কল্যতাং মম কুরুষ্ব তাবতীং কল্যতে ভবদুপাসনং যয়া ।
স্পষ্টমষ্টবিধয়োগচর্যয়া পুষ্টয়াশু তব তুষ্টিমাপ্নুয়াম্ ॥1॥
ব্রহ্মচর্যদৃঢতাদিভির্যমৈরাপ্লবাদিনিযমৈশ্চ পাবিতাঃ ।
কুর্মহে দৃঢমমী সুখাসনং পংকজাদ্যমপি বা ভবত্পরাঃ ॥2॥
তারমংতরনুচিংত্য় সংততং প্রাণবায়ুমভিযম্য় নির্মলাঃ ।
ইংদ্রিয়াণি বিষয়াদথাপহৃত্য়াস্মহে ভবদুপাসনোন্মুখাঃ ॥3॥
অস্ফুটে বপুষি তে প্রযত্নতো ধারয়েম ধিষণাং মুহুর্মুহুঃ ।
তেন ভক্তিরসমংতরার্দ্রতামুদ্বহেম ভবদংঘ্রিচিংতকা ॥4॥
বিস্ফুটাবযবভেদসুংদরং ত্বদ্বপুঃ সুচিরশীলনাবশাত্ ।
অশ্রমং মনসি চিংতয়ামহে ধ্য়ানয়োগনিরতাস্ত্বদাশ্রয়াঃ ॥5॥
ধ্য়াযতাং সকলমূর্তিমীদৃশীমুন্মিষন্মধুরতাহৃতাত্মনাম্ ।
সাংদ্রমোদরসরূপমাংতরং ব্রহ্ম রূপময়ি তেঽবভাসতে ॥6॥
তত্সমাস্বদনরূপিণীং স্থিতিং ত্বত্সমাধিময়ি বিশ্বনাযক ।
আশ্রিতাঃ পুনরতঃ পরিচ্য়ুতাবারভেমহি চ ধারণাদিকম্ ॥7॥
ইত্থমভ্যসননির্ভরোল্লসত্ত্বত্পরাত্মসুখকল্পিতোত্সবাঃ ।
মুক্তভক্তকুলমৌলিতাং গতাঃ সংচরেম শুকনারদাদিবত্ ॥8॥
ত্বত্সমাধিবিজয়ে তু যঃ পুনর্মংক্ষু মোক্ষরসিকঃ ক্রমেণ বা ।
যোগবশ্যমনিলং ষডাশ্রয়ৈরুন্নযত্যজ সুষুম্নয়া শনৈঃ ॥9॥
লিংগদেহমপি সংত্যজন্নথো লীযতে ত্বয়ি পরে নিরাগ্রহঃ ।
ঊর্ধ্বলোককুতুকী তু মূর্ধতঃ সার্ধমেব করণৈর্নিরীযতে ॥10॥
অগ্নিবাসরবলর্ক্ষপক্ষগৈরুত্তরাযণজুষা চ দৈবতৈঃ ।
প্রাপিতো রবিপদং ভবত্পরো মোদবান্ ধ্রুবপদাংতমীযতে ॥11॥
আস্থিতোঽথ মহরালয়ে যদা শেষবক্ত্রদহনোষ্মণার্দ্যতে ।
ঈযতে ভবদুপাশ্রযস্তদা বেধসঃ পদমতঃ পুরৈব বা ॥12॥
তত্র বা তব পদেঽথবা বসন্ প্রাকৃতপ্রলয় এতি মুক্ততাম্ ।
স্বেচ্ছয়া খলু পুরা বিমুচ্যতে সংবিভিদ্য় জগদংডমোজসা ॥13॥
তস্য় চ ক্ষিতিপয়োমহোঽনিলদ্য়োমহত্প্রকৃতিসপ্তকাবৃতীঃ ।
তত্তদাত্মকতয়া বিশন্ সুখী যাতি তে পদমনাবৃতং বিভো ॥14॥
অর্চিরাদিগতিমীদৃশীং ব্রজন্ বিচ্য়ুতিং ন ভজতে জগত্পতে ।
সচ্চিদাত্মক ভবত্ গুণোদয়ানুচ্চরংতমনিলেশ পাহি মাম্ ॥15॥
