মতিরিহ গুণসক্তা বংধকৃত্তেষ্বসক্তা
ত্বমৃতকৃদুপরুংধে ভক্তিয়োগস্তু সক্তিম্ ।
মহদনুগমলভ্য়া ভক্তিরেবাত্র সাধ্য়া
কপিলতনুরিতি ত্বং দেবহূত্য়ৈ ন্যগাদীঃ ॥1॥
প্রকৃতিমহদহংকারাশ্চ মাত্রাশ্চ ভূতা-
ন্যপি হৃদপি দশাক্ষী পূরুষঃ পংচবিংশঃ ।
ইতি বিদিতবিভাগো মুচ্যতেঽসৌ প্রকৃত্য়া
কপিলতনুরিতি ত্বং দেবহূত্য়ৈ ন্যগাদীঃ ॥2॥
প্রকৃতিগতগুণৌঘৈর্নাজ্যতে পূরুষোঽয়ং
যদি তু সজতি তস্য়াং তত্ গুণাস্তং ভজেরন্ ।
মদনুভজনতত্ত্বালোচনৈঃ সাঽপ্যপেয়াত্
কপিলতনুরিতি ত্বং দেবহূত্য়ৈ ন্যগাদীঃ ॥3॥
বিমলমতিরুপাত্তৈরাসনাদ্য়ৈর্মদংগং
গরুডসমধিরূঢং দিব্যভূষায়ুধাংকম্ ।
রুচিতুলিততমালং শীলয়েতানুবেলং
কপিলতনুরিতি ত্বং দেবহূত্য়ৈ ন্যগাদীঃ ॥4॥
মম গুণগণলীলাকর্ণনৈঃ কীর্তনাদ্য়ৈ-
র্ময়ি সুরসরিদোঘপ্রখ্যচিত্তানুবৃত্তিঃ ।
ভবতি পরমভক্তিঃ সা হি মৃত্য়োর্বিজেত্রী
কপিলতনুরিতি ত্বং দেবহূত্য়ৈ ন্যগাদীঃ ॥5॥
অহহ বহুলহিংসাসংচিতার্থৈঃ কুটুংবং
প্রতিদিনমনুপুষ্ণন্ স্ত্রীজিতো বাললালী ।
বিশতি হি গৃহসক্তো যাতনাং ময়্যভক্তঃ
কপিলতনুরিতিত্বং দেবহূত্য়ৈ ন্যগাদীঃ ॥6॥
যুবতিজঠরখিন্নো জাতবোধোঽপ্যকাংডে
প্রসবগলিতবোধঃ পীডয়োল্লংঘ্য় বাল্যম্ ।
পুনরপি বত মুহ্যত্য়েব তারুণ্যকালে
কপিলতনুরিতি ত্বং দেবহূত্য়ৈ ন্যগাদীঃ ॥7॥
পিতৃসুরগণয়াজী ধার্মিকো যো গৃহস্থঃ
স চ নিপততি কালে দক্ষিণাধ্বোপগামী ।
ময়ি নিহিতমকামং কর্ম তূদক্পথার্থং
কপিল্তনুরিতি ত্বং দেবহূত্য়ৈ ন্যগাদীঃ ॥8॥
ইতি সুবিদিতবেদ্য়াং দেব হে দেবহূতিং
কৃতনুতিমনুগৃহ্য় ত্বং গতো যোগিসংঘৈঃ ।
বিমলমতিরথাঽসৌ ভক্তিয়োগেন মুক্তা
ত্বমপি জনহিতার্থং বর্তসে প্রাগুদীচ্য়াম্ ॥9॥
পরম কিমু বহূক্ত্য়া ত্বত্পদাংভোজভক্তিং
সকলভযবিনেত্রীং সর্বকামোপনেত্রীম্ ।
বদসি খলু দৃঢং ত্বং তদ্বিধূয়াময়ান্ মে
গুরুপবনপুরেশ ত্বয়্য়ুপাধত্স্ব ভক্তিম্ ॥10॥
