Annamayya Keerthanas Deva Ee Tagavu Teerchavayyaa - Shuddha Telugu

దేవ యీ తగవు దీర్చవయ్యా
వేవేలకు నిది విన్నపమయ్యా ॥

తనువున బొడమినతతి నిన్ద్రియములు
పొనిగి యెక్కడికి బోవునయా ।
పెనగి తల్లికడ బిడ్డలు భువిలో
యెనగొని యెక్కడి కేగుదురయ్యా ॥

పొడుగుచు మనమున బొడమిన యాసలు
అదన నెక్కడికి నరుగునయా ।
వొదుగుచు జలములనుణ్డు మత్స్యములు
పదపడి యేగతి బాసీనయ్యా ॥

లలి నొకటొకటికి లఙ్కెలు నివే
అలరుచు నేమని యన్దునయా ।
బలు శ్రీవేఙ్కటపతి నాయాత్మను
గలిగితి వెక్కడి కలుషములయ్యా ॥

Browse Related Categories: