গূঢং বসুদেবগিরা কর্তুং তে নিষ্ক্রিযস্য় সংস্কারান্ ।
হৃদ্গতহোরাতত্ত্বো গর্গমুনিস্ত্বত্ গৃহং বিভো গতবান্ ॥1॥
নংদোঽথ নংদিতাত্মা বৃংদিষ্টং মানযন্নমুং যমিনাম্ ।
মংদস্মিতার্দ্রমূচে ত্বত্সংস্কারান্ বিধাতুমুত্সুকধীঃ ॥2॥
যদুবংশাচার্যত্বাত্ সুনিভৃতমিদমার্য় কার্যমিতি কথযন্ ।
গর্গো নির্গতপুলকশ্চক্রে তব সাগ্রজস্য় নামানি ॥3॥
কথমস্য় নাম কুর্বে সহস্রনাম্নো হ্যনংতনাম্নো বা ।
ইতি নূনং গর্গমুনিশ্চক্রে তব নাম নাম রহসি বিভো ॥4॥
কৃষিধাতুণকারাভ্য়াং সত্তানংদাত্মতাং কিলাভিলপত্ ।
জগদঘকর্ষিত্বং বা কথযদৃষিঃ কৃষ্ণনাম তে ব্যতনোত্ ॥5॥
অন্য়াংশ্চ নামভেদান্ ব্য়াকুর্বন্নগ্রজে চ রামাদীন্ ।
অতিমানুষানুভাবং ন্যগদত্ত্বামপ্রকাশযন্ পিত্রে ॥6॥
স্নিহ্যতি যস্তব পুত্রে মুহ্যতি স ন মায়িকৈঃ পুনঃ শোকৈঃ ।
দ্রুহ্যতি যঃ স তু নশ্য়েদিত্যবদত্তে মহত্ত্বমৃষিবর্য়ঃ ॥7॥
জেষ্যতি বহুতরদৈত্য়ান্ নেষ্যতি নিজবংধুলোকমমলপদম্ ।
শ্রোষ্যসি সুবিমলকীর্তীরস্য়েতি ভবদ্বিভূতিমৃষিরূচে ॥8॥
অমুনৈব সর্বদুর্গং তরিতাস্থ কৃতাস্থমত্র তিষ্ঠধ্বম্ ।
হরিরেবেত্যনভিলপন্নিত্য়াদি ত্বামবর্ণযত্ স মুনিঃ ॥9॥
গর্গেঽথ নির্গতেঽস্মিন্ নংদিতনংদাদিনংদ্যমানস্ত্বম্ ।
মদ্গদমুদ্গতকরুণো নির্গময় শ্রীমরুত্পুরাধীশ ॥10॥
