স্থিতস্স কমলোদ্ভবস্তব হি নাভিপংকেরুহে
কুতঃ স্বিদিদমংবুধাবুদিতমিত্যনালোকযন্ ।
তদীক্ষণকুতূহলাত্ প্রতিদিশং বিবৃত্তানন-
শ্চতুর্বদনতামগাদ্বিকসদষ্টদৃষ্ট্য়ংবুজাম্ ॥1॥
মহার্ণববিঘূর্ণিতং কমলমেব তত্কেবলং
বিলোক্য় তদুপাশ্রয়ং তব তনুং তু নালোকযন্ ।
ক এষ কমলোদরে মহতি নিস্সহায়ো হ্যহং
কুতঃ স্বিদিদংবুজং সমজনীতি চিংতামগাত্ ॥2॥
অমুষ্য় হি সরোরুহঃ কিমপি কারণং সংভ্বে-
দিতি স্ম কৃতনিশ্চযস্স খলু নালরংধ্রাধ্বনা ।
স্বয়োগবলবিদ্যয়া সমবরূঢবান্ প্রৌঢধী -
স্ত্বদীযমতিমোহনং ন তু কলেবরং দৃষ্টবান্ ॥3॥
ততঃ সকলনালিকাবিবরমার্গগো মার্গযন্
প্রযস্য় শতবত্সরং কিমপি নৈব সংদৃষ্টবান্ ।
নিবৃত্য় কমলোদরে সুখনিষণ্ণ একাগ্রধীঃ
সমাধিবলমাদধে ভবদনুগ্রহৈকাগ্রহী ॥4॥
শতেন পরিবত্সরৈর্দৃঢসমাধিবংধোল্লসত্-
প্রবোধবিশদীকৃতঃ স খলু পদ্মিনীসংভবঃ ।
অদৃষ্টচরমদ্ভুতং তব হি রূপমংতর্দৃশা
ব্যচষ্ট পরিতুষ্টধীর্ভুজগভোগভাগাশ্রযম্ ॥5॥
কিরীটমুকুটোল্লসত্কটকহারকেয়ূরয়ুঙ্-
মণিস্ফুরিতমেখলং সুপরিবীতপীতাংবরম্ ।
কলাযকুসুমপ্রভং গলতলোল্লসত্কৌস্তুভং
বপুস্তদয়ি ভাবয়ে কমলজন্মে দর্শিতম্ ॥6॥
শ্রুতিপ্রকরদর্শিতপ্রচুরবৈভব শ্রীপতে
হরে জয় জয় প্রভো পদমুপৈষি দিষ্ট্য়া দৃশোঃ ।
কুরুষ্ব ধিযমাশু মে ভুবননির্মিতৌ কর্মঠা-
মিতি দ্রুহিণবর্ণিতস্বগুণবংহিমা পাহি মাম্ ॥7॥
লভস্ব ভুবনত্রয়ীরচনদক্ষতামক্ষতাং
গৃহাণ মদনুগ্রহং কুরু তপশ্চ ভূয়ো বিধে ।
ভবত্বখিলসাধনী ময়ি চ ভক্তিরত্য়ুত্কটে-
ত্য়ুদীর্য় গিরমাদধা মুদিতচেতসং বেধসম্ ॥8॥
শতং কৃততপাস্ততঃ স খলু দিব্যসংবত্সরা-
নবাপ্য় চ তপোবলং মতিবলং চ পূর্বাধিকম্ ।
উদীক্ষ্য় কিল কংপিতং পযসি পংকজং বায়ুনা
ভবদ্বলবিজৃংভিতঃ পবনপাথসী পীতবান্ ॥9॥
তবৈব কৃপয়া পুনস্সরসিজেন তেনৈব সঃ
প্রকল্প্য় ভুবনত্রয়ীং প্রববৃতে প্রজানির্মিতৌ ।
তথাবিধকৃপাভরো গুরুমরুত্পুরাধীশ্বর
ত্বমাশু পরিপাহি মাং গুরুদয়োক্ষিতৈরীক্ষিতৈঃ ॥10॥
