Annamayya Keerthanas Manujudai Putti - Shuddha Telugu

రాగం: ఆభోగి (22 ఖరహరప్రియ జన్య)
ఆ: స రి2 గ2 మ1 ద2 స
అవ: స ద2 మ1 గ2 రి2 స
తాళం: ఆది

పల్లవి
మనుజుడై పుట్టి మనుజుని సేవిఞ్చి
అనుదినమును దుఃఖమన్దనేలా ॥ (2.5)

చరణం 1
జుట్టెడు కడుపుకై చొరని చోట్లు జొచ్చి
పట్టెడు కూటికై బతిమాలి । (3.5)
పుట్టిన చోటికే పొరలి మనసువెట్టి
వట్టి లమ్పటము వదలనేరడుగాన ॥ (2.5)
మనుజుడై పుట్టి మనుజుని సేవిఞ్చి (ప.)
అనుదినమును దుఃఖమన్దనేలా (ప.)

చరణం 2
అన్దరిలో పుట్టి అన్దరిలో చేరి
అన్దరి రూపములటు తానై ।
అన్దమైన శ్రీ వేఙ్కటాద్రీశు సేవిఞ్చి
అన్దరాని పద మన్దెనటుగాన ॥
మనుజుడై పుట్టి మనుజుని సేవిఞ్చి (ప.)
అనుదినమును దుఃఖమన్దనేలా (ప.)

Browse Related Categories: