Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

1.5 𑌬𑌾𑌲𑌕𑌾𑌂𑌡 - 𑌪𑌂𑌚𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌮𑌸𑍍𑌸𑌰𑍍𑌗𑌃 ।

. 𑌸𑌰𑍍𑌵𑌾 𑌪𑍂𑌰𑍍𑌵𑌮𑌿𑌯𑌂 𑌯𑍇𑌷𑌾𑌮𑌾𑌸𑍀𑌤𑍍𑌕𑍃𑌤𑍍𑌸𑍍𑌨𑌾 𑌵𑌸𑍁𑌂𑌧𑌰𑌾 ।
𑌪𑍍𑌰𑌜𑌾𑌪𑌤𑌿𑌮𑍁𑌪𑌾𑌦𑌾𑌯 𑌨𑍃𑌪𑌾𑌣𑌾𑌂 𑌜𑌯𑌶𑌾𑌲𑌿𑌨𑌾𑌮𑍍 ॥ 1 ॥

𑌯𑍇𑌷𑌾𑌂 𑌸 𑌸𑌗𑌰𑍋 𑌨𑌾𑌮 𑌸𑌾𑌗𑌰𑍋 𑌯𑍇𑌨 𑌖𑌾𑌨𑌿𑌤𑌃 ।
𑌷𑌷𑍍𑌟𑌿𑌃 𑌪𑍁𑌤𑍍𑌰𑌸𑌹𑌸𑍍𑌰𑌾𑌣𑌿 𑌯𑌂 𑌯𑌾𑌂𑌤𑌂 𑌪𑌰𑍍𑌯𑌵𑌾𑌰𑌯𑌨𑍍 ॥ 2 ॥

𑌇𑌕𑍍𑌷𑍍𑌵𑌾𑌕𑍂𑌣𑌾𑌮𑌿𑌦𑌂 𑌤𑍇𑌷𑌾𑌂 𑌰𑌾𑌜𑍍𑌞𑌾𑌂 𑌵𑌂𑌶𑍇 𑌮𑌹𑌾𑌤𑍍𑌮𑌨𑌾𑌮𑍍 ।
𑌮𑌹𑌦𑍁𑌤𑍍𑌪𑌨𑍍𑌨𑌮𑌾𑌖𑍍𑌯𑌾𑌨𑌂 𑌰𑌾𑌮𑌾𑌯𑌣𑌮𑌿𑌤𑌿 𑌶𑍍𑌰𑍁𑌤𑌮𑍍 ॥ 3 ॥

𑌤𑌦𑌿𑌦𑌂 𑌵𑌰𑍍𑌤𑌯𑌿𑌷𑍍𑌯𑌾𑌮𑌿 𑌸𑌰𑍍𑌵𑌂 𑌨𑌿𑌖𑌿𑌲𑌮𑌾𑌦𑌿𑌤𑌃 ।
𑌧𑌰𑍍𑌮𑌕𑌾𑌮𑌾𑌰𑍍𑌥𑌸𑌹𑌿𑌤𑌂 𑌶𑍍𑌰𑍋𑌤𑌵𑍍𑌯𑌮𑌨𑌸𑍂𑌯𑌯𑌾 ॥ 4 ॥

𑌕𑍋𑌸𑌲𑍋 𑌨𑌾𑌮 𑌮𑍁𑌦𑌿𑌤𑌸𑍍𑌸𑍍𑌫𑍀𑌤𑍋 𑌜𑌨𑌪𑌦𑍋 𑌮𑌹𑌾𑌨𑍍 ।
𑌨𑌿𑌵𑌿𑌷𑍍𑌟𑌸𑍍𑌸𑌰𑌯𑍂𑌤𑍀𑌰𑍇 𑌪𑍍𑌰𑌭𑍂𑌤𑌧𑌨𑌧𑌾𑌨𑍍𑌯𑌵𑌾𑌨𑍍 ॥ 5 ॥

𑌅𑌯𑍋𑌧𑍍𑌯𑌾 𑌨𑌾𑌮 𑌨𑌗𑌰𑍀 𑌤𑌤𑍍𑌰𑌾𑌸𑍀𑌲𑍍𑌲𑍋𑌕𑌵𑌿𑌶𑍍𑌰𑍁𑌤𑌾 ।
𑌮𑌨𑍁𑌨𑌾 𑌮𑌾𑌨𑌵𑍇𑌂𑌦𑍍𑌰𑍇𑌣 𑌯𑌾 𑌪𑍁𑌰𑍀 𑌨𑌿𑌰𑍍𑌮𑌿𑌤𑌾 𑌸𑍍𑌵𑌯𑌮𑍍 ॥ 6 ॥

𑌆𑌯𑌤𑌾 𑌦𑌶 𑌚 𑌦𑍍𑌵𑍇 𑌚 𑌯𑍋𑌜𑌨𑌾𑌨𑌿 𑌮𑌹𑌾𑌪𑍁𑌰𑍀 ।
𑌶𑍍𑌰𑍀𑌮𑌤𑍀 𑌤𑍍𑌰𑍀𑌣𑌿 𑌵𑌿𑌸𑍍𑌤𑍀𑌰𑍍𑌣𑌾 𑌸𑍁𑌵𑌿𑌭𑌕𑍍𑌤𑌮𑌹𑌾𑌪𑌥𑌾 ॥ 𑍭 ॥

𑌰𑌾𑌜𑌮𑌾𑌰𑍍𑌗𑍇𑌣 𑌮𑌹𑌤𑌾 𑌸𑍁𑌵𑌿𑌭𑌕𑍍𑌤𑍇𑌨 𑌶𑍋𑌭𑌿𑌤𑌾 ।
𑌮𑍁𑌕𑍍𑌤𑌪𑍁𑌷𑍍𑌪𑌾𑌵𑌕𑍀𑌰𑍍𑌣𑍇𑌨 𑌜𑌲𑌸𑌿𑌕𑍍𑌤𑍇𑌨 𑌨𑌿𑌤𑍍𑌯𑌶𑌃 ॥ 𑍮 ॥

𑌤𑌾𑌂 𑌤𑍁 𑌰𑌾𑌜𑌾 𑌦𑌶𑌰𑌥𑍋 𑌮𑌹𑌾𑌰𑌾𑌷𑍍𑌟𑍍𑌰𑌵𑌿𑌵𑌰𑍍𑌧𑌨𑌃 ।
𑌪𑍁𑌰𑍀𑌮𑌾𑌵𑌾𑌸𑌯𑌾𑌮𑌾𑌸 𑌦𑌿𑌵𑌂 𑌦𑍇𑌵𑌪𑌤𑌿𑌰𑍍𑌯𑌥𑌾 ॥ 𑍯 ॥

𑌕𑌵𑌾𑌟𑌤𑍋𑌰𑌣𑌵𑌤𑍀𑌂 𑌸𑍁𑌵𑌿𑌭𑌕𑍍𑌤𑌾𑌂𑌤𑌰𑌾𑌪𑌣𑌾𑌮𑍍 ।
𑌸𑌰𑍍𑌵𑌯𑌂𑌤𑍍𑌰𑌾𑌯𑍁𑌧𑌵𑌤𑍀𑌮𑍁𑌪𑍇𑌤𑌾𑌂 𑌸𑌰𑍍𑌵𑌶𑌿𑌲𑍍𑌪𑌿𑌭𑌿𑌃 ॥ 10 ॥

𑌸𑍂𑌤𑌮𑌾𑌗𑌧𑌸𑌂𑌬𑌾𑌧𑌾𑌂 𑌶𑍍𑌰𑍀𑌮𑌤𑍀𑌮𑌤𑍁𑌲𑌪𑍍𑌰𑌭𑌾𑌮𑍍 ।
𑌉𑌚𑍍𑌚𑌾𑌟𑍍𑌟𑌾𑌲𑌧𑍍𑌵𑌜𑌵𑌤𑍀𑌂 𑌶𑌤𑌘𑍍𑌨𑍀𑌶𑌤𑌸𑌂𑌕𑍁𑌲𑌾𑌮𑍍 ॥ 11 ॥

𑌵𑌧𑍂𑌨𑌾𑌟𑌕𑌸𑌂𑌘𑍈𑌶𑍍𑌚 𑌸𑌂𑌯𑍁𑌕𑍍𑌤𑌾𑌂 𑌸𑌰𑍍𑌵𑌤𑌃 𑌪𑍁𑌰𑍀𑌮𑍍 ।
𑌉𑌦𑍍𑌯𑌾𑌨𑌾𑌮𑍍𑌰𑌵𑌣𑍋𑌪𑍇𑌤𑌾𑌂 𑌮𑌹𑌤𑍀𑌂 𑌸𑌾𑌲𑌮𑍇𑌖𑌲𑌾𑌮𑍍 ॥ 12 ॥

𑌦𑍁𑌰𑍍𑌗𑌗𑌂𑌭𑍀𑌰𑌪𑌰𑌿𑌘𑌾𑌂 𑌦𑍁𑌰𑍍𑌗𑌾𑌮𑌨𑍍𑌯𑍈𑌰𑍍𑌦𑍁𑌰𑌾𑌸𑌦𑌾𑌮𑍍 ।
𑌵𑌾𑌜𑌿𑌵𑌾𑌰𑌣𑌸𑌂𑌪𑍂𑌰𑍍𑌣𑌾𑌂 𑌗𑍋𑌭𑌿𑌰𑍁𑌷𑍍𑌟𑍍𑌰𑍈𑌃 𑌖𑌰𑍈𑌸𑍍𑌤𑌥𑌾 ॥ 13 ॥

𑌸𑌾𑌮𑌂𑌤𑌰𑌾𑌜𑌸𑌂𑌘𑍈𑌶𑍍𑌚 𑌬𑌲𑌿𑌕𑌰𑍍𑌮𑌭𑌿𑌰𑌾𑌵𑍃𑌤𑌾𑌮𑍍 ।
𑌨𑌾𑌨𑌾𑌦𑍇𑌶𑌨𑌿𑌵𑌾𑌸𑍈𑌶𑍍𑌚 𑌵𑌣𑌿𑌗𑍍𑌭𑌿𑌰𑍁𑌪𑌶𑍋𑌭𑌿𑌤𑌾𑌮𑍍 ॥ 14 ॥

𑌪𑍍𑌰𑌾𑌸𑌾𑌦𑍈 𑌰𑌤𑍍𑌨𑌵𑌿𑌕𑍃𑌤𑍈𑌃 𑌪𑌰𑍍𑌵𑌤𑍈𑌰𑍁𑌪𑌶𑍋𑌭𑌿𑌤𑌾𑌮𑍍 ।
𑌕𑍂𑌟𑌾𑌗𑌾𑌰𑍈𑌶𑍍𑌚 𑌸𑌂𑌪𑍂𑌰𑍍𑌣𑌾𑌮𑌿𑌂𑌦𑍍𑌰𑌸𑍍𑌯𑍇𑌵𑌾𑌮𑌰𑌾𑌵𑌤𑍀𑌮𑍍 ॥ 15 ॥

𑌚𑌿𑌤𑍍𑌰𑌾𑌮𑌷𑍍𑌟𑌾𑌪𑌦𑌾𑌕𑌾𑌰𑌾𑌂 𑌨𑌰𑌨𑌾𑌰𑍀𑌗𑌣𑍈𑌰𑍍𑌯𑍁𑌤𑌾𑌮𑍍 ।
𑌸𑌰𑍍𑌵𑌰𑌤𑍍𑌨𑌸𑌮𑌾𑌕𑍀𑌰𑍍𑌣𑌾𑌂 𑌵𑌿𑌮𑌾𑌨𑌗𑍃𑌹𑌶𑍋𑌭𑌿𑌤𑌾𑌮𑍍 ॥ 16 ॥

𑌗𑍃𑌹𑌗𑌾𑌢𑌾𑌮𑌵𑌿𑌚𑍍𑌛𑌿𑌦𑍍𑌰𑌾𑌂 𑌸𑌮𑌭𑍂𑌮𑍌 𑌨𑌿𑌵𑍇𑌶𑌿𑌤𑌾𑌮𑍍 ।
𑌶𑌾𑌲𑌿𑌤𑌂𑌡𑍁𑌲𑌸𑌂𑌪𑍂𑌰𑍍𑌣𑌾𑌮𑌿𑌕𑍍𑌷𑍁𑌕𑌾𑌂𑌡𑌰𑌸𑍋𑌦𑌕𑌾𑌮𑍍 ॥ 1𑍭 ॥

𑌦𑍁𑌂𑌦𑍁𑌭𑍀𑌭𑌿𑌰𑍍𑌮𑍃𑌦𑌂𑌗𑍈𑌶𑍍𑌚 𑌵𑍀𑌣𑌾𑌭𑌿𑌃 𑌪𑌣𑌵𑍈𑌸𑍍𑌤𑌥𑌾 ।
𑌨𑌾𑌦𑌿𑌤𑌾𑌂 𑌭𑍃𑌶𑌮𑌤𑍍𑌯𑌰𑍍𑌥𑌂 𑌪𑍃𑌥𑌿𑌵𑍍𑌯𑌾𑌂 𑌤𑌾𑌮𑌨𑍁𑌤𑍍𑌤𑌮𑌾𑌮𑍍 ॥ 1𑍮 ॥

𑌵𑌿𑌮𑌾𑌨𑌮𑌿𑌵 𑌸𑌿𑌦𑍍𑌧𑌾𑌨𑌾𑌂 𑌤𑌪𑌸𑌾𑌧𑌿𑌗𑌤𑌂 𑌦𑌿𑌵𑌿 ।
𑌸𑍁𑌨𑌿𑌵𑍇𑌶𑌿𑌤𑌵𑍇𑌶𑍍𑌮𑌾𑌂𑌤𑌾𑌂 𑌨𑌰𑍋𑌤𑍍𑌤𑌮𑌸𑌮𑌾𑌵𑍃𑌤𑌾𑌮𑍍 ॥ 1𑍯 ॥

𑌯𑍇 𑌚 𑌬𑌾𑌣𑍈𑌰𑍍𑌨 𑌵𑌿𑌧𑍍𑌯𑌂𑌤𑌿 𑌵𑌿𑌵𑌿𑌕𑍍𑌤𑌮𑌪𑌰𑌾𑌪𑌰𑌮𑍍 ।
𑌶𑌬𑍍𑌦𑌵𑍇𑌧𑍍𑌯𑌂 𑌚 𑌵𑌿𑌤𑌤𑌂 𑌲𑌘𑍁𑌹𑌸𑍍𑌤𑌾 𑌵𑌿𑌶𑌾𑌰𑌦𑌾𑌃 ॥ 20 ॥

𑌸𑌿𑌂𑌹𑌵𑍍𑌯𑌾𑌘𑍍𑌰𑌵𑌰𑌾𑌹𑌾𑌣𑌾𑌂 𑌮𑌤𑍍𑌤𑌾𑌨𑌾𑌂 𑌨𑌰𑍍𑌦𑌤𑌾𑌂 𑌵𑌨𑍇 ।
𑌹𑌂𑌤𑌾𑌰𑍋 𑌨𑌿𑌶𑌿𑌤𑍈𑌶𑍍𑌶𑌸𑍍𑌤𑍍𑌰𑍈𑌰𑍍𑌬𑌲𑌾𑌦𑍍𑌬𑌾𑌹𑍁𑌬𑌲𑍈𑌰𑌪𑌿 ॥ 21 ॥

𑌤𑌾𑌦𑍃𑌶𑌾𑌨𑌾𑌂 𑌸𑌹𑌸𑍍𑌰𑍈𑌸𑍍𑌤𑌾𑌮𑌭𑌿𑌪𑍂𑌰𑍍𑌣𑌾𑌂 𑌮𑌹𑌾𑌰𑌥𑍈𑌃 ।
𑌪𑍁𑌰𑍀𑌮𑌾𑌵𑌾𑌸𑌯𑌾𑌮𑌾𑌸 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑌾 ॥ 22 ॥

𑌯𑍇 𑌚 𑌬𑌾𑌣𑍈𑌰𑍍𑌨 𑌵𑌿𑌧𑍍𑌯𑌂𑌤𑌿 𑌵𑌿𑌵𑌿𑌕𑍍𑌤𑌮𑌪𑌰𑌾𑌪𑌰𑌮𑍍 ।
𑌶𑌬𑍍𑌦𑌵𑍇𑌧𑍍𑌯𑌂 𑌚 𑌵𑌿𑌤𑌤𑌂 𑌲𑌘𑍁𑌹𑌸𑍍𑌤𑌾 𑌵𑌿𑌶𑌾𑌰𑌦𑌾𑌃 ॥ 23 ॥

𑌸𑌿𑌂𑌹𑌵𑍍𑌯𑌾𑌘𑍍𑌰𑌵𑌰𑌾𑌹𑌾𑌣𑌾𑌂 𑌮𑌤𑍍𑌤𑌾𑌨𑌾𑌂 𑌨𑌰𑍍𑌦𑌤𑌾𑌂 𑌵𑌨𑍇 ।
𑌹𑌂𑌤𑌾𑌰𑍋 𑌨𑌿𑌶𑌿𑌤𑍈𑌶𑍍𑌶𑌸𑍍𑌤𑍍𑌰𑍈𑌰𑍍𑌬𑌲𑌾𑌦𑍍𑌬𑌾𑌹𑍁𑌬𑌲𑍈𑌰𑌪𑌿 ॥ 24 ॥

𑌤𑌾𑌦𑍃𑌶𑌾𑌨𑌾𑌂 𑌸𑌹𑌸𑍍𑌰𑍈𑌸𑍍𑌤𑌾𑌮𑌭𑌿𑌪𑍂𑌰𑍍𑌣𑌾𑌂 𑌮𑌹𑌾𑌰𑌥𑍈𑌃 ।
𑌪𑍁𑌰𑍀𑌮𑌾𑌵𑌾𑌸𑌯𑌾𑌮𑌾𑌸 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑌾 ॥ 25 ॥

𑌤𑌾𑌮𑌗𑍍𑌨𑌿𑌮𑌦𑍍𑌭𑌿𑌰𑍍𑌗𑍁𑌣𑌵𑌦𑍍𑌭𑌿𑌰𑌾𑌵𑍃𑌤𑌾𑌂 𑌦𑍍𑌵𑌿𑌜𑍋𑌤𑍍𑌤𑌮𑍈𑌰𑍍𑌵𑍇𑌦𑌷𑌡𑌂𑌗𑌪𑌾𑌰𑌗𑍈𑌃 ।
𑌸𑌹𑌸𑍍𑌰𑌦𑍈𑌸𑍍𑌸𑌤𑍍𑌯𑌰𑌤𑍈𑌰𑍍𑌮𑌹𑌾𑌤𑍍𑌮𑌭𑌿 𑌰𑍍𑌮𑌹𑌰𑍍𑌷𑌿𑌕𑌲𑍍𑌪𑍈 𑌋𑌷𑌿𑌭𑌿𑌶𑍍𑌚 𑌕𑍇𑌵𑌲𑍈𑌃 ॥ 26 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌪𑌂𑌚𑌮𑌸𑍍𑌸𑌰𑍍𑌗𑌃 ॥


Browse Related Categories: