আনংদরূপ ভগবন্নয়ি তেঽবতারে
প্রাপ্তে প্রদীপ্তভবদংগনিরীযমাণৈঃ ।
কাংতিব্রজৈরিব ঘনাঘনমংডলৈর্দ্য়া-
মাবৃণ্বতী বিরুরুচে কিল বর্ষবেলা ॥1॥
আশাসু শীতলতরাসু পয়োদতোয়ৈ-
রাশাসিতাপ্তিবিবশেষু চ সজ্জনেষু ।
নৈশাকরোদযবিধৌ নিশি মধ্যমায়াং
ক্লেশাপহস্ত্রিজগতাং ত্বমিহাবিরাসীঃ ॥2॥
বাল্যস্পৃশাঽপি বপুষা দধুষা বিভূতী-
রুদ্যত্কিরীটকটকাংগদহারভাসা ।
শংখারিবারিজগদাপরিভাসিতেন
মেঘাসিতেন পরিলেসিথ সূতিগেহে ॥3॥
বক্ষঃস্থলীসুখনিলীনবিলাসিলক্ষ্মী-
মংদাক্ষলক্ষিতকটাক্ষবিমোক্ষভেদৈঃ ।
তন্মংদিরস্য় খলকংসকৃতামলক্ষ্মী-
মুন্মার্জযন্নিব বিরেজিথ বাসুদেব ॥4॥
শৌরিস্তু ধীরমুনিমংডলচেতসোঽপি
দূরস্থিতং বপুরুদীক্ষ্য় নিজেক্ষণাভ্য়াম্ ॥
আনংদবাষ্পপুলকোদ্গমগদ্গদার্দ্র-
স্তুষ্টাব দৃষ্টিমকরংদরসং ভবংতম্ ॥5॥
দেব প্রসীদ পরপূরুষ তাপবল্লী-
নির্লূনদাত্রসমনেত্রকলাবিলাসিন্ ।
খেদানপাকুরু কৃপাগুরুভিঃ কটাক্ষৈ-
রিত্য়াদি তেন মুদিতেন চিরং নুতোঽভূঃ ॥6॥
মাত্রা চ নেত্রসলিলাস্তৃতগাত্রবল্য়া
স্তোত্রৈরভিষ্টুতগুণঃ করুণালযস্ত্বম্ ।
প্রাচীনজন্ময়ুগলং প্রতিবোধ্য় তাভ্য়াং
মাতুর্গিরা দধিথ মানুষবালবেষম্ ॥7॥
ত্বত্প্রেরিতস্তদনু নংদতনূজয়া তে
ব্যত্য়াসমারচয়িতুং স হি শূরসূনুঃ ।
ত্বাং হস্তয়োরধৃত চিত্তবিধার্যমার্য়ৈ-
রংভোরুহস্থকলহংসকিশোররম্যম্ ॥8॥
জাতা তদা পশুপসদ্মনি যোগনিদ্রা ।
নিদ্রাবিমুদ্রিতমথাকৃত পৌরলোকম্ ।
ত্বত্প্রেরণাত্ কিমিব চিত্রমচেতনৈর্যদ্-
দ্বারৈঃ স্বয়ং ব্যঘটি সংঘটিতৈঃ সুগাঢম্ ॥9॥
শেষেণ ভূরিফণবারিতবারিণাঽথ
স্বৈরং প্রদর্শিতপথো মণিদীপিতেন ।
ত্বাং ধারযন্ স খলু ধন্যতমঃ প্রতস্থে
সোঽয়ং ত্বমীশ মম নাশয় রোগবেগান্ ॥10॥
