প্রাতঃ সংত্রস্তভোজক্ষিতিপতিবচসা প্রস্তুতে মল্লতূর্য়ে
সংঘে রাজ্ঞাং চ মংচানভিযয়ুষি গতে নংদগোপেঽপি হর্ম্যম্ ।
কংসে সৌধাধিরূঢে ত্বমপি সহবলঃ সানুগশ্চারুবেষো
রংগদ্বারং গতোঽভূঃ কুপিতকুবলয়াপীডনাগাবলীঢম্ ॥1॥
পাপিষ্ঠাপেহি মার্গাদ্দ্রুতমিতি বচসা নিষ্ঠুরক্রুদ্ধবুদ্ধে-
রংবষ্ঠস্য় প্রণোদাদধিকজবজুষা হস্তিনা গৃহ্যমাণঃ ।
কেলীমুক্তোঽথ গোপীকুচকলশচিরস্পর্ধিনং কুংভমস্য়
ব্য়াহত্য়ালীযথাস্ত্বং চরণভুবি পুনর্নির্গতো বল্গুহাসী ॥2॥
হস্তপ্রাপ্য়োঽপ্যগম্য়ো ঝটিতি মুনিজনস্য়েব ধাবন্ গজেংদ্রং
ক্রীডন্নাপাত্য় ভূমৌ পুনরভিপততস্তস্য় দংতং সজীবম্ ।
মূলাদুন্মূল্য় তন্মূলগমহিতমহামৌক্তিকান্য়াত্মমিত্রে
প্রাদাস্ত্বং হারমেভির্ললিতবিরচিতং রাধিকায়ৈ দিশেতি ॥3॥
গৃহ্ণানং দংতমংসে যুতমথ হলিনা রংগমংগাবিশংতং
ত্বাং মংগল্য়াংগভংগীরভসহৃতমনোলোচনা বীক্ষ্য় লোকাঃ ।
হংহো ধন্য়ো হি নংদো নহি নহি পশুপালাংগনা নো যশোদা
নো নো ধন্য়েক্ষণাঃ স্মস্ত্রিজগতি বযমেবেতি সর্বে শশংসুঃ ॥4॥
পূর্ণং ব্রহ্মৈব সাক্ষান্নিরবধি পরমানংদসাংদ্রপ্রকাশং
গোপেশু ত্বং ব্যলাসীর্ন খলু বহুজনৈস্তাবদাবেদিতোঽভূঃ ।
দৃষ্ট্বাঽথ ত্বাং তদেদংপ্রথমমুপগতে পুণ্যকালে জনৌঘাঃ
পূর্ণানংদা বিপাপাঃ সরসমভিজগুস্ত্বত্কৃতানি স্মৃতানি ॥5॥
চাণূরো মল্লবীরস্তদনু নৃপগিরা মুষ্টিকো মুষ্টিশালী
ত্বাং রামং চাভিপেদে ঝটঝটিতি মিথো মুষ্টিপাতাতিরূক্ষম্ ।
উত্পাতাপাতনাকর্ষণবিবিধরণান্য়াসতাং তত্র চিত্রং
মৃত্য়োঃ প্রাগেব মল্লপ্রভুরগমদয়ং ভূরিশো বংধমোক্ষান্ ॥6॥
হা ধিক্ কষ্টং কুমারৌ সুললিতবপুষৌ মল্লবীরৌ কঠোরৌ
ন দ্রক্ষ্য়ামো ব্রজামস্ত্বরিতমিতি জনে ভাষমাণে তদানীম্ ।
চাণূরং তং করোদ্ভ্রামণবিগলদসুং পোথয়ামাসিথোর্ব্য়াং
পিষ্টোঽভূন্মুষ্টিকোঽপি দ্রুতমথ হলিনা নষ্টশিষ্টৈর্দধাবে ॥7॥
কংস সংবার্য় তূর্য়ং খলমতিরবিদন্ কার্যমার্য়ান্ পিতৃংস্তা-
নাহংতুং ব্য়াপ্তমূর্তেস্তব চ সমশিষদ্দূরমুত্সারণায় ।
রুষ্টো দুষ্টোক্তিভিস্ত্বং গরুড ইব গিরিং মংচমংচন্নুদংচত্-
খড্গব্য়াবল্গদুস্সংগ্রহমপি চ হঠাত্ প্রাগ্রহীরৌগ্রসেনিম্ ॥8॥
সদ্য়ো নিষ্পিষ্টসংধিং ভুবি নরপতিমাপাত্য় তস্য়োপরিষ্টা-
ত্ত্বয়্য়াপাত্য়ে তদৈব ত্বদুপরি পতিতা নাকিনাং পুষ্পবৃষ্টিঃ ।
কিং কিং ব্রূমস্তদানীং সততমপি ভিয়া ত্বদ্গতাত্মা স ভেজে
সায়ুজ্য়ং ত্বদ্বধোত্থা পরম পরমিয়ং বাসনা কালনেমেঃ ॥9॥
তদ্ভ্রাতৃনষ্ট পিষ্ট্বা দ্রুতমথ পিতরৌ সন্নমন্নুগ্রসেনং
কৃত্বা রাজানমুচ্চৈর্যদুকুলমখিলং মোদযন্ কামদানৈঃ ।
ভক্তানামুত্তমং চোদ্ধবমমরগুরোরাপ্তনীতিং সখায়ং
লব্ধ্বা তুষ্টো নগর্য়াং পবনপুরপতে রুংধি মে সর্বরোগান্ ॥10॥
