রমাজানে জানে যদিহ তব ভক্তেষু বিভবো
ন সদ্যস্সংপদ্যস্তদিহ মদকৃত্ত্বাদশমিনাম্ ।
প্রশাংতিং কৃত্বৈব প্রদিশসি ততঃ কামমখিলং
প্রশাংতেষু ক্ষিপ্রং ন খলু ভবদীয়ে চ্য়ুতিকথা ॥1॥
সদ্য়ঃ প্রসাদরুষিতান্ বিধিশংকরাদীন্
কেচিদ্বিভো নিজগুণানুগুণং ভজংতঃ ।
ভ্রষ্টা ভবংতি বত কষ্টমদীর্ঘদৃষ্ট্য়া
স্পষ্টং বৃকাসুর উদাহরণং কিলাস্মিন্ ॥2॥
শকুনিজঃ স তু নারদমেকদা
ত্বরিততোষমপৃচ্ছদধীশ্বরম্ ।
স চ দিদেশ গিরীশমুপাসিতুং
ন তু ভবংতমবংধুমসাধুষু ॥3॥
তপস্তপ্ত্বা ঘোরং স খলু কুপিতঃ সপ্তমদিনে
শিরঃ ছিত্বা সদ্য়ঃ পুরহরমুপস্থাপ্য় পুরতঃ ।
অতিক্ষুদ্রং রৌদ্রং শিরসি করদানেন নিধনং
জগন্নাথাদ্বব্রে ভবতি বিমুখানাং ক্ব শুভধীঃ ॥4॥
মোক্তারং বংধমুক্তো হরিণপতিরিব প্রাদ্রবত্সোঽথ রুদ্রং
দৈত্য়াত্ ভীত্য়া স্ম দেবো দিশি দিশি বলতে পৃষ্ঠতো দত্তদৃষ্টিঃ ।
তূষ্ণীকে সর্বলোকে তব পদমধিরোক্ষ্য়ংতমুদ্বীক্ষ্য় শর্বং
দূরাদেবাগ্রতস্ত্বং পটুবটুবপুষা তস্থিষে দানবায় ॥5॥
ভদ্রং তে শাকুনেয় ভ্রমসি কিমধুনা ত্বং পিশাচস্য় বাচা
সংদেহশ্চেন্মদুক্তৌ তব কিমু ন করোষ্য়ংগুলীমংগমৌলৌ ।
ইত্থং ত্বদ্বাক্যমূঢঃ শিরসি কৃতকরঃ সোঽপতচ্ছিন্নপাতং
ভ্রংশো হ্য়েবং পরোপাসিতুরপি চ গতিঃ শূলিনোঽপি ত্বমেব ॥6॥
ভৃগুং কিল সরস্বতীনিকটবাসিনস্তাপসা-
স্ত্রিমূর্তিষু সমাদিশন্নধিকসত্ত্বতাং বেদিতুম্ ।
অয়ং পুনরনাদরাদুদিতরুদ্ধরোষে বিধৌ
হরেঽপি চ জিহিংসিষৌ গিরিজয়া ধৃতে ত্বামগাত্ ॥7॥
সুপ্তং রমাংকভুবি পংকজলোচনং ত্বাং
বিপ্রে বিনিঘ্নতি পদেন মুদোত্থিতস্ত্বম্ ।
সর্বং ক্ষমস্ব মুনিবর্য় ভবেত্ সদা মে
ত্বত্পাদচিন্হমিহ ভূষণমিত্যবাদীঃ ॥8॥
নিশ্চিত্য় তে চ সুদৃঢং ত্বয়ি বদ্ধভাবাঃ
সারস্বতা মুনিবরা দধিরে বিমোক্ষম্ ।
ত্বামেবমচ্য়ুত পুনশ্চ্য়ুতিদোষহীনং
সত্ত্বোচ্চয়ৈকতনুমেব বয়ং ভজামঃ ॥9॥
জগত্সৃষ্ট্য়াদৌ ত্বাং নিগমনিবহৈর্বংদিভিরিব
স্তুতং বিষ্ণো সচ্চিত্পরমরসনির্দ্বৈতবপুষম্ ।
পরাত্মানং ভূমন্ পশুপবনিতাভাগ্যনিবহং
পরিতাপশ্রাংত্য়ৈ পবনপুরবাসিন্ পরিভজে ॥10॥
