ততো মগধভূভৃতা চিরনিরোধসংক্লেশিতং
শতাষ্টকয়ুতায়ুতদ্বিতযমীশ ভূমীভৃতাম্ ।
অনাথশরণায় তে কমপি পূরুষং প্রাহিণো-
দয়াচত স মাগধক্ষপণমেব কিং ভূযসা ॥1॥
যিয়াসুরভিমাগধং তদনু নারদোদীরিতা-
দ্য়ুধিষ্ঠিরমখোদ্যমাদুভযকার্যপর্য়াকুলঃ ।
বিরুদ্ধজয়িনোঽধ্বরাদুভযসিদ্ধিরিত্য়ুদ্ধবে
শশংসুষি নিজৈঃ সমং পুরমিয়েথ যৌধিষ্ঠিরীম্ ॥2॥
অশেষদয়িতায়ুতে ত্বয়ি সমাগতে ধর্মজো
বিজিত্য় সহজৈর্মহীং ভবদপাংগসংবর্ধিতৈঃ ।
শ্রিয়ং নিরুপমাং বহন্নহহ ভক্তদাসায়িতং
ভবংতময়ি মাগধে প্রহিতবান্ সভীমার্জুনম্ ॥3॥
গিরিব্রজপুরং গতাস্তদনু দেব যূয়ং ত্রয়ো
যয়াচ সমরোত্সবং দ্বিজমিষেণ তং মাগধম্ ।
অপূর্ণসুকৃতং ত্বমুং পবনজেন সংগ্রামযন্
নিরীক্ষ্য় সহ জিষ্ণুনা ত্বমপি রাজয়ুদ্ধ্বা স্থিতঃ ॥4॥
অশাংতসমরোদ্ধতং বিটপপাটনাসংজ্ঞয়া
নিপাত্য় জররস্সুতং পবনজেন নিষ্পাটিতম্ ।
বিমুচ্য় নৃপতীন্ মুদা সমনুগৃহ্য় ভক্তিং পরাং
দিদেশিথ গতস্পৃহানপি চ ধর্মগুপ্ত্য়ৈ ভুবঃ ॥5॥
প্রচক্রুষি যুধিষ্ঠিরে তদনু রাজসূয়াধ্বরং
প্রসন্নভৃতকীভবত্সকলরাজকব্য়াকুলম্ ।
ত্বমপ্যয়ি জগত্পতে দ্বিজপদাবনেজাদিকং
চকর্থ কিমু কথ্যতে নৃপবরস্য় ভাগ্য়োন্নতিঃ ॥6॥
ততঃ সবনকর্মণি প্রবরমগ্র্যপূজাবিধিং
বিচার্য় সহদেববাগনুগতঃ স ধর্মাত্মজঃ ।
ব্যধত্ত ভবতে মুদা সদসি বিশ্বভূতাত্মনে
তদা সসুরমানুষং ভুবনমেব তৃপ্তিং দধৌ ॥7॥
ততঃ সপদি চেদিপো মুনিনৃপেষু তিষ্ঠত্স্বহো
সভাজযতি কো জডঃ পশুপদুর্দুরূটং বটুম্ ।
ইতি ত্বয়ি স দুর্বচোবিততিমুদ্বমন্নাসনা-
দুদাপতদুদায়ুধঃ সমপতন্নমুং পাংডবাঃ ॥8॥
নিবার্য় নিজপক্ষগানভিমুখস্যবিদ্বেষিণ-
স্ত্বমেব জহৃষে শিরো দনুজদারিণা স্বারিণা ।
জনুস্ত্রিতযলব্ধয়া সততচিংতয়া শুদ্ধধী-
স্ত্বয়া স পরমেকতামধৃত যোগিনাং দুর্লভাম্ ॥9॥
ততঃ সুমহিতে ত্বয়া ক্রতুবরে নিরূঢে জনো
যয়ৌ জযতি ধর্মজো জযতি কৃষ্ণ ইত্য়ালপন্।
খলঃ স তু সুয়োধনো ধুতমনাস্সপত্নশ্রিয়া
ময়ার্পিতসভামুখে স্থলজলভ্রমাদভ্রমীত্ ॥10॥
তদা হসিতমুত্থিতং দ্রুপদনংদনাভীময়ো-
রপাংগকলয়া বিভো কিমপি তাবদুজ্জৃংভযন্ ।
ধরাভরনিরাকৃতৌ সপদি নাম বীজং বপন্
জনার্দন মরুত্পুরীনিলয় পাহি মামাময়াত্ ॥11॥
