Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.64 𑌅𑌰𑌣𑍍𑌯𑌕𑌾𑌂𑌡 - 𑌚𑌤𑍁𑌃𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌃𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌸 𑌦𑍀𑌨𑍋 𑌦𑍀𑌨𑌯𑌾 𑌵𑌾𑌚𑌾 𑌲𑌕𑍍𑌷𑍍𑌮𑌣𑌂 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌶𑍀𑌘𑍍𑌰𑌂 𑌲𑌕𑍍𑌷𑍍𑌮𑌣 𑌜𑌾𑌨𑍀𑌹𑌿 𑌗𑌤𑍍𑌵𑌾 𑌗𑍋𑌦𑌾𑌵𑌰𑍀𑌂 𑌨𑌦𑍀𑌮𑍍 ॥ 1 ॥

𑌅𑌪𑌿 𑌗𑍋𑌦𑌾𑌵𑌰𑍀𑌂 𑌸𑍀𑌤𑌾 𑌪𑌦𑍍𑌮𑌾𑌨𑍍𑌯𑌾𑌨𑌯𑌿𑌤𑍁𑌂 𑌗𑌤𑌾 ।
𑌏𑌵𑌮𑍁𑌕𑍍𑌤𑌸𑍍𑌤𑍁 𑌰𑌾𑌮𑍇𑌣 𑌲𑌕𑍍𑌷𑍍𑌮𑌣𑌃 𑌪𑌰𑌵𑍀𑌰𑌹𑌾 ॥ 2 ॥

𑌨𑌦𑍀𑌂 𑌗𑍋𑌦𑌾𑌵𑌰𑍀𑌂 𑌰𑌮𑍍𑌯𑌾𑌂 𑌜𑌗𑌾𑌮 𑌲𑌘𑍁𑌵𑌿𑌕𑍍𑌰𑌮𑌃 ।
𑌤𑌾𑌂 𑌲𑌕𑍍𑌷𑍍𑌮𑌣𑌸𑍍𑌤𑍀𑌰𑍍𑌥𑌵𑌤𑍀 𑌵𑌿𑌚𑌿𑌤𑍍𑌵𑌾 𑌰𑌾𑌮𑌮𑌬𑍍𑌰𑌵𑍀𑌤𑍍 ॥ 3 ॥

𑌨𑍈𑌨𑌾𑌂 𑌪𑌶𑍍𑌯𑌾𑌮𑌿 𑌤𑍀𑌰𑍍𑌥𑍇𑌷𑍁 𑌕𑍍𑌰𑍋𑌶𑌤𑍋 𑌨 𑌶𑍃𑌣𑍋𑌤𑌿 𑌮𑍇 ।
𑌕𑌂 𑌨𑍁 𑌵𑌾 𑌦𑍇𑌶𑌮𑌾𑌪𑌨𑍍𑌨𑌾 𑌵𑍈𑌦𑍇𑌹𑍀 𑌕𑍍𑌲𑍇𑌶𑌨𑌾𑌶𑌿𑌨𑍀 ॥ 4 ॥

𑌨 𑌹𑍍𑌯𑌹𑌂 𑌵𑍇𑌦 𑌤𑌂 𑌦𑍇𑌶𑌂 𑌯𑌤𑍍𑌰 𑌸𑌾 𑌜𑌨𑌕𑌾𑌤𑍍𑌮𑌜𑌾 ।
𑌲𑌕𑍍𑌷𑍍𑌮𑌣𑌸𑍍𑌯 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌦𑍀𑌨𑌸𑍍𑌸𑌂𑌤𑌾𑌪𑌮𑍋𑌹𑌿𑌤𑌃 ॥ 5 ॥

𑌰𑌾𑌮𑌸𑍍𑌸𑌮𑌭𑌿𑌚𑌕𑍍𑌰𑌾𑌮 𑌸𑍍𑌵𑌯𑌂 𑌗𑍋𑌦𑌾𑌵𑌰𑍀𑌂 𑌨𑌦𑍀𑌮𑍍 ।
𑌸 𑌤𑌾𑌮𑍁𑌪𑌸𑍍𑌥𑌿𑌤𑍋 𑌰𑌾𑌮𑌃 𑌕𑍍𑌵 𑌸𑍀𑌤𑍇𑌤𑍍𑌯𑍇𑌵𑌮𑌬𑍍𑌰𑌵𑍀𑌤𑍍 ॥ 6 ॥

𑌭𑍂𑌤𑌾𑌨𑌿 𑌰𑌾𑌕𑍍𑌷𑌸𑍇𑌂𑌦𑍍𑌰𑍇𑌣 𑌵𑌧𑌾𑌰𑍍𑌹𑍇𑌣 𑌹𑍃𑌤𑌾𑌮𑌿𑌤𑌿 ।
𑌨 𑌤𑌾𑌂 𑌶𑌶𑌂𑌸𑍂 𑌰𑌾𑌮𑌾𑌯 𑌤𑌥𑌾 𑌗𑍋𑌦𑌾𑌵𑌰𑍀 𑌨𑌦𑌿 ॥ 𑍭 ॥

𑌤𑌤𑌃 𑌪𑍍𑌰𑌚𑍋𑌦𑌿𑌤𑌾 𑌭𑍂𑌤𑍈𑌶𑍍𑌶𑌂𑌸𑌾𑌸𑍍𑌮𑍈𑌤𑌾𑌂 𑌪𑍍𑌰𑌿𑌯𑌾𑌮𑌿𑌤𑌿 ।
𑌨 𑌤𑍁 𑌸𑌾𑌭𑍍𑌯𑌵𑌦𑌤𑌸𑌿𑌤𑌾𑌂 𑌪𑍃𑌷𑍍𑌟𑌾 𑌰𑌾𑌮𑍇𑌣 𑌶𑍋𑌚𑌤𑌾 ॥ 𑍮 ॥

𑌰𑌾𑌵𑌣𑌸𑍍𑌯 𑌤𑍁 𑌤𑌦𑍍𑌰𑍂𑌪𑌂 𑌕𑌰𑍍𑌮𑌾𑌣𑌿 𑌚 𑌦𑍁𑌰𑌾𑌤𑍍𑌮𑌨𑌃 ।
𑌧𑍍𑌯𑌾𑌤𑍍𑌵𑌾 𑌭𑌯𑌾𑌤𑍍𑌤𑍁 𑌵𑍈𑌦𑍇𑌹𑍀𑌂 𑌸𑌾 𑌨𑌦𑍀 𑌨 𑌶𑌶𑌂𑌸 𑌤𑌾𑌮𑍍 ॥ 𑍯 ॥

𑌨𑌿𑌰𑌾𑌶𑌸𑍍𑌤𑍁 𑌤𑌯𑌾 𑌨𑌦𑍍𑌯𑌾 𑌸𑍀𑌤𑌾𑌯𑌾 𑌦𑌰𑍍𑌶𑌨𑍇 𑌕𑍃𑌤𑌃 ।
𑌉𑌵𑌾𑌚 𑌰𑌾𑌮𑌸𑍍𑌸𑍌𑌮𑌿𑌤𑍍𑌰𑌿𑌂 𑌸𑍀𑌤𑌾𑌦𑌰𑍍𑌶𑌨𑌕𑌰𑍍𑌶𑌿𑌤𑌃 ॥ 10 ॥

𑌏𑌷𑌾 𑌗𑍋𑌦𑌾𑌵𑌰𑍀 𑌸𑍌𑌮𑍍𑌯 𑌕𑌿𑌂𑌚𑌿𑌨𑍍𑌨 𑌪𑍍𑌰𑌤𑌿 𑌭𑌾𑌷𑌤𑍇 ।
𑌕𑌿𑌂 𑌨𑍁 𑌲𑌕𑍍𑌷𑍍𑌮𑌣 𑌵𑌕𑍍𑌷𑍍𑌯𑌾𑌮𑌿 𑌸𑌮𑍇𑌤𑍍𑌯 𑌜𑌨𑌕𑌂 𑌵𑌚𑌃 ॥ 11 ॥

𑌮𑌾𑌤𑌰𑌂 𑌚𑍈𑌵 𑌵𑍈𑌦𑍇𑌹𑍍𑌯𑌾 𑌵𑌿𑌨𑌾 𑌤𑌾𑌮𑌹𑌮𑌪𑍍𑌰𑌿𑌯𑌮𑍍 ।
𑌯𑌾 𑌮𑍇 𑌰𑌾𑌜𑍍𑌯𑌵𑌿𑌹𑍀𑌨𑌸𑍍𑌯 𑌵𑌨𑍇 𑌵𑌨𑍍𑌯𑍇𑌨 𑌜𑍀𑌵𑌤𑌃 ॥ 12 ॥

𑌸𑌰𑍍𑌵𑌂 𑌵𑍍𑌯𑌪𑌨𑌯𑍇𑌚𑍍𑌛𑍋𑌕𑌂 𑌵𑍈𑌦𑍇𑌹𑍀 𑌕𑍍𑌵 𑌨𑍁 𑌸𑌾 𑌗𑌤𑌾 ।
𑌜𑍍𑌞𑌾𑌤𑌿𑌪𑌕𑍍𑌷𑌵𑌿𑌹𑍀𑌨𑌸𑍍𑌯 𑌰𑌾𑌜𑌪𑍁𑌤𑍍𑌰𑍀𑌮𑌪𑌶𑍍𑌯𑌤𑌃 ॥ 13 ॥

𑌮𑌨𑍍𑌯𑍇 𑌦𑍀𑌰𑍍𑌘𑌾 𑌭𑌵𑌿𑌷𑍍𑌯𑌂𑌤𑌿 𑌰𑌾𑌤𑍍𑌰𑌯𑍋 𑌮𑌮 𑌜𑌾𑌗𑍍𑌰𑌤𑌃 ।
𑌗𑍋𑌦𑌾𑌵𑌰𑍀𑌂 𑌜𑌨𑌸𑍍𑌥𑌾𑌨𑌮𑌿𑌮𑌂 𑌪𑍍𑌰𑌸𑍍𑌰𑌵𑌣𑌂 𑌗𑌿𑌰𑌿𑌮𑍍 ॥ 14 ॥

𑌸𑌰𑍍𑌵𑌾𑌣𑍍𑌯𑌨𑍁𑌗𑌮𑌿𑌷𑍍𑌯𑌾𑌮𑌿 𑌯𑌦𑌿 𑌸𑍀𑌤𑌾 𑌹𑌿 𑌦𑍃𑌶𑍍𑌯𑌤𑍇 ।
𑌏𑌤𑍇 𑌮𑍃𑌗𑌾 𑌮𑌹𑌾𑌵𑍀𑌰𑍍𑌯 𑌮𑌾𑌮𑍀𑌕𑍍𑌷𑌂𑌤𑍇 𑌮𑍁𑌹𑍁𑌰𑍍𑌮𑍁𑌹𑍁𑌃 ॥ 15 ॥

𑌵𑌕𑍍𑌤𑍁𑌕𑌾𑌮𑌾 𑌇𑌵 𑌹𑌿 𑌮𑍇 𑌇𑌂𑌗𑌿𑌤𑌾𑌨𑍍𑌯𑍁𑌪𑌲𑌕𑍍𑌷𑌯𑍇 ।
𑌤𑌾𑌂𑌸𑍍𑌤𑍁 𑌦𑍃𑌷𑍍𑌟𑍍𑌵𑌾 𑌨𑌰𑌵𑍍𑌯𑌾𑌘𑍍𑌰𑍋 𑌰𑌾𑌘𑌵𑌃 𑌪𑍍𑌰𑌤𑍍𑌯𑍁𑌵𑌾𑌚 𑌹 ॥ 16 ॥

𑌕𑍍𑌵 𑌸𑍀𑌤𑍇𑌤𑌿 𑌨𑌿𑌰𑍀𑌕𑍍𑌷𑌨𑍍𑌵𑍈 𑌬𑌾𑌷𑍍𑌪𑌸𑌂𑌰𑍁𑌦𑍍𑌧𑌯𑌾 𑌦𑍃𑌶𑌾 ।
𑌏𑌵𑌮𑍁𑌕𑍍𑌤𑌾 𑌨𑌰𑍇𑌂𑌦𑍍𑌰𑍇𑌣 𑌤𑍇 𑌮𑍃𑌗𑌾𑌸𑍍𑌸𑌹𑌸𑍋𑌤𑍍𑌥𑌿𑌤𑌾𑌃 ॥ 1𑍭 ॥

𑌦𑌕𑍍𑌷𑌿𑌣𑌾𑌭𑌿𑌮𑍁𑌖𑌾𑌸𑍍𑌸𑌰𑍍𑌵𑍇 𑌦𑌰𑍍𑌶𑌯𑌂𑌤𑍋 𑌨𑌭𑌸𑍍𑌥𑌲𑌮𑍍 ।
𑌮𑍈𑌥𑌿𑌲𑍀 𑌹𑍍𑌰𑌿𑌯𑌮𑌾𑌣𑌾 𑌸𑌾 𑌦𑌿𑌶𑌂 𑌯𑌾𑌮𑌨𑍍𑌵𑌪𑌦𑍍𑌯𑌤 ॥ 1𑍮 ॥

𑌤𑍇𑌨 𑌮𑌾𑌰𑍍𑌗𑍇𑌣 𑌧𑌾𑌵𑌂𑌤𑍋 𑌨𑌿𑌰𑍀𑌕𑍍𑌷𑌂𑌤𑍇 𑌨𑌰𑌾𑌧𑌿𑌪𑌮𑍍 ।
𑌯𑍇𑌨 𑌮𑌾𑌰𑍍𑌗𑌂 𑌚 𑌭𑍂𑌮𑌿𑌂 𑌚 𑌨𑌿𑌰𑍀𑌕𑍍𑌷𑌂𑌤𑍇 𑌸𑍍𑌮 𑌤𑍇 𑌮𑍃𑌗𑌾𑌃 ॥ 1𑍯 ॥

𑌪𑍁𑌨𑌶𑍍𑌚 𑌮𑌾𑌰𑍍𑌗𑌮𑌿𑌚𑍍𑌛𑌂𑌤𑌿 𑌲𑌕𑍍𑌷𑍍𑌮𑌣𑍇𑌨𑍋𑌪𑌲𑌕𑍍𑌷𑌿𑌤𑌾𑌃 ।
𑌤𑍇𑌷𑌾𑌂 𑌵𑌚𑌨𑌸𑌰𑍍𑌵𑌸𑍍𑌵𑌂 𑌲𑌕𑍍𑌷𑌯𑌾𑌮𑌾𑌸 𑌚𑍇𑌂𑌗𑌿𑌤𑌮𑍍 ॥ 20 ॥

𑌉𑌵𑌾𑌚 𑌲𑌕𑍍𑌷𑍍𑌮𑌣𑍋 𑌜𑍍𑌯𑍇𑌷𑍍𑌠𑌂 𑌧𑍀𑌮𑌾𑌨𑍍𑌭𑍍𑌰𑌾𑌤𑌰𑌮𑌾𑌰𑍍𑌤𑌵𑌤𑍍 ।
𑌕𑍍𑌵 𑌸𑌿𑌤𑍇𑌤𑌿 𑌤𑍍𑌵𑌯𑌾 𑌪𑍃𑌷𑍍𑌟𑌾 𑌯𑌥𑍇𑌮𑍇 𑌸𑌹𑌸𑍋𑌤𑍍𑌥𑌿𑌤𑌾𑌃 ॥ 21 ॥

𑌦𑌰𑍍𑌶𑌯𑌂𑌤𑌿 𑌕𑍍𑌷𑌿𑌤𑌿𑌂 𑌚𑍈𑌵 𑌦𑌕𑍍𑌷𑌿𑌣𑌾𑌂 𑌚 𑌦𑌿𑌶𑌂 𑌮𑍃𑌗𑌾𑌃 ।
𑌸𑌾𑌧𑍁 𑌗𑌚𑍍𑌛𑌾𑌵𑌹𑍇 𑌦𑍇𑌵 𑌦𑌿𑌶𑌮𑍇𑌤𑌾𑌂 𑌹𑌿 𑌨𑍈𑌋𑌤𑌿𑌮𑍍 ॥ 22 ॥

𑌯𑌦𑌿 𑌸𑍍𑌯𑌾𑌦𑌾𑌗𑌮𑌃 𑌕𑌶𑍍𑌚𑌿𑌦𑌾𑌰𑍍𑌯𑌾 𑌵𑌾 𑌸𑌾𑌽𑌥 𑌲𑌕𑍍𑌷𑍍𑌯𑌤𑍇 ।
𑌬𑌾𑌢𑌮𑌿𑌤𑍍𑌯𑍇𑌵 𑌕𑌾𑌕𑍁𑌤𑍍𑌸𑍍𑌥𑌃 𑌪𑍍𑌰𑌸𑍍𑌥𑌿𑌤𑍋 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ॥ 23 ॥

𑌲𑌕𑍍𑌷𑍍𑌮𑌣𑌾𑌨𑍁𑌗𑌤𑌶𑍍𑌶𑍀𑌮𑌨𑍍𑌵𑍀𑌕𑍍𑌷𑌮𑌾𑌣𑍋 𑌵𑌸𑍁𑌂𑌧𑌰𑌾𑌮𑍍 ।
𑌏𑌵𑌂 𑌸𑌂𑌭𑌾𑌷𑌮𑌾𑌣𑍌 𑌤𑌾𑌵𑌨𑍍𑌯𑍋𑌨𑍍𑌯𑌂 𑌭𑍍𑌰𑌾𑌤𑌰𑌾𑌵𑍁𑌭𑍌 ॥ 24 ॥

𑌵𑌸𑍁𑌂𑌧𑌰𑌾𑌯𑌾𑌂 𑌪𑌤𑌿𑌤𑌂 𑌪𑍁𑌷𑍍𑌪𑌮𑌾𑌰𑍍𑌗𑌮𑌪𑌶𑍍𑌯𑌤𑌾𑌮𑍍 ।
𑌤𑌾𑌂 𑌪𑍁𑌷𑍍𑌪𑌵𑍃𑌷𑍍𑌟𑌿𑌂 𑌪𑌤𑌿𑌤𑌾𑌂 𑌦𑍃𑌷𑍍𑌟𑍍𑌵𑌾 𑌰𑌾𑌮𑍋 𑌮𑌹𑍀𑌤𑌲𑍇 ॥ 25 ॥

𑌉𑌵𑌾𑌚 𑌲𑌕𑍍𑌷𑍍𑌮𑌣𑌂 𑌵𑍀𑌰𑍋 𑌦𑍁𑌃𑌖𑌿𑌤𑍋 𑌦𑍁𑌃𑌖𑌿𑌤𑌂 𑌵𑌚𑌃 ।
𑌅𑌭𑌿𑌜𑌾𑌨𑌾𑌮𑌿 𑌪𑍁𑌷𑍍𑌪𑌾𑌣𑌿 𑌤𑌾𑌨𑍀𑌮𑌾𑌨𑍀𑌹 𑌲𑌕𑍍𑌷𑍍𑌮𑌣 ॥ 26 ॥

𑌪𑌿𑌨𑌦𑍍𑌧𑌾𑌨𑌿 𑌹𑌿 𑌵𑍈𑌦𑍇𑌹𑍍𑌯𑌾 𑌮𑌯𑌾 𑌦𑌤𑍍𑌤𑌾𑌨𑌿 𑌕𑌾𑌨𑌨𑍇 ।
𑌮𑌨𑍍𑌯𑍇 𑌸𑍂𑌰𑍍𑌯𑌶𑍍𑌚 𑌵𑌾𑌯𑍁𑌶𑍍𑌚 𑌮𑍇𑌦𑌿𑌨𑍀 𑌚 𑌯𑌶𑌸𑍍𑌵𑌿𑌨𑍀 ॥ 2𑍭 ॥

𑌅𑌭𑌿𑌰𑌕𑍍𑌷𑌂𑌤𑌿 𑌪𑍁𑌷𑍍𑌪𑌾𑌣𑌿 𑌪𑍍𑌰𑌕𑍁𑌰𑍍𑌵𑌂𑌤𑍋 𑌮𑌮 𑌪𑍍𑌰𑌿𑌯𑌮𑍍 ।
𑌏𑌵𑌮𑍁𑌕𑍍𑌤𑍍𑌵𑌾 𑌮𑌹𑌾𑌬𑌾𑌹𑍁𑌂 𑌲𑌕𑍍𑌷𑍍𑌮𑌣𑌂 𑌪𑍁𑌰𑍁𑌷𑌰𑍍𑌷𑌭𑌃 ॥ 2𑍮 ॥

𑌉𑌵𑌾𑌚 𑌰𑌾𑌮𑍋 𑌧𑌰𑍍𑌮𑌾𑌤𑍍𑌮𑌾 𑌗𑌿𑌰𑌿𑌂 𑌪𑍍𑌰𑌸𑍍𑌰𑌵𑌣𑌾𑌕𑍁𑌲𑌮𑍍 ।
𑌕𑌚𑍍𑌚𑌿𑌤𑍍 𑌕𑍍𑌷𑌿𑌤𑌿𑌭𑍃𑌤𑌾𑌂 𑌨𑌾𑌥 𑌦𑍃𑌷𑍍𑌟𑌾 𑌸𑌰𑍍𑌵𑌾𑌂𑌗𑌸𑍁𑌂𑌦𑌰𑍀 ॥ 2𑍯 ॥

𑌰𑌾𑌮𑌾 𑌰𑌮𑍍𑌯𑍇 𑌵𑌨𑍋𑌦𑍍𑌦𑍇𑌶𑍇 𑌮𑌯𑌾 𑌵𑌿𑌰𑌹𑌿𑌤𑌾 𑌤𑍍𑌵𑌯𑌾 ।
𑌕𑍍𑌰𑍁𑌦𑍍𑌧𑍋𑌽𑌬𑍍𑌰𑌵𑍀𑌦𑍍𑌗𑌿𑌰𑌿𑌂 𑌤𑌤𑍍𑌰 𑌸𑌿𑌂𑌹𑌃 𑌕𑍍𑌷𑍁𑌦𑍍𑌰𑌮𑍃𑌗𑌂 𑌯𑌥𑌾 ॥ 30 ॥

𑌤𑌾𑌂 𑌹𑍇𑌮𑌵𑌰𑍍𑌣𑌾𑌂 𑌹𑍇𑌮𑌾𑌭𑌾𑌂 𑌸𑍀𑌤𑌾𑌂 𑌦𑌰𑍍𑌶𑌯 𑌪𑌰𑍍𑌵𑌤 ।
𑌯𑌾𑌵𑌤𑍍𑌸𑌾𑌨𑍂𑌨𑌿 𑌸𑌰𑍍𑌵𑌾𑌣𑌿 𑌨 𑌤𑍇 𑌵𑌿𑌧𑍍𑌵𑌂𑌸𑌯𑌾𑌮𑍍𑌯𑌹𑌮𑍍 ॥ 31 ॥

𑌏𑌵𑌮𑍁𑌕𑍍𑌤𑌸𑍍𑌤𑍁 𑌰𑌾𑌮𑍇𑌣 𑌪𑌰𑍍𑌵𑌤𑍋 𑌮𑍈𑌥𑌿𑌲𑍀𑌂 𑌪𑍍𑌰𑌤𑌿 ।
𑌶𑌂𑌸𑌨𑍍𑌨𑌿𑌵 𑌤𑌤𑌸𑍍𑌸𑍀𑌤𑌾𑌂 𑌨𑌾𑌦𑌰𑍍𑌶𑌯𑌤 𑌰𑌾𑌘𑌵𑍇 ॥ 32 ॥

𑌤𑌤𑍋 𑌦𑌾𑌶𑌰𑌥𑍀 𑌰𑌾𑌮 𑌉𑌵𑌾𑌚 𑌚 𑌶𑌿𑌲𑍋𑌚𑍍𑌚𑌯𑌮𑍍 ।
𑌮𑌮 𑌬𑌾𑌣𑌾𑌗𑍍𑌨𑌿𑌨𑌿𑌰𑍍𑌦𑌗𑍍𑌧𑍋 𑌭𑌸𑍍𑌮𑍀𑌭𑍂𑌤𑍋 𑌭𑌵𑌿𑌷𑍍𑌯𑌸𑌿 ॥ 33 ॥

𑌅𑌸𑍇𑌵𑍍𑌯𑌃 𑌸𑌤𑌤𑌂 𑌚𑍈𑌵 𑌨𑌿𑌸𑍍𑌤𑍃𑌣𑌦𑍍𑌰𑍁𑌮𑌪𑌲𑍍𑌲𑌵𑌃 ।
𑌇𑌮𑌾𑌂 𑌵𑌾 𑌸𑌰𑌿𑌤𑌂 𑌚𑌾𑌦𑍍𑌯 𑌶𑍋𑌷𑌯𑌿𑌷𑍍𑌯𑌾𑌮𑌿 𑌲𑌕𑍍𑌷𑍍𑌮𑌣 ॥ 34 ॥

𑌯𑌦𑌿 𑌨𑌾𑌖𑍍𑌯𑌾𑌤𑌿 𑌮𑍇 𑌸𑍀𑌤𑌾𑌮𑌾𑌰𑍍𑌯𑌾𑌂 𑌚𑌂𑌦𑍍𑌰𑌨𑌿𑌭𑌾𑌨𑌨𑌾𑌮𑍍 ।
𑌏𑌵𑌂 𑌸 𑌰𑍁𑌷𑌿𑌤𑍋 𑌰𑌾𑌮𑍋 𑌦𑌿𑌧𑌕𑍍𑌷𑌨𑍍𑌨𑌿𑌵 𑌚𑌕𑍍𑌷𑍁𑌷𑌾 ॥ 35 ॥

𑌦𑌦𑌰𑍍𑌶 𑌭𑍂𑌮𑍌 𑌨𑌿𑌷𑍍𑌕𑍍𑌰𑌾𑌂𑌤𑌂 𑌰𑌾𑌕𑍍𑌷𑌸𑌸𑍍𑌯 𑌪𑌦𑌂 𑌮𑌹𑌤𑍍 ।
𑌤𑍍𑌰𑌸𑍍𑌤𑌾𑌯𑌾 𑌰𑌾𑌮𑌕𑌾𑌂𑌕𑍍𑌷𑌿𑌣𑍍𑌯𑌾𑌃 𑌪𑍍𑌰𑌧𑌾𑌵𑌂𑌤𑍍𑌯𑌾 𑌇𑌤𑌸𑍍𑌤𑌤𑌃 ॥ 36 ॥

𑌰𑌾𑌕𑍍𑌷𑌸𑍇𑌨𑌾𑌨𑍁𑌵𑍃𑌤𑍍𑌤𑌾𑌯𑌾 𑌮𑍈𑌥𑌿𑌲𑍍𑌯𑌾𑌶𑍍𑌚 𑌪𑌦𑌾𑌨𑍍𑌯𑌥 ।
𑌸 𑌸𑌮𑍀𑌕𑍍𑌷𑍍𑌯 𑌪𑌰𑌿𑌕𑍍𑌰𑌾𑌂𑌤𑌂 𑌸𑍀𑌤𑌾𑌯𑌾 𑌰𑌾𑌕𑍍𑌷𑌸𑌸𑍍𑌯 𑌚 ॥ 3𑍭 ॥

𑌭𑌗𑍍𑌨𑌂 𑌧𑌨𑍁𑌶𑍍𑌚 𑌤𑍂𑌣𑍀 𑌚 𑌵𑌿𑌕𑍀𑌰𑍍𑌣𑌂 𑌬𑌹𑍁𑌧𑌾 𑌰𑌥𑌮𑍍 ।
𑌸𑌂𑌭𑍍𑌰𑌾𑌂𑌤𑌹𑍃𑌦𑌯𑍋 𑌰𑌾𑌮𑌶𑍍𑌶𑌶𑌂𑌸 𑌭𑍍𑌰𑌾𑌤𑌰𑌂𑌪𑍍𑌰𑌿𑌯𑌮𑍍 ॥ 3𑍮 ॥

𑌪𑌶𑍍𑌯 𑌲𑌕𑍍𑌷𑍍𑌮𑌣 𑌵𑍈𑌦𑍇𑌹𑍍𑌯𑌾𑌶𑌶𑍀𑌰𑍍𑌣𑌾𑌃 𑌕𑌨𑌕𑌬𑌿𑌂𑌦𑌵𑌃 ।
𑌭𑍂𑌷𑌣𑌾𑌨𑌾𑌂 𑌹𑌿 𑌸𑍌𑌮𑌿𑌤𑍍𑌰𑍇 𑌮𑌾𑌲𑍍𑌯𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ॥ 3𑍯 ॥

𑌤𑌪𑍍𑌤𑌬𑌿𑌂𑌦𑍁𑌨𑌿𑌕𑌾𑌶𑍈𑌶𑍍𑌚 𑌚𑌿𑌤𑍍𑌰𑍈𑌃 𑌕𑍍𑌷𑌤𑌜𑌬𑌿𑌂𑌦𑍁𑌭𑌿𑌃 ।
𑌆𑌵𑍃𑌤𑌂 𑌪𑌶𑍍𑌯 𑌸𑍌𑌮𑌿𑌤𑍍𑌰𑍇 𑌸𑌰𑍍𑌵𑌤𑍋 𑌧𑌰𑌣𑍀𑌤𑌲𑌮𑍍 ॥ 40 ॥

𑌮𑌨𑍍𑌯𑍇 𑌲𑌕𑍍𑌷𑍍𑌮𑌣 𑌵𑍈𑌦𑍇𑌹𑍀 𑌰𑌾𑌕𑍍𑌷𑌸𑍈𑌃 𑌕𑌾𑌮𑌰𑍂𑌪𑌿𑌭𑌿𑌃 ।
𑌭𑌿𑌤𑍍𑌵𑌾𑌭𑌿𑌤𑍍𑌵𑌾 𑌵𑌿𑌭𑌕𑍍𑌤𑌾 𑌵𑌾 𑌭𑌕𑍍𑌷𑌿𑌤𑌾 𑌵𑌾 𑌭𑌵𑌿𑌷𑍍𑌯𑌤𑌿 ॥ 41 ॥

𑌤𑌸𑍍𑌯𑌾 𑌨𑌿𑌮𑌿𑌤𑍍𑌤𑌂 𑌵𑍈𑌦𑍇𑌹𑍍𑌯𑌾 𑌦𑍍𑌵𑌯𑍋𑌰𑍍𑌵𑌿𑌵𑌦𑌮𑌾𑌨𑌯𑍋𑌃 ।
𑌬𑌭𑍂𑌵 𑌯𑍁𑌦𑍍𑌧𑌂 𑌸𑍌𑌮𑌿𑌤𑍍𑌰𑍇 𑌘𑍋𑌰𑌂 𑌰𑌾𑌕𑍍𑌷𑌸𑌯𑍋𑌰𑌿𑌹 ॥ 42 ॥

𑌮𑍁𑌕𑍍𑌤𑌾𑌮𑌣𑌿𑌮𑌯𑌂 𑌚𑍇𑌦𑌂 𑌤𑌪𑌨𑍀𑌯𑌵𑌿𑌭𑍂𑌷𑌿𑌤𑌮𑍍 ।
𑌧𑌰𑌣𑍍𑌯𑌾𑌂 𑌪𑌤𑌿𑌤𑌂 𑌸𑍌𑌮𑍍𑌯 𑌕𑌸𑍍𑌯 𑌭𑌗𑍍𑌨𑌂 𑌮𑌹𑌦𑍍𑌧𑌨𑍁𑌃 ॥ 43 ॥

𑌤𑌰𑍁𑌣𑌾𑌦𑌿𑌤𑍍𑌯𑌸𑌂𑌕𑌾𑌶𑌂 𑌵𑍈𑌡𑍂𑌰𑍍𑌯𑌗𑍁𑌲𑌿𑌕𑌾𑌚𑌿𑌤𑌮𑍍 ।
𑌵𑌿𑌶𑍀𑌰𑍍𑌣𑌂 𑌪𑌤𑌿𑌤𑌂 𑌭𑍂𑌮𑍌 𑌕𑌵𑌚𑌂 𑌕𑌸𑍍𑌯 𑌕𑌾𑌂𑌚𑌨𑌮𑍍 ॥ 44 ॥

𑌛𑌤𑍍𑌰𑌂 𑌶𑌤𑌶𑌲𑌾𑌕𑌂 𑌚 𑌦𑌿𑌵𑍍𑌯𑌮𑌾𑌲𑍍𑌯𑍋𑌪𑌶𑍋𑌭𑌿𑌤𑌮𑍍 ।
𑌭𑌗𑍍𑌨𑌦𑌂𑌡𑌮𑌿𑌦𑌂 𑌕𑌸𑍍𑌯 𑌭𑍂𑌮𑍌 𑌸𑌮𑍍𑌯𑌙𑍍𑌨𑌿𑌪𑌾𑌤𑌿𑌤𑌮𑍍 ॥ 45 ॥

𑌕𑌾𑌂𑌚𑌨𑍋𑌰𑌶𑍍𑌛𑌦𑌾 𑌶𑍍𑌚𑍇𑌮𑍇 𑌪𑌿𑌶𑌾𑌚𑌵𑌦𑌨𑌾𑌃 𑌖𑌰𑌾𑌃 ।
𑌭𑍀𑌮𑌰𑍂𑌪𑌾 𑌮𑌹𑌾𑌕𑌾𑌯𑌾𑌃 𑌕𑌸𑍍𑌯 𑌵𑌾 𑌨𑌿𑌹𑌤𑌾 𑌰𑌣𑍇 ॥ 46 ॥

𑌦𑍀𑌪𑍍𑌤𑌪𑌾𑌵𑌕𑌸𑌂𑌕𑌾𑌶𑍋 𑌦𑍍𑌯𑍁𑌤𑌿𑌮𑌾𑌨𑍍𑌸𑌮𑌰𑌧𑍍𑌵𑌜𑌃 ।
𑌅𑌪𑌵𑌿𑌦𑍍𑌧𑌶𑍍𑌚 𑌭𑌗𑍍𑌨𑌶𑍍𑌚 𑌕𑌸𑍍𑌯 𑌸𑌾𑌂𑌗𑍍𑌰𑌾𑌮𑌿𑌕𑍋 𑌰𑌥𑌃 ॥ 4𑍭 ॥

𑌰𑌥𑌾𑌕𑍍𑌷𑌮𑌾𑌤𑍍𑌰𑌾 𑌵𑌿𑌶𑌿𑌖𑌾𑌸𑍍𑌤𑌪𑌨𑍀𑌯𑌵𑌿𑌭𑍂𑌷𑌣𑌾𑌃 ।
𑌕𑌸𑍍𑌯𑍇𑌮𑍇𑌽𑌭𑌿𑌹𑌤𑌾 𑌬𑌾𑌣𑌾𑌃 𑌪𑍍𑌰𑌕𑍀𑌰𑍍𑌣𑌾 𑌘𑍋𑌰𑌕𑌰𑍍𑌮𑌣𑌃 ॥ 4𑍮 ॥

𑌶𑌰𑌾𑌵𑌰𑍌 𑌶𑌰𑍈𑌃 𑌪𑍂𑌰𑍍𑌣𑍌 𑌵𑌿𑌧𑍍𑌵𑌸𑍍𑌤𑍌 𑌪𑌶𑍍𑌯 𑌲𑌕𑍍𑌷𑍍𑌮𑌣 ।
𑌪𑍍𑌰𑌤𑍋𑌦𑌾𑌭𑍀𑌶𑍁𑌹𑌸𑍍𑌤𑍋 𑌵𑍈 𑌕𑌸𑍍𑌯𑌾𑌯𑌂 𑌸𑌾𑌰𑌥𑌿𑌰𑍍𑌹𑌤𑌃 ॥ 4𑍯 ॥

𑌕𑌸𑍍𑌯𑍇𑌮𑍌 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌶𑌯𑌾𑌤𑍇 𑌨𑌿𑌹𑌤𑍌 𑌯𑍁𑌧𑌿 ।
𑌚𑌾𑌮𑌰𑌗𑍍𑌰𑌾𑌹𑌿𑌣𑍌 𑌸𑍌𑌮𑍍𑌯 𑌸𑍋𑌷𑍍𑌣𑍀𑌷𑌮𑌣𑌿𑌕𑍁𑌂𑌡𑌲𑍌 ॥ 50 ॥

𑌪𑌦𑌵𑍀𑌪𑍁𑌰𑍁𑌷𑌸𑍍𑌯𑍈𑌷𑌾 𑌵𑍍𑌯𑌕𑍍𑌤𑌂 𑌕𑌸𑍍𑌯𑌾𑌪𑌿 𑌰𑌕𑍍𑌷𑌸𑌃 ।
𑌵𑍈𑌰𑌂 𑌶𑌤𑌗𑍁𑌣𑌂 𑌪𑌶𑍍𑌯 𑌮𑌮𑍇𑌦𑌂 𑌜𑍀𑌵𑌿𑌤𑌾𑌂𑌤𑌕𑌮𑍍 ॥ 51 ॥

𑌸𑍁𑌘𑍋𑌰𑌹𑍃𑌦𑌯𑍈𑌸𑍍𑌸𑍌𑌮𑍍𑌯 𑌰𑌾𑌕𑍍𑌷𑌸𑍈𑌃 𑌕𑌾𑌮𑌰𑍂𑌪𑌿𑌭𑌿𑌃 ।
𑌹𑍃𑌤𑌾 𑌮𑍃𑌤𑌾 𑌵𑌾 𑌸𑍀𑌤𑌾 𑌸𑌾 𑌭𑌕𑍍𑌷𑌿𑌤𑌾 𑌵𑌾 𑌤𑌪𑌸𑍍𑌵𑌿𑌨𑍀 ॥ 52 ॥

𑌨𑌧𑌰𑍍𑌮𑌸𑍍𑌤𑍍𑌰𑌾𑌯𑌤𑍇 𑌸𑍀𑌤𑌾𑌂 𑌹𑍍𑌰𑌿𑌯𑌮𑌾𑌣𑌾𑌂 𑌮𑌹𑌾𑌵𑌨𑍇 ।
𑌭𑌕𑍍𑌷𑌿𑌤𑌾𑌯𑌾𑌂 𑌹𑌿 𑌵𑍈𑌦𑍇𑌹𑍍𑌯𑌾𑌂 𑌹𑍃𑌤𑌾𑌯𑌾𑌮𑌪𑌿 𑌲𑌕𑍍𑌷𑍍𑌮𑌣 ॥ 53 ॥

𑌕𑍇 𑌹𑌿 𑌲𑍋𑌕𑍇 𑌪𑍍𑌰𑌿𑌯𑌂 𑌕𑌰𑍍𑌤𑍁𑌂 𑌶𑌕𑍍𑌤𑌾𑌸𑍍𑌸𑍌𑌮𑍍𑌯 𑌮𑌮𑍇𑌶𑍍𑌵𑌰𑌾𑌃 ।
𑌕𑌰𑍍𑌤𑌾𑌰𑌮𑌪𑌿 𑌲𑍋𑌕𑌾𑌨𑌾𑌂 𑌶𑍂𑌰𑌂 𑌕𑌰𑍁𑌣𑌵𑍇𑌦𑌿𑌨𑌮𑍍 ॥ 54 ॥

𑌅𑌜𑍍𑌞𑌾𑌨𑌾𑌦𑌵𑌮𑌨𑍍𑌯𑍇𑌰𑌤𑍍𑌸𑌰𑍍𑌵𑌭𑍂𑌤𑌾𑌨𑌿 𑌲𑌕𑍍𑌷𑍍𑌮𑌣 ।
𑌮𑍃𑌦𑍁𑌂 𑌲𑍋𑌕𑌹𑌿𑌤𑍇 𑌯𑍁𑌕𑍍𑌤𑌂 𑌦𑌾𑌂𑌤𑌂 𑌕𑌰𑍁𑌣𑌵𑍇𑌦𑌿𑌨𑌮𑍍 ॥ 55 ॥

𑌨𑌿𑌰𑍍𑌵𑍀𑌰𑍍𑌯 𑌇𑌤𑌿 𑌮𑌨𑍍𑌯𑌂𑌤𑍇 𑌨𑍂𑌨𑌂 𑌮𑌾𑌂 𑌤𑍍𑌰𑌿𑌦𑌶𑍇𑌶𑍍𑌵𑌰𑌾𑌃 ।
𑌮𑌾𑌂 𑌪𑍍𑌰𑌾𑌪𑍍𑌯 𑌹𑌿 𑌗𑍁𑌣𑍋 𑌦𑍋𑌷𑌸𑍍𑌸𑌂𑌵𑍃𑌤𑍍𑌤𑌃 𑌪𑌶𑍍𑌯 𑌲𑌕𑍍𑌷𑍍𑌮𑌣 ॥ 56 ॥

𑌅𑌦𑍍𑌯𑍈𑌵 𑌸𑌰𑍍𑌵𑌭𑍂𑌤𑌾𑌨𑌾𑌂 𑌰𑌕𑍍𑌷𑌸𑌾𑌮𑌭𑌵𑌾𑌯 𑌚 ।
𑌸𑌂𑌹𑍃𑌤𑍍𑌯𑍈𑌵 𑌶𑌶𑌿𑌜𑍍𑌯𑍋𑌤𑍍𑌸𑍍𑌨𑌾𑌂 𑌮𑌹𑌾𑌨𑍍𑌸𑍂𑌰𑍍𑌯 𑌇𑌵𑍋𑌦𑌿𑌤𑌃 ॥ 5𑍭 ॥

𑌸𑌂𑌹𑍃𑌤𑍍𑌯𑍈𑌵 𑌗𑍁𑌣𑌾𑌨𑍍𑌸𑌰𑍍𑌵𑌾𑌨𑍍𑌮𑌮 𑌤𑍇𑌜𑌃 𑌪𑍍𑌰𑌕𑌾𑌶𑌤𑍇 ।
𑌨𑍈𑌵 𑌯𑌕𑍍𑌷𑌾 𑌨 𑌗𑌂𑌧𑌰𑍍𑌵𑌾 𑌨 𑌪𑌿𑌶𑌾𑌚𑌾 𑌨 𑌰𑌾𑌕𑍍𑌷𑌸𑌾𑌃 ॥ 5𑍮 ॥

𑌕𑌿𑌨𑍍𑌨𑌰𑌾 𑌵𑌾 𑌮𑌨𑍁𑌷𑍍𑌯𑌾 𑌵𑌾 𑌸𑍁𑌖𑌂 𑌪𑍍𑌰𑌾𑌪𑍍𑌸𑍍𑌯𑌂𑌤𑌿 𑌲𑌿𑌕𑍍𑌷𑍍𑌮𑌣 ।
𑌮𑌮𑌾𑌸𑍍𑌤𑍍𑌰𑌬𑌾𑌣𑌸𑌂𑌪𑍂𑌰𑍍𑌣𑌮𑌾𑌕𑌾𑌶𑌂 𑌪𑌶𑍍𑌯 𑌲𑌕𑍍𑌷𑍍𑌮𑌣 ॥ 5𑍯 ॥

𑌨𑌿𑌸𑍍𑌸𑌂𑌪𑌾𑌤𑌂 𑌕𑌰𑌿𑌷𑍍𑌯𑌾𑌮𑌿 𑌹𑍍𑌯𑌦𑍍𑌯 𑌤𑍍𑌰𑍈𑌲𑍋𑌕𑍍𑌯𑌚𑌾𑌰𑌿𑌣𑌾𑌮𑍍 ।
𑌸𑌨𑍍𑌨𑌿𑌰𑍁𑌦𑍍𑌧𑌗𑍍𑌰𑌹𑌗𑌣𑌮𑌾𑌵𑌾𑌰𑌿𑌤𑌨𑌿𑌶𑌾𑌕𑌰𑌮𑍍 ॥ 60 ॥

𑌵𑌿𑌪𑍍𑌰𑌣𑌷𑍍𑌟𑌾𑌨𑌲𑌮𑌰𑍁𑌦𑍍𑌭𑌾𑌸𑍍𑌕𑌰𑌦𑍍𑌯𑍁𑌤𑌿𑌸𑌂𑌵𑍃𑌤𑌮𑍍 ।
𑌵𑌿𑌨𑌿𑌰𑍍𑌮𑌥𑌿𑌤𑌶𑍈𑌲𑌾𑌗𑍍𑌰𑌂 𑌶𑍁𑌷𑍍𑌯𑌮𑌾𑌣𑌜𑌲𑌾𑌶𑌯𑌮𑍍 ॥ 61 ॥

𑌧𑍍𑌵𑌸𑍍𑌤𑌦𑍍𑌰𑍁𑌮𑌲𑌤𑌾𑌗𑍁𑌲𑍍𑌮𑌂 𑌵𑌿𑌪𑍍𑌰𑌣𑌾𑌶𑌿𑌤𑌸𑌾𑌗𑌰𑌮𑍍 ।
𑌤𑍍𑌰𑍈𑌲𑍋𑌕𑍍𑌯𑌂 𑌤𑍁 𑌕𑌰𑌿𑌷𑍍𑌯𑌾𑌮𑌿 𑌸𑌂𑌯𑍁𑌕𑍍𑌤𑌂 𑌕𑌾𑌲𑌕𑌰𑍍𑌮𑌣𑌾 ॥ 62 ॥

𑌨 𑌤𑌾𑌂 𑌕𑍁𑌶𑌲𑌿𑌨𑍀𑌂 𑌸𑍀𑌤𑌾𑌂 𑌪𑍍𑌰𑌦𑌾𑌸𑍍𑌯𑌂𑌤𑌿 𑌮𑌮𑍇𑌶𑍍𑌵𑌰𑌾𑌃 ।
𑌅𑌸𑍍𑌮𑌿𑌨𑍍𑌮𑍁𑌹𑍂𑌰𑍍𑌤𑍇 𑌸𑍌𑌮𑌿𑌤𑍍𑌰𑍇 𑌮𑌮 𑌦𑍍𑌰𑌕𑍍𑌷𑍍𑌯𑌂𑌤𑌿 𑌵𑌿𑌕𑍍𑌰𑌮𑌮𑍍 ॥ 63 ॥

𑌨𑌾𑌕𑌾𑌶𑌮𑍁𑌤𑍍𑌪𑌤𑌿𑌷𑍍𑌯𑌂𑌤𑌿 𑌸𑌰𑍍𑌵𑌭𑍂𑌤𑌾𑌨𑌿 𑌲𑌕𑍍𑌷𑍍𑌮𑌣 ।
𑌮𑌮 𑌚𑌾𑌪𑌗𑍁𑌣𑍋𑌨𑍍𑌮𑍁𑌕𑍍𑌤𑍈𑌰𑍍𑌬𑌾𑌣𑌜𑌾𑌲𑍈𑌰𑍍𑌨𑌿𑌰𑌂𑌤𑌰𑌮𑍍 ॥ 64 ॥

𑌅𑌰𑍍𑌦𑌿𑌤𑌂 𑌮𑌮 𑌨𑌾𑌰𑌾𑌚𑍈𑌰𑍍𑌧𑍍𑌵𑌸𑍍𑌤𑌭𑍍𑌰𑌾𑌂𑌤𑌮𑍃𑌗𑌦𑍍𑌵𑌿𑌜𑌮𑍍 ।
𑌸𑌮𑌾𑌕𑍁𑌲𑌮𑌮𑌰𑍍𑌯𑌾𑌦𑌂 𑌜𑌗𑌤𑍍𑌪𑌶𑍍𑌯𑌾𑌦𑍍𑌯 𑌲𑌕𑍍𑌷𑍍𑌮𑌣 ॥ 65 ॥

𑌆𑌕𑌰𑍍𑌣𑌪𑍂𑌰𑍍𑌣𑍈𑌰𑌿𑌷𑍁𑌭𑌿𑌰𑍍𑌜𑍀𑌵𑌲𑍋𑌕𑌂 𑌦𑍁𑌰𑌾𑌵𑌰𑍈𑌃 ।
𑌕𑌰𑌿𑌷𑍍𑌯𑍇 𑌮𑍈𑌥𑌿𑌲𑍀𑌹𑍇𑌤𑍋𑌰𑌪𑌿𑌶𑌾𑌚𑌮𑌰𑌾𑌕𑍍𑌷𑌸𑌮𑍍 ॥ 66 ॥

𑌮𑌮 𑌰𑍋𑌷𑌪𑍍𑌰𑌯𑍁𑌕𑍍𑌤𑌾𑌨𑌾𑌂 𑌸𑌾𑌯𑌕𑌾𑌨𑌾𑌂 𑌬𑌲𑌂 𑌸𑍁𑌰𑌾𑌃 ।
𑌦𑍍𑌰𑌕𑍍𑌷𑍍𑌯𑌂𑌤𑍍𑌯𑌦𑍍𑌯 𑌵𑌿𑌮𑍁𑌕𑍍𑌤𑌾𑌨𑌾𑌮𑌤𑌿𑌦𑍂𑌰𑌾𑌤𑌿𑌗𑌾𑌮𑌿𑌨𑌾𑌮𑍍 ॥ 6𑍭 ॥

𑌨𑍈𑌵 𑌦𑍇𑌵𑌾 𑌨 𑌦𑍈𑌤𑍇𑌯𑌾 𑌨 𑌪𑌿𑌶𑌾𑌚𑌾 𑌨 𑌰𑌾𑌕𑍍𑌷𑌸𑌾𑌃 ।
𑌭𑌵𑌿𑌷𑍍𑌯𑌂𑌤𑌿 𑌮𑌮 𑌕𑍍𑌰𑍋𑌧𑌾𑌤𑍍𑌤𑍍𑌰𑍈𑌲𑍋𑌕𑍍𑌯𑍇 𑌵𑌿𑌪𑍍𑌰𑌣𑌾𑌶𑌿𑌤𑍇 ॥ 6𑍮 ॥

𑌦𑍇𑌵𑌦𑌾𑌨𑌵𑌯𑌕𑍍𑌷𑌾𑌣𑌾𑌂 𑌲𑍋𑌕𑌾 𑌯𑍇 𑌰𑌕𑍍𑌷𑌸𑌾𑌮𑌪𑌿 ।
𑌬𑌹𑍁𑌧𑌾 𑌨 𑌭𑌵𑌿𑌷𑍍𑌯𑌂𑌤𑌿 𑌬𑌾𑌣𑍌𑌘𑍈𑌶𑍍𑌶𑌕𑌲𑍀𑌕𑍃𑌤𑌾𑌃 ॥ 6𑍯 ॥

𑌨𑌿𑌰𑍍𑌮𑌰𑍍𑌯𑌾𑌦𑌾𑌨𑌿𑌮𑌾𑌨𑍍𑌲𑍋𑌕𑌾𑌨𑍍𑌕𑌰𑌿𑌷𑍍𑌯𑌾𑌮𑍍𑌯𑌦𑍍𑌯 𑌸𑌾𑌯𑌕𑍈𑌃 ।
𑌹𑍃𑌤𑌾𑌂 𑌮𑍃𑌤𑌾𑌂 𑌵𑌾 𑌸𑍌𑌮𑌿𑌤𑍍𑌰𑍇 𑌨 𑌦𑌾𑌸𑍍𑌯𑌂𑌤𑌿 𑌮𑌮𑍇𑌶𑍍𑌵𑌰𑌾𑌃 ॥ 𑍭0 ॥

𑌤𑌥𑌾𑌰𑍁𑌪𑌾𑌂 𑌹𑌿 𑌵𑍈𑌦𑍇𑌹𑍀𑌂 𑌨 𑌦𑌾𑌸𑍍𑌯𑌂𑌤𑌿 𑌯𑌦𑌿 𑌪𑍍𑌰𑌿𑌯𑌾𑌮𑍍 ।
𑌨𑌾𑌶𑌯𑌾𑌮𑌿 𑌜𑌗𑌤𑍍𑌸𑌰𑍍𑌵𑌂 𑌤𑍍𑌰𑍈𑌲𑍋𑌕𑍍𑌯𑌂 𑌸𑌚𑌰𑌾𑌚𑌰𑌮𑍍 ॥ 𑍭1 ॥

𑌇𑌤𑍍𑌯𑍁𑌕𑍍𑌤𑍍𑌵𑌾 𑌰𑍋𑌷𑌤𑌾𑌮𑍍𑌰𑌾𑌕𑍍𑌷𑍋 𑌰𑌾𑌮𑍋 𑌨𑌿𑌷𑍍𑌪𑍀𑌡𑍍𑌯 𑌕𑌾𑌰𑍍𑌮𑍁𑌕𑌮𑍍 ।
𑌶𑌰𑌮𑌾𑌦𑌾𑌯 𑌸𑌂𑌦𑍀𑌪𑍍𑌤𑌂 𑌘𑍋𑌰𑌮𑌾𑌶𑍀𑌵𑌿𑌷𑍋𑌪𑌮𑌮𑍍 ॥ 𑍭2 ॥

𑌸𑌂𑌧𑌾𑌯 𑌧𑌨𑍁𑌷𑌿 𑌶𑍍𑌰𑍀𑌮𑌾𑌨𑍍𑌰𑌾𑌮𑌃 𑌪𑌰𑌪𑍁𑌰𑌂𑌜𑌯𑌃 ।
𑌯𑍁𑌗𑌾𑌂𑌤𑌾𑌗𑍍𑌨𑌿𑌰𑌿𑌵 𑌕𑍍𑌰𑍁𑌦𑍍𑌧 𑌇𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 𑍭3 ॥

𑌯𑌥𑌾 𑌜𑌰𑌾 𑌯𑌥𑌾 𑌮𑍃𑌤𑍍𑌯𑍁𑌰𑍍𑌯𑌥𑌾 𑌕𑌾𑌲𑍋 𑌯𑌥𑌾 𑌵𑌿𑌧𑌿𑌃 ।
𑌨𑌿𑌤𑍍𑌯𑌂 𑌨 𑌪𑍍𑌰𑌤𑌿𑌹𑌨𑍍𑌯𑌂𑌤𑍇 𑌸𑌰𑍍𑌵𑌭𑍂𑌤𑍇𑌷𑍁 𑌲𑌕𑍍𑌷𑍍𑌮𑌣 ॥ 𑍭4 ॥

𑌤𑌥𑌾𑌹𑌂 𑌕𑍍𑌰𑍋𑌧𑌸𑌂𑌯𑍁𑌕𑍍𑌤𑍋 𑌨 𑌨𑌿𑌵𑌾𑌰𑍍𑌯𑍋𑌽𑌸𑍍𑌮𑌿 𑌸𑌰𑍍𑌵𑌥𑌾 ।
𑌪𑍁𑌰𑍇𑌵 𑌮𑍇 𑌚𑌾𑌰𑍁𑌦𑌂𑌤𑍀𑌮𑌨𑌿𑌂𑌦𑌿𑌤𑌾𑌂 𑌦𑌿𑌶𑌂𑌤𑌿 𑌸𑍀𑌤𑌾𑌂 𑌯𑌦𑌿 𑌨𑌾𑌦𑍍𑌯 𑌮𑍈𑌥𑌿𑌲𑍀𑌮𑍍 ।
𑌸𑌦𑍇𑌵𑌗𑌂𑌧𑌰𑍍𑌵𑌮𑌨𑍁𑌷𑍍𑌯𑌪𑌨𑍍𑌨𑌗𑌂 𑌜𑌗𑌤𑍍𑌸𑌶𑍈𑌲𑌂 𑌪𑌰𑌿𑌵𑌰𑍍𑌤𑌯𑌾𑌮𑍍𑌯𑌹𑌮𑍍 ॥ 𑍭5 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌚𑌤𑍁𑌃𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: