑍇𑌤𑍁𑌮𑌯𑍋𑌧𑍍𑌯𑌾𑌂 𑌚 𑌪𑌾𑌦𑍌 𑌤𑌸𑍍𑌯𑌾𑌭𑌿𑌵𑌂𑌦𑌿𑌤𑍁𑌮𑍍 ॥ 1𑍯 ॥

𑌤𑍍𑌵𑌂 𑌮𑌾𑌮𑍇𑌵𑌂𑌗𑌤𑌂 𑌮𑌤𑍍𑌵𑌾 𑌪𑍍𑌰𑌸𑌾𑌦𑌂 𑌕𑌰𑍍𑌤𑍁𑌮𑌰𑍍𑌹𑌸𑌿 ।
𑌶𑌂𑌸 𑌮𑍇 𑌭𑌗𑌵𑌨𑍍𑌰𑌾𑌮𑌃 𑌕𑍍𑌵 𑌸𑌂𑌪𑍍𑌰𑌤𑌿 𑌮𑌹𑍀𑌪𑌤𑌿𑌃 ॥ 20 ॥

𑌵𑌶𑌿𑌷𑍍𑌠𑌾𑌦𑌿𑌭𑌿𑌃 𑌋𑌤𑍍𑌵𑌿𑌗𑍍𑌭𑌿𑌰𑍍𑌯𑌾𑌚𑌿𑌤𑍋 𑌭𑌗𑌵𑌾𑌂𑌸𑍍𑌤𑌤𑌃 ।
𑌉𑌵𑌾𑌚 𑌤𑌂 𑌭𑌰𑌦𑍍𑌵𑌾𑌜𑌃 𑌪𑍍𑌰𑌸𑌾𑌦𑌾𑌦𑍍𑌭𑌰𑌤𑌂 𑌵𑌚𑌃 ॥ 21 ॥

𑌤𑍍𑌵𑌯𑍍𑌯𑍇𑌤𑌤𑍍𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌯𑍁𑌕𑍍𑌤𑌂 𑌰𑌾𑌘𑌵𑌵𑌂𑌶𑌜𑍇 ।
𑌗𑍁𑌰𑍁𑌵𑍃𑌤𑍍𑌤𑌿𑌰𑍍𑌦𑌮𑌶𑍍𑌚𑍈𑌵 𑌸𑌾𑌧𑍂𑌨𑌾𑌮𑌨𑍁𑌯𑌾𑌯𑌿𑌤𑌾 ॥ 22 ॥

𑌜𑌾𑌨𑍇 𑌚𑍈𑌤𑌨𑍍𑌮𑌨𑌸𑍍𑌥𑌂 𑌤𑍇 𑌦𑍃𑌢𑍀𑌕𑌰𑌣𑌮𑌸𑍍𑌤𑍍𑌵𑌿𑌤𑌿 ।
𑌅𑌪𑍃𑌚𑍍𑌛𑌂 𑌤𑍍𑌵𑌾𑌂 𑌤𑌥𑌾𑌽𑌤𑍍𑌯𑌰𑍍𑌥𑌂 𑌕𑍀𑌰𑍍𑌤𑌿𑌂 𑌸𑌮𑌭𑌿𑌵𑌰𑍍𑌧𑌯𑌨𑍍 ॥ 23 ॥

𑌜𑌾𑌨𑍇 𑌚 𑌰𑌾𑌮𑌂 𑌧𑌰𑍍𑌮𑌜𑍍𑌞𑌂 𑌸𑌸𑍀𑌤𑌂 𑌸𑌹𑌲𑌕𑍍𑌷𑍍𑌮𑌣𑌮𑍍 ।
𑌅𑌸𑍌 𑌵𑌸𑌤𑌿 𑌤𑍇 𑌭𑍍𑌰𑌾𑌤𑌾 𑌚𑌿𑌤𑍍𑌰𑌕𑍂𑌟𑍇 𑌮𑌹𑌾𑌗𑌿𑌰𑍌 ॥ 24 ॥

𑌶𑍍𑌵𑌸𑍍𑌤𑍁 𑌗𑌂𑌤𑌾𑌸𑌿 𑌤𑌂 𑌦𑍇𑌶𑌂 𑌵𑌸𑌾𑌦𑍍𑌯 𑌸𑌹 𑌮𑌂𑌤𑍍𑌰𑌿𑌭𑌿𑌃 ।
𑌏𑌤𑌨𑍍𑌮𑍇 𑌕𑍁𑌰𑍁 𑌸𑍁𑌪𑍍𑌰𑌾𑌜𑍍𑌞 𑌕𑌾𑌮𑌂 𑌕𑌾𑌮𑌾𑌰𑍍𑌥𑌕𑍋𑌵𑌿𑌦 ॥ 25 ॥

𑌤𑌤𑌸𑍍𑌤𑌥𑍇𑌤𑍍𑌯𑍇𑌵𑌮𑍁𑌦𑌾𑌰𑌦𑌰𑍍𑌶𑌨𑌃 𑌪𑍍𑌰𑌤𑍀𑌤𑌰𑍂𑌪𑍋 𑌭𑌰𑌤𑍋𑌽𑌬𑍍𑌰𑌵𑍀𑌦𑍍𑌵𑌚𑌃 ।
𑌚𑌕𑌾𑌰 𑌬𑍁𑌦𑍍𑌧𑌿𑌂 𑌚 𑌤𑌦𑌾 𑌤𑌦𑌾𑌶𑍍𑌰𑌮𑍇 𑌨𑌿𑌶𑌾𑌨𑌿𑌵𑌾𑌸𑌾𑌯 𑌨𑌰𑌾𑌧𑌿𑌪𑌾𑌽𑌤𑍍𑌮𑌜𑌃 ॥ 26 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌨𑌵𑌤𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: