স্তংভে ঘট্টযতো হিরণ্যকশিপোঃ কর্ণৌ সমাচূর্ণয়-
ন্নাঘূর্ণজ্জগদংডকুংডকুহরো ঘোরস্তবাভূদ্রবঃ ।
শ্রুত্বা যং কিল দৈত্যরাজহৃদয়ে পূর্বং কদাপ্যশ্রুতং
কংপঃ কশ্চন সংপপাত চলিতোঽপ্য়ংভোজভূর্বিষ্টরাত্ ॥1॥
দৈত্য়ে দিক্ষু বিসৃষ্টচক্ষুষি মহাসংরংভিণি স্তংভতঃ
সংভূতং ন মৃগাত্মকং ন মনুজাকারং বপুস্তে বিভো ।
কিং কিং ভীষণমেতদদ্ভুতমিতি ব্য়ুদ্ভ্রাংতচিত্তেঽসুরে
বিস্ফূর্জ্জদ্ধবলোগ্ররোমবিকসদ্বর্ষ্মা সমাজৃংভথাঃ ॥2॥
তপ্তস্বর্ণসবর্ণঘূর্ণদতিরূক্ষাক্ষং সটাকেসর-
প্রোত্কংপপ্রনিকুংবিতাংবরমহো জীয়াত্তবেদং বপুঃ ।
ব্য়াত্তব্য়াপ্তমহাদরীসখমুখং খড্গোগ্রবল্গন্মহা-
জিহ্বানির্গমদৃশ্যমানসুমহাদংষ্ট্রায়ুগোড্ডামরম্ ॥3॥
উত্সর্পদ্বলিভংগভীষণহনু হ্রস্বস্থবীযস্তর-
গ্রীবং পীবরদোশ্শতোদ্গতনখক্রূরাংশুদূরোল্বণম্ ।
ব্য়োমোল্লংঘি ঘনাঘনোপমঘনপ্রধ্বাননির্ধাবিত-
স্পর্ধালুপ্রকরং নমামি ভবতস্তন্নারসিংহং বপুঃ ॥4॥
নূনং বিষ্ণুরয়ং নিহন্ম্যমুমিতি ভ্রাম্যদ্গদাভীষণং
দৈত্য়েংদ্রং সমুপাদ্রবংতমধৃথা দোর্ভ্য়াং পৃথুভ্য়ামমুম্ ।
বীরো নির্গলিতোঽথ খড্গফলকৌ গৃহ্ণন্বিচিত্রশ্রমান্
ব্য়াবৃণ্বন্ পুনরাপপাত ভুবনগ্রাসোদ্যতং ত্বামহো ॥5॥
ভ্রাম্য়ংতং দিতিজাধমং পুনরপি প্রোদ্গৃহ্য় দোর্ভ্য়াং জবাত্
দ্বারেঽথোরুয়ুগে নিপাত্য় নখরান্ ব্য়ুত্খায় বক্ষোভুবি ।
নির্ভিংদন্নধিগর্ভনির্ভরগলদ্রক্তাংবু বদ্ধোত্সবং
পায়ং পাযমুদৈরয়ো বহু জগত্সংহারিসিংহারবান্ ॥6॥
ত্যক্ত্বা তং হতমাশু রক্তলহরীসিক্তোন্নমদ্বর্ষ্মণি
প্রত্য়ুত্পত্য় সমস্তদৈত্যপটলীং চাখাদ্যমানে ত্বয়ি ।
ভ্রাম্যদ্ভূমি বিকংপিতাংবুধিকুলং ব্য়ালোলশৈলোত্করং
প্রোত্সর্পত্খচরং চরাচরমহো দুঃস্থামবস্থাং দধৌ ॥7॥
তাবন্মাংসবপাকরালবপুষং ঘোরাংত্রমালাধরং
ত্বাং মধ্য়েসভমিদ্ধকোপমুষিতং দুর্বারগুর্বারবম্ ।
অভ্য়েতুং ন শশাক কোপি ভুবনে দূরে স্থিতা ভীরবঃ
সর্বে শর্ববিরিংচবাসবমুখাঃ প্রত্য়েকমস্তোষত ॥8॥
ভূয়োঽপ্যক্ষতরোষধাম্নি ভবতি ব্রহ্মাজ্ঞয়া বালকে
প্রহ্লাদে পদয়োর্নমত্যপভয়ে কারুণ্যভারাকুলঃ ।
শাংতস্ত্বং করমস্য় মূর্ধ্নি সমধাঃ স্তোত্রৈরথোদ্গাযত-
স্তস্য়াকামধিয়োঽপি তেনিথ বরং লোকায় চানুগ্রহম্ ॥9॥
এবং নাটিতরৌদ্রচেষ্টিত বিভো শ্রীতাপনীয়াভিধ-
শ্রুত্য়ংতস্উটগীতসর্বমহিমন্নত্য়ংতশুদ্ধাকৃতে ।
তত্তাদৃঙ্নিখিলোত্তরং পুনরহো কস্ত্বাং পরো লংঘয়েত্
প্রহ্লাদপ্রিয় হে মরুত্পুরপতে সর্বাময়াত্পাহি মাম্ ॥10॥
