গত্বা সাংদীপনিমথ চতুষ্ষষ্টিমাত্রৈরহোভিঃ
সর্বজ্ঞস্ত্বং সহ মুসলিনা সর্ববিদ্য়া গৃহীত্বা ।
পুত্রং নষ্টং যমনিলযনাদাহৃতং দক্ষিণার্থং
দত্বা তস্মৈ নিজপুরমগা নাদযন্ পাংচজন্যম্ ॥1॥
স্মৃত্বা স্মৃত্বা পশুপসুদৃশঃ প্রেমভারপ্রণুন্নাঃ
কারুণ্য়েন ত্বমপি বিবশঃ প্রাহিণোরুদ্ধবং তম্ ।
কিংচামুষ্মৈ পরমসুহৃদে ভক্তবর্য়ায় তাসাং
ভক্ত্য়ুদ্রেকং সকলভুবনে দুর্লভং দর্শয়িষ্যন্ ॥2॥
ত্বন্মাহাত্ম্যপ্রথিমপিশুনং গোকুলং প্রাপ্য় সায়ং
ত্বদ্বার্তাভির্বহু স রময়ামাস নংদং যশোদাম্ ।
প্রাতর্দ্দৃষ্ট্বা মণিমযরথং শংকিতাঃ পংকজাক্ষ্য়ঃ
শ্রুত্বা প্রাপ্তং ভবদনুচরং ত্যক্তকার্য়াঃ সমীয়ুঃ ॥3॥
দৃষ্ট্বা চৈনং ত্বদুপমলসদ্বেষভূষাভিরামং
স্মৃত্বা স্মৃত্বা তব বিলসিতান্য়ুচ্চকৈস্তানি তানি ।
রুদ্ধালাপাঃ কথমপি পুনর্গদ্গদাং বাচমূচুঃ
সৌজন্য়াদীন্ নিজপরভিদামপ্যলং বিস্মরংত্য়ঃ ॥4॥
শ্রীমান্ কিং ত্বং পিতৃজনকৃতে প্রেষিতো নির্দয়েন
ক্বাসৌ কাংতো নগরসুদৃশাং হা হরে নাথ পায়াঃ ।
আশ্লেষাণামমৃতবপুষো হংত তে চুংবনানা-
মুন্মাদানাং কুহকবচসাং বিস্মরেত্ কাংত কা বা ॥5॥
রাসক্রীডালুলিতললিতং বিশ্লথত্কেশপাশং
মংদোদ্ভিন্নশ্রমজলকণং লোভনীয়ং ত্বদংগম্ ।
কারুণ্য়াব্ধে সকৃদপি সমালিংগিতুং দর্শয়েতি
প্রেমোন্মাদাদ্ভুবনমদন ত্বত্প্রিয়াস্ত্বাং বিলেপুঃ ॥6॥
এবংপ্রায়ৈর্বিবশবচনৈরাকুলা গোপিকাস্তা-
স্ত্বত্সংদেশৈঃ প্রকৃতিমনযত্ সোঽথ বিজ্ঞানগর্ভৈঃ ।
ভূযস্তাভির্মুদিতমতিভিস্ত্বন্ময়ীভির্বধূভি-
স্তত্তদ্বার্তাসরসমনযত্ কানিচিদ্বাসরাণি ॥7॥
ত্বত্প্রোদ্গানৈঃ সহিতমনিশং সর্বতো গেহকৃত্য়ং
ত্বদ্বার্তৈব প্রসরতি মিথঃ সৈব চোত্স্বাপলাপাঃ ।
চেষ্টাঃ প্রাযস্ত্বদনুকৃতযস্ত্বন্ময়ং সর্বমেবং
দৃষ্ট্বা তত্র ব্যমুহদধিকং বিস্ময়াদুদ্ধবোঽযম্ ॥8॥
রাধায়া মে প্রিযতমমিদং মত্প্রিয়ৈবং ব্রবীতি
ত্বং কিং মৌনং কলযসি সখে মানিনীমত্প্রিয়েব।
ইত্য়াদ্য়েব প্রবদতি সখি ত্বত্প্রিয়ো নির্জনে মা-
মিত্থংবাদৈররমদয়ং ত্বত্প্রিয়ামুত্পলাক্ষীম্ ॥9॥
এষ্য়ামি দ্রাগনুপগমনং কেবলং কার্যভারা-
দ্বিশ্লেষেঽপি স্মরণদৃঢতাসংভবান্মাস্তু খেদঃ ।
ব্রহ্মানংদে মিলতি নচিরাত্ সংগমো বা বিয়োগ-
স্তুল্য়ো বঃ স্য়াদিতি তব গিরা সোঽকরোন্নির্ব্যথাস্তাঃ ॥10॥
এবং ভক্তি সকলভুবনে নেক্ষিতা ন শ্রুতা বা
কিং শাস্ত্রৌঘৈঃ কিমিহ তপসা গোপিকাভ্য়ো নমোঽস্তু ।
ইত্য়ানংদাকুলমুপগতং গোকুলাদুদ্ধবং তং
দৃষ্ট্বা হৃষ্টো গুরুপুরপতে পাহি মামাময়ৌঘাত্ ॥11॥
