স্ফুরত্পরানংদরসাত্মকেন ত্বয়া সমাসাদিতভোগলীলাঃ ।
অসীমমানংদভরং প্রপন্না মহাংতমাপুর্মদমংবুজাক্ষ্য়ঃ ॥1॥
নিলীযতেঽসৌ ময়ি ময়্যমায়ং রমাপতির্বিশ্বমনোভিরামঃ ।
ইতি স্ম সর্বাঃ কলিতাভিমানা নিরীক্ষ্য় গোবিংদ্ তিরোহিতোঽভূঃ ॥2॥
রাধাভিধাং তাবদজাতগর্বামতিপ্রিয়াং গোপবধূং মুরারে ।
ভবানুপাদায় গতো বিদূরং তয়া সহ স্বৈরবিহারকারী ॥3॥
তিরোহিতেঽথ ত্বয়ি জাততাপাঃ সমং সমেতাঃ কমলাযতাক্ষ্য়ঃ ।
বনে বনে ত্বাং পরিমার্গয়ংত্য়ো বিষাদমাপুর্ভগবন্নপারম্ ॥4॥
হা চূত হা চংপক কর্ণিকার হা মল্লিকে মালতি বালবল্য়ঃ ।
কিং বীক্ষিতো নো হৃদয়ৈকচোরঃ ইত্য়াদি তাস্ত্বত্প্রবণা বিলেপুঃ ॥5॥
নিরীক্ষিতোঽয়ং সখি পংকজাক্ষঃ পুরো মমেত্য়াকুলমালপংতী ।
ত্বাং ভাবনাচক্ষুষি বীক্ষ্য় কাচিত্তাপং সখীনাং দ্বিগুণীচকার ॥6॥
ত্বদাত্মিকাস্তা যমুনাতটাংতে তবানুচক্রুঃ কিল চেষ্টিতানি ।
বিচিত্য় ভূয়োঽপি তথৈব মানাত্ত্বয়া বিমুক্তাং দদৃশুশ্চ রাধাম্ ॥7॥
ততঃ সমং তা বিপিনে সমংতাত্তমোবতারাবধি মার্গয়ংত্য়ঃ ।
পুনর্বিমিশ্রা যমুনাতটাংতে ভৃশং বিলেপুশ্চ জগুর্গুণাংস্তে ॥8॥
তথা ব্যথাসংকুলমানসানাং ব্রজাংগনানাং করুণৈকসিংধো ।
জগত্ত্রয়ীমোহনমোহনাত্মা ত্বং প্রাদুরাসীরয়ি মংদহাসী ॥9॥
সংদিগ্ধসংদর্শনমাত্মকাংতং ত্বাং বীক্ষ্য় তন্ব্য়ঃ সহসা তদানীম্ ।
কিং কিং ন চক্রুঃ প্রমদাতিভারাত্ স ত্বং গদাত্ পালয় মারুতেশ ॥10॥
