বিষ্ণোর্বীর্য়াণি কো বা কথযতু ধরণেঃ কশ্চ রেণূন্মিমীতে
যস্য়ৈবাংঘ্রিত্রয়েণ ত্রিজগদভিমিতং মোদতে পূর্ণসংপত্
যোসৌ বিশ্বানি ধত্তে প্রিযমিহ পরমং ধাম তস্য়াভিয়ায়াং
ত্বদ্ভক্তা যত্র মাদ্য়ংত্যমৃতরসমরংদস্য় যত্র প্রবাহঃ ॥1॥
আদ্য়ায়াশেষকর্ত্রে প্রতিনিমিষনবীনায় ভর্ত্রে বিভূতে-
র্ভক্তাত্মা বিষ্ণবে যঃ প্রদিশতি হবিরাদীনি যজ্ঞার্চনাদৌ ।
কৃষ্ণাদ্য়ং জন্ম যো বা মহদিহ মহতো বর্ণয়েত্সোঽযমেব
প্রীতঃ পূর্ণো যশোভিস্ত্বরিতমভিসরেত্ প্রাপ্যমংতে পদং তে ॥2॥
হে স্তোতারঃ কবীংদ্রাস্তমিহ খলু যথা চেতযধ্বে তথৈব
ব্যক্তং বেদস্য় সারং প্রণুবত জননোপাত্তলীলাকথাভিঃ ।
জানংতশ্চাস্য় নামান্যখিলসুখকরাণীতি সংকীর্তযধ্বং
হে বিষ্ণো কীর্তনাদ্য়ৈস্তব খলু মহতস্তত্ত্ববোধং ভজেযম্ ॥3॥
বিষ্ণোঃ কর্মাণি সংপশ্যত মনসি সদা যৈঃ স ধর্মানবধ্নাদ্
যানীংদ্রস্য়ৈষ ভৃত্য়ঃ প্রিযসখ ইব চ ব্য়াতনোত্ ক্ষেমকারী ।
বীক্ষংতে যোগসিদ্ধাঃ পরপদমনিশং যস্য় সম্যক্প্রকাশং
বিপ্রেংদ্রা জাগরূকাঃ কৃতবহুনুতয়ো যচ্চ নির্ভাসয়ংতে ॥4॥
নো জাতো জাযমানোঽপি চ সমধিগতস্ত্বন্মহিম্নোঽবসানং
দেব শ্রেয়াংসি বিদ্বান্ প্রতিমুহুরপি তে নাম শংসামি বিষ্ণো ।
তং ত্বাং সংস্তৌমি নানাবিধনুতিবচনৈরস্য় লোকত্রযস্য়া-
প্য়ূর্ধ্বং বিভ্রাজমানে বিরচিতবসতিং তত্র বৈকুংঠলোকে ॥5॥
আপঃ সৃষ্ট্য়াদিজন্য়াঃ প্রথমময়ি বিভো গর্ভদেশে দধুস্ত্বাং
যত্র ত্বয়্য়েব জীবা জলশযন হরে সংগতা ঐক্যমাপন্ ।
তস্য়াজস্য় প্রভো তে বিনিহিতমভবত্ পদ্মমেকং হি নাভৌ
দিক্পত্রং যত্ কিলাহুঃ কনকধরণিভৃত্ কর্ণিকং লোকরূপম্ ॥6॥
হে লোকা বিষ্ণুরেতদ্ভুবনমজনযত্তন্ন জানীথ যূয়ং
যুষ্মাকং হ্য়ংতরস্থং কিমপি তদপরং বিদ্যতে বিষ্ণুরূপম্ ।
নীহারপ্রখ্যমায়াপরিবৃতমনসো মোহিতা নামরূপৈঃ
প্রাণপ্রীত্য়েকতৃপ্তাশ্চরথ মখপরা হংত নেচ্ছা মুকুংদে ॥7॥
মূর্ধ্নামক্ষ্ণাং পদানাং বহসি খলু সহস্রাণি সংপূর্য় বিশ্বং
তত্প্রোত্ক্রম্য়াপি তিষ্ঠন্ পরিমিতবিবরে ভাসি চিত্তাংতরেঽপি ।
ভূতং ভব্য়ং চ সর্বং পরপুরুষ ভবান্ কিংচ দেহেংদ্রিয়াদি-
ষ্বাবিষ্টোঽপ্য়ুদ্গতত্বাদমৃতসুখরসং চানুভুংক্ষে ত্বমেব ॥8॥
যত্তু ত্রৈলোক্যরূপং দধদপি চ ততো নির্গতোঽনংতশুদ্ধ-
জ্ঞানাত্মা বর্তসে ত্বং তব খলু মহিমা সোঽপি তাবান্ কিমন্যত্ ।
স্তোকস্তে ভাগ এবাখিলভুবনতয়া দৃশ্যতে ত্র্য়ংশকল্পং
ভূয়িষ্ঠং সাংদ্রমোদাত্মকমুপরি ততো ভাতি তস্মৈ নমস্তে ॥9॥
অব্যক্তং তে স্বরূপং দুরধিগমতমং তত্তু শুদ্ধৈকসত্ত্বং
ব্যক্তং চাপ্য়েতদেব স্ফুটমমৃতরসাংভোধিকল্লোলতুল্যম্ ।
সর্বোত্কৃষ্টামভীষ্টাং তদিহ গুণরসেনৈব চিত্তং হরংতীং
মূর্তিং তে সংশ্রয়েঽহং পবনপুরপতে পাহি মাং কৃষ্ণ রোগাত্ ॥10॥
