প্রীত্য়া দৈত্যস্তব তনুমহঃপ্রেক্ষণাত্ সর্বথাঽপি
ত্বামারাধ্যন্নজিত রচযন্নংজলিং সংজগাদ ।
মত্তঃ কিং তে সমভিলষিতং বিপ্রসূনো বদ ত্বং
বিত্তং ভক্তং ভবনমবনীং বাঽপি সর্বং প্রদাস্য়ে ॥1॥
তামীক্ষণাং বলিগিরমুপাকর্ণ্য় কারুণ্যপূর্ণোঽ-
প্যস্য়োত্সেকং শময়িতুমনা দৈত্যবংশং প্রশংসন্ ।
ভূমিং পাদত্রযপরিমিতাং প্রার্থয়ামাসিথ ত্বং
সর্বং দেহীতি তু নিগদিতে কস্য় হাস্য়ং ন বা স্য়াত্ ॥2॥
বিশ্বেশং মাং ত্রিপদমিহ কিং যাচসে বালিশস্ত্বং
সর্বাং ভূমিং বৃণু কিমমুনেত্য়ালপত্ত্বাং স দৃপ্যন্ ।
যস্মাদ্দর্পাত্ ত্রিপদপরিপূর্ত্যক্ষমঃ ক্ষেপবাদান্
বংধং চাসাবগমদতদর্হোঽপি গাঢোপশাংত্য়ৈ ॥3॥
পাদত্রয়্য়া যদি ন মুদিতো বিষ্টপৈর্নাপি তুষ্য়ে-
দিত্য়ুক্তেঽস্মিন্ বরদ ভবতে দাতুকামেঽথ তোযম্ ।
দৈত্য়াচার্যস্তব খলু পরীক্ষার্থিনঃ প্রেরণাত্তং
মা মা দেয়ং হরিরযমিতি ব্যক্তমেবাবভাষে ॥4॥
যাচত্য়েবং যদি স ভগবান্ পূর্ণকামোঽস্মি সোঽহং
দাস্য়াম্য়েব স্থিরমিতি বদন্ কাব্যশপ্তোঽপি দৈত্য়ঃ ।
বিংধ্য়াবল্য়া নিজদয়িতয়া দত্তপাদ্য়ায় তুভ্য়ং
চিত্রং চিত্রং সকলমপি স প্রার্পযত্তোযপূর্বম্ ॥5॥
নিস্সংদেহং দিতিকুলপতৌ ত্বয়্যশেষার্পণং তদ্-
ব্য়াতন্বানে মুমুচুঃ-ঋষয়ঃ সামরাঃ পুষ্পবর্ষম্ ।
দিব্য়ং রূপং তব চ তদিদং পশ্যতাং বিশ্বভাজা-
মুচ্চৈরুচ্চৈরবৃধদবধীকৃত্য় বিশ্বাংডভাংডম্ ॥6॥
ত্বত্পাদাগ্রং নিজপদগতং পুংডরীকোদ্ভবোঽসৌ
কুংডীতোয়ৈরসিচদপুনাদ্যজ্জলং বিশ্বলোকান্ ।
হর্ষোত্কর্ষাত্ সুবহু ননৃতে খেচরৈরুত্সবেঽস্মিন্
ভেরীং নিঘ্নন্ ভুবনমচরজ্জাংববান্ ভক্তিশালী ॥7॥
তাবদ্দৈত্য়াস্ত্বনুমতিমৃতে ভর্তুরারব্ধয়ুদ্ধা
দেবোপেতৈর্ভবদনুচরৈস্সংগতা ভংগমাপন্ ।
কালাত্মাঽয়ং বসতি পুরতো যদ্বশাত্ প্রাগ্জিতাঃ স্মঃ
কিং বো যুদ্ধৈরিতি বলিগিরা তেঽথ পাতালমাপুঃ ॥8॥
পাশৈর্বদ্ধং পতগপতিনা দৈত্যমুচ্চৈরবাদী-
স্তার্ত্তীয়ীকং দিশ মম পদং কিং ন বিশ্বেশ্বরোঽসি ।
পাদং মূর্ধ্নি প্রণয় ভগবন্নিত্যকংপং বদংতং
প্রহ্লাদ্স্তং স্বযমুপগতো মানযন্নস্তবীত্ত্বাম্ ॥9॥
দর্পোচ্ছিত্ত্য়ৈ বিহিতমখিলং দৈত্য় সিদ্ধোঽসি পুণ্য়ৈ-
র্লোকস্তেঽস্তু ত্রিদিববিজয়ী বাসবত্বং চ পশ্চাত্ ।
মত্সায়ুজ্য়ং ভজ চ পুনরিত্যন্বগৃহ্ণা বলিং তং
বিপ্রৈস্সংতানিতমখবরঃ পাহি বাতালয়েশ ॥10॥
