ইতি ত্বয়ি রসাকুলং রমিতবল্লভে বল্লবাঃ
কদাপি পুরমংবিকামিতুরংবিকাকাননে ।
সমেত্য় ভবতা সমং নিশি নিষেব্য় দিব্য়োত্সবং
সুখং সুষুপুরগ্রসীদ্ব্রজপমুগ্রনাগস্তদা ॥1॥
সমুন্মুখমথোল্মুকৈরভিহতেঽপি তস্মিন্ বলা-
দমুংচতি ভবত্পদে ন্যপতি পাহি পাহীতি তৈঃ ।
তদা খলু পদা ভবান্ সমুপগম্য় পস্পর্শ তং
বভৌ স চ নিজাং তনুং সমুপসাদ্য় বৈদ্যধরীম্ ॥2॥
সুদর্শনধর প্রভো ননু সুদর্শনাখ্য়োঽস্ম্যহং
মুনীন্ ক্বচিদপাহসং ত ইহ মাং ব্যধুর্বাহসম্ ।
ভবত্পদসমর্পণাদমলতাং গতোঽস্মীত্যসৌ
স্তুবন্ নিজপদং যয়ৌ ব্রজপদং চ গোপা মুদা ॥3॥
কদাপি খলু সীরিণা বিহরতি ত্বয়ি স্ত্রীজনৈ-
র্জহার ধনদানুগঃ স কিল শংখচূডোঽবলাঃ ।
অতিদ্রুতমনুদ্রুতস্তমথ মুক্তনারীজনং
রুরোজিথ শিরোমণিং হলভৃতে চ তস্য়াদদাঃ ॥4॥
দিনেষু চ সুহৃজ্জনৈস্সহ বনেষু লীলাপরং
মনোভবমনোহরং রসিতবেণুনাদামৃতম্ ।
ভবংতমমরীদৃশামমৃতপারণাদায়িনং
বিচিংত্য় কিমু নালপন্ বিরহতাপিতা গোপিকাঃ ॥5॥
ভোজরাজভৃতকস্ত্বথ কশ্চিত্ কষ্টদুষ্টপথদৃষ্টিররিষ্টঃ ।
নিষ্ঠুরাকৃতিরপষ্ঠুনিনাদস্তিষ্ঠতে স্ম ভবতে বৃষরূপী ॥6॥
শাক্বরোঽথ জগতীধৃতিহারী মূর্তিমেষ বৃহতীং প্রদধানঃ ।
পংক্তিমাশু পরিঘূর্ণ্য় পশূনাং ছংদসাং নিধিমবাপ ভবংতম্ ॥7॥
তুংগশৃংগমুখমাশ্বভিয়ংতং সংগৃহয়্য় রভসাদভিয়ং তম্ ।
ভদ্ররূপমপি দৈত্যমভদ্রং মর্দযন্নমদয়ঃ সুরলোকম্ ॥8॥
চিত্রমদ্য় ভগবন্ বৃষঘাতাত্ সুস্থিরাঽজনি বৃষস্থিতিরুর্ব্য়াম্ ।
বর্ধতে চ বৃষচেতসি ভূয়ান্ মোদ ইত্যভিনুতোঽসি সুরৈস্ত্বম্ ॥9॥
ঔক্ষকাণি পরিধাবত দূরং বীক্ষ্যতামযমিহোক্ষবিভেদী ।
ইত্থমাত্তহসিতৈঃ সহ গোপৈর্গেহগস্ত্বমব বাতপুরেশ ॥10॥
