ততশ্চ বৃংদাবনতোঽতিদূরতো
বনং গতস্ত্বং খলু গোপগোকুলৈঃ ।
হৃদংতরে ভক্ততরদ্বিজাংগনা-
কদংবকানুগ্রহণাগ্রহং বহন্ ॥1॥
ততো নিরীক্ষ্য়াশরণে বনাংতরে
কিশোরলোকং ক্ষুধিতং তৃষাকুলম্ ।
অদূরতো যজ্ঞপরান্ দ্বিজান্ প্রতি
ব্যসর্জয়ো দীদিবিয়াচনায় তান্ ॥2॥
গতেষ্বথো তেষ্বভিধায় তেঽভিধাং
কুমারকেষ্বোদনয়াচিষু প্রভো ।
শ্রুতিস্থিরা অপ্যভিনিন্য়ুরশ্রুতিং
ন কিংচিদূচুশ্চ মহীসুরোত্তমাঃ ॥3॥
অনাদরাত্ খিন্নধিয়ো হি বালকাঃ ।
সমাযয়ুর্য়ুক্তমিদং হি যজ্বসু ।
চিরাদভক্তাঃ খলু তে মহীসুরাঃ
কথং হি ভক্তং ত্বয়ি তৈঃ সমর্প্যতে ॥4॥
নিবেদযধ্বং গৃহিণীজনায় মাং
দিশেয়ুরন্নং করুণাকুলা ইমাঃ ।
ইতি স্মিতার্দ্রং ভবতেরিতা গতা-
স্তে দারকা দারজনং যয়াচিরে ॥5॥
গৃহীতনাম্নি ত্বয়ি সংভ্রমাকুলা-
শ্চতুর্বিধং ভোজ্যরসং প্রগৃহ্য় তাঃ ।
চিরংধৃতত্বত্প্রবিলোকনাগ্রহাঃ
স্বকৈর্নিরুদ্ধা অপি তূর্ণমাযয়ুঃ ॥6॥
বিলোলপিংছং চিকুরে কপোলয়োঃ
সমুল্লসত্কুংডলমার্দ্রমীক্ষিতে ।
নিধায় বাহুং সুহৃদংসসীমনি
স্থিতং ভবংতং সমলোকয়ংত তাঃ ॥7॥
তদা চ কাচিত্ত্বদুপাগমোদ্যতা
গৃহীতহস্তা দয়িতেন যজ্বনা ।
তদৈব সংচিংত্য় ভবংতমংজসা
বিবেশ কৈবল্যমহো কৃতিন্যসৌ ॥8॥
আদায় ভোজ্য়ান্যনুগৃহ্য় তাঃ পুন-
স্ত্বদংগসংগস্পৃহয়োজ্ঝতীর্গৃহম্ ।
বিলোক্য় যজ্ঞায় বিসর্জযন্নিমা-
শ্চকর্থ ভর্তৃনপি তাস্বগর্হণান্ ॥9॥
নিরূপ্য় দোষং নিজমংগনাজনে
বিলোক্য় ভক্তিং চ পুনর্বিচারিভিঃ
প্রবুদ্ধতত্ত্বৈস্ত্বমভিষ্টুতো দ্বিজৈ-
র্মরুত্পুরাধীশ নিরুংধি মে গদান্ ॥10॥
