অথ নবমস্তোত্রম্
অতিমততমোগিরিসমিতিবিভেদন পিতামহভূতিদ গুণগণনিলয় ।
শুভতম কথাশয় পরমসদোদিত জগদেককারণ রামরমারমণ ॥ 1॥
বিধিভবমুখসুরসততসুবংদিতরমামনোবল্লভ ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 2॥
অগণিতগুণগণমযশরীর হে বিগতগুণেতর ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 3॥
অপরিমিতসুখনিধিবিমলসুদেহ হে বিগত সুখেতর ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 4॥
প্রচলিতলযজলবিহরণ শাশ্বতসুখমযমীন হে ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 5॥
সুরদিতিজসুবলবিলুলিতমংদরধর পর কূর্ম হে ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 6॥
সগিরিবরধরাতলবহ সুসূকরপরমবিবোধ হে ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 7॥
অতিবলদিতিসুত হৃদয় বিভেদন জযনৃহরেঽমল ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 8॥
বলিমুখদিতিসুতবিজযবিনাশন জগদবনাজিত ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 9॥
অবিজিতকুনৃপতিসমিতিবিখংডন রমাবর বীরপ ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 10॥
খরতরনিশিচরদহন পরামৃত রঘুবর মানদ ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 11॥
সুললিততনুবর বরদ মহাবল যদুবর পার্থপ ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 12॥
দিতিসুতবিমোহন বিমলবিবোধন পরগুণবুদ্ধ হে ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 13॥
কলিমলহুতবহ সুভগ মহোত্সব শরণদ কল্কীশ ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 14॥
অখিলজনিবিলয় পরসুখকারণ পরপুরুষোত্তম ভব মম শরণম্ ।
শুভতম কথাশয় পরমসদোদিত জগদেককারণ রামরমারমণ ॥ 15॥
ইতি তব নুতিবরসততরতের্ভব সুশরণমুরুসুখতীর্থমুনেঃ ভগবন্ ।
শুভতম কথাশয় পরমসদোদিত জগদেককারণ রামরমারমণ ॥ 16॥
ইতি শ্রীমদানংদতীর্থভগবত্পাদাচার্য় বিরচিতং
দ্বাদশস্তোত্রেষু নবমস্তোত্রং সংপূর্ণম্
