Annamayya Keerthanas Kamadhenuvide - Shuddha Telugu

కామధేను విదే కల్పవృక్ష మిదే
ప్రామాణ్యము గల ప్రపన్నులకు ॥

హరినామజపమే ఆభరణమ్బులు
పరమాత్మునినుతి పరిమళము ।
దరణిదరు పాదసేవే భోగము
పరమమ్బెరిగిన ప్రపన్నులకు ॥

దేవుని ధ్యానము దివ్యాన్నమ్బులు
శ్రీవిభు భక్తే జీవనము ।
ఆవిష్ణు కైఙ్కర్యమే సంసారము
పావనులగు యీ ప్రపన్నులకు ॥

యేపున శ్రీవేఙ్కటేశుడే సర్వము
దాపై యితని వన్దనమే విధి ।
కాపుగ శరణాగతులే చుట్టాలు
పై పయి గెలిచిన ప్రపన్నులకు ॥

Browse Related Categories: