Annamayya Keerthanas Raamudu Raaghavudu - Shuddha Telugu

రాగం: ధర్మవతి
ఆ: స రి2 గ2 మ2 ప ద2 ని3 స
అవ: స ని3 ద2 ప మ2 గ2 రి2 స
తాళం: ఆది

పల్లవి
రాముడు రాఘవుడు రవికులు డితడు ।
భూమిజకు పతియైన పురుష నిధానము ॥ (2.5)

చరణం 1
అరయ పుత్రకామేష్టి యన్దు పరమాన్నమున ।
పరగ జనిఞ్చిన పర బ్రహ్మము । (2)
సురల రక్షిమ్పగ అసురుల శిక్షిమ్పగ ।
తిరమై ఉదయిఞ్చిన దివ్య తేజము ॥ (1.5)

రాముడు రాఘవుడు రవికులు డితడు ।
భూమిజకు పతియైన పురుష నిధానము ॥ (1.5)

చరణం 2
చిన్తిఞ్చే యోగీన్ద్రుల చిత్త సరోజములలో ।
సన్తతము నిలిచిన సాకారము । (2)
విన్తలుగా మునులెల్ల వెదకిన యట్టి ।
కాన్తుల చెన్ను మీరిన కైవల్య పదము ॥ (1.5)

రాముడు రాఘవుడు రవికులు డితడు ।
భూమిజకు పతియైన పురుష నిధానము ॥ (1.5)

చరణం 3
వేద వేదాన్తములయన్దు విజ్ఞాన శాస్త్రములన్దు ।
పాదుకొన పలికేటి పరమార్ధము । (2)
ప్రోదితొ శ్రీ వేఙ్కటాద్రి పొఞ్చి విజయ నగరాన ।
ఆదికి అనాదియైన అర్చావతారము ॥ (1.5)

రాముడు రాఘవుడు రవికులు డితడు ।
భూమిజకు పతియైన పురుష నిధానము ॥ (1.5)

Browse Related Categories: