এবং চতুর্দশজগন্মযতাং গতস্য়
পাতালমীশ তব পাদতলং বদংতি ।
পাদোর্ধ্বদেশমপি দেব রসাতলং তে
গুল্ফদ্বয়ং খলু মহাতলমদ্ভুতাত্মন্ ॥1॥
জংঘে তলাতলমথো সুতলং চ জানূ
কিংচোরুভাগয়ুগলং বিতলাতলে দ্বে ।
ক্ষোণীতলং জঘনমংবরমংগ নাভি-
র্বক্ষশ্চ শক্রনিলযস্তব চক্রপাণে ॥2॥
গ্রীবা মহস্তব মুখং চ জনস্তপস্তু
ফালং শিরস্তব সমস্তমযস্য় সত্যম্ ।
এবং জগন্মযতনো জগদাশ্রিতৈর-
প্যন্য়ৈর্নিবদ্ধবপুষে ভগবন্নমস্তে ॥3॥
ত্বদ্ব্রহ্মরংধ্রপদমীশ্বর বিশ্বকংদ
ছংদাংসি কেশব ঘনাস্তব কেশপাশাঃ ।
উল্লাসিচিল্লিয়ুগলং দ্রুহিণস্য় গেহং
পক্ষ্মাণি রাত্রিদিবসৌ সবিতা চ নেত্রৈ ॥4॥
নিশ্শেষবিশ্বরচনা চ কটাক্ষমোক্ষঃ
কর্ণৌ দিশোঽশ্বিয়ুগলং তব নাসিকে দ্বে ।
লোভত্রপে চ ভগবন্নধরোত্তরোষ্ঠৌ
তারাগণাশ্চ দশনাঃ শমনশ্চ দংষ্ট্রা ॥5॥
মায়া বিলাসহসিতং শ্বসিতং সমীরো
জিহ্বা জলং বচনমীশ শকুংতপংক্তিঃ ।
সিদ্ধাদয়ঃ স্বরগণা মুখরংধ্রমগ্নি-
র্দেবা ভুজাঃ স্তনয়ুগং তব ধর্মদেবঃ ॥6॥
পৃষ্ঠং ত্বধর্ম ইহ দেব মনঃ সুধাংশু -
রব্যক্তমেব হৃদয়ংবুজমংবুজাক্ষ ।
কুক্ষিঃ সমুদ্রনিবহা বসনং তু সংধ্য়ে
শেফঃ প্রজাপতিরসৌ বৃষণৌ চ মিত্রঃ ॥7॥
শ্রোণীস্থলং মৃগগণাঃ পদয়োর্নখাস্তে
হস্ত্য়ুষ্ট্রসৈংধবমুখা গমনং তু কালঃ ।
বিপ্রাদিবর্ণভবনং বদনাব্জবাহু-
চারূরুয়ুগ্মচরণং করুণাংবুধে তে ॥8॥
সংসারচক্রময়ি চক্রধর ক্রিয়াস্তে
বীর্য়ং মহাসুরগণোঽস্থিকুলানি শৈলাঃ ।
নাড্যস্সরিত্সমুদযস্তরবশ্চ রোম
জীয়াদিদং বপুরনির্বচনীযমীশ ॥9॥
ঈদৃগ্জগন্মযবপুস্তব কর্মভাজাং
কর্মাবসানসময়ে স্মরণীযমাহুঃ ।
তস্য়াংতরাত্মবপুষে বিমলাত্মনে তে
বাতালয়াধিপ নমোঽস্তু নিরুংধি রোগান্ ॥10॥
