হিরণ্য়াক্ষং তাবদ্বরদ ভবদন্বেষণপরং
চরংতং সাংবর্তে পযসি নিজজংঘাপরিমিতে ।
ভবদ্ভক্তো গত্বা কপটপটুধীর্নারদমুনিঃ
শনৈরূচে নংদন্ দনুজমপি নিংদংস্তব বলম্ ॥1॥
স মায়াবী বিষ্ণুর্হরতি ভবদীয়াং বসুমতীং
প্রভো কষ্টং কষ্টং কিমিদমিতি তেনাভিগদিতঃ ।
নদন্ ক্বাসৌ ক্বাসবিতি স মুনিনা দর্শিতপথো
ভবংতং সংপ্রাপদ্ধরণিধরমুদ্য়ংতমুদকাত্ ॥2॥
অহো আরণ্য়োঽয়ং মৃগ ইতি হসংতং বহুতরৈ-
র্দুরুক্তৈর্বিধ্য়ংতং দিতিসুতমবজ্ঞায় ভগবন্ ।
মহীং দৃষ্ট্বা দংষ্ট্রাশিরসি চকিতাং স্বেন মহসা
পয়োধাবাধায় প্রসভমুদয়ুংক্থা মৃধবিধৌ ॥3॥
গদাপাণৌ দৈত্য়ে ত্বমপি হি গৃহীতোন্নতগদো
নিয়ুদ্ধেন ক্রীডন্ ঘটঘটরবোদ্ঘুষ্টবিযতা ।
রণালোকৌত্সুক্য়ান্মিলতি সুরসংঘে দ্রুতমমুং
নিরুংধ্য়াঃ সংধ্য়াতঃ প্রথমমিতি ধাত্রা জগদিষে ॥4॥
গদোন্মর্দে তস্মিংস্তব খলু গদায়াং দিতিভুবো
গদাঘাতাদ্ভূমৌ ঝটিতি পতিতায়ামহহ! ভোঃ ।
মৃদুস্মেরাস্যস্ত্বং দনুজকুলনির্মূলনচণং
মহাচক্রং স্মৃত্বা করভুবি দধানো রুরুচিষে ॥5॥
ততঃ শূলং কালপ্রতিমরুষি দৈত্য়ে বিসৃজতি
ত্বয়ি ছিংদত্য়েনত্ করকলিতচক্রপ্রহরণাত্ ।
সমারুষ্টো মুষ্ট্য়া স খলু বিতুদংস্ত্বাং সমতনোত্
গলন্মায়ে মায়াস্ত্বয়ি কিল জগন্মোহনকরীঃ ॥6॥
ভবচ্চক্রজ্য়োতিষ্কণলবনিপাতেন বিধুতে
ততো মায়াচক্রে বিততঘনরোষাংধমনসম্ ।
গরিষ্ঠাভির্মুষ্টিপ্রহৃতিভিরভিঘ্নংতমসুরং
স্বপাদাংগুষ্ঠেন শ্রবণপদমূলে নিরবধীঃ ॥7॥
মহাকায়ঃ সোঽয়ং তব চরণপাতপ্রমথিতো
গলদ্রক্তো বক্ত্রাদপতদৃষিভিঃ শ্লাঘিতহতিঃ ।
তদা ত্বামুদ্দামপ্রমদভরবিদ্য়োতিহৃদয়া
মুনীংদ্রাঃ সাংদ্রাভিঃ স্তুতিভিরনুবন্নধ্বরতনুম্ ॥8॥
ত্বচি ছংদো রোমস্বপি কুশগণশ্চক্ষুষি ঘৃতং
চতুর্হোতারোঽংঘ্রৌ স্রুগপি বদনে চোদর ইডা ।
গ্রহা জিহ্বায়াং তে পরপুরুষ কর্ণে চ চমসা
বিভো সোমো বীর্য়ং বরদ গলদেশেঽপ্য়ুপসদঃ ॥9॥
মুনীংদ্রৈরিত্য়াদিস্তবনমুখরৈর্মোদিতমনা
মহীযস্য়া মূর্ত্য়া বিমলতরকীর্ত্য়া চ বিলসন্ ।
স্বধিষ্ণ্য়ং সংপ্রাপ্তঃ সুখরসবিহারী মধুরিপো
নিরুংধ্য়া রোগং মে সকলমপি বাতালযপতে ॥10॥
