শুদ্ধা নিষ্কামধর্মৈঃ প্রবরগুরুগিরা তত্স্বরূপং পরং তে
শুদ্ধং দেহেংদ্রিয়াদিব্যপগতমখিলব্য়াপ্তমাবেদয়ংতে ।
নানাত্বস্থৌল্যকার্শ্য়াদি তু গুণজবপুস্সংগতোঽধ্য়াসিতং তে
বহ্নের্দারুপ্রভেদেষ্বিব মহদণুতাদীপ্ততাশাংততাদি ॥1॥
আচার্য়াখ্য়াধরস্থারণিসমনুমিলচ্ছিষ্যরূপোত্তরার-
ণ্য়াবেধোদ্ভাসিতেন স্ফুটতরপরিবোধাগ্নিনা দহ্যমানে ।
কর্মালীবাসনাতত্কৃততনুভুবনভ্রাংতিকাংতারপূরে
দাহ্য়াভাবেন বিদ্য়াশিখিনি চ বিরতে ত্বন্ময়ী খল্ববস্থা ॥2॥
এবং ত্বত্প্রাপ্তিতোঽন্য়ো নহি খলু নিখিলক্লেশহানেরুপায়ো
নৈকাংতাত্য়ংতিকাস্তে কৃষিবদগদষাড্গুণ্যষট্কর্ময়োগাঃ ।
দুর্বৈকল্য়ৈরকল্য়া অপি নিগমপথাস্তত্ফলান্যপ্যবাপ্তা
মত্তাস্ত্বাং বিস্মরংতঃ প্রসজতি পতনে যাংত্যনংতান্ বিষাদান্॥3॥
ত্বল্লোকাদন্যলোকঃ ক্বনু ভযরহিতো যত্ পরার্ধদ্বয়াংতে
ত্বদ্ভীতস্সত্যলোকেঽপি ন সুখবসতিঃ পদ্মভূঃ পদ্মনাভ ।
এবং ভাবে ত্বধর্মার্জিতবহুতমসাং কা কথা নারকাণাং
তন্মে ত্বং ছিংধি বংধং বরদ্ কৃপণবংধো কৃপাপূরসিংধো ॥4॥
যাথার্থ্য়াত্ত্বন্মযস্য়ৈব হি মম ন বিভো বস্তুতো বংধমোক্ষৌ
মায়াবিদ্য়াতনুভ্য়াং তব তু বিরচিতৌ স্বপ্নবোধোপমৌ তৌ ।
বদ্ধে জীবদ্বিমুক্তিং গতবতি চ ভিদা তাবতী তাবদেকো
ভুংক্তে দেহদ্রুমস্থো বিষযফলরসান্নাপরো নির্ব্যথাত্মা ॥5॥
জীবন্মুক্তত্বমেবংবিধমিতি বচসা কিং ফলং দূরদূরে
তন্নামাশুদ্ধবুদ্ধের্ন চ লঘু মনসশ্শোধনং ভক্তিতোঽন্যত্ ।
তন্মে বিষ্ণো কৃষীষ্ঠাস্ত্বয়ি কৃতসকলপ্রার্পণং ভক্তিভারং
যেন স্য়াং মংক্ষু কিংচিদ্ গুরুবচনমিলত্ত্বত্প্রবোধস্ত্বদাত্মা ॥6॥
শব্দ্ব্রহ্মণ্যপীহ প্রযতিতমনসস্ত্বাং ন জানংতি কেচিত্
কষ্টং বংধ্যশ্রমাস্তে চিরতরমিহ গাং বিভ্রতে নিষ্প্রসূতিম্ ।
যস্য়াং বিশ্বাভিরামাস্সকলমলহরা দিব্যলীলাবতারাঃ
সচ্চিত্সাংদ্রং চ রূপং তব ন নিগদিতং তাং ন বাচং ভ্রিয়াসম্ ॥7॥
যো যাবান্ যাদৃশো বা ত্বমিতি কিমপি নৈবাবগচ্ছামি ভূম্-
ন্নেবংচানন্যভাবস্ত্বদনুভজনমেবাদ্রিয়ে চৈদ্যবৈরিন্ ।
ত্বল্লিংগানাং ত্বদংঘ্রিপ্রিযজনসদসাং দর্শনস্পর্শনাদি-
র্ভূয়ান্মে ত্বত্প্রপূজানতিনুতিগুণকর্মানুকীর্ত্য়াদরোঽপি ॥8॥
যদ্যল্লভ্য়েত তত্তত্তব সমুপহৃতং দেব দাসোঽস্মি তেঽহং
ত্বদ্গেহোন্মার্জনাদ্য়ং ভবতু মম মুহুঃ কর্ম নির্মাযমেব ।
সূর্য়াগ্নিব্রাহ্মণাত্মাদিষু লসিতচতুর্বাহুমারাধয়ে ত্বাং
ত্বত্প্রেমার্দ্রত্বরূপো মম সততমভিষ্য়ংদতাং ভক্তিয়োগঃ ॥9॥
ঐক্য়ং তে দানহোমব্রতনিযমতপস্সাংখ্যয়োগৈর্দুরাপং
ত্বত্সংগেনৈব গোপ্য়ঃ কিল সুকৃতিতমা প্রাপুরানংদসাংদ্রম্ ।
ভক্তেষ্বন্য়েষু ভূযস্স্বপি বহুমনুষে ভক্তিমেব ত্বমাসাং
তন্মে ত্বদ্ভক্তিমেব দ্রঢয় হর গদান্ কৃষ্ণ বাতালয়েশ ॥10॥
