ব্রজেশ্বরৈঃ শৌরিবচো নিশম্য় সমাব্রজন্নধ্বনি ভীতচেতাঃ ।
নিষ্পিষ্টনিশ্শেষতরুং নিরীক্ষ্য় কংচিত্পদার্থং শরণং গতস্বাম্ ॥1॥
নিশম্য় গোপীবচনাদুদংতং সর্বেঽপি গোপা ভযবিস্ময়াংধাঃ ।
ত্বত্পাতিতং ঘোরপিশাচদেহং দেহুর্বিদূরেঽথ কুঠারকৃত্তম্ ॥2॥
ত্বত্পীতপূতস্তনতচ্ছরীরাত্ সমুচ্চলন্নুচ্চতরো হি ধূমঃ ।
শংকামধাদাগরবঃ কিমেষ কিং চাংদনো গৌল্গুলবোঽথবেতি ॥3॥
মদংগসংগস্য় ফলং ন দূরে ক্ষণেন তাবত্ ভবতামপি স্য়াত্ ।
ইত্য়ুল্লপন্ বল্লবতল্লজেভ্য়ঃ ত্বং পূতনামাতনুথাঃ সুগংধিম্ ॥4॥
চিত্রং পিশাচ্য়া ন হতঃ কুমারঃ চিত্রং পুরৈবাকথি শৌরিণেদম্ ।
ইতি প্রশংসন্ কিল গোপলোকো ভবন্মুখালোকরসে ন্যমাংক্ষীত্ ॥5॥
দিনেদিনেঽথ প্রতিবৃদ্ধলক্ষ্মীরক্ষীণমাংগল্যশতো ব্রজোঽযম্ ।
ভবন্নিবাসাদয়ি বাসুদেব প্রমোদসাংদ্রঃ পরিতো বিরেজে ॥6॥
গৃহেষু তে কোমলরূপহাসমিথঃকথাসংকুলিতাঃ কমন্য়ঃ ।
বৃত্তেষু কৃত্য়েষু ভবন্নিরীক্ষাসমাগতাঃ প্রত্যহমত্যনংদন্ ॥7॥
অহো কুমারো ময়ি দত্তদৃষ্টিঃ স্মিতং কৃতং মাং প্রতি বত্সকেন ।
এহ্য়েহি মামিত্য়ুপসার্য় পাণী ত্বয়ীশ কিং কিং ন কৃতং বধূভিঃ ॥8॥
ভবদ্বপুঃস্পর্শনকৌতুকেন করাত্করং গোপবধূজনেন ।
নীতস্ত্বমাতাম্রসরোজমালাব্য়ালংবিলোলংবতুলামলাসীঃ ॥9॥
নিপাযয়ংতী স্তনমংকগং ত্বাং বিলোকয়ংতী বদনং হসংতী ।
দশাং যশোদা কতমাং ন ভেজে স তাদৃশঃ পাহি হরে গদান্মাম্ ॥10॥
