বৈবস্বতাখ্যমনুপুত্রনভাগজাত-
নাভাগনামকনরেংদ্রসুতোঽংবরীষঃ ।
সপ্তার্ণবাবৃতমহীদয়িতোঽপি রেমে
ত্বত্সংগিষু ত্বয়ি চ মগ্নমনাস্সদৈব ॥1॥
ত্বত্প্রীতয়ে সকলমেব বিতন্বতোঽস্য়
ভক্ত্য়ৈব দেব নচিরাদভৃথাঃ প্রসাদম্ ।
যেনাস্য় যাচনমৃতেঽপ্যভিরক্ষণার্থং
চক্রং ভবান্ প্রবিততার সহস্রধারম্ ॥2॥
স দ্বাদশীব্রতমথো ভবদর্চনার্থং
বর্ষং দধৌ মধুবনে যমুনোপকংঠে ।
পত্ন্য়া সমং সুমনসা মহতীং বিতন্বন্
পূজাং দ্বিজেষু বিসৃজন্ পশুষষ্টিকোটিম্ ॥3॥
তত্রাথ পারণদিনে ভবদর্চনাংতে
দুর্বাসসাঽস্য় মুনিনা ভবনং প্রপেদে ।
ভোক্তুং বৃতশ্চস নৃপেণ পরার্তিশীলো
মংদং জগাম যমুনাং নিযমান্বিধাস্যন্ ॥4॥
রাজ্ঞাঽথ পারণমুহূর্তসমাপ্তিখেদা-
দ্বারৈব পারণমকারি ভবত্পরেণ ।
প্রাপ্তো মুনিস্তদথ দিব্যদৃশা বিজানন্
ক্ষিপ্যন্ ক্রুধোদ্ধৃতজটো বিততান কৃত্য়াম্ ॥5॥
কৃত্য়াং চ তামসিধরাং ভুবনং দহংতী-
মগ্রেঽভিবীক্ষ্যনৃপতির্ন পদাচ্চকংপে ।
ত্বদ্ভক্তবাধমভিবীক্ষ্য় সুদর্শনং তে
কৃত্য়ানলং শলভযন্ মুনিমন্বধাবীত্ ॥6॥
ধাবন্নশেষভুবনেষু ভিয়া স পশ্যন্
বিশ্বত্র চক্রমপি তে গতবান্ বিরিংচম্ ।
কঃ কালচক্রমতিলংঘযতীত্যপাস্তঃ
শর্বং যয়ৌ স চ ভবংতমবংদতৈব ॥7॥
ভূয়ো ভবন্নিলযমেত্য় মুনিং নমংতং
প্রোচে ভবানহমৃষে ননু ভক্তদাসঃ ।
জ্ঞানং তপশ্চ বিনয়ান্বিতমেব মান্য়ং
যাহ্য়ংবরীষপদমেব ভজেতি ভূমন্ ॥8॥
তাবত্সমেত্য় মুনিনা স গৃহীতপাদো
রাজাঽপসৃত্য় ভবদস্ত্রমসাবনৌষীত্ ।
চক্রে গতে মুনিরদাদখিলাশিষোঽস্মৈ
ত্বদ্ভক্তিমাগসি কৃতেঽপি কৃপাং চ শংসন্ ॥9॥
রাজা প্রতীক্ষ্য় মুনিমেকসমামনাশ্বান্
সংভোজ্য় সাধু তমৃষিং বিসৃজন্ প্রসন্নম্ ।
ভুক্ত্বা স্বয়ং ত্বয়ি ততোঽপি দৃঢং রতোঽভূ-
ত্সায়ুজ্যমাপ চ স মাং পবনেশ পায়াঃ ॥10॥
