Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.𑍭0 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌸𑌪𑍍𑌤𑌤𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ।

𑌭𑌰𑌤𑍇 𑌬𑍍𑌰𑍁𑌵𑌤𑌿 𑌸𑍍𑌵𑌪𑍍𑌨𑌂 𑌦𑍂𑌤𑌾𑌸𑍍𑌤𑍇 𑌕𑍍𑌲𑌾𑌂𑌤𑌵𑌾𑌹𑌨𑌾𑌃 ।
𑌪𑍍𑌰𑌵𑌿𑌶𑍍𑌯𑌾𑌸𑌹𑍍𑌯𑌪𑌰𑌿𑌖𑌂 𑌰𑌮𑍍𑌯𑌂 𑌰𑌾𑌜𑌗𑍃𑌹𑌂 𑌪𑍁𑌰𑌮𑍍 ॥ 1 ॥

𑌸𑌮𑌾𑌗𑌮𑍍𑌯 𑌤𑍁 𑌰𑌾𑌜𑍍𑌞𑌾 𑌚 𑌰𑌾𑌜𑌪𑍁𑌤𑍍𑌰𑍇𑌣 𑌚𑌾𑌰𑍍𑌚𑌿𑌤𑌾𑌃 𑌰𑌾𑌜𑍍𑌞𑌃 𑌪𑌾𑌦𑍌 𑌗𑍃𑌹𑍀𑌤𑍍𑌵𑌾 𑌤𑍁 𑌤𑌮𑍂𑌚𑍁𑌰𑍍𑌭𑌰𑌤𑌂 𑌵𑌚𑌃 ॥ 2 ॥

𑌭𑌰𑌤𑍇 𑌬𑍍𑌰𑍁𑌵𑌤𑌿 𑌸𑍍𑌵𑌪𑍍𑌨𑌂 𑌦𑍂𑌤𑌾𑌸𑍍𑌤𑍇 𑌕𑍍𑌲𑌾𑌂𑌤𑌵𑌾𑌹𑌨𑌾𑌃 ।
𑌪𑍍𑌰𑌵𑌿𑌶𑍍𑌯𑌾𑌸𑌹𑍍𑌯𑌪𑌰𑌿𑌖𑌂 𑌰𑌮𑍍𑌯𑌂 𑌰𑌾𑌜𑌗𑍃𑌹𑌂 𑌪𑍁𑌰𑌮𑍍 ॥ 3 ॥

𑌸𑌮𑌾𑌗𑌮𑍍𑌯 𑌤𑍁 𑌰𑌾𑌜𑍍𑌞𑌾 𑌚 𑌰𑌾𑌜𑌪𑍁𑌤𑍍𑌰𑍇𑌣 𑌚𑌾𑌰𑍍𑌚𑌿𑌤𑌾𑌃 𑌰𑌾𑌜𑍍𑌞𑌃 𑌪𑌾𑌦𑍌 𑌗𑍃𑌹𑍀𑌤𑍍𑌵𑌾 𑌤𑍁 𑌤𑌮𑍂𑌚𑍁𑌰𑍍𑌭𑌰𑌤𑌂 𑌵𑌚𑌃 ॥ 4 ॥

𑌪𑍁𑌰𑍋𑌹𑌿𑌤𑌸𑍍𑌤𑍍𑌵𑌾𑌂 𑌕𑍁𑌶𑌲𑌂 𑌪𑍍𑌰𑌾𑌹 𑌸𑌰𑍍𑌵𑍇 𑌚 𑌮𑌂𑌤𑍍𑌰𑌿𑌣𑌃 ।
𑌤𑍍𑌵𑌰𑌮𑌾𑌣𑌶𑍍𑌚 𑌨𑌿𑌰𑍍𑌯𑌾𑌹𑌿 𑌕𑍃𑌤𑍍𑌯𑌮𑌾𑌤𑍍𑌯𑌯𑌿𑌕𑌂 𑌤𑍍𑌵𑌯𑌾 ॥ 5 ॥

𑌇𑌮𑌾𑌨𑌿 𑌚 𑌮𑌹𑌾𑌰𑍍𑌹𑌾𑌣𑌿 𑌵𑌸𑍍𑌤𑍍𑌰𑌾𑌣𑍍𑌯𑌾𑌭𑌰𑌣𑌾𑌨𑌿 𑌚 ।
𑌪𑍍𑌰𑌤𑌿𑌗𑍃𑌹𑍍𑌯 𑌵𑌿𑌶𑌾𑌲𑌕𑍍𑌷 𑌮𑌾𑌤𑍁𑌲𑌸𑍍𑌯 𑌚 𑌦𑌾𑌪𑌯 ॥ 6 ॥

𑌅𑌤𑍍𑌰 𑌵𑌿𑌶𑌂𑌤𑌿𑌕𑍋𑌟𑍍𑌯𑌸𑍍𑌤𑍁 𑌨𑍃𑌪𑌤𑍇𑌰𑍍𑌮𑌾𑌤𑍁𑌲𑌸𑍍𑌯 𑌤𑍇 ।
𑌦𑌶𑌕𑍋𑌟𑍍𑌯𑌸𑍍𑌤𑍁 𑌸𑌂𑌪𑍂𑌰𑍍𑌣𑌾𑌸𑍍𑌤𑌥𑍈𑌵 𑌚 𑌨𑍃𑌪𑌾𑌤𑍍𑌮𑌜 ॥ 𑍭 ॥

𑌪𑍍𑌰𑌤𑌿𑌗𑍃𑌹𑍍𑌯 𑌤𑍁 𑌤𑌤𑍍𑌸𑌰𑍍𑌵𑌂 𑌸𑍍𑌵𑌨𑍁𑌰𑌕𑍍𑌤 𑌸𑍍𑌸𑍁𑌹𑍃𑌜𑍍𑌜𑌨𑍇 ।
𑌦𑍂𑌤𑌾𑌨𑍁𑌵𑌾𑌚 𑌭𑌰𑌤𑌃 𑌕𑌾𑌮𑍈𑌸𑍍𑌸𑌂𑌪𑍍𑌰𑌤𑌿𑌪𑍂𑌜𑍍𑌯 𑌤𑌾𑌨𑍍 ॥ 𑍮 ॥

𑌕𑌚𑍍𑌚𑌿𑌤𑍍𑌸𑍁𑌕𑍁𑌶𑌲𑍀 𑌰𑌾𑌜𑌾 𑌪𑌿𑌤𑌾 𑌦𑌶𑌰𑌥𑍋 𑌮𑌮 ।
𑌕𑌚𑍍𑌚𑌿𑌚𑍍𑌚𑌾𑌰𑍋𑌗𑌤𑌾 𑌰𑌾𑌮𑍇 𑌲𑌕𑍍𑌷𑍍𑌮𑌣𑍇 𑌚 𑌮𑌹𑌾𑌤𑍍𑌮𑌨𑌿 ॥ 𑍯 ॥

𑌆𑌰𑍍𑌯𑌾 𑌚 𑌧𑌰𑍍𑌮𑌨𑌿𑌰𑌤𑌾 𑌧𑌰𑍍𑌮𑌜𑍍𑌞𑌾 𑌧𑌰𑍍𑌮𑌦𑌰𑍍𑌶𑌿𑌨𑍀 ।
𑌅𑌰𑍋𑌗𑌾 𑌚𑌾𑌪𑌿 𑌕𑍌𑌸𑌲𑍍𑌯𑌾 𑌮𑌾𑌤𑌾 𑌰𑌾𑌮𑌸𑍍𑌯 𑌧𑍀𑌮𑌤𑌃 ॥ 10 ॥

𑌕𑌚𑍍𑌚𑌿𑌤𑍍𑌸𑍁𑌮𑌿𑌤𑍍𑌰𑌾 𑌧𑌰𑍍𑌮𑌜𑍍𑌞𑌾 𑌜𑌨𑌨𑍀 𑌲𑌕𑍍𑌷𑍍𑌮𑌣𑌸𑍍𑌯 𑌯𑌾 ।
𑌶𑌤𑍍𑌰𑍁𑌘𑍍𑌨𑌸𑍍𑌯 𑌚 𑌵𑍀𑌰𑌸𑍍𑌯 𑌸𑌾𑌽𑌰𑍋𑌗𑌾 𑌚𑌾𑌪𑌿 𑌮𑌧𑍍𑌯𑌮𑌾 ॥ 11 ॥

𑌆𑌤𑍍𑌮𑌕𑌾𑌮𑌾 𑌸𑌦𑌾 𑌚𑌂𑌡𑍀 𑌕𑍍𑌰𑍋𑌧𑌨𑌾 𑌪𑍍𑌰𑌾𑌜𑍍𑌞𑌮𑌾𑌨𑌿𑌨𑍀 ।
𑌅𑌰𑍋𑌗𑌾 𑌚𑌾𑌪𑌿 𑌮𑍇 𑌮𑌾𑌤𑌾 𑌕𑍈𑌕𑍇𑌯𑍀 𑌕𑌿𑌮𑍁𑌵𑌾𑌚 𑌹 ॥ 12 ॥

𑌏𑌵𑌮𑍁𑌕𑍍𑌤𑌾𑌸𑍍𑌤𑍁 𑌤𑍇 𑌦𑍂𑌤𑌾𑌃 𑌭𑌰𑌤𑍇𑌨 𑌮𑌹𑌾𑌤𑍍𑌮𑌨𑌾 ।
𑌊𑌚𑍁𑌸𑍍𑌸𑌪𑍍𑌰𑌶𑍍𑌰𑌯𑌂 𑌵𑌾𑌕𑍍𑌯𑌮𑌿𑌦𑌂 𑌤𑌂 𑌭𑌰𑌤𑌂 𑌤𑌦𑌾 ॥ 13 ॥

𑌕𑍁𑌶𑌲𑌾𑌸𑍍𑌤𑍇 𑌨𑌰𑌵𑍍𑌯𑌾𑌘𑍍𑌰 𑌯𑍇𑌷𑌾𑌂 𑌕𑍁𑌶𑌲𑌮𑌿𑌚𑍍𑌛𑌸𑌿 ।
𑌶𑍍𑌰𑍀𑌶𑍍𑌚 𑌤𑍍𑌵𑌾𑌂 𑌵𑍃𑌣𑍁𑌤𑍇 𑌪𑌦𑍍𑌮𑌾 𑌯𑍁𑌜𑍍𑌯𑌤𑌾𑌂 𑌚𑌾𑌪𑌿 𑌤𑍇 𑌰𑌥𑌃 ॥ 14 ॥

𑌭𑌰𑌤𑌶𑍍𑌚𑌾𑌪𑌿 𑌤𑌾𑌨𑍍 𑌦𑍂𑌤𑌾𑌨𑍇𑌵𑌮𑍁𑌕𑍍𑌤𑍋𑌽𑌭𑍍𑌯𑌭𑌾𑌷𑌤 ।
𑌆𑌪𑍃𑌚𑍍𑌚𑍇𑌽𑌹𑌂 𑌮𑌹𑌾𑌰𑌾𑌜𑌂 𑌦𑍂𑌤𑌾𑌸𑍍𑌸𑌂𑌤𑍍𑌵𑌰𑌯𑌂𑌤𑌿 𑌮𑌾𑌮𑍍 ॥ 15 ॥

𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌤𑌾𑌨𑍍 𑌦𑍂𑌤𑌾𑌨𑍍𑌭𑌰𑌤𑌃 𑌪𑌾𑌰𑍍𑌥𑌿𑌵𑌾𑌤𑍍𑌮𑌜𑌃 ।
𑌦𑍂𑌤𑍈 𑌸𑍍𑌸𑌂𑌚𑍋𑌦𑌿𑌤𑍋 𑌵𑌾𑌕𑍍𑌯𑌂 𑌮𑌾𑌤𑌾𑌮𑌹𑌮𑍁𑌵𑌾𑌚 𑌹 ॥ 16 ॥

𑌰𑌾𑌜𑌨𑍍 𑌪𑌿𑌤𑍁𑌰𑍍𑌗𑌮𑌿𑌷𑍍𑌯𑌾𑌮𑌿 𑌸𑌕𑌾𑌶𑌂 𑌦𑍂𑌤𑌚𑍋𑌦𑌿𑌤𑌃 ।
𑌪𑍁𑌨𑌰𑌪𑍍𑌯𑌹𑌮𑍇𑌷𑍍𑌯𑌾𑌮𑌿 𑌯𑌦𑌾 𑌮𑍇 𑌤𑍍𑌵𑌂 𑌸𑍍𑌮𑌰𑌿𑌷𑍍𑌯𑌸𑌿 ॥ 1𑍭 ॥

𑌭𑌰𑌤𑍇𑌨𑍈𑌵𑌮𑍁𑌕𑍍𑌤𑌸𑍍𑌤𑍁 𑌨𑍃𑌪𑍋 𑌮𑌾𑌤𑌾𑌮𑌹𑌸𑍍𑌤𑌦𑌾 ।
𑌤𑌮𑍁𑌵𑌾𑌚 𑌶𑍁𑌭𑌂 𑌵𑌾𑌕𑍍𑌯𑌂 𑌶𑌿𑌰𑌸𑍍𑌯𑌾𑌘𑍍𑌰𑌾𑌯 𑌰𑌾𑌘𑌵𑌮𑍍 ॥ 1𑍮 ॥

𑌗𑌚𑍍𑌛 𑌤𑌾𑌤𑌾𑌨𑍁𑌜𑌾𑌨𑍇 𑌤𑍍𑌵𑌾𑌂 𑌕𑍈𑌕𑍇𑌯𑍀𑌸𑍁𑌪𑍍𑌰𑌜𑌾𑌸𑍍𑌤𑍍𑌵𑌯𑌾 ।
𑌮𑌾𑌤𑌰𑌂 𑌕𑍁𑌶𑌲𑌂 𑌬𑍍𑌰𑍂𑌯𑌾𑌃 𑌪𑌿𑌤𑌰𑌂 𑌚 𑌪𑌰𑌂𑌤𑌪 ॥ 1𑍯 ॥

𑌪𑍁𑌰𑍋𑌹𑌿𑌤𑌂 𑌚 𑌕𑍁𑌶𑌲𑌂 𑌯𑍇 𑌚𑌾𑌨𑍍𑌯𑍇 𑌦𑍍𑌵𑌿𑌜𑌸𑌤𑍍𑌤𑌮𑌾𑌃 ।
𑌤𑍌 𑌚 𑌤𑌾𑌤 𑌮𑌹𑍇𑌷𑍍𑌵𑌾𑌸𑍌 𑌭𑍍𑌰𑌾𑌤𑌰𑍌 𑌰𑌾𑌮𑌲𑌕𑍍𑌷𑍍𑌮𑌣𑍌 ॥ 20 ॥

𑌤𑌸𑍍𑌮𑍈 𑌹𑌸𑍍𑌤𑍍𑌯𑍁𑌤𑍍𑌤𑌮𑌾𑌂𑌶𑍍𑌚𑌿𑌤𑍍𑌰𑌾𑌨𑍍𑌕𑌂𑌬𑌲𑌾𑌨𑌜𑌿𑌨𑌾𑌨𑌿 𑌚 ।
𑌅𑌭𑌿𑌸𑌤𑍍𑌕𑍃𑌤𑍍𑌯 𑌕𑍈𑌕𑍇𑌯𑍋 𑌭𑌰𑌤𑌾𑌯 𑌧𑌨𑌂 𑌦𑌦𑍌 ॥ 21 ॥

𑌰𑍁𑌕𑍍𑌮𑌨𑌿𑌷𑍍𑌕𑌸𑌹𑌸𑍍𑌰𑍇 𑌦𑍍𑌵𑍇 𑌷𑍋𑌡𑌶𑌾𑌶𑍍𑌵𑌶𑌤𑌾𑌨𑌿 𑌚 ।
𑌸𑌤𑍍𑌕𑍃𑌤𑍍𑌯 𑌕𑍈𑌕𑌯𑍀𑌪𑍁𑌤𑍍𑌰𑌂 𑌕𑍇𑌕𑌯𑍋 𑌧𑌨𑌮𑌾𑌦𑌿𑌶𑌤𑍍 ॥ 22 ॥

𑌤𑌥𑌾𑌽𑌮𑌾𑌤𑍍𑌯𑌾𑌨𑌭𑌿𑌪𑍍𑌰𑍇𑌤𑌾𑌨𑍍𑌵𑌿𑌶𑍍𑌵𑌾𑌸𑍍𑌯𑌾𑌂𑌶𑍍𑌚 𑌗𑍁𑌣𑌾𑌨𑍍𑌵𑌿𑌤𑌾𑌨𑍍 ।
𑌦𑌦𑌾𑌵𑌶𑍍𑌵𑌪𑌤𑌿𑌃 𑌕𑍍𑌷𑌿𑌪𑍍𑌰𑌂 𑌭𑌰𑌤𑌾𑌯𑌾𑌨𑍁𑌯𑌾𑌯𑌿𑌨𑌃 ॥ 23 ॥

𑌐𑌰𑌾𑌵𑌤𑌾𑌨𑍈𑌂𑌦𑍍𑌰𑌶𑌿𑌰𑌾𑌨𑍍𑌨𑌾𑌗𑌾𑌨𑍍𑌵𑍈 𑌪𑍍𑌰𑌿𑌯𑌦𑌰𑍍𑌶𑌨𑌾𑌨𑍍 ।
𑌖𑌰𑌾𑌨𑍍 𑌶𑍍𑌰𑍀𑌘𑍍𑌰𑌾𑌨𑍍𑌸𑍁𑌸𑌂𑌯𑍁𑌕𑍍𑌤𑌾𑌨𑍍𑌮𑌾𑌤𑍁𑌲𑍋𑌽𑌸𑍍𑌮𑍈 𑌧𑌨𑌂 𑌦𑌦𑍌 ॥ 24 ॥

𑌅𑌂𑌤𑌃𑌪𑍁𑌰𑍇𑌽𑌤𑌿 𑌸𑌂𑌵𑍃𑌦𑍍𑌧𑌾𑌨𑍍 𑌵𑍍𑌯𑌾𑌘𑍍𑌰𑌵𑍀𑌰𑍍𑌯𑌬𑌲𑌾𑌨𑍍𑌵𑌿𑌤𑌾𑌨𑍍 ।
𑌦𑌂𑌷𑍍𑌟𑍍𑌰𑌾𑌽𑌽𑌯𑍁𑌧𑌾𑌨𑍍𑌮𑌹𑌾𑌕𑌾𑌯𑌾𑌨𑍍 𑌶𑍁𑌨𑌶𑍍𑌚𑍋𑌪𑌾𑌯𑌨𑌂 𑌦𑌦𑍌 ॥ 25 ॥

𑌸 𑌦𑌤𑍍𑌤𑌂 𑌕𑍇𑌕𑌯𑍇𑌂𑌦𑍍𑌰𑍇𑌣 𑌧𑌨𑌂 𑌤𑌨𑍍𑌨𑌾𑌭𑍍𑌯𑌨𑌂𑌦𑌤 ।
𑌭𑌰𑌤𑌃 𑌕𑍈𑌕𑌯𑍀𑌪𑍁𑌤𑍍𑌰𑍋 𑌗𑌮𑌨𑌤𑍍𑌵𑌰𑌯𑌾 𑌤𑌦𑌾 ॥ 26 ॥

𑌬𑌭𑍂𑌵 𑌹𑍍𑌯𑌸𑍍𑌯 𑌹𑍃𑌦𑌯𑍇 𑌚𑌿𑌂𑌤𑌾 𑌸𑍁𑌮𑌹𑌤𑍀 𑌤𑌦𑌾 ।
𑌤𑍍𑌵𑌰𑌯𑌾 𑌚𑌾𑌪𑌿 𑌦𑍂𑌤𑌾𑌨𑌾𑌂 𑌸𑍍𑌵𑌪𑍍𑌨𑌸𑍍𑌯𑌾𑌪𑌿 𑌚 𑌦𑌰𑍍𑌶𑌨𑌾𑌤𑍍 ॥ 2𑍭 ॥

𑌸 𑌸𑍍𑌵𑌵𑍇𑌶𑍍𑌮𑌾𑌭𑍍𑌯𑌤𑌿𑌕𑍍𑌰𑌮𑍍𑌯 𑌨𑌰𑌨𑌾𑌗𑌾𑌶𑍍𑌵𑌸𑌂𑌵𑍃𑌤𑌮𑍍 ।
𑌪𑍍𑌰𑌪𑍇𑌦𑍇 𑌸𑍁𑌮𑌹𑌚𑍍𑌛𑍍𑌰𑍀𑌮𑌾𑌨𑍍𑌰𑌾𑌜𑌮𑌾𑌰𑍍𑌗𑌮𑌨𑍁𑌤𑍍𑌤𑌮𑌮𑍍 ॥ 2𑍮 ॥

𑌅𑌭𑍍𑌯𑌤𑍀𑌤𑍍𑌯 𑌤𑌤𑍋𑌽𑌪𑌶𑍍𑌯𑌦𑌂𑌤𑌃𑌪𑍁𑌰𑌮𑍁𑌦𑌾𑌰𑌧𑍀𑌃 ।
𑌤𑌤𑌸𑍍𑌤𑌦𑍍𑌭𑌰𑌤𑌶𑍍𑌶𑍍𑌰𑍀𑌮𑌾𑌨𑌾𑌵𑌿𑌵𑍇𑌶𑌾𑌨𑌿𑌵𑌾𑌰𑌿𑌤𑌃 ॥ 2𑍯 ॥

𑌸 𑌮𑌾𑌤𑌾𑌮𑌹𑌮𑌾𑌪𑍃𑌚𑍍𑌛𑍍𑌯 𑌮𑌾𑌤𑍁𑌲𑌂 𑌚 𑌯𑍁𑌧𑌾𑌜𑌿𑌤𑌮𑍍 ।
𑌰𑌥𑌮𑌾𑌰𑍁𑌹𑍍𑌯 𑌭𑌰𑌤𑌶𑍍𑌶𑌤𑍍𑌰𑍁𑌘𑍍𑌨𑌸𑌹𑌿𑌤𑍋 𑌯𑌯𑍌 ॥ 30 ॥

𑌰𑌥𑌾𑌨𑍍𑌮𑌂𑌡𑌲 𑌚𑌕𑍍𑌰𑌾𑌂𑌶𑍍𑌚 𑌯𑍋𑌜𑌯𑌿𑌤𑍍𑌵𑌾 𑌪𑌰𑌶𑍍𑌶𑌤𑌮𑍍 ।
𑌉𑌷𑍍𑌟𑍍𑌰 𑌗𑍋𑌽𑌶𑍍𑌵𑌬𑌲𑍈𑌰𑍍𑌭𑍃𑌤𑍍𑌯𑌾 𑌭𑌰𑌤𑌂 𑌯𑌾𑌂𑌤𑌮𑌨𑍍𑌵𑌯𑍁𑌃 ॥ 31 ॥

𑌬𑌲𑍇𑌨 𑌗𑍁𑌪𑍍𑌤𑍋 𑌭𑌰𑌤𑍋 𑌮𑌹𑌾𑌤𑍍𑌮𑌾 𑌸𑌹𑌾𑌰𑍍𑌯𑌕𑌸𑍍𑌯𑌾𑌽𑌤𑍍𑌮𑌸𑌮𑍈𑌰𑌮𑌾𑌤𑍍𑌯𑍈𑌃 ।
𑌆𑌦𑌾𑌯 𑌶𑌤𑍍𑌰𑍁𑌘𑍍𑌨𑌮𑌪𑍇𑌤𑌶𑌤𑍍𑌰𑍁𑌰𑍍𑌗𑍃𑌹𑌾𑌦𑍍𑌯𑌯𑍌 𑌸𑌿𑌦𑍍𑌧 𑌇𑌵𑍇𑌂𑌦𑍍𑌰𑌲𑍋𑌕𑌾𑌤𑍍 ॥ 32 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: