Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.30 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌸𑌾𑌂𑌤𑍍𑌵𑍍𑌯𑌮𑌾𑌨𑌾 𑌤𑍁 𑌰𑌾𑌮𑍇𑌣 𑌮𑍈𑌥𑌿𑌲𑍀 𑌜𑌨𑌕𑌾𑌤𑍍𑌮𑌜𑌾 ।
𑌵𑌨𑌵𑌾𑌸𑌨𑌿𑌮𑌿𑌤𑍍𑌤𑌾𑌯 𑌭𑌰𑍍𑌤𑌾𑌰𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 1 ॥

𑌸𑌾 𑌤𑌮𑍁𑌤𑍍𑌤𑌮𑌸𑌂𑌵𑌿𑌗𑍍𑌨𑌾 𑌸𑍀𑌤𑌾 𑌵𑌿𑌪𑍁𑌲𑌵𑌕𑍍𑌷𑌸𑌮𑍍 ।
𑌪𑍍𑌰𑌣𑌯𑌾𑌚𑍍𑌚𑌾𑌭𑌿𑌮𑌾𑌨𑌾𑌚𑍍𑌚 𑌪𑌰𑌿𑌚𑌿𑌕𑍍𑌷𑍇𑌪 𑌰𑌾𑌘𑌵𑌮𑍍 ॥ 2 ॥

𑌕𑌿𑌂 𑌤𑍍𑌵𑌾𑌽𑌮𑌨𑍍𑌯𑌤 𑌵𑍈𑌦𑍇𑌹𑌃 𑌪𑌿𑌤𑌾 𑌮𑍇 𑌮𑌿𑌥𑌿𑌲𑌾𑌧𑌿𑌪𑌃 ।
𑌰𑌾𑌮 𑌜𑌾𑌮𑌾𑌤𑌰𑌂 𑌪𑍍𑌰𑌾𑌪𑍍𑌯 𑌸𑍍𑌤𑍍𑌰𑌿𑌯𑌂 𑌪𑍁𑌰𑍁𑌷𑌵𑌿𑌗𑍍𑌰𑌹𑌮𑍍 ॥ 3 ॥

𑌅𑌨𑍃𑌤𑌂 𑌬𑌤 𑌲𑍋𑌕𑍋𑌽𑌯𑌮𑌜𑍍𑌞𑌾𑌨𑌾𑌦𑍍𑌯𑌦𑌿 𑌵𑌕𑍍𑌷𑍍𑌯𑌤𑌿 ।
𑌤𑍇𑌜𑍋 𑌨𑌾𑌸𑍍𑌤𑌿 𑌪𑌰𑌂 𑌰𑌾𑌮𑍇 𑌤𑌪𑌤𑍀𑌵 𑌦𑌿𑌵𑌾𑌕𑌰𑍇 ॥ 4 ॥

𑌕𑌿𑌂 𑌹𑌿 𑌕𑍃𑌤𑍍𑌵𑌾 𑌵𑌿𑌷𑌣𑍍𑌣𑌸𑍍𑌤𑍍𑌵𑌂 𑌕𑍁𑌤𑍋 𑌵𑌾 𑌭𑌯𑌮𑌸𑍍𑌤𑌿 𑌤𑍇 ।
𑌯𑌤𑍍𑌪𑌰𑌿𑌤𑍍𑌯𑌕𑍍𑌤𑍁𑌕𑌾𑌮𑌸𑍍𑌤𑍍𑌵𑌂 𑌮𑌾𑌮𑌨𑌨𑍍𑌯𑌪𑌰𑌾𑌯𑌣𑌾𑌮𑍍 ॥ 5 ॥

𑌦𑍍𑌯𑍁𑌮𑌤𑍍𑌸𑍇𑌨𑌸𑍁𑌤𑌂 𑌵𑍀𑌰 𑌸𑌤𑍍𑌯𑌵𑌂𑌤𑌮𑌨𑍁𑌵𑍍𑌰𑌤𑌾𑌮𑍍 ।
𑌸𑌾𑌵𑌿𑌤𑍍𑌰𑍀𑌮𑌿𑌵 𑌮𑌾𑌂 𑌵𑌿𑌦𑍍𑌧𑌿 𑌤𑍍𑌵𑌮𑌾𑌤𑍍𑌮𑌵𑌶𑌵𑌰𑍍𑌤𑌿𑌨𑍀𑌮𑍍 ॥ 6 ॥

𑌨 𑌤𑍍𑌵𑌹𑌂 𑌮𑌨𑌸𑌾𑌽𑌪𑍍𑌯𑌨𑍍𑌯𑌂 𑌦𑍍𑌰𑌷𑍍𑌟𑌾𑌽𑌸𑍍𑌮𑌿 𑌤𑍍𑌵𑌦𑍃𑌤𑍇𑌽𑌨𑌘 ।
𑌤𑍍𑌵𑌯𑌾 𑌰𑌾𑌘𑌵 𑌗𑌚𑍍𑌛𑍇𑌯𑌂 𑌯𑌥𑌾𑌽𑌨𑍍𑌯𑌾 𑌕𑍁𑌲𑌪𑌾𑌂𑌸𑌿𑌨𑍀 ॥ 𑍭 ॥

𑌸𑍍𑌵𑌯𑌂 𑌤𑍁 𑌭𑌾𑌰𑍍𑌯𑌾𑌂 𑌕𑍌𑌮𑌾𑌰𑍀𑌂 𑌚𑌿𑌰𑌮𑌧𑍍𑌯𑍁𑌷𑌿𑌤𑌾𑌂 𑌸𑌤𑍀𑌮𑍍 ।
𑌶𑍈𑌲𑍂𑌷 𑌇𑌵 𑌮𑌾𑌂 𑌰𑌾𑌮 𑌪𑌰𑍇𑌭𑍍𑌯𑍋 𑌦𑌾𑌤𑍁𑌮𑌿𑌚𑍍𑌛𑌸𑌿 ॥ 𑍮 ॥

𑌯𑌸𑍍𑌯 𑌪𑌥𑍍𑌯𑌂 𑌚 𑌰𑌾𑌮𑌾𑌽𑌤𑍍𑌥 𑌯𑌸𑍍𑌯 𑌚𑌾𑌰𑍍𑌥𑍇𑌽𑌵𑌰𑍁𑌧𑍍𑌯𑌸𑍇 ।
𑌤𑍍𑌵𑌂 𑌤𑌸𑍍𑌯 𑌭𑌵 𑌵𑌶𑍍𑌯𑌶𑍍𑌚 𑌵𑌿𑌧𑍇𑌯𑌶𑍍𑌚 𑌸𑌦𑌾𑌽𑌨𑌘 ॥ 𑍯 ॥

𑌸 𑌮𑌾𑌮𑌨𑌾𑌦𑌾𑌯 𑌵𑌨𑌂 𑌨 𑌤𑍍𑌵𑌂 𑌪𑍍𑌰𑌸𑍍𑌥𑌾𑌤𑍁𑌮𑌰𑍍𑌹𑌸𑌿 ।
𑌤𑌪𑍋 𑌵𑌾 𑌯𑌦𑌿 𑌵𑌾𑌽𑌰𑌣𑍍𑌯𑌂 𑌸𑍍𑌵𑌰𑍍𑌗𑍋 𑌵𑌾 𑌸𑍍𑌯𑌾𑌤𑍍𑌸𑌹 𑌮𑍇 𑌤𑍍𑌵𑌯𑌾 ॥ 10 ॥

𑌨 𑌚 𑌮𑍇 𑌭𑌵𑌿𑌤𑌾 𑌤𑌤𑍍𑌰 𑌕𑌶𑍍𑌚𑌿𑌤𑍍𑌪𑌥𑌿 𑌪𑌰𑌿𑌶𑍍𑌰𑌮𑌃 ।
𑌪𑍃𑌷𑍍𑌠𑌤𑌸𑍍𑌤𑌵 𑌗𑌚𑍍𑌛𑌂𑌤𑍍𑌯𑌾 𑌵𑌿𑌹𑌾𑌰𑌶𑌯𑌨𑍇𑌷𑍍𑌵𑌿𑌵 ॥ 11 ॥

𑌕𑍁𑌶𑌕𑌾𑌶𑌶𑌰𑍇𑌷𑍀𑌕𑌾 𑌯𑍇 𑌚 𑌕𑌂𑌟𑌕𑌿𑌨𑍋 𑌦𑍍𑌰𑍁𑌮𑌾𑌃 ।
𑌤𑍂𑌲𑌾𑌜𑌿𑌨𑌸𑌮𑌸𑍍𑌪𑌰𑍍𑌶𑌾 𑌮𑌾𑌰𑍍𑌗𑍇 𑌮𑌮 𑌸𑌹 𑌤𑍍𑌵𑌯𑌾 ॥ 12 ॥

𑌮𑌹𑌾𑌵𑌾𑌤𑌸𑌮𑍁𑌦𑍍𑌧𑍂𑌤𑌂 𑌯𑌨𑍍𑌮𑌾𑌮𑌪𑌕𑌰𑌿𑌷𑍍𑌯𑌤𑌿 ।
𑌰𑌜𑍋 𑌰𑌮𑌣 𑌤𑌨𑍍𑌮𑌨𑍍𑌯𑍇 𑌪𑌰𑌾𑌰𑍍𑌥𑍍𑌯𑌮𑌿𑌵 𑌚𑌂𑌦𑌨𑌮𑍍 ॥ 13 ॥

𑌶𑌾𑌦𑍍𑌵𑌲𑍇𑌷𑍁 𑌯𑌥𑌾 𑌶𑌿𑌶𑍍𑌯𑍇 𑌵𑌨𑌾𑌂𑌤𑍇 𑌵𑌨𑌗𑍋𑌚𑌰 ।
𑌕𑍁𑌥𑌾𑌸𑍍𑌤𑌰𑌣𑌤𑌲𑍍𑌪𑍇𑌷𑍁 𑌕𑌿𑌂 𑌸𑍍𑌯𑌾𑌤𑍍𑌸𑍁𑌖𑌤𑌰𑌂 𑌤𑌤𑌃 ॥ 14 ॥

𑌪𑌤𑍍𑌰𑌂 𑌮𑍂𑌲𑌂 𑌫𑌲𑌂 𑌯𑌤𑍍𑌤𑍍𑌵𑌮𑌲𑍍𑌪𑌂 𑌵𑌾 𑌯𑌦𑌿 𑌵𑌾 𑌬𑌹𑍁 ।
𑌦𑌾𑌸𑍍𑌯𑌸𑌿 𑌸𑍍𑌵𑌯𑌮𑌾𑌹𑍃𑌤𑍍𑌯 𑌤𑌨𑍍𑌮𑍇𑌽𑌮𑍃𑌤𑌰𑌸𑍋𑌪𑌮𑌮𑍍 ॥ 15 ॥

𑌨 𑌮𑌾𑌤𑍁𑌰𑍍𑌨 𑌪𑌿𑌤𑍁𑌸𑍍𑌤𑌤𑍍𑌰 𑌸𑍍𑌮𑌰𑌿𑌷𑍍𑌯𑌾𑌮𑌿 𑌨 𑌵𑍇𑌶𑍍𑌮𑌨𑌃 ।
𑌆𑌰𑍍𑌤𑌵𑌾𑌨𑍍𑌯𑍁𑌪𑌭𑍁𑌂𑌜𑌾𑌨𑌾 𑌪𑍁𑌷𑍍𑌪𑌾𑌣𑌿 𑌚 𑌫𑌲𑌾𑌨𑌿 𑌚 ॥ 16 ॥

𑌨 𑌚 𑌤𑌤𑍍𑌰 𑌤𑌤𑌃 𑌕𑌿𑌂𑌚𑌿𑌦𑍍𑌦𑍍𑌰𑌷𑍍𑌟𑍁𑌮𑌰𑍍𑌹𑌸𑌿 𑌵𑌿𑌪𑍍𑌰𑌿𑌯𑌮𑍍 ।
𑌮𑌤𑍍𑌕𑍃𑌤𑍇 𑌨 𑌚 𑌤𑍇 𑌶𑍋𑌕𑍋 𑌨 𑌭𑌵𑌿𑌷𑍍𑌯𑌾𑌮𑌿 𑌦𑍁𑌰𑍍𑌭𑌰𑌾 ॥ 1𑍭 ॥

𑌯 𑌸𑍍𑌤𑍍𑌵𑌯𑌾 𑌸𑌹 𑌸 𑌸𑍍𑌵𑌰𑍍𑌗𑍋 𑌨𑌿𑌰𑌯𑍋 𑌯𑌸𑍍𑌤𑍍𑌵𑌯𑌾 𑌵𑌿𑌨𑌾 ।
𑌇𑌤𑌿 𑌜𑌾𑌨𑌨𑍍𑌪𑌰𑌾𑌂 𑌪𑍍𑌰𑍀𑌤𑌿𑌂 𑌗𑌚𑍍𑌛 𑌰𑌾𑌮 𑌮𑌯𑌾 𑌸𑌹 ॥ 1𑍮 ॥

𑌅𑌥 𑌮𑌾𑌮𑍇𑌵𑌮𑌵𑍍𑌯𑌗𑍍𑌰𑌾𑌂 𑌵𑌨𑌂 𑌨𑍈𑌵 𑌨𑌯𑌿𑌷𑍍𑌯𑌤𑌿 ।
𑌵𑌿𑌷𑌮𑌦𑍍𑌯𑍈𑌵 𑌪𑌾𑌸𑍍𑌯𑌾𑌮𑌿 𑌮𑌾 𑌵𑌿𑌶𑌂 𑌦𑍍𑌵𑌿𑌷𑌤𑌾𑌂 𑌗𑌮𑌮𑍍 ॥ 1𑍯 ॥

𑌪𑌶𑍍𑌚𑌾𑌦𑌪𑌿 𑌹𑌿 𑌦𑍁𑌃𑌖𑍇𑌨 𑌮𑌮 𑌨𑍈𑌵𑌾𑌸𑍍𑌤𑌿 𑌜𑍀𑌵𑌿𑌤𑌮𑍍 ।
𑌉𑌜𑍍𑌝𑌿𑌤𑌾𑌯𑌾𑌸𑍍𑌤𑍍𑌵𑌯𑌾 𑌨𑌾𑌥 𑌤𑌦𑍈𑌵 𑌮𑌰𑌣𑌂 𑌵𑌰𑌮𑍍 ॥ 20 ॥

𑌇𑌮𑌂 𑌹𑌿 𑌸𑌹𑌿𑌤𑍁𑌂 𑌶𑍋𑌕𑌂 𑌮𑍁𑌹𑍂𑌰𑍍𑌤𑌮𑌪𑌿 𑌨𑍋𑌤𑍍𑌸𑌹𑍇 ।
𑌕𑌿𑌂 𑌪𑍁𑌨𑌰𑍍𑌦𑌶𑌵𑌰𑍍𑌷𑌾𑌣𑌿 𑌤𑍍𑌰𑍀𑌣𑌿 𑌚𑍈𑌕𑌂 𑌚 𑌦𑍁𑌃𑌖𑌿𑌤𑌾 ॥ 21 ॥

𑌇𑌤𑌿 𑌸𑌾 𑌶𑍋𑌕𑌸𑌂𑌤𑌪𑍍𑌤𑌾 𑌵𑌿𑌲𑌪𑍍𑌯 𑌕𑌰𑍁𑌣𑌂 𑌬𑌹𑍁 ।
𑌚𑍁𑌕𑍍𑌰𑍋𑌶 𑌪𑌤𑌿𑌮𑌾𑌯𑌸𑍍𑌤𑌾 𑌭𑍃𑌶𑌮𑌾𑌲𑌿𑌂𑌗𑍍𑌯 𑌸𑌸𑍍𑌵𑌰𑌮𑍍 ॥ 22 ॥

𑌸𑌾 𑌵𑌿𑌦𑍍𑌧𑌾 𑌬𑌹𑍁𑌭𑌿𑌰𑍍𑌵𑌾𑌕𑍍𑌯𑍈𑌰𑍍𑌦𑌿𑌗𑍍𑌧𑍈𑌰𑌿𑌵 𑌗𑌜𑌾𑌂𑌗𑌨𑌾 ।
𑌚𑌿𑌰𑌸𑌨𑍍𑌨𑌿𑌯𑌤𑌂 𑌬𑌾𑌷𑍍𑌪𑌂 𑌮𑍁𑌮𑍋𑌚𑌾𑌗𑍍𑌨𑌿𑌮𑌿𑌵𑌾𑌰𑌣𑌿𑌃 ॥ 23 ॥

𑌤𑌸𑍍𑌯𑌾 𑌸𑍍𑌫𑌟𑌿𑌕𑌸𑌂𑌕𑌾𑌶𑌂 𑌵𑌾𑌰𑌿 𑌸𑌂𑌤𑌾𑌪𑌸𑌂𑌭𑌵𑌮𑍍 ।
𑌨𑍇𑌤𑍍𑌰𑌾𑌭𑍍𑌯𑌾𑌂 𑌪𑌰𑌿𑌸𑍁𑌸𑍍𑌰𑌾𑌵 𑌪𑌂𑌕𑌜𑌾𑌭𑍍𑌯𑌾𑌮𑌿𑌵𑍋𑌦𑌕𑌮𑍍 ॥ 24 ॥

𑌤𑌚𑍍𑌚𑍈𑌵𑌾𑌮𑌲𑌚𑌂𑌦𑍍𑌰𑌾𑌭𑌂 𑌮𑍁𑌖𑌮𑌾𑌯𑌤𑌲𑍋𑌚𑌨𑌮𑍍 ।
𑌪𑌰𑍍𑌯𑌶𑍁𑌷𑍍𑌯𑌤 𑌬𑌾𑌷𑍍𑌪𑍇𑌣 𑌜𑌲𑍋𑌦𑍍𑌧𑍃𑌤𑌮𑌿𑌵𑌾𑌂𑌬𑍁𑌜𑌮𑍍 ॥ 25 ॥

𑌤𑌾𑌂 𑌪𑌰𑌿𑌷𑍍𑌵𑌜𑍍𑌯 𑌬𑌾𑌹𑍁𑌭𑍍𑌯𑌾𑌂 𑌵𑌿𑌸𑌂𑌜𑍍𑌞𑌾𑌮𑌿𑌵 𑌦𑍁𑌃𑌖𑌿𑌤𑌾𑌮𑍍 ।
𑌉𑌵𑌾𑌚 𑌵𑌚𑌨𑌂 𑌰𑌾𑌮𑌃 𑌪𑌰𑌿𑌵𑌿𑌶𑍍𑌵𑌾𑌸𑌯𑌂𑌸𑍍𑌤𑌦𑌾 ॥ 26 ॥

𑌨 𑌦𑍇𑌵𑌿 𑌤𑌵 𑌦𑍁𑌃𑌖𑍇𑌨 𑌸𑍍𑌵𑌰𑍍𑌗𑌮𑌪𑍍𑌯𑌭𑌿𑌰𑍋𑌚𑌯𑍇 ।
𑌨 𑌹𑌿 𑌮𑍇𑌽𑌸𑍍𑌤𑌿 𑌭𑌯𑌂 𑌕𑌿𑌂𑌚𑌿𑌤𑍍𑌸𑍍𑌵𑌯𑌂𑌭𑍋𑌰𑌿𑌵 𑌸𑌰𑍍𑌵𑌤𑌃 ॥ 2𑍭 ॥

𑌤𑌵 𑌸𑌰𑍍𑌵𑌮𑌭𑌿𑌪𑍍𑌰𑌾𑌯𑌮𑌵𑌿𑌜𑍍𑌞𑌾𑌯 𑌶𑍁𑌭𑌾𑌨𑌨𑍇 ।
𑌵𑌾𑌸𑌂 𑌨 𑌰𑍋𑌚𑌯𑍇𑌽𑌰𑌣𑍍𑌯𑍇 𑌶𑌕𑍍𑌤𑌿𑌮𑌾𑌨𑌪𑌿 𑌰𑌕𑍍𑌷𑌣𑍇 ॥ 2𑍮 ॥

𑌯𑌤𑍍𑌸𑍃𑌷𑍍𑌟𑌾𑌽𑌸𑌿 𑌮𑌯𑌾 𑌸𑌾𑌰𑍍𑌧𑌂 𑌵𑌨𑌵𑌾𑌸𑌾𑌯 𑌮𑍈𑌥𑌿𑌲𑌿 ।
𑌨 𑌵𑌿𑌹𑌾𑌤𑍁𑌂 𑌮𑌯𑌾 𑌶𑌕𑍍𑌯𑌾 𑌕𑍀𑌰𑍍𑌤𑌿𑌰𑌾𑌤𑍍𑌮𑌵𑌤𑌾 𑌯𑌥𑌾 ॥ 2𑍯 ॥

𑌧𑌰𑍍𑌮𑌸𑍍𑌤𑍁 𑌗𑌜𑌨𑌾𑌸𑍋𑌰𑍁 𑌸𑌦𑍍𑌭𑌿𑌰𑌾𑌚𑌰𑌿𑌤𑌃 𑌪𑍁𑌰𑌾 ।
𑌤𑌂 𑌚𑌾𑌹𑌮𑌨𑍁𑌵𑌰𑍍𑌤𑍇𑌽𑌦𑍍𑌯 𑌯𑌥𑌾 𑌸𑍂𑌰𑍍𑌯𑌂 𑌸𑍁𑌵𑌰𑍍𑌚𑌲𑌾 ॥ 30 ॥

𑌨 𑌖𑌲𑍍𑌵𑌹𑌂 𑌨 𑌗𑌚𑍍𑌛𑍇𑌯𑌂 𑌵𑌨𑌂 𑌜𑌨𑌕𑌨𑌂𑌦𑌿𑌨𑌿 ।
𑌵𑌚𑌨𑌂 𑌤𑌨𑍍𑌨𑌯𑌤𑌿 𑌮𑌾𑌂 𑌪𑌿𑌤𑍁 𑌸𑍍𑌸𑌤𑍍𑌯𑍋𑌪𑌬𑍃𑌂𑌹𑌿𑌤𑌮𑍍 ॥ 31 ॥

𑌏𑌷 𑌧𑌰𑍍𑌮𑌸𑍍𑌤𑍁 𑌸𑍁𑌶𑍍𑌰𑍋𑌣𑌿 𑌪𑌿𑌤𑍁𑌰𑍍𑌮𑌾𑌤𑍁𑌶𑍍𑌚 𑌵𑌶𑍍𑌯𑌤𑌾 ।
𑌅𑌤𑌶𑍍𑌚 𑌤𑌂 𑌵𑍍𑌯𑌤𑌿𑌕𑍍𑌰𑌮𑍍𑌯 𑌨𑌾𑌹𑌂 𑌜𑍀𑌵𑌿𑌤𑍁𑌮𑍁𑌤𑍍𑌸𑌹𑍇 ॥ 32 ॥

𑌅𑌸𑍍𑌵𑌾𑌧𑍀𑌨𑌂 𑌕𑌥𑌂 𑌦𑍈𑌵𑌂 𑌪𑍍𑌰𑌕𑌾𑌰𑍈𑌰𑌭𑌿𑌰𑌾𑌧𑍍𑌯𑌤𑍇 ।
𑌸𑍍𑌵𑌾𑌧𑍀𑌨𑌂 𑌸𑌮𑌤𑌿𑌕𑍍𑌰𑌮𑍍𑌯 𑌮𑌾𑌤𑌰𑌂 𑌪𑌿𑌤𑌰𑌂 𑌗𑍁𑌰𑍁𑌮𑍍 ॥ 33 ॥

𑌯𑌤𑍍𑌤𑍍𑌰𑌯𑌂 𑌤𑌤𑍍𑌤𑍍𑌰𑌯𑍋 𑌲𑍋𑌕𑌾𑌃 𑌪𑌵𑌿𑌤𑍍𑌰𑌂 𑌤𑌤𑍍𑌸𑌮𑌂 𑌭𑍁𑌵𑌿 ।
𑌨𑌾𑌨𑍍𑌯𑌦𑌸𑍍𑌤𑌿 𑌶𑍁𑌭𑌾𑌪𑌾𑌂𑌗𑍇 𑌤𑍇𑌨𑍇𑌦𑌮𑌭𑌿𑌰𑌾𑌧𑍍𑌯𑌤𑍇 ॥ 34 ॥

𑌨 𑌸𑌤𑍍𑌯𑌂 𑌦𑌾𑌨𑌮𑌾𑌨𑍌 𑌵𑌾 𑌨 𑌯𑌜𑍍𑌞𑌾𑌶𑍍𑌚𑌾𑌪𑍍𑌤𑌦𑌕𑍍𑌷𑌿𑌣𑌾𑌃 ।
𑌤𑌥𑌾 𑌬𑌲𑌕𑌰𑌾 𑌸𑍍𑌸𑍀𑌤𑍇 𑌯𑌥𑌾 𑌸𑍇𑌵𑌾 𑌪𑌿𑌤𑍁𑌰𑍍𑌹𑌿𑌤𑌾 ॥ 35 ॥

𑌸𑍍𑌵𑌰𑍍𑌗𑍋 𑌧𑌨𑌂 𑌵𑌾 𑌧𑌾𑌨𑍍𑌯𑌂 𑌵𑌾 𑌵𑌿𑌦𑍍𑌯𑌾𑌃 𑌪𑍁𑌤𑍍𑌰𑌾𑌸𑍍𑌸𑍁𑌖𑌾𑌨𑌿 𑌚 ।
𑌗𑍁𑌰𑍁𑌵𑍃𑌤𑍍𑌤𑍍𑌯𑌨𑍁𑌰𑍋𑌧𑍇𑌨 𑌨 𑌕𑌿𑌂𑌚𑌿𑌦𑌪𑌿 𑌦𑍁𑌰𑍍𑌲𑌭𑌮𑍍 ॥ 36 ॥

𑌦𑍇𑌵𑌗𑌂𑌧𑌰𑍍𑌵𑌗𑍋𑌲𑍋𑌕𑌾𑌨𑍍𑌬𑍍𑌰𑌹𑍍𑌮𑌲𑍋𑌕𑌾𑌂 𑌸𑍍𑌤𑌥𑌾𑌽𑌪𑌰𑌾𑌨𑍍 ।
𑌪𑍍𑌰𑌾𑌪𑍍𑌨𑍁𑌵𑌂𑌤𑌿 𑌮𑌹𑌾𑌤𑍍𑌮𑌾𑌨𑍋 𑌮𑌾𑌤𑌾𑌪𑌿𑌤𑍃𑌪𑌰𑌾𑌯𑌣𑌾𑌃 ॥ 3𑍭 ॥

𑌸 𑌮𑌾𑌂 𑌪𑌿𑌤𑌾 𑌯𑌥𑌾 𑌶𑌾𑌸𑍍𑌤𑌿 𑌸𑌤𑍍𑌯𑌧𑌰𑍍𑌮𑌪𑌥𑍇 𑌸𑍍𑌥𑌿𑌤𑌃 ।
𑌤𑌥𑌾 𑌵𑌰𑍍𑌤𑌿𑌤𑍁𑌮𑌿𑌚𑍍𑌛𑌾𑌮𑌿 𑌸 𑌹𑌿 𑌧𑌰𑍍𑌮𑌸𑍍𑌸𑌨𑌾𑌤𑌨𑌃 ॥ 3𑍮 ॥

𑌮𑌮 𑌸𑌨𑍍𑌨𑌾 𑌮𑌤𑌿𑌸𑍍𑌸𑍀𑌤𑍇 𑌤𑍍𑌵𑌾𑌂 𑌨𑍇𑌤𑍁𑌂 𑌦𑌂𑌡𑌕𑌾𑌵𑌨𑌮𑍍 ।
𑌵𑌸𑌿𑌷𑍍𑌯𑌾𑌮𑍀𑌤𑌿 𑌸𑌾 𑌤𑍍𑌵𑌂 𑌮𑌾𑌮𑌨𑍁𑌯𑌾𑌤𑍁𑌂 𑌸𑍁𑌨𑌿𑌶𑍍𑌚𑌿𑌤𑌾 ॥ 3𑍯 ॥

𑌸𑌾 𑌹𑌿 𑌸𑍃𑌷𑍍𑌟𑌾𑌽𑌨𑌵𑌦𑍍𑌯𑌾𑌂𑌗𑌿 𑌵𑌨𑌾𑌯 𑌮𑌦𑌿𑌰𑍇𑌕𑍍𑌷𑌣𑍇 ।
𑌅𑌨𑍁𑌗𑌚𑍍𑌛𑌸𑍍𑌵 𑌮𑌾𑌂 𑌭𑍀𑌰𑍁 𑌸𑌹𑌧𑌰𑍍𑌮𑌚𑌰𑍀 𑌭𑌵 ॥ 40 ॥

𑌸𑌰𑍍𑌵𑌥𑌾 𑌸𑌦𑍃𑌶𑌂 𑌸𑍀𑌤𑍇 𑌮𑌮 𑌸𑍍𑌵𑌸𑍍𑌯 𑌕𑍁𑌲𑌸𑍍𑌯 𑌚 ।
𑌵𑍍𑌯𑌵𑌸𑌾𑌯𑌮𑌨𑍁𑌕𑍍𑌰𑌾𑌂𑌤𑌾 𑌕𑌾𑌂𑌤𑍇 𑌤𑍍𑌵𑌮𑌤𑌿𑌶𑍋𑌭𑌨𑌮𑍍 ॥ 41 ॥

𑌆𑌰𑌭𑌸𑍍𑌵 𑌶𑍁𑌭𑌶𑍍𑌰𑍋𑌣𑌿 𑌵𑌨𑌵𑌾𑌸𑌕𑍍𑌷𑌮𑌾𑌃 𑌕𑍍𑌰𑌿𑌯𑌾𑌃 ।
𑌨𑍇𑌦𑌾𑌨𑍀𑌂 𑌤𑍍𑌵𑌦𑍃𑌤𑍇 𑌸𑍀𑌤𑍇 𑌸𑍍𑌵𑌰𑍍𑌗𑍋𑌽𑌪𑌿 𑌮𑌮 𑌰𑍋𑌚𑌤𑍇 ॥ 42 ॥

𑌬𑍍𑌰𑌾𑌹𑍍𑌮𑌣𑍇𑌭𑍍𑌯𑌶𑍍𑌚 𑌰𑌤𑍍𑌨𑌾𑌨𑌿 𑌭𑌿𑌕𑍍𑌷𑍁𑌕𑍇𑌭𑍍𑌯𑌶𑍍𑌚 𑌭𑍋𑌜𑌨𑌮𑍍 ।
𑌦𑍇𑌹𑌿 𑌚𑌾𑌶𑌂𑌸𑌮𑌾𑌨𑍇𑌭𑍍𑌯 𑌸𑍍𑌸𑌂𑌤𑍍𑌵𑌰𑌸𑍍𑌵 𑌚 𑌮𑌾 𑌚𑌿𑌰𑌮𑍍 ॥ 43 ॥

𑌭𑍂𑌷𑌣𑌾𑌨𑌿 𑌮𑌹𑌾𑌰𑍍𑌹𑌾𑌣𑌿 𑌵𑌰𑌵𑌸𑍍𑌤𑍍𑌰𑌾𑌣𑌿 𑌯𑌾𑌨𑌿 𑌚 ।
𑌰𑌮𑌣𑍀𑌯𑌾𑌶𑍍𑌚 𑌯𑍇 𑌕𑍇𑌚𑌿𑌤𑍍𑌕𑍍𑌰𑍀𑌡𑌾𑌰𑍍𑌥𑌾𑌶𑍍𑌚𑌾𑌪𑍍𑌯𑍁𑌪𑌸𑍍𑌕𑌰𑌾𑌃 ॥ 44 ॥

𑌶𑌯𑌨𑍀𑌯𑌾𑌨𑌿 𑌯𑌾𑌨𑌾𑌨𑌿 𑌮𑌮 𑌚𑌾𑌨𑍍𑌯𑌾𑌨𑌿 𑌯𑌾𑌨𑌿 𑌚 ।
𑌦𑍇𑌹𑌿 𑌸𑍍𑌵𑌭𑍃𑌤𑍍𑌯𑌵𑌰𑍍𑌗𑌸𑍍𑌯 𑌬𑍍𑌰𑌾𑌹𑍍𑌮𑌣𑌾𑌨𑌾𑌮𑌨𑌂𑌤𑌰𑌮𑍍 ॥ 45 ॥

𑌅𑌨𑍁𑌕𑍂𑌲𑌂 𑌤𑍁 𑌸𑌾 𑌭𑌰𑍍𑌤𑍁𑌰𑍍𑌜𑍍𑌞𑌾𑌤𑍍𑌵𑌾 𑌗𑌮𑌨𑌮𑌾𑌤𑍍𑌮𑌨𑌃 ।
𑌕𑍍𑌷𑌿𑌪𑍍𑌰𑌂 𑌪𑍍𑌰𑌮𑍁𑌦𑌿𑌤𑌾 𑌦𑍇𑌵𑍀 𑌦𑌾𑌤𑍁𑌮𑍇𑌵𑍋𑌪𑌚𑌕𑍍𑌰𑌮𑍇 ॥ 46 ॥

𑌤𑌤𑌃 𑌪𑍍𑌰𑌹𑍃𑌷𑍍𑌟𑌾 𑌪𑍍𑌰𑌤𑌿𑌪𑍂𑌰𑍍𑌣𑌮𑌾𑌨𑌸𑌾 𑌯𑌶𑌶𑍍𑌵𑌿𑌨𑍀 𑌭𑌰𑍍𑌤𑍁𑌰𑌵𑍇𑌕𑍍𑌷𑍍𑌯 𑌭𑌾𑌷𑌿𑌤𑌮𑍍 ।
𑌧𑌨𑌾𑌨𑌿 𑌰𑌤𑍍𑌨𑌾𑌨𑌿 𑌚 𑌦𑌾𑌤𑍁𑌮𑌂𑌗𑌨𑌾 𑌪𑍍𑌰𑌚𑌕𑍍𑌰𑌮𑍇 𑌧𑌰𑍍𑌮𑌭𑍃𑌤𑌾𑌂 𑌮𑌨𑌸𑍍𑌸𑍍𑌵𑌿𑌨𑍀 ॥ 4𑍭 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: