প্রিযব্রতস্য় প্রিযপুত্রভূতা-
দাগ্নীধ্ররাজাদুদিতো হি নাভিঃ ।
ত্বাং দৃষ্টবানিষ্টদমিষ্টিমধ্য়ে
তবৈব তুষ্ট্য়ৈ কৃতযজ্ঞকর্মা ॥1॥
অভিষ্টুতস্তত্র মুনীশ্বরৈস্ত্বং
রাজ্ঞঃ স্বতুল্য়ং সুতমর্থ্যমানঃ ।
স্বয়ং জনিষ্য়েঽহমিতি ব্রুবাণ-
স্তিরোদধা বর্হিষি বিশ্বমূর্তে ॥2॥
নাভিপ্রিয়ায়ামথ মেরুদেব্য়াং
ত্বমংশতোঽভূঃ ৠষভাভিধানঃ ।
অলোকসামান্যগুণপ্রভাব-
প্রভাবিতাশেষজনপ্রমোদঃ ॥3॥
ত্বয়ি ত্রিলোকীভৃতি রাজ্যভারং
নিধায় নাভিঃ সহ মেরুদেব্য়া ।
তপোবনং প্রাপ্য় ভবন্নিষেবী
গতঃ কিলানংদপদং পদং তে ॥4॥
ইংদ্রস্ত্বদুত্কর্ষকৃতাদমর্ষা-
দ্ববর্ষ নাস্মিন্নজনাভবর্ষে ।
যদা তদা ত্বং নিজয়োগশক্ত্য়া
স্ববর্ষমেনদ্ব্যদধাঃ সুবর্ষম্ ॥5॥
জিতেংদ্রদত্তাং কমনীং জয়ংতী-
মথোদ্বহন্নাত্মরতাশয়োঽপি ।
অজীজনস্তত্র শতং তনূজা-
নেষাং ক্ষিতীশো ভরতোঽগ্রজন্মা ॥6॥
নবাভবন্ যোগিবরা নবান্য়ে
ত্বপালযন্ ভারতবর্ষখংডান্ ।
সৈকা ত্বশীতিস্তব শেষপুত্র-
স্তপোবলাত্ ভূসুরভূযমীয়ুঃ ॥7॥
উক্ত্বা সুতেভ্য়োঽথ মুনীংদ্রমধ্য়ে
বিরক্তিভক্ত্যন্বিতমুক্তিমার্গম্ ।
স্বয়ং গতঃ পারমহংস্যবৃত্তি-
মধা জডোন্মত্তপিশাচচর্য়াম্ ॥8॥
পরাত্মভূতোঽপি পরোপদেশং
কুর্বন্ ভবান্ সর্বনিরস্যমানঃ ।
বিকারহীনো বিচচার কৃত্স্নাং
মহীমহীনাত্মরসাভিলীনঃ ॥9॥
শয়ুব্রতং গোমৃগকাকচর্য়াং
চিরং চরন্নাপ্য় পরং স্বরূপম্ ।
দবাহৃতাংগঃ কুটকাচলে ত্বং
তাপান্ মমাপাকুরু বাতনাথ ॥10॥
