Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.𑍮𑍮 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌅𑌷𑍍𑌟𑌾𑌶𑍀𑌤𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌾𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ।

𑌤𑌚𑍍𑌛𑍍𑌰𑍁𑌤𑍍𑌵𑌾 𑌨𑌿𑌪𑍁𑌣𑌂 𑌸𑌰𑍍𑌵𑌂 𑌭𑌰𑌤 𑌸𑍍𑌸𑌹 𑌮𑌂𑌤𑍍𑌰𑌿𑌭𑌿𑌃 ।
𑌇𑌂𑌗𑍁𑌦𑍀𑌮𑍂𑌲𑌮𑌾𑌗𑌮𑍍𑌯 𑌰𑌾𑌮𑌶𑌯𑍍𑌯𑌾𑌮𑌵𑍇𑌕𑍍𑌷𑍍𑌯 𑌤𑌾𑌮𑍍 ॥ 1 ॥

𑌅𑌬𑍍𑌰𑌵𑍀𑌜𑍍𑌜𑌨𑌨𑍀 𑌸𑍍𑌸𑌰𑍍𑌵𑌾 𑌇𑌹 𑌤𑍇𑌨 𑌮𑌹𑌾𑌤𑍍𑌮𑌨𑌾 ।
𑌶𑌰𑍍𑌵𑌰𑍀 𑌶𑌯𑌿𑌤𑌾 𑌭𑍂𑌮𑌾𑌵𑌿𑌦𑌮𑌸𑍍𑌯 𑌵𑌿𑌮𑌰𑍍𑌦𑌿𑌤𑌮𑍍 ॥ 2 ॥

𑌤𑌚𑍍𑌛𑍍𑌰𑍁𑌤𑍍𑌵𑌾 𑌨𑌿𑌪𑍁𑌣𑌂 𑌸𑌰𑍍𑌵𑌂 𑌭𑌰𑌤 𑌸𑍍𑌸𑌹 𑌮𑌂𑌤𑍍𑌰𑌿𑌭𑌿𑌃 ।
𑌇𑌂𑌗𑍁𑌦𑍀𑌮𑍂𑌲𑌮𑌾𑌗𑌮𑍍𑌯 𑌰𑌾𑌮𑌶𑌯𑍍𑌯𑌾𑌮𑌵𑍇𑌕𑍍𑌷𑍍𑌯 𑌤𑌾𑌮𑍍 ॥ 3 ॥

𑌅𑌬𑍍𑌰𑌵𑍀𑌜𑍍𑌜𑌨𑌨𑍀 𑌸𑍍𑌸𑌰𑍍𑌵𑌾 𑌇𑌹 𑌤𑍇𑌨 𑌮𑌹𑌾𑌤𑍍𑌮𑌨𑌾 ।
𑌶𑌰𑍍𑌵𑌰𑍀 𑌶𑌯𑌿𑌤𑌾 𑌭𑍂𑌮𑌾𑌵𑌿𑌦𑌮𑌸𑍍𑌯 𑌵𑌿𑌮𑌰𑍍𑌦𑌿𑌤𑌮𑍍 ॥ 4 ॥

𑌮𑌹𑌾𑌭𑌾𑌗𑌕𑍁𑌲𑍀𑌨𑍇𑌨 𑌮𑌹𑌾𑌭𑌾𑌗𑍇𑌨 𑌧𑍀𑌮𑌤𑌾 ।
𑌜𑌾𑌤𑍋 𑌦𑌶𑌰𑌥𑍇𑌨𑍋𑌰𑍍𑌵𑍍𑌯𑌾𑌂 𑌨 𑌰𑌾𑌮𑌸𑍍𑌸𑍍𑌵𑌪𑍍𑌤𑍁 𑌮𑌰𑍍𑌹𑌤𑌿 ॥ 5 ॥

𑌅𑌜𑌿𑌨𑍋𑌤𑍍𑌤𑌰𑌸𑌂𑌸𑍍𑌤𑍀𑌰𑍍𑌣𑍇 𑌵𑌰𑌾𑌸𑍍𑌤𑌰𑌣𑌸𑌂𑌚𑌯𑍇 ।
𑌶𑌯𑌿𑌤𑍍𑌵𑌾 𑌪𑍁𑌰𑍁𑌷𑌵𑍍𑌯𑌾𑌘𑍍𑌰𑌃 𑌕𑌥𑌂 𑌶𑍇𑌤𑍇 𑌮𑌹𑍀𑌤𑌲𑍇 ॥ 6 ॥

𑌪𑍍𑌰𑌾𑌸𑌾𑌦𑌾𑌗𑍍𑌰𑌵𑌿𑌮𑌾𑌨𑍇𑌷𑍁 𑌵𑌲𑌭𑍀𑌷𑍁 𑌚 𑌸𑌰𑍍𑌵𑌦𑌾 ।
𑌹𑍈𑌮𑌰𑌾𑌜𑌤𑌭𑍌𑌮𑍇𑌷𑍁 𑌵𑌰𑌾𑌸𑍍𑌤𑌰𑌣𑌶𑌾𑌲𑌿𑌷𑍁 ॥ 𑍭 ॥

𑌪𑍁𑌷𑍍𑌪𑌸𑌂𑌚𑌯𑌚𑌿𑌤𑍍𑌰𑍇𑌷𑍁 𑌚𑌂𑌦𑌨𑌾𑌗𑌰𑍁𑌗𑌂𑌧𑌿𑌷𑍁 ।
𑌪𑌾𑌂𑌡𑍁𑌰𑌾𑌭𑍍𑌰𑌪𑍍𑌰𑌕𑌾𑌶𑍇𑌷𑍁 𑌶𑍁𑌕𑌸𑌂𑌘𑌰𑍂𑌤𑍇𑌷𑍁𑌚 ॥ 𑍮 ॥

𑌪𑍍𑌰𑌾𑌸𑌾𑌦𑌵𑌰𑌵𑌰𑍍𑌯𑍇𑌷𑍁 𑌶𑍀𑌤𑌵𑌤𑍍𑌸𑍁 𑌸𑍁𑌗𑌂𑌧𑌿𑌷𑍁 ।
𑌉𑌷𑌿𑌤𑍍𑌵𑌾𑌮𑍇𑌰𑍁𑌕𑌲𑍍𑌪𑍇𑌷𑍁 𑌕𑍃𑌤𑌕𑌾𑌂𑌚𑌨 𑌭𑌿𑌤𑍍𑌤𑌿𑌷𑍁 ॥ 𑍯 ॥

𑌗𑍀𑌤𑌵𑌾𑌦𑌿𑌤𑍍𑌰𑌨𑌿𑌰𑍍𑌘𑍋𑌷𑍈𑌰𑍍𑌵𑌰𑌾𑌭𑌰𑌣𑌨𑌿𑌸𑍍𑌸𑍍𑌵𑌨𑍈𑌃 ।
𑌮𑍃𑌦𑌂𑌗𑌵𑌰𑌶𑌬𑍍𑌦𑍈𑌶𑍍𑌚 𑌸𑌤𑌤𑌂 𑌪𑍍𑌰𑌤𑌿𑌬𑍋𑌧𑌿𑌤𑌃 ॥ 10 ॥

𑌵𑌂𑌦𑌿𑌭𑌿𑌰𑍍𑌵𑌂𑌦𑌿𑌤𑌃 𑌕𑌾𑌲𑍇 𑌬𑌹𑍁𑌭𑌿 𑌸𑍍𑌸𑍂𑌤𑌮𑌾𑌗𑌧𑍈𑌃 ।
𑌗𑌾𑌥𑌾𑌭𑌿𑌰𑌨𑍁𑌰𑍂𑌪𑌾𑌭𑌿 𑌸𑍍𑌸𑍍𑌤𑍁𑌤𑌿𑌭𑌿𑌶𑍍𑌚 𑌪𑌰𑌂𑌤𑌪𑌃 ॥ 11 ॥

𑌅𑌶𑍍𑌰𑌦𑍍𑌧𑍇𑌯𑌮𑌿𑌦𑌂 𑌲𑍋𑌕𑍇 𑌨 𑌸𑌤𑍍𑌯𑌂 𑌪𑍍𑌰𑌤𑌿𑌭𑌾𑌤𑌿 𑌮𑌾 ।
𑌮𑍁𑌹𑍍𑌯𑌤𑍇 𑌖𑌲𑍁 𑌮𑍇 𑌭𑌾𑌵 𑌸𑍍𑌸𑍍𑌵𑌪𑍍𑌨𑍋𑌽𑌯𑌮𑌿𑌤𑌿 𑌮𑍇 𑌮𑌤𑌿𑌃 ॥ 12 ॥

𑌨 𑌨𑍂𑌨𑌂 𑌦𑍈𑌵𑌤𑌂 𑌕𑌿𑌂𑌚𑌿𑌤𑍍𑌕𑌾𑌲𑍇𑌨 𑌬𑌲𑌵𑌤𑍍𑌤𑌰𑌮𑍍 ।
𑌯𑌤𑍍𑌰 𑌦𑌾𑌶𑌰𑌥𑍀 𑌰𑌾𑌮𑍋 𑌭𑍂𑌮𑌾𑌵𑍇𑌵 𑌶𑌯𑍀𑌤 𑌸𑌃 ॥ 13 ॥

𑌵𑌿𑌦𑍇𑌹𑌰𑌾𑌜𑌸𑍍𑌯 𑌸𑍁𑌤𑌾 𑌸𑍀𑌤𑌾 𑌚 𑌪𑍍𑌰𑌿𑌯𑌦𑌰𑍍𑌶𑌨𑌾 ।
𑌦𑌯𑌿𑌤𑌾 𑌶𑌯𑌿𑌤𑌾 𑌭𑍂𑌮𑍌 𑌸𑍍𑌨𑍁𑌷𑌾 𑌦𑌶𑌰𑌥𑌸𑍍𑌯 𑌚 ॥ 14 ॥

𑌇𑌯𑌂 𑌶𑌯𑍍𑌯𑌾 𑌮𑌮 𑌭𑍍𑌰𑌾𑌤𑍁𑌰𑌿𑌦𑌂 𑌹𑌿 𑌪𑌰𑌿𑌵𑌰𑍍𑌤𑌿𑌤𑌮𑍍 ।
𑌸𑍍𑌥𑌂𑌡𑌿𑌲𑍇 𑌕𑌠𑌿𑌨𑍇 𑌸𑌰𑍍𑌵𑌂 𑌗𑌾𑌤𑍍𑌰𑍈 𑌰𑍍𑌵𑌿𑌮𑍃𑌦𑌿𑌤𑌂 𑌤𑍃𑌣𑌮𑍍 ॥ 15 ॥

𑌮𑌨𑍍𑌯𑍇 𑌸𑌾𑌭𑌰𑌣𑌾 𑌸𑍁𑌪𑍍𑌤𑌾 𑌸𑍀𑌤𑌾𑌽𑌸𑍍𑌮𑌿𑌂𑌛𑌯𑌨𑍋𑌤𑍍𑌤𑌮𑍇 ।
𑌤𑌤𑍍𑌰 𑌤𑌤𑍍𑌰 𑌹𑌿 𑌦𑍃𑌶𑍍𑌯𑌂𑌤𑍇 𑌸𑌕𑍍𑌤𑌾𑌃 𑌕𑌨𑌕𑌬𑌿𑌂𑌦𑌵𑌃 ॥ 16 ॥

𑌉𑌤𑍍𑌤𑌰𑍀𑌯𑌮𑌿𑌹𑌾𑌽𑌸𑌕𑍍𑌤𑌂 𑌸𑍁𑌵𑍍𑌯𑌕𑍍𑌤𑌂 𑌸𑍀𑌤𑌯𑌾 𑌤𑌦𑌾 ।
𑌤𑌥𑌾 𑌹𑍍𑌯𑍇𑌤𑍇 𑌪𑍍𑌰𑌕𑌾𑌶𑌂𑌤𑍇 𑌸𑌕𑍍𑌤𑌾𑌃 𑌕𑍌𑌶𑍇𑌯𑌤𑌂𑌤𑌵𑌃 ॥ 1𑍭 ॥

𑌮𑌨𑍍𑌯𑍇 𑌭𑌰𑍍𑌤𑍁 𑌸𑍍𑌸𑍁𑌖𑌾 𑌶𑌯𑍍𑌯𑌾 𑌯𑍇𑌨 𑌬𑌾𑌲𑌾 𑌤𑌪𑌸𑍍𑌵𑌿𑌨𑍀 ।
𑌸𑍁𑌕𑍁𑌮𑌾𑌰𑍀 𑌸𑌤𑍀 𑌦𑍁𑌃𑌖𑌂 𑌨 𑌹𑌿 𑌵𑌿𑌜𑌾𑌨𑌾𑌤𑌿 𑌮𑍈𑌥𑌿𑌲𑍀 ॥ 1𑍮 ॥

𑌹𑌾 𑌹𑌂𑌤𑌾𑌽𑌸𑍍𑌮𑌿 𑌨𑍃𑌶𑌂𑌸𑍋𑌽𑌹𑌂 𑌯𑌤𑍍𑌸𑌭𑌾𑌰𑍍𑌯𑌃 𑌕𑍃𑌤𑍇 𑌮𑌮 ।
𑌈𑌦𑍃𑌶𑍀𑌂 𑌰𑌾𑌘𑌵𑌶𑍍𑌶𑌯𑍍𑌯𑌾𑌮𑌧𑌿𑌶𑍇𑌤𑍇 𑌹𑍍𑌯𑌨𑌾𑌥𑌵𑌤𑍍 ॥ 1𑍯 ॥

𑌸𑌾𑌰𑍍𑌵𑌭𑍌𑌮𑌕𑍁𑌲𑍇 𑌜𑌾𑌤 𑌸𑍍𑌸𑌰𑍍𑌵𑌲𑍋𑌕𑌸𑍍𑌯 𑌸𑌮𑍍𑌮𑌤𑌃 ।
𑌸𑌰𑍍𑌵𑌲𑍋𑌕𑌪𑍍𑌰𑌿𑌯𑌸𑍍𑌤𑍍𑌯𑌕𑍍𑌤𑍍𑌵𑌾 𑌰𑌾𑌜𑍍𑌯𑌂 𑌸𑍁𑌖𑌮𑌨𑍁𑌤𑍍𑌤𑌮𑍍 ॥ 20 ॥

𑌕𑌥𑌮𑌿𑌂𑌦𑍀𑌵𑌰𑌶𑍍𑌯𑌾𑌮𑍋 𑌰𑌕𑍍𑌤𑌾𑌕𑍍𑌷𑌃 𑌪𑍍𑌰𑌿𑌯𑌦𑌰𑍍𑌶𑌨𑌃 ।
𑌸𑍁𑌖𑌭𑌾𑌗𑍀 𑌨 𑌦𑍁𑌃𑌖𑌾𑌰𑍍𑌹 𑌶𑍍𑌶𑌯𑌿𑌤𑍋 𑌭𑍁𑌵𑌿 𑌰𑌾𑌘𑌵𑌃 ॥ 21 ॥

𑌧𑌨𑍍𑌯𑌃 𑌖𑌲𑍁 𑌮𑌹𑌾𑌭𑌾𑌗𑍋 𑌲𑌕𑍍𑌷𑍍𑌮𑌣 𑌶𑍍𑌶𑍁𑌭𑌲𑌕𑍍𑌷𑌣𑌃 ।
𑌭𑍍𑌰𑌾𑌤𑌰𑌂 𑌵𑌿𑌷𑌮𑍇 𑌕𑌾𑌲𑍇 𑌯𑍋 𑌰𑌾𑌮𑌮𑌨𑍁𑌵𑌰𑍍𑌤𑌤𑍇 ॥ 22 ॥

𑌸𑌿𑌦𑍍𑌧𑌾𑌰𑍍𑌥𑌾 𑌖𑌲𑍁 𑌵𑍈𑌦𑍇𑌹𑍀 𑌪𑌤𑌿𑌂 𑌯𑌾𑌽𑌨𑍁𑌗𑌤𑌾 𑌵𑌨𑌮𑍍 ।
𑌵𑌯𑌂 𑌸𑌂𑌶𑌯𑌿𑌤𑌾 𑌸𑍍𑌸𑌰𑍍𑌵𑍇 𑌹𑍀𑌨𑌾𑌸𑍍𑌤𑍇𑌨 𑌮𑌹𑌾𑌤𑍍𑌮𑌨𑌾 ॥ 23 ॥

𑌆𑌕𑌰𑍍𑌣𑌧𑌾𑌰𑌾 𑌪𑍃𑌥𑌿𑌵𑍀 𑌨𑍌𑌃 𑌇𑌵 𑌪𑍍𑌰𑌤𑌿𑌭𑌾𑌤𑌿 𑌮𑌾 ।
𑌗𑌤𑍇 𑌦𑌶𑌰𑌥𑍇 𑌸𑍍𑌵𑌰𑍍𑌗𑌂 𑌰𑌾𑌮𑍇 𑌚𑌾𑌰𑌣𑍍𑌯𑌮𑌾𑌶𑍍𑌰𑌿𑌤𑍇 ॥ 24 ॥

𑌨 𑌚 𑌪𑍍𑌰𑌾𑌰𑍍𑌥𑌯𑌤𑍇 𑌕𑌚𑍍𑌚𑌿𑌨𑍍𑌮𑌨𑌸𑌾𑌪𑌿 𑌵𑌸𑍁𑌂𑌧𑌰𑌾𑌮𑍍 ।
𑌵𑌨𑍇𑌽𑌪𑌿 𑌵𑌸𑌤𑌸𑍍𑌤𑌸𑍍𑌯 𑌬𑌾𑌹𑍁𑌵𑍀𑌰𑍍𑌯𑌾𑌭𑌿𑌰𑌕𑍍𑌷𑌿𑌤𑌾𑌮𑍍 ॥ 25 ॥

𑌶𑍂𑌨𑍍𑌯𑌸𑌂𑌵𑌰𑌣𑌾𑌰𑌕𑍍𑌷𑌾𑌮𑌯𑌂𑌤𑍍𑌰𑌿𑌤𑌹𑌯𑌦𑍍𑌵𑌿𑌪𑌾𑌮𑍍 ।
𑌅𑌪𑌾𑌵𑍃𑌤𑌪𑍁𑌰𑌦𑍍𑌵𑌾𑌰𑌾𑌂 𑌰𑌾𑌜𑌧𑌾𑌨𑍀𑌮𑌰𑌕𑍍𑌷𑌿𑌤𑌾𑌮𑍍 ॥ 26 ॥

𑌅𑌪𑍍𑌰𑌹𑍃𑌷𑍍𑌟𑌬𑌲𑌾𑌂 𑌶𑍂𑌨𑍍𑌯𑌾𑌂 𑌵𑌿𑌷𑌮𑌸𑍍𑌥𑌾𑌮𑌨𑌾𑌵𑍃𑌤𑌾𑌮𑍍 ।
𑌶𑌤𑍍𑌰𑌵𑍋 𑌨𑌾𑌭𑌿𑌮𑌨𑍍𑌯𑌂𑌤𑍇 𑌭𑌕𑍍𑌷𑌾𑌨𑍍𑌵𑌿𑌷𑌕𑍃𑌤𑌾𑌨𑌿𑌵 ॥ 2𑍭 ॥

𑌅𑌦𑍍𑌯𑌪𑍍𑌰𑌭𑍃𑌤𑌿 𑌭𑍂𑌮𑍌 𑌤𑍁 𑌶𑌯𑌿𑌷𑍍𑌯𑍇𑌽𑌹𑌂 𑌤𑍃𑌣𑍇𑌷𑍁 𑌵𑌾 ।
𑌫𑌲𑌮𑍂𑌲𑌾𑌶𑌨𑍋 𑌨𑌿𑌤𑍍𑌯𑌂 𑌜𑌟𑌾𑌚𑍀𑌰𑌾𑌣𑌿 𑌧𑌾𑌰𑌯𑌨𑍍 ॥ 2𑍮 ॥

𑌤𑌸𑍍𑌯𑌾𑌰𑍍𑌥𑌮𑍁𑌤𑍍𑌤𑌰𑌂 𑌕𑌾𑌲𑌂 𑌨𑌿𑌵𑌤𑍍𑌸𑍍𑌯𑌾𑌮𑌿 𑌸𑍁𑌖𑌂 𑌵𑌨𑍇 ।
𑌤𑌂 𑌪𑍍𑌰𑌤𑌿𑌶𑍍𑌰𑌵𑌮𑌾𑌮𑍁𑌚𑍍𑌯 𑌨𑌾𑌸𑍍𑌯 𑌮𑌿𑌥𑍍𑌯𑌾 𑌭𑌵𑌿𑌷𑍍𑌯𑌤𑌿 ॥ 2𑍯 ॥

𑌵𑌸𑌂𑌤𑌂 𑌭𑍍𑌰𑌾𑌤𑍁𑌰𑌰𑍍𑌥𑌾𑌯 𑌶𑌤𑍍𑌰𑍁𑌘𑍍𑌨𑍋 𑌮𑌾𑌽𑌨𑍁𑌵𑌤𑍍𑌸𑍍𑌯𑌤𑌿 ।
𑌲𑌕𑍍𑌷𑍍𑌮𑌣𑍇𑌨 𑌸𑌹𑌤𑍍𑌵𑌾𑌰𑍍𑌯𑍋 𑌹𑍍𑌯𑌯𑍋𑌧𑍍𑌯𑌾𑌂 𑌪𑌾𑌲𑌯𑌿𑌷𑍍𑌯𑌤𑌿 ॥ 30 ॥

𑌅𑌭𑌿𑌷𑍇𑌕𑍍𑌷𑍍𑌯𑌂𑌤𑌿 𑌕𑌾𑌕𑍁𑌤𑍍𑌸𑍍𑌥𑌮𑌯𑍋𑌧𑍍𑌯𑌾𑌯𑌾𑌂 𑌦𑍍𑌵𑌿𑌜𑌾𑌤𑌯𑌃 ।
𑌅𑌪𑌿 𑌮𑍇 𑌦𑍇𑌵𑌤𑌾𑌃 𑌕𑍁𑌰𑍍𑌯𑍁𑌰𑌿𑌮𑌂 𑌸𑌤𑍍𑌯𑌂 𑌮𑌨𑍋𑌰𑌥𑌮𑍍 ॥ 31 ॥

𑌪𑍍𑌰𑌸𑌾𑌦𑍍𑌯𑌮𑌾𑌨 𑌶𑍍𑌶𑌿𑌰𑌸𑌾 𑌮𑌯𑌾 𑌸𑍍𑌵𑌯𑌂 𑌬𑌹𑍁𑌪𑍍𑌰𑌕𑌾𑌰𑌂 𑌯𑌦𑌿 𑌨𑌾𑌭𑌿𑌪𑌤𑍍𑌸𑍍𑌯𑌤𑍇 ।
𑌤𑌤𑍋𑌽𑌨𑍁𑌵𑌤𑍍𑌸𑍍𑌯𑌾𑌮𑌿 𑌚𑌿𑌰𑌾𑌯 𑌰𑌾𑌘𑌵𑌂 𑌵𑌨𑍇𑌚𑌰𑌨𑍍𑌨𑌾𑌰𑍍𑌹𑌤𑌿 𑌮𑌾𑌮𑍁𑌪𑍇𑌕𑍍𑌷𑌿𑌤𑍁𑌮𑍍 ॥ 32 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌅𑌷𑍍𑌟𑌾𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: